牛摩 (屯門時代廣場南翼)

營業中

休息中

同同事吹開水，知道牛摩而家做緊promo，A5和牛放題買一送一！咁筍，梗係立即通知老公，放工一齊去食啦！原來呢個A5和牛放題係會員優惠，入會費只需$100，仲會回贈返$100電子現金卷添！不過就未能同今次（$518）買一送一優惠一齊使用，可以留返下次⋯咁著數，我哋立即入會，揀埋個A5和牛放題，每人加$30包埋飲品同甜品⋯湯底係一人一鍋, 唔使打交, 各自揀自己鍾意嘅湯底；我哋揀咗人氣豬骨湯同養生蟲草花雞湯，2款湯底都相當夠味！基本上所有肉類、海鮮等都係手機落單，而飲品、前菜、蔬菜、丸類、甜品⋯都係喺出面自助區任君選擇，選擇非常豐富。我哋係為牛而嚟，當然習中火力喺「牛」度啦！今次主力食2款牛肉 – A5和牛同極尚牛小排，以任食嚟講2款都算高質，嗌多幾round都keep住個質素，抵讚！除咗牛肉之外，腐皮蝦寶真係有驚喜，估唔到咁好食⋯除此之外，響鈴都係誠意之作，用上自家炸響鈴，脆卜卜之餘仲特別好食！蝦、帆立貝、廣島蠔、墨魚圈⋯都唔錯⋯食到飽飽，出面仲有甜品可以繼續搏殺！甜品有雪糕、泡芙⋯最surprise係仲有大大部嘅爆谷機任你𢳂，而且焦糖勁多，十分滿足！呢個優惠做到月中，下星期有時間再嚟

Happy Friday Night ，決定同好友邊一邊爐❤️。我朋友唔食牛，我就最鍾意食牛🤘🏻😂，呢間餐廳一人一鍋又幾方便，自己鍾意食乜就食乜，的確不錯。🥣湯底：博多美人骨膠原啫喱雞白湯是別注版的湯底，以牛摩造型登場🤩，一見到就覺得超級可愛😍。味道不錯，打住邊爐嚟養顏，正👍🏻。🥩晚市90分鐘放題套餐：LV2 精選牛肩胛套餐有不少肉類及海鮮可供選擇，包括<肉類>套餐有六種肉類可選，包括🔸精選牛肩胛🔸星級牛肌腹🔸牛舌🔸豚肉🔸雞肉🔸羊卷肉牛肩胛肥瘦均勻，顏色鮮紅，表現不俗。牛舌爽口彈牙，口感不錯。最有驚喜的，反而是羊卷肉，粉紅鮮嫩，羊肉味濃而不騷，全晚我們不停狂叫，十分美味。豚肉及雞肉貨真價實，新鮮嫩滑，大件份量多，正。<海鮮及其他>🔸半殼青口 🔸帆立貝🔸魷魚圈🔸鴨血我同朋友全晚encore咗幾次帆立貝及鴨血，鮮味十足，質素不錯🤩。值得讚賞的是上菜的速度非常快，可以一浪接一浪咁食😂。<小食>🔸枝豆🔸味噌青瓜🔸迷你甜薯🔸 洋蔥圈🔸炸日式餃子🔸炸雞塊（芥未沙律醬）日式小食選擇十分多，最開心的是有枝豆，我地兩個都係枝豆怪，食到成枱都係😍<自助

好耐無食過牛摩，之前朋友話裝修完多左野食又好食左，所以呢日同埋屋企人黎試下😝。平日放工時間都唔使等位，揀左Lv.5 M7和牛90min放題，$318/1(另加一)🔅肉類M7和牛🐮同極尚牛小排都唔錯，夠大片，唔會超薄切～牛舌都ok，最平既星級牛肌腹就油脂比較多。豚肉🐷就一般🔅海鮮蠔🦪都ok，扇貝唔算大隻麻麻，墨魚滑都一般🔅小食 & 炸物小食同炸物幾出色😂，甜薯、腐皮蝦寶🦐同紫金瓜丸都好好食🤭，雞軟骨唔加鹽會好啲🔅自助區有少少壽司🍣、甜品同蔬菜拎，特別少少既有埋爆谷🍿(都夠脆🤣)。蔬菜都refill得快，選擇都多，有波波腸(?)、麻吉燒同蜂巢豆腐都唔錯。雪糕就得部雪糕機，好似係乳酪同朱古力味，偏冰既口感，我就麻麻地🙈💬整體又唔覺得特別出色😂。屯市黎講火鍋會揀返山見，overall選擇多啲。牛摩裝修完都係頹頹地既feel😂，不過門口staff遮遮幾好人👍🏻

