牛氣沖天清湯腩專門店

營業中

休息中

是晚夜左收工，同家人到左牛氣沖天食碗牛腩粉，一入店就通知新鮮牛腩賣晒，哎吔…咁唯有食住冰鮮先啦。一人點一樣主食，再加左個小食，全部飲品跟餐有半價，叫番杯特飲嘆下先。⭐清湯牛三寶米自己點左牛三寶，有牛腩、牛筋、金錢肚，滿滿一大碗全係肉🤤牛腩有肥有瘦仲有牛筋位，金錢肚有咬口，肉香嫩滑好食喎，蘿蔔鮮甜無渣，正。⭐清湯四寶河老媽子點了四寶河，有牛腩、牛丸、豬肉丸、豬粉腸，豬粉腸係新鮮貨，有咬口又夠粉，而牛丸同豬肉丸比起牛腩同粉腸就無乜驚喜了。⭐咖哩牛腩飯老頭子就點左哩腩飯，呢款係用新鮮牛腩的，牛腩偏瘦有咬口，肉味香甜，個咖哩汁都好香同幾辣下🤤下飯一流。問下伙計點解可以賣到咁平，佢話雖然係新鮮腩，但無做清湯腩啲牛腩位咁靚，所以用黎炆咖哩。⭐炸雲吞炸得香脆，蝦肉鮮味爽口，幾好食吖。⭐紅豆奶茶 & ⭐涼粉奶茶跟餐$12咁大杯好抵飲🤤奶茶又香又滑，涼粉滑溜溜，紅豆軟綿綿，而且微甜啱口味，兩杯都好飲呀。抵讚仲有枱上辣椒油好香，又有醋同魚露，仲有蔥、芹菜同冬菜，想落幾多都得😘

元朗嘅「牛氣沖天清湯腩專門店」，真係牛腩介的頂流😋## 至尊牛魔王麵 ($88)首先試咗佢哋嘅「至尊牛魔王麵」。呢碗麵真係料多到爆，內裡有手打大粒牛丸、牛腩、牛肚同埋炆得好入味嘅蘿蔔。牛丸用心手打，口感彈牙，咬落去仲可以感受到魚肉嘅鮮甜，真係一流！牛腩經過慢火炆煮，肉質軟腍，入口即化，味道濃郁，完全吸收咗湯底嘅精華。牛肚則係爽脆有嚼勁，搭配湯底嘅鮮味，令人一口接一口。至於蘿蔔，經過長時間炆煮，吸收咗湯頭嘅味道，甜中帶咸，真係好好味！整碗麵嘅湯底清澈見底，味道鮮甜，唔會太油膩，飲落去令人心情愉快。🍜## 正手打潮州魚蛋魚片頭 ($46)接住嚟就係「正手打潮州魚蛋魚片頭」。呢個菜式真係全人手製，魚蛋彈牙，咬落去有一種鮮嫩嘅口感，魚肉嘅鮮香味道一瞬間充滿口腔。魚片頭則係用新鮮魚肉製成，肉質滑嫩，帶有淡淡嘅海味，搭配上清湯，令人感受到海洋嘅氣息，真係好清新！每一口都好享受，真係唔同凡響！🐟## 上湯菜心 ($18)再嚟一碟「上湯菜心」。菜心夠嫩，色澤翠綠，鮮嫩嘅口感令人好開心。上湯清甜，味道輕盈，唔會搶走菜心本身嘅鮮味，反而襯托出菜心嘅自然甜味，食完都唔會覺得膩，真係一個好清新嘅選擇。🥬#魚皮

