牛扒先生 (青衣城1)

營業中

休息中

青衣城唔係成日會黎既地方, 因為朋友booking 所以先黎食Mr. Steak地方都算闊, 唔會坐得好擠迫, 睇完MENU 最後見到有主廚精選就揀左試下呢個烤肉盤.不過食落去覺得比較一般既味道牛扒- 算正常既口感不過口味又唔叫好出咁... 普通味道...羊鞍肉- 正常味道, 不過不失, 唔係話好特別口感...個人覺得唔算有so味。燒雞- 雖然燒雞真係會比較老, 不過有d難撕開d肉... 生蠔可以加98蚊4隻, 味道唔夠鮮甜.呢個價錢唔算值。另外有半自助餐可以拎食物, 甜品同飲品.總結黎講，呢個價錢唔算值, 加上仲有限時90分鐘, 時間唔算足夠可以享受晚餐。

牛扒先生 (青衣城1) (青衣) 📍青衣青敬路31-33號青衣城1地下G03A號舖有一段時間已經冇黎青衣城，見到Mr.Steak 以為執咗，點知原來係縮細咗鋪面。同朋友聚會又想坐得舒服，貪其有半自助吧，又可以無負擔感狂食沙律，大嘆牛扒🥩仲包埋甜品，一於大快朵頤。冰水、冰茶、柑橘綠茶自行無限飲。香甜細滑甘筍湯，多款海鮮沙律、水果沙律、南瓜蓉等等，調味都不錯。甜品方面更加有懷舊啫喱糖、布朗尼、豆腐花都有、木糠布甸、綠茶蛋捲。老實講想食精緻沙律都幾抵食。平時閑閑地出去買沙律菜都$50-60 一碗，仲有鬆餅。脆炸軟殼蟹黑松露飯：飯🍚粒粒分明，帶有淡淡黑松露香，軟殼蟹炸得好香脆，仲要係松殼蟹，特別好食多膏。蜜糖芥末烤英國開心豬柳：肉質非常之嚡口，好硬，冇咩豬味，完全Overcooked，麻麻地。黑安格斯平鐵牛扒🥩：的確安格斯牛扒用料上乘，中間紅色呈現膠原蛋白，香嫩細滑、只係用黑椒淡淡調味，不錯，要成$300一碟。總結：款半自助吧款式唔太多 主菜質量一般只係有個地方同朋友聚會傾偈是不錯的選擇#青衣#牛扒先生#半自助餐#沙律吧#脆炸軟殼蟹黑松露飯#蜜糖芥末烤英國開心豬柳#黑安格斯牛扒#飲品任添

都有一段時間冇嚟以往係一大間舖頭仲以為執咗笠，點知原來縮細咗幸好中午時間12:15都唔需要等位，但係餐廳裏面已經坐滿七成人服務員帶到去一個偏遠嘅位置都OK嘅坐低好快就已經可以去攞半自助嘅甜品沙律飲品任食環境衛生程度係極好見枱面嘅食物差不多清了又送上新嘅我就叫咗一個澳洲肉眼扒$168再叫多一個俾媽媽係澳洲豬安$128連加一$3xx我覺得好超值嘅，因為有沙律包甜品飲品任食其實性價比高值回票價同以往一樣冇變過，只不過以前係大間而家變咗得半間餐廳😙都冇問題，因為環境都係一樣咁舒服。我見到有個餐廳叫甘筍湯OK嘅最開心就係有羽衣甘藍做沙律菜👅👍🏻（基本上出去食嘢好少遇上羽衣甘藍）食物質素環境全部都性價比高，種類都尚算OK！值得再去！

青衣城 Mr Steak 半自助餐🤤🤤Book定位最爽❤️唔洗等直入環境好舒適🤞🏻🤞🏻親子友善👍🏻安排左BB櫈同角落頭梳化位俾我哋🫣👍🏻仲要有鏡😳岩晒最鍾意照鏡既BB😆Semi Lunch Buffet好抵食❤️最平百零蚊已經食到🔥車打芝士安格斯牛肉漢堡配薯條🤤算幾大個幾高身😍好好味咼🤤啖啖肉而且牛味唔會好over❤️野菌肉醬尖通粉❤️配料菇菇唔算多，茄肉醬幾好味🤭尖通粉硬度岩岩好（比較硬身唔會軟淋）自助沙律吧既野食都幾多薯仔沙律好好味😋推薦🔥有款通粉沙律既野就麻麻地太硬🫣忌廉薯仔湯好正🤤必飲飲品吧都有唔少選擇冰紅茶柚子檸檬茶奶茶咖啡熱朱古力❤️Mr Steak甜品一向都好正雖然semi buffet比buffet少款d但都好正有媽媽最鍾意食嘅啫喱😆🤤抹茶卷好食👍🏻👍🏻👍🏻木糠布甸超好食🔥🔥🔥必食仲有豆腐花😳估唔到希豬都有口福-西瓜同火龍果😆😆岩晒佢心意真心覺得好抵食🙂🙂推薦👍🏻👍🏻👍🏻牛扒先生 (青衣城1) (青衣)青衣青敬路31-33號青衣城1地下G03A號舖