最近行過屯門市廣場附近，忽然想打邊爐，見到呢一間好似幾抵食，就一於試吓佢而家應該做緊優惠，半價仲要放題任食，十分抵食👍🏻係一人一鍋，今次揀咗壽喜燒湯底同埋沙嗲湯底，兩個都十分惹味有30幾款嘢食係任食，另外出面仲有好多自助小食、壽司、丸類、菜等等自己攞，款式都算好多最特別嘅就係呢一部爆谷機，焦糖味嘅爆谷好香，忍唔住已經食咗😋有海鮮同埋手工餃都十分推薦到主角啦，就係呢個A5和牛，好大塊，牛味好香，超好食，可惜我嘅食量唔係好大，食唔到好多😂仲有原隻帶子同埋生蠔任食😋好好食嘅焦糖爆谷整體嚟講而家做緊優惠，呢個價錢有咁多款嘢食，係好抵，質素都好優質，好推薦大家來食👍🏻

收工返到屋企唔想洗菜又想打邊爐就緊係捉埋另一半落樓下牛摩到食放題平日晚市雖然都多人但尚算唔洗排隊快快手揀兩個鍋底就入去化悲憤為食量今日揀咗Lv4 極尚牛小排，對比lv1/2果兩款牛，呢款牛肉味濃好多同埋冇咁多油，反正向下兼容，想食肥牛都可以叫牛肩胛鍋底揀咗壽喜燒同埋蟲草花雞白湯，一咸一甜剛剛好鍾意嚟牛摩都係因為佢啲牛質素好，唔會因為放題就俾啲醉濕濕嘅你，同埋即使係加單，啲牛肉都同第一盤一樣咁靚除咗手機點單order 肉類海鮮同小食，出邊都有大量蔬菜自取，全部都好新鮮又乾淨，連白菜仔都一樣洗得超乾淨冇沙，菜都食多兩條、仲有響鈴會有盞燈heat 住，refill 得好快，脆卜卜唔會淋哂除咗牛小排，我覺得最餃子係意料之外幾好食，同埋腐皮蝦寶同一口日式芝士，芝士入口熱辣辣、奶味香濃超正甜品有雪糕糯米糍泡芺之類，最surprise 係有部大嘅爆谷機，啲爆谷勁多焦糖仲好食過戲院買果啲飲品有三個大雪櫃，檸檬茶無糖茶汽水應有盡有，最正係有生可樂，唔洗去日本都有得飲啦食飽飽又係做肥豬嘅一餐

難得約咗朋友食飯，我哋揀咗喺屯門度打邊爐，90分鐘可以慢慢食慢慢傾☺️依間打邊爐有好多個價錢既牛肉你選擇，豐儉由人，我地選擇左一個中位價錢LV2 精選牛肩胛，都幾唔錯😋同埋好鐘意佢地係一人一鍋，可以自己選擇鍾意既湯底。我就選擇左蕃茄湯，朋友就選擇左昆布湯😙湯底都好濃味，啲材料放左入去都吸哂味。打邊爐都好重要既係材料，當中有丸、菜、雞肉、菇，麵、餃子、諗到既都有，佢仲可以係自助用QRCODE 加牛同加熟食，另外仲可以有沙律、甜品、雪糕同唔既飲品，無論自己斟嘅同罐裝飲品都有！最驚喜係佢有好大嘅爆谷機，可以邊打邊爐，邊食爆谷，我就加左係雪糕道，真係超正！下次要再去！