上次黎去咗旁邊嗰間萬芳芳食炸比薯條，之前我見到呢間麵店都唔算好多人，於是內進一試。因為呢間牛氣沖天原來沒有米線，我都是入去先至知，諗住就個小蚊仔叫伊麵，豈料佢又唔係好有胃口，於是只吃了幾啖仔就冇食，於是我終於有得細意品嚐新鮮煮出嚟嘅湯伊麵，原來同酒樓一早煮定嘅嗰啲龍蝦伊麵好唔同，新鮮煮嘅湯伊麵，彈牙十足，但係有少許咬口，令我對伊麵改觀。因為食嗰啲龍蝦伊底，一向覺得質地又沒有彈性，而且碎濕濕，這次吃覺得又彈牙又一大箸咁樣，其實都挺為可口。自己本身都未必會叫鮮牛腩，不過佢冇問就 落咗單新鮮牛腩，但是這次試完就覺得非常 香濃，鮮牛腩嘅質地夠爽夠彈，除質地爽肉香濃，還帶一層脂肪在上面，而且還有蘿蔔，蘿蔔切得夠入，不會有筋有皮，因此小孩都吃得可口。佢呢種新鮮牛腩雖然都唔算係牛味非常濃郁，但總算是肉質夠鮮，味道夠香。肉筋相隔，質感相當好一週後，想不到妻子竟然也有興趣去試一試，於是我們便趁着空閒的時間來冰鮮牛腩原來仲靚過新鮮腩，多件，十件都有，咬落好似仲彈口，雖然可能味道而言係鮮腩多一層新鮮牛香。但冰鮮平$20，以五十元內一碗的質素實屬超班金錢肚大大碗，線軟而又帶嚼勁，味香濃又吸湯雖然牛氣沖天嘅名字

這間小店提供新鮮牛腩和冰鮮牛腩兩種選擇，還有供應其他配料的粉麵食品。進入店內便能聞到濃郁的牛肉香味。特別的是，桌上擺放著蔥花、芹菜和菜脯讓客人可以隨意添加。這次我們點了清湯新鮮牛腩河。牛肉味道濃郁，清湯的味道恰到好處，牛腩軟嫩可口。

據說是元朗數一數二的清湯牛腩，聞名不如見面。黃昏時份竟尚有坑腩，不太餓，也要吃，牛腩不韌，但坑腩獨有的羔香並不濃，肉味也不夠濃，湯頭夠熱，但也不夠甜鮮，是不是元朗最好我不肯定，但和我吃過最好的傳承和道生比，尚有距離。門鱔丸從未試過，看來頗美味，放在口中，卻怎樣也吃不出魚的鲜味，很韌，可以咀嚼很久。最初無以名狀，後來久久才想起，它像放在微波爐叮過久，令蛋白質結構改變了的東西。一試是可以的，肚子有限，再吃就不必。

✨清湯新鮮牛腩河粉街坊熟客先知道嘅高質小店！這裡的清湯牛腩份量也比一般大碗多，性價比超高！ 湯底用心熬製，牛腩、牛骨和白蘿蔔的組合，清澈又鮮甜，完全不油膩，牛脂香味濃郁，喝完湯一點也不渴。牛腩肉質扎實，味道濃郁！白蘿蔔熟透又清甜。✨清湯牛三寶河粉 要做到入味的清湯腩不容易，但這裡的三寶不但味道入味，又唔會蓋過食材的鮮味，真心值得讚賞！崩沙腩的油香味濃，金錢肚彈牙不韌，牛筋軟滑黏口。喜歡辣的朋友可以試試他們自家炒的辣椒油。✨淨鮮蝦雲吞 雲吞必叫！師傅現包的，皮薄又有嚼勁，吸滿了清湯的鮮味，裡面包著原粒爽彈的蝦仁，還有濃郁的豬肉香，份量十足！

朋友介紹我入元朗食新鮮牛腩飯😆真係好正好好味🤗🤗仲要價錢唔貴👍🏻要推介俾大家😄😄餐廳選擇都幾多，除咗最著名既新鮮牛腩，仲有好多手打丸至尊牛魔王麵$88 （5⭐️⭐️）- 誠意推介！一次過試牛腩、牛肚同牛筋！仲有清甜蘿蔔，好味！清湯新鮮牛腩飯$73（5⭐️⭐️）- 呢客係朋友叫，我分咗少少食，新鮮牛腩真係唔同啲💪我地仲叫碟上湯菜心，有追加優惠價都只係$12， 對比其他餐廳，真係好抵食！😆 當日除咗菜心仲有西洋菜同生菜揀👍🏻朋友好鐘意啲清湯蘿蔔，我地又追加仲碗，一樣係$12😆見到隔離枱食門鱔丸同墨魚丸，我地叫咗淨丸試試😆😆淨門鱔丸$46（5⭐️⭐️）- 真係唔錯呀！ 食得出係手打，亦好香魚味！正！😆😆淨爽口墨魚丸 $48（4⭐️）- 呢客墨魚丸好特別，係混合咗香蔥，好岩鐘意食蔥既朋友🧑‍🤝‍🧑牛氣沖天清湯腩專門店 (元朗)元朗泰豐街11號翠華樓地舖

