牛奶冰室 (置富第一城商場)

營業中

休息中

噚日放假嘆個靚早餐，今次去左牛奶冰室，叫左個通粉餐，味道幾好，幾濃味，餐包唔會太乾；煎蛋加左D葱花，全熟啱啱好；杯凍鴦夠大杯，唔太濃，好抵飲座位算寬闊，服務員親切，幾好

星期日晚外賣了兩份晚餐，其中的西蘭花炒蝦球吃到一半發現有異物，細看原來是曱甴，真的非常噁心，在此忠告各位外吃時不要只顧看手機。置富第一城廣場分店的食物衞生值得關注外，職員態度亦有待改善。不幸吃到異物在快餐店「或者」是平常事，但致電反映要求退款時，服務員不但沒有致歉，且態度顯得懶散不重視，完全無視顧客感受。（花了時間金錢去等的外賣，最後想吃的食物吃不了，還要花錢花時間去等另一份外賣） 希望貴公司注意餐廳食物的衞生及管理好員工的素質。 謝謝 ！

今次嚟到呢邊牛奶公司食咗兩個午餐，都算不錯，份量十足，啱晒大胃王。🐷 蒜香蜜汁叉燒煎半焗流心雙蛋飯 $60叉燒同蛋不嬲都係最佳拍檔，今次呢個就唔使講實好味㗎啦。蜜汁叉燒甜而不膩送飯一流，加上流心蛋漿，簡直每一啖都回味無窮。今次仲有得免費升級做三蛋，直頭係加倍享受。🐔 咖喱巨人雞扒飯 $60首先第一樣嘢見到就係大大塊雞扒，即刻覺得值回票價。再者，佢個咖喱汁都唔錯，小熊貓唔食得太辣，所以覺得個咖喱有少少偏辣，但係都非常之惹味。唔單止有大雞扒，仲加埋薯菜，平衡返個營養之餘，仲一定令你飽住走添。總結：食物質素同價錢相符

之前啱啱開張見到好多人排隊，而家先有時間嚟試吓！今次叫咗蒜香蜜汁叉燒煎半焗流心雙蛋飯同梅菜皇蒸鮮鯇魚飯～叉燒飯啲叉燒份量都幾多，肉質都係幾腍同幾入味，啲邊有啲焦香，叉燒汁甜甜地幾好食！轉左流心蛋，蛋漿撈飯好正！梅菜蒸鯇魚，因為即刻蒸，所以要等得耐啲！魚份量唔算多，肉質都幾滑，但冇乜特別！覺得佢個叉燒飯好食過敏華，都有啲驚喜！檸檬茶有冷壓，打爛晒啲檸檬感覺幾特別～見到好多人叫蔥油豬扒飯嗰啲，賣相都幾吸引，下次要試吓！

炒個涼瓜牛肉飯，外賣拎走，但係等咗半個鐘都冇得拎，問佢又唔理你根本就係整好晒d 飯物，但係到擺喺架餐車，又唔去包裝外賣企喺門口等咗半個鐘，大熱天時流晒汗，播放等緊外賣既食客都等到唔耐煩，唔催佢整佢都唔會整下次唔會再幫襯

1個要等1個鐘嘅外賣11.05分 去到叫個外賣 都知多人啦費事堂食個阿姐 外賣最少20分鐘吓！ Ok沒問題 11:40過到去 唔知有得拎未 當然問吓佢啦 比張單佢 佢就串串貢 話沒有沒有嗰啲唔係係手機落單嘅 而家打埋編文 足足等咗50分鐘 我真係想知堂食的話係唔係要50分鐘先出餐？補充：我仲等緊

琴晚入去食晚飯 當其時大約係晚上八點幾未到九點， 入去一坐低有個年紀大女侍應不停催促下單，催完一次又一次，餐牌裡所謂嘅晚飯套餐呢樣冇嗰樣又冇，个女侍應又話我哋用code落單慢話仲有十零分鐘就唔畀落單喇， 當晖真係未食就感覺超大壓力， 到最后門口有個收銀男仔要我哋埋單， 我哋叫佢拎部機過嚟嘟因為碟飯仲食緊唔方便行開，加上畀錢嗰個朋友坐得好埋唔方便行出嚟， 佢又話部機攞唔到要我朋友行出去，我話咁我哋食完飯先。隔咗一陣佢又行過嚟又再吹我哋埋單一定要我朋友行出去，成餐飯都食得吾舒服毫无服務態度衰到貼地！

早餐食牛奶冰室要睇彩數，9點前通常即時入座，一到9點就好多人，都幾鐘意佢個炒蛋，經手機apps 點了以下食物：黑松露滑蛋三文治：落單時會問要2塊/3塊多士，最終揀左3塊多士。上枱時好濃黑松露味，一大舊有3層全烘底 + 熱辣辣炒蛋，夾住一齊食一啖啖咬落去，口感都好正，仲飽過食麵，其他口味多士冇咩興趣，只鐘情黑松露蛋。 餐飲：凍杏霜(走甜、小冰) 飲起來暖最地幾好，同埋走甜都幾好飲。服務員上餐速度快，有禮貌，但都好快跟返足，讚讚讚!!!