晚市90分鐘放題有幾個set, 今次食嘅係lv3 阿古豚梅肉，湯底揀咗昆布鰹魚清湯同埋壽喜燒湯，有自助加湯區🍲依個set最靚嗰款肉係阿古豚梅肉，有肉味而且肥瘦適中，叫咗兩round兩round嘅肉都幾好，亦有牛肌腹、牛肩胛、雞肉、羊肉🥓lv3嘅火鍋配料多咗墨魚滑同埋芝士牛肉貢丸，牛丸本身都好有肉汁，加埋流心嘅芝士餡就更好食，至於其他丸同埋菜可以喺自助區攞🥢小食嘅話比較特別嘅係雞皮餃子，一咬落去啲汁會爆出嚟，唔係好多火鍋放題有得食，其他小食例如地瓜丸、炸雞塊、一口芝士都係正常發揮👌🏼

想食打邊爐、又平、性價比又高的話，我會黎屯門食牛摩😍人均百幾蚊埋單，今日食LV2精選牛肩脊套餐 $148位 ，呢個套餐真心好抵食！湯底揀左咗美人骨膠原白雞湯同麻辣鴨血鍋，一人一鍋好滋味👍🏻我地都鍾意食牛，牛摩啲牛肩脊啲牛肉味香濃，呢個價錢黎講口感都好ok 👍🏻重牛味亦好香！除左豬牛雞仲有海鮮可以揀，有帶子、青口、魷魚圈、仲有好多小食：蟹柳沙律、加洲卷、🍣三文魚壽司，好味道👅呢到上餐超快，吾需要等好耐，食完一碟又一碟。同埋呢度既乳酪雪糕🍦真係超推薦，一款係北海道低脂乳酪🍦超香奶味，乳酪好開胃。新鮮爆谷，香脆蜜甜😂仲有好多其他款式嘅甜品，例如：泡芙、糯米糍、多款蛋糕。火鍋配料半自助式～鐘意食咩自己夾，佢啲菜同丸都有好多款選擇…咩菜都有，非常豐富蔬菜亦好新鮮！呢到真係令人好滿意、大滿足，鍾意任食、火鍋同甜品，真係唔好錯過，要黎牛摩👍🏻👍🏻 #牛摩 #放題 #任食 #打邊爐 #優惠 #火鍋 #wagyumore #wagyumoreplus🌟·牛摩 (屯門)📍屯門屯隆街2號屯門時代廣場南翼3樓21號舖

蕃茄豚肉鍋$56一set有一人份烏冬同一碟豚肉大概有8塊，一個蔬菜拼盤併豆腐同兩條腸仔基本上一定夠飽蕃茄湯底味道普普通通，冇太大特別。溫泉玉子牛魔丼飯配日式章魚燒$54成個牛魔丼飯超濕，啲飯係淋哂，既啲牛肉撈埋啲飯度口感好差，成個感覺係又濕又腍啤啤，可能係本身啲白飯煮得太腍，導致撈啲牛肉嘅時候變得更加腍章魚燒係熱既同有少少脆口，唔係凍同腍，味道正正常常。依個餐真係唔會再叫尼食，牛魔都係食返火鍋好啲。

放工想同朋友打邊爐🥰就揀咗喺屯門時代廣場嘅牛摩👍🏻第一次食見到佢啲牛好似唔錯，所以就叫咗個Level 4 牛小排放題套餐$278/person 需另外+1餐牌上面有好多湯底可以揀 今次就揀咗個沙嗲湯底 另外朋友就揀咗個蕃茄湯底～ 叫咗湯底之後食完好快就送上湯底同埋一碟牛🥰一見到牛就見到啲色澤好靚✨肥瘦分布得好平均～ 超級推薦牛小排😋 肉質好嫩 一啲都唔韌！！另外牛舌就相對比較細塊 所以有機會放咗入湯底會夾唔實🤣 但味道都唔錯另外都有好多唔同嘅丸類同蔬菜可以選擇！可以選擇嘅款式都唔少 仲要有烏冬同埋麵可以揀！可以按自己嘅需要選擇唔同嘅火鍋配料🥰而且可以按需要自己掃QR code叫熱食 熱食都有好多唔同嘅款式 例如章魚小丸子、雞軟骨、洋蔥圈、一口芝士、腐皮蝦卷等等😍 而且每一款送到嚟都係熱辣辣係啱啱炸好！極新鮮好味🤭最後仲可以按自己需要嘅唔同嘅飲品同甜品！甜品有泡芙同埋糯米糍 呢兩款都真係超好味😍 食完一粒又一粒🤣🤣 另外仲有啫喱同雪糕仲有爆谷可以揀添✨ 總結係日式火鍋算係抵食👍🏻 同埋不得不讚職員嘅上菜時間都好快🥰 所以可以即刻食到自己想食嘅食物😋 如果鍾意食日式火鍋嘅不妨一試💖