我們下午兩點多到的沒想到還有這麼多人！好在翻桌很快，看到店員都親切的跟客人打招呼，原來好多都是街坊熟客🍜至尊牛魔王滿滿一大盤牛氣沖天😍牛腩牛筋牛肚牛肉丸一碗打盡所有招牌美味😋新鮮熬制，湯底濃郁，牛腩入口就化了，軟糯鮮香～蘿蔔無比清甜，燉的好入味，搭配牛腩絕了！！撒上芹菜和店內特質的辣椒油，辣椒油香而不辣，好開胃🔥🍤淨雲吞乒乓球大小圓鼓鼓的雲吞，都是新鮮蝦肉，手工現包新鮮料足，看到很多人吃完還特地打包一份🍛咖喱牛腩飯還好我們來的早，晚了招牌牛腩飯就沒了！端上來就聞到濃郁的香味，牛肉和土豆燉的酥爛好入味！咖喱濃而不膩，吃完不口乾🥤港式奶茶🫘紅豆冰飲料不能少了港式奶茶🥤冰鎮來一口太爽了茶香濃郁！

來到清湯腩專門店，當然要食牛~我想試多啲牛嘅唔同部位，就叫咗清湯牛三寶，包括：牛腩、金錢肚、牛筋。清湯有一層天然的牛油泛於湯面，清甜又清澈，濃而不濁，好嘅湯真係飲得出師傅用心炮製。牛腩半肥瘦帶少少油脂香。牛筋啖啖骨膠原，軟腍適中。金錢肚質地綿密，有嚼勁。ハ寶丸河粉墨九/豬肉丸/魚蛋/魚片頭/門鱔丸/胡椒豬肚丸/牛丸好少有8款丸咁多選擇！最特別係門鱔丸，食落唔腥，口感偏扎實。胡椒豬肚丸，辣味唔會太搶，少少辣，有層次感。墨丸都好食，有粒粒墨魚，鮮甜味美。啲丸係手打，新鮮又彈牙，真材實料！小食就叫咗酥炸魚皮，值得一讚係魚皮有獨立包裝包住，保證夠酥脆。全部飲品跟餐以半價計算 追加油菜 及 清甜無渣嘅清湯蘿蔔 都係+$12~ 抵食！

週末的元氣早午餐，我選擇了元朗的「牛氣沖天」，這裡的清湯腩店性價比非常高。約11點多到店時，已經有不少客人，氣氛熱鬧。我點了凈牛腩 ($78)，特別要求給我多點爽腩，還加了一份豬粉腸 ($48)。牛腩的口感還未完全軟腍，帶有些許咬口，但已經相當不錯。爽腩的筋膜特別好，口感滑順。豬粉腸則更加出色，滑嫩香氣四溢，搭配蔥花和芹菜粒，讓肉味更加鮮明，增添了不少層次。整體而言，這頓早午餐不僅滿足了味蕾，還讓我感受到食材的新鮮和用心，絕對值得再次光臨。

今日有事經過元朗，即刻搵一啲收藏已久的食店去試吓，久聞牛氣沖天大名已久，知道佢好出色！於是經過即刻試吓，好彩早啲嚟到，有位即刻坐低，叫咗新鮮牛腩一碗，醒唔起要叫特別部位，算啦，但係估唔到一樣有意外驚喜，我雖然叫牛腩米，但係真係食得出係新鮮牛腩，好有肉味，又唔會太腍，又唔會黐牙！真係冇得頂，但係奇怪嘅係好少牛腩店，會俾咁多蘿蔔，啲蘿蔔又甜，又冇渣！配埋牛腩真係一絕！可惜我嚟到已經好飽，如果唔係我一定食多一碗！元朗人真係有福！