青衣城這間Mr.steak已經開咗差唔多廿年啦，但水準依然 keep得幾好。💯星期六的中午一家三口來食半自助餐，突然發現餐廳面積少咗一半，有點可惜。😮我們分別揀咗西冷牛扒🥩，安格斯漢堡🍔，烟肉意粉🍝三份主菜，另外沙律🥗，甜品🍰🧁🥧🍮，生果🍉🍅🍈，豆腐花🍮，西湯🍵，飲品☕️🍹🍸🥃是任食的。三份主菜都很出色🤩，任食區食物也非常好！👍食物補充都很及時。非常滿意的一餐😋

同屋企人嘆返個晚餐加慶祝生日！餐廳環境衛生都可以舒服依度有得揀半自助餐，同Set dinner 價錢只係相差20蚊，咁我地揀半自助餐啦！可以出去夾沙律，前菜小食，蛋糕同甜品。好欣賞佢沙律小吃款式都唔少主食叫左龍蝦餐同意粉龍蝦餐跟餐有生蠔，鑽石蜆，翡翠青口同凍蝦，生蠔就細隻左少少，凍蝦夠彈牙。意粉就正常發揮，都好食！

星期日晚叫左4個外賣套餐自取，返到屋企打開一睇：- 卡真蝦凱撒沙律：隻蝦去左邊？- 煎豬柳扒配磨菇汁 意大利麵 - 香煎魚柳配香蒜蕃茄汁 意大利麵塊豬柳扒同魚柳還可以，未至好柴，但啲醬汁少，一pat傑撻撻白色磨菇汁同塊魚都遮哂既蕃茄汁，想撈下啲意粉都唔夠。- 雞肉野菌忌廉意大利飯：完全無味，好似就咁煮熟啲白飯撈啲雞肉粒同磨菇由落單到取餐時間只需11分，出餐速度拍得住快餐店😏去拎外賣嗰陣個樓面阿姐仲無禮貌咁叫我自己去放外賣個位對單拎。服務同食物質素仲差過啲連鎖餐廳。

我在青衣約了客人一起用午餐，想找一家環境舒適、能夠長時間坐著的餐廳，可供選擇的餐廳不多。最終我們選擇了牛扒先生 (Mr. Steak)，這家餐廳除了提供主菜外，還有多樣化的沙拉和甜品供應的半自助餐。紅酒栗子野菌燴鴨胸 長法包:我點了紅酒栗子野菌燴鴨胸配長法包。這道菜以鴨胸肉為主，搭配濃郁的紅酒汁、少量的栗子和一些野菌。不過，鴨肉燴得有點過火，口感稍嫌乾燥。栗子的微甜與野菌和紅酒汁的味道相互融合，但份量偏小。另外，長法包也烘烤得有點過頭，即使配上紅酒汁，口感也有些硬。半自助餐的多樣化選擇:牛扒先生最大的賣點是提供多樣化的半自助餐選項。你可以品嚐各種不同的沙拉，有新鮮的蔬菜和豐富的配料可供選擇。此外，他們還供應提子鬆餅、湯和少量的生果和甜品。這種多樣化的選擇絕對比主菜更吸引人。其中一款甜品，芝士蛋糕的味道不錯，每款都是小小的一件，非常適合想嚐試多種口味的人。小總結❤️❤️❤️📌多樣化半自助餐選擇。📌甜品味道不錯，可品嚐多種口味

5月既星期日晚點左4個外賣套餐自取，返到屋企打開一睇：- 卡真蝦凱撒沙律：隻蝦去左邊？ - 煎豬柳扒配磨菇汁意大利麵 - 香煎魚柳配香蒜蕃茄汁意大利麵塊豬柳扒同魚柳還可以冇‘’鞋‘’，但啲醬汁少得可憐，想撈下啲意粉都唔夠 - 雞肉野菌忌廉意大利飯：完全無味，好似就咁煮熟啲白飯撈啲雞肉粒同磨菇 去拎外賣嗰陣個樓面阿姐仲無禮貌咁叫我自己去放外賣個位對單拎。服務同食物質素仲差過啲連鎖餐廳

見到有成堆海鮮喺度任拎。龍蝦好大隻，生蠔都好肥美。我哋拎咗幾隻龍蝦返枱，然後就開始整刺身同壽司。我哋將龍蝦開咗殼，拎晒啲肉出嚟切刺身。龍蝦肉好鮮甜，啖啖肉，真係好正！我哋仲拎咗啲蝦頭嚟整蝦頭湯，湯底好鮮甜，真係好飲！