晚市精選牛肩胛 lv2 🥩 每位$198 未計加一🔹麻辣鴨血湯冇得選擇辣度 係指訂咗嘅小辣 點解咁講 因為我啲廢J 都食得到嘅 聞落去嘅時候係好攻鼻 但係承諾都算可以入到口 加埋鴨血一齊食 👍🏻👍🏻.🔹蟲草花雞白湯湯底滋潤 而且好香嘅雞湯味 仲會食到一條條嘅蟲草花 啲雞都好香好嫩滑 完全冇敷衍你 好足料.食放題一定係睇佢自助區嘅嘢食🤩 有各種配菜 包括有粉麵、魚腐、海量丸類等～ 熟食竟然仲有壽司🍣 有係三文魚㗎！同埋響玲、沙律、冷撈烏冬、雪糕機、爆谷、同甜品～選擇都好多.🥩牛肩胛肉味偏重、油脂均勻、唔會話好硬 有預先解凍.🍚 溫泉蛋牛摩飯想讚下佢個飯 好似牛角個個！紫菜牛肉 仲撈埋啲半熟溫泉蛋汁 超開胃🤤.甜品🍮如果你係一名甜品控 每一次食放題都係一個歷險 因為遇過太多唔好食嘅任食甜品 話哂人哋 focus on 肉類 都正路嘅🤣🤣 包括有朱古力/吉士泡芙、朱古力同埋芒果糯米糍。泡芙係說到偏冰硬 好似食緊雪糕咁好有口感 糯米糍超有驚喜 超級煙靭 個餡仲好多料 食嘅時候爆晒出嚟 狂 encore 😚.📍牛摩 (屯門時代廣場南翼) (屯門)屯門屯合街2號屯門時代廣場南翼L3樓21號舖

好耐冇打邊爐，今次黎試吓呢間火鍋放題🍲餐廳裝修以日本赤鬼做特色，主打熊本牛，級數由lv 1-9，最貴可以任食A4霜降和牛，湯底總共有9款選擇，我哋係門口等咗一陣揀咗套餐同湯底就可以入座啦🙆🏻‍♀️我哋揀咗lv 2 餐，中間仲有自助區，有各式配菜包括丸類，魚腐，粉麵等，仲有少少熟食如壽司，沙律，響鈴，雪糕機同甜品，隔籬仲有個雪櫃提供各款飲品，選擇都算多港式特濃沙嗲湯沙嗲味非常香濃，之後加湯都係本身嘅湯底，保持濃郁博多美人骨膠原啫喱雞白湯湯底比較清加上赤鬼個樣做成嘅啫喱，睇住佢慢慢溶入牛肩胛，油花平均，肉味較重，有預先解凍牛肌腹，脂肪比較多但都唔會好油膩溫泉蛋牛摩飯，紫菜牛肉撈埋蛋汁，口感不錯炸雞塊同洋蔥圈，即叫即炸