在元朗搵食，近排牛腩人氣十分火爆，經過見到《牛氣沖天清湯腩專門店》，店舖裝修燈火通明，感覺已經好好舒服企理，枱上有齊配料可以自由添加，呢個值得加分。清湯牛三寶$78（牛腩、金錢肚、牛筋）每一碗都會配蘿蔔底，牛腩、金錢肚、牛筋炆得好腍沒有筋，蘿蔔鮮甜，湯底用上牛骨熬製入口順喉。鮮蝦淨雲吞$46雲吞大大粒，有大地魚粉撈豬肉包大蝦，大大粒大蝦好滿足呀。手打潮州魚蛋$46手打新鮮魚蛋，全人手製作每粒魚蛋魚片都彈牙，魚肉香滑再配上蘿蔔湯適合老人家小朋友。手打潮州牛丸河$46牛丸手打新鮮，牛肉好彈牙又有牛肉香。炸魚皮$8簡單一個炸魚皮都已經好好食，大大碟又香又脆。上湯油菜$12上湯浸菜心，菜心十分幼嫩。食材全部真材實料，所有食品會食到見底，一點都不想浪費👍🏻

這間店無論任何時候都人來人往，十分旺場，特別喜歡這裏的鮮牛腩。清湯新鮮牛腩伊麵有很多舊新鮮牛腩，質地軟熟得來又有香濃的牛腩鮮味，配着牛腩汁十分滋味，蔥、蒜、芫荽等是自己調味的，轉了伊麵底，份量飽肚。至尊牛魔王河粉有齊多款店內的名物，包括牛腩、牛筋、牛丸和金錢肚，這個牛腩雖是冰鮮，亦保留到肉汁；牛筋就軟熟，充滿骨膠原的質地口感；牛丸，中間彈牙多汁。炸魚片頭質地比較像魚腐，加點椒鹽粉，是香口的小菜。紅豆冰紅豆起沙得來，又有些是粒粒分明增加口感。生菜不用加蠔油，已經很爽口滋味。

餐廳舖面不大，裝修簡約，但光潔明亮，午市時段座無虛席，甚受街坊歡迎。這裏既然是清湯腩專門店，我當然要品嘗一下招牌美食。枱面上放有蔥花、菜甫及自家製辣椒油，讓顧客隨喜好而添加“清湯牛腩飯”，一大碗，牛腩份量不少，肥瘦適中，腍軟中帶一些爽口，牛味十足，配上清甜爽口的蘿蔔。進食時加上自家製辣椒油，牛腩味道更上一層樓。“清湯牛三寶河粉”，三寶是牛腩、牛筋、牛肚，三種味道口感，各有千秋。牛筋口感爽滑，骨膠原豐富；牛肚入味，蔫靭彈牙；牛腩肉味濃郁。配合上湯河粉，特別滋味，當然不要忘記加點辣油啦！。小食：“門鱔丸“，口感特別，味道不錯，有魚肉鮮味，味道勝過一般魚蛋。“炸雲吞”，外皮炸得卜卜脆，餡料有豬肉和鮮蝦，鮮味十足。“油菜”，蠔油菜心，青翠嫩綠。飲品：熱鴛鴦，紅豆冰，跟粉麵飯餐飲品有半價優惠。這裏的清湯腩，味道口感都做得相當好，果然是專門店。

自疫情後，好耐冇系本地行山，今次去克河背水塘就，揀左系元朗落車方便搵好野食，就系小巴站呢邊搵到呢間#牛氣沖天清湯腩專門店 ，就同山友嚐一場香港原味道。至尊牛魔王-$88.00店裡嘅明星之選，內裡有牛丸、牛腩、牛肚、牛筋、蘿蔔。當中值得一讚牛筋，入口鬆化夠腍，唔痴牙，而湯頭牛骨味道香濃，加上軟腍腍的河粉，吸收湯底了味道，配搭得天衣無縫。清湯牛四寶河粉-$75.00牛腩、牛丸、豬肉丸、豬腸，清湯咸啖適中，飲完一點不口渴，牛腩腌得好入味，唔會有陣怪味。再加上清甜蘿蔔嘅點綴，夠晒足料！炸墨丸-$38.00食落有墨魚香， 香脆同彈牙。菜心配蠔油-$12.00紅豆冰-$12.00&菠蘿冰-$12.00跟餐加$12，菠蘿肉算多，亦有港式特色杯品。