返工返得咁辛苦，晚餐獎勵吓自己食啲好😋 位於青衣城入邊嘅 Mr.steak，我最鍾意點佢既龍蝦生蠔半自助晚餐 👍🏻 鮮生蠔海鮮拼盤 🦞 Starter係一個海鮮盤，會用冰做個底，入邊包括鮮生蠔2只+紐西蘭鑽石蜆+海蝦 +翡翠青口 🦪 自助沙律Bar都好豐富，有南瓜沙律、豆腐、南瓜湯（次次嚟都會叫！）、仲有甜品、啫喱、西瓜🍉食完海鮮拼盤同埋自助沙律包之後，侍應會幫你上主菜，我揀咗法式芝士焗龍蝦+SRF 牧場牛扒五成熟🥩，個扒雖然叫咗五成熟，嚟到嘅時候都可能已經係七成熟，以$338呢個價錢食到咁多嘢，已經係冇挑剔！最後會有一杯餐飲，由於自助沙律bar嘅南瓜湯太好飲，飲咗兩碗，最後杯餐飲 都唔係好飲得落。😝

～～～～～～～～～～～～～～～～～～～～～～～～～✨Dinner Menu 有2個可選擇，（1）Set Dinner or （2）Semi Buffet Dinner而我就選擇左Set Dinner可以三選一， 我就選擇左煙三文魚凱撒沙律🥗餐湯＋精選甜品＋特選飲品Main就可以自選一款：Chef’s Mixed Grill Platter 主廚精選烤肉盤（安格斯牛扒🥩羊鞍扒、燒雞、香草腸）牛扒🥩切開肉質有淡淡的粉紅色，質感嫩滑可口羊鞍扒🥩切開一半有淡淡的粉嫩肉質又可以咬一啖滑滑地進入口腔裡燒雞的味道有少少香草，令到雞肉的肉質鮮嫩多汁，再配上醬汁更加香滑可口香草腸：切開有淡淡的香草味黏貼在香腸上，當進食時每啖都有淡淡的香草在口腔中徘徊～～～～～～～～～～～～～～～～～～～～～～～～～✨Lobster・Oyster - Semi Buffet Dinner Set 龍蝦生蠔・半自助晚餐A Glass of House Wine or Fruit Juice 白酒或紅酒或果汁一杯（自選）Starter：鮮生蠔2隻🦪紐西蘭鑽石蜆、海蝦、翡翠青口當我咬住美味的海產，感覺到它的肉質鮮美的滋味又肥美

負責沙律吧的女員工態度極差，我昨晚去食晚飯，拎沙律時只不過不為意用返同一只勺𢳂兩碟不同的沙律，佢即刻好大反應，即刻攞走隻勺去清洗，極之悔氣，又單單打打話污糟遢遢．．．我終於知點解港人要北上消費！

今日難得二人世界就近近哋去青衣城食個西餐🍾🍽️最喜愛半自助餐沙律甜品都好豐富最喜愛南瓜湯加scone 🫕食咗兩款沙律，飽咗一大半主菜揀咗一個barbecue rib 同steak 🥩🍗夠哂juicy 配埋薯菜，豐富到不得了好彩仲有個甜品胃食咗碗滑捋捋豆腐花😻仲有七彩顏色啫喱糖揀多兩件cake非常滿足🥹

大年初一晚上到了這商場逛街及晚飯，選了這家西餐廳。 它燈光昏暗，透過落地大玻璃窗外望荃灣市景。 我們點了三客晚餐，配前菜、餐飲及甜品。未有選擇半自助餐，是怕肚子太飽受不了。 前菜: 雜菜湯用料極豐富，充滿菜粒。拿坡里香草肉丸 有四大球肉丸，底下全是薯蓉。肉丸多汁美味，蕃茄汁伴薯蓉吃，味道很匹配。吃過這前菜後肚子都飽了一部分。 煙三文魚凱撒沙律 一大片煙三文魚，泛起光澤，細嫰滑溜，味道濃郁，生菜新鮮爽口。 主菜: 主廚精選烤肉盤 ($305) 看見這碟肉類拼盤已令人興奮和期待。牛扒煎得大約7成熟，肉汁仍慢慢滲出來，牛肉味亦香濃。羊架沒帶羶味，肉質亦軟腍。春雞輕輕一切已可分開，嫰滑有鹹香。香草腸亦多汁彈牙。 蜜糖芥末烤英國開心豬柳 ($248) 名字十分有趣，已令人心花怒放。豬柳質感鬆軟，配了蜜糖芥末醬，甜美動人。和烤肉盤一樣，有蔬菜和薯蓉伴碟，增添飽肚感。 雞肉野菌忌廉意大利麵 ($178) 忌廉汁濃郁但不至於太飽滯，雞肉惹味，而意大利麵爽口，蕃茄粒和野菌粒令整道菜更有嚼勁。 甜品是兩件迷你蛋糕，味道不算太甜，餐飲是熱蜜桃茶，味道微甜，熱茶消滯。 這是一頓非常豐富