平時見佢勁多人排隧，今晚見早收工，專登早啲去拎位，未到七點，果然好快入得。入去坐低後，好快就黎咗兩個湯底啦，我地一個叫咗壽喜燒，另一個就叫咗昆布清湯。今次我地就叫咗level 2 牛肩胛，除咗牛，仲有雞髀肉，豬肉片，牛舌片，羊肉等等任食，啱晒我地呢啲食肉獸。😍😍除咗跟餐既肉類，出面仲有個自助區比我地拎蔬菜，丸，菇類，麵食等等，食物選擇都算幾多。 🤩🤩攞完第一輪，終於可以坐低食下野。首先牛肉雖然唔算肥，但都幾嫩滑，帶淡淡牛肉味。而豚肉同雞肉都好出色，都係嫩滑可口。配埋我最鐘意既壽喜燒湯底，啲肉滲出淡淡甜味。如果黎到記得要出去攞響鈴呀。我朋友係飯桶黎，佢叫咗個牛摩飯試下，啖啖紫菜加埋牛肉碎同温泉蛋，佢都大讚出色。😊😊食完唔夠喉出面仲有壽司，各式甜品，仲有大大部爆谷機同埋任擠既雪糕呀，黎到記得食返杯先走！😍😍

最近天氣凍凍地，所以約左朋友收工一齊去打邊爐暖下個肚。我地兩個簡左lv3 阿古豚梅肉啦～～$$258一位牛摩呢度係一人一鍋的，咁就可以同朋友試到兩種湯底啦！趁湯底未黎之前行去蔬菜區同小食區有啲乜野食先😝😝蔬菜真係包羅萬有，另外丸類都有好多選擇，全部望落都好新鮮，所以我都裝到個碗滿哂🤣🤣另外小食方面都有好多種類，沙律、冷麵、壽司、爆谷🥗🍣🍿任君選擇，真係可以吃到飽啊！飲品方面都好豐富，除左罐裝飲品之外，自己可以去果汁機禁鮮榨果汁出黎都得～～朋友揀左長野蘋果湯底，而我就揀左麻辣鴨血湯底，呢兩個精選湯底要加$10，但係都真係物超所值！👍🏼👍🏼蘋果清甜無比，潤喉之選😌麻辣鴨血湯味濃郁，鴨血份量都多😍打邊爐最緊要梗係肉肉啦，呢隻牛肌腹肉質夠哂嫰滑，而且脂肪分佈好平均😋😋至於牛肩胛牛味突出，質地又唔嚡口，性價比堅高👍🏼👍🏼阿古豚梅肉切得好薄身，咬口煙韌肉味濃！雞肉質素都好高，肉質扎實又滑嫰😋😋最後想食甜品既話都可以去雪糕機自製雪糕添，有乳酪雪糕同朱古力雪糕，兩溝亦得🤤🤤

見天氣凍，就決定同朋友去牛摩擦打吓邊爐。餐廳環境都頗大，卡位為主。裝修編日本風，仲有一個位係比啲人掛繪馬， 好得意。今次就揀咗佢個Level 1牛肌腹個餐。湯底我就揀咗壽喜燒，而朋友就揀咗昆布鰹魚清湯。壽喜燒湯底仲配搭一隻蛋俾你沾蛋汁食肉，唔錯。我哋嗌最平嗰個肉餐，啲牛肉質素都幾好，脂肪同肉嘅比例都平衡，而質地亦都唔會好嚡口。而雞肉就好出色，一啲都唔會有陣雪味，仲要件件雞件都好嫩滑好好食。呢個餐仲包咗出去自取多種火鍋配料，同平時一樣都會有唔同嘅丸仲有蔬果。今次好想讚吓佢嘅蔬果，尤其芋頭、南瓜、蕃茄同粟米，全部都好甜，加埋壽喜燒湯汁，真係好好食。最特別係呢間會有一啲壽司選擇，當中仲有三文魚壽司，質素都唔錯。而佢嘅甜品都幾抵讚，有藍莓芝士蛋糕、朱古力/吉士泡芙，吉士/朱古力糯米糍，全部都唔係頹整，食得出係有心機整，口感同味道都好好。另外亦都有一個位俾你整雪糕加配料，雪糕有朱古力味同低脂牛奶味，兩隻款都偏向沙冰質感，清爽得來唔會有負擔，好啱打完邊爐食。成餐都食得好飽好滿足，如果一個人嚟打邊爐，牛摩係一個好選擇，因為可以一人一鍋同多配料同甜品選擇。