今天一個人去吃晚飯 找到角落坐下 上菜沒多久 旁邊一桌離開了侍應便開始收拾桌子和殘食 結果把餐具打翻 濺到我身上 就扔給我一個抹布幾張餐巾紙 然後沒有任何道歉 沒有表達任何歉意 彷彿什麼都沒有發生一樣繼續做其他的事情 真的是非常生氣！ 看她年紀較長 出來做工也不容易 但是基本的素質還是要有的嘛 我又不會難為你 缺連道歉都不會 可能是看一開始我發現東西濺到我身上時我很平靜 沒有破口大罵 就覺得我比較好說話吧 不僅態度有問題 而且還想欺負老實人哎 這樣的服務一星都不值 以下褲子的照片是我擦了褲子後轉去另一間餐廳隨手拍的兩張

話說星期日下晝3:00鐘經過想睇吓佢哋夜晚有咩食！喺門口見到佢哋擺喺枱面嘅全部都係下午茶或者係常餐，其實都係只係想問吓佢有冇晚餐Menu，我夜晚想過嚟食飯，睇吓有咩食，點知嗰個企喺門口阿姐，好惡咁話我哋而家做緊下午茶冇晚餐餐牌。

本人於19：24下單，預計20：09可以取餐，及至準時扺達等待，看見app顯示可以取餐時，向店面職員查詢並出示openrice app可取餐的顯示，職員並沒有入內查清楚便回覆app的資料經常是錯誤不可信，我再表示已過了45分鐘又不是很多客人，應該不用特別等，但職員只叫等吓。於是再等至20：20，看見再有一外賣出來，查看是另一個外賣訂單，而且是20：10下單，於是再追問店員，為何遲我下單已可以攞而我等了差不多一小時仍未有？我是否可以入入查一查情況？店員才入內，看見她在牆上取下一張相信我的外賣單，跟著便見有其他職員袋好我的外賣盒取出來，拿到時我已發覺外賣盒和熱飲杯只是暖而不是熱，回家取出食物時飯只是暖，盒焗肉排是也是暖的，盒內充滿倒汗水，焗肉排已吸收了倒汗水，肉是濕和霉，而熱杏霜也已經涼了，相信食物已完成多時，只是沒有人包裝好，以至食物質素變差。漏單已不好，漏單又不跟客人抱歉更是沒禮貌，一次很差的新年外賣體驗。

服務奇差的一間食店，外賣要等差不多一個小時，兼再三催促才免為期難入去追單。我準時在預約時間到達店舖取餐，App也顯示“可取餐”，但就是未見外賣，於是詢問門口店員，為何顯示可取餐而未見，店員回覆App的時間是假的，我就表示我在19：25點餐，現在也已經20：10，已過預定45分鐘，可惜她沒有理會，直至10分鐘後有一個餐取出來，我看到落單時間是20：10，我再追問店員為何遲我許多落單也可以攞，為何我仍未有？是否漏單了？我是否可以直接進入店舖內查詢？她才幫我入去查單，後回答在包裝，直至取餐已是20：20，回家打開，發覺飯和餸只是暖，焗肉排那盒是充滿倒汗水，和很濕，由此發現，食物是很早就做好，只是一直沒有包裝，以至盒內全是倒汗；另一就是不進行進一步施壓，店員會不理會客人合理查詢，新年很不愉快體驗。

平日朝早8點幾去，幸好都有位，經手機apps 點了以下食物：1. 香脆雞扒麵：炸完放湯肉質仍保持滑嫩脆口，每次肉質幾厚，上碟是已切塊，方便進食。配炒蛋多士：炒蛋滑嫩必食，多士即製香脆+牛油絕配，亦可選免烘。2. 餐飲：保持水準唔會沖得太淡，奶茶絕對可以一試。服務員人數唔多，但上餐速度非常快，以早餐黎講品質幾好，40幾蚊唔算貴，食過好多次都係咁好，味道至少唔會變差，平日朝早8點入座多數有位，落單後大約10分鐘全部上齊，而且有禮貌，讚讚讚!!!

✍🏼 黑糖漿雪糕西多士 $43呢個西多士賣相一流，雪糕係雲呢拿味，黑糖漿下嘅西多士裡面有花生漿餡，西多士炸得微脆～一啖熱辣辣嘅西多士加上一啖解膩嘅雪糕，勁快就食完一碟😅✍🏼 黑糖牛乳涼粉冰 跟餐+$9個名咁吸引，見加$9就試埋佢，黑糖味好重😋加埋涼粉好似可以解返頭先食西多士啲熱氣😂😂肥兩磅都抵🤭✍🏼 意大利鮮茄肉醬煎蛋燴意粉 $40呢個意粉自己覺得偏酸，正常發揮✍🏼 乾炒豬扒即食麵 $44呢個麵好夠鑊氣，豬扒好腍，有洋蔥、椰菜同菇襯托，口感幾豐富不過呢間冰室坐位偏窄同埋坐得耐服務員會問下你啲野食到齊未😂都理解嘅，佢收得唔貴，都想做多幾轉生意💪🏻我地都識做，食完即走😀

夜晚8點幾可能已經夜，見冇人等位就即刻「拿拿聲」入去食，經手機apps 點了以下食物：1. 巨人雞扒勁香蔥油飯：加配粒粒厚切午餐肉，勁多香蔥豉油撈飯，鐘意食蔥嘅必定喜歡，一啖飯一啖午餐肉真爽透，炸雞扒肉質滑嫩非常香口，如果可以多飯就更好。熱飲：熱牛奶 (正常冇特別)2. 蜜汁叉燒勁香蔥油飯：叉燒超好食又大塊，好食過燒味舖叉燒，跟上面一樣都係勁多香蔥豉油撈飯。熱飲：香滑紫薯泡奶，好香紫薯味，略為甜了小小，整體是OK。服務員上餐速度非常快，態度有善親切，讚讚讚!!!