牛涮鍋

營業中

休息中

🔶️我哋兩個人叫左兩個不同嘅𝑺𝒆𝒕，湯底都有好多款可以揀，我地最後揀左牛骨湯🐮同黑蒜豬骨湯🐷😆==========================🔷️精選盛合 $128/位美國封門柳50g+牛胸腹50g啲牛肉加埋都有100g，雖然啲肉有啲切得少少碎，但食落感覺都唔差，咁嘅價錢可以接受🔶️海陸盛合 $158/位美國封門柳50g+7品海鮮如果唔想淨係食肉嘅話，可以試下呢個有7款海鮮嘅set😆海鮮都幾豐富，分別有鮑魚、廣島蠔、帆立貝、魷魚圈、虎蝦🦐、切蝦墨魚柳🦑各一同兩隻蜆‼️海鮮當然唔好期望好好食啦，但都唔算差嘅，每樣有一隻過下口引都唔錯👍如果細食嘅我覺得啲肉同海鮮都夠食，同埋出面都有差不多40款嘅配菜可以攞，一定夠晒飽😋仲有沙律🥗、前菜、咖啡飯🥘、麵🍜、烏冬、雪糕🍦等等咁多野食，呢個價錢冇得輸嘅雖然限時得60分鐘，但最後因為都冇人等位，我地超左時職員都冇過黎催我地👍👍服務亦都唔錯😆當然如果想食多啲佢嘅肉，佢都有全任食嘅set可以揀，最平成人$198/位👍😆jan_foodie

老細衰到無人有，天寒地凍，收工後決定和同事去食這個「情緒宣洩餐」‼️打住邊爐講是講非，發洩減壓一下😂😂。肉類套餐只有三種肉類可選，包括精選牛胸腹、丹麥豚梅肉及雞腿肉。牛胸腹肥膏不多，顏色鮮紅，表現不俗。豚梅肉反而有驚喜，粉紅鮮嫩，全晚我們不停狂叫，十分美味。雞腿肉貨真價實，新鮮嫩滑，大件份量多，正。前菜日式前菜選擇有芝麻八爪魚、中華沙律、蒜味螺肉，當中以八爪魚最好，大件好食，但整體醬汁偏濃厚。還有蕃茄粟米青瓜沙律菜，配以柚子醋汁或凱撒沙律醬，算是有點小清新。丸類選擇不算十分之多，但有一些很特別，例如奶油南瓜包及黃金蝦蘇，十分好味😋而豬肉丸、爽滑墨魚丸及芝士海鮮豆腐也非常高質，全晚食完又食。甜品甜品選擇不算多，但雪糕非常美味。比利時朱古力雪糕及3.5牛乳雪糕十分高質，可以搭配麻糬、朱古力豆、焦糖糖漿等，口味十分之多。芒果大福味道一般，長崎蜂蜜蛋糕及雲呢拿泡芙味道中上，可以一試。飲品飲品選擇亦算多，怕肥人士有極品橙皮香茶及解茶。嚐鮮的朋友可試鮮菜工房多項果汁，包括金橘、巨峰提子、梨汁和橙汁。一般汽水不在話下，還有雀巢檸檬茶、蘋果綠茶和咖啡熱飲。總有一項能滿足不同朋友的需要，不錯。全晚和同事飲

天氣轉凍咗想打邊爐，喺OpenRice搵到呢間，但係見到好多負評話服務差自己心裏面先打個底，唔會太高期望。Lunch時間唔多人，入到門口個瘦瘦嘅男仔都正正常常好有禮貌，見我喺度諗又幫手介紹吓，入座之後所有嘢都好正常，感覺啲職員都好Nice啊，中段我烏低身去較吓個爐想較細啲火，已經即刻有個淺色頭髮男職員行埋嚟幫手，感覺都好好喎！食物質素我嗌咗個鴛鴦湯底，個麻辣都好好味好香，係反而個牛乳雪糕比較實，唔夠棉，但整體我會再去，真係唔似之前啲人咁講得咁差，希望佢哋都可以保持到，而家食肆係好難做，好嘅真係要多多支持

真係好難食！又無服務！呢個價錢真系唔抵！首先系門口個阿姐，問多一句，都好唔耐煩，之後入面個藍衫男經理，好似欠左佢咁。呢兩個人既態度真係無得頂。第二點就系啲肉好”梅”,完全無咩肉味。本來都無咩期望，但真系好失望。呢啲咁既質素，估計佢哋員工都唔會攞嚟食。第三點套餐。。。用電話點餐，真系俾佢fake 左，得幾樣野，之後果啲都系重複追加半份。完全無咩選擇。早知去食大家樂大快活都無咁嬲。完全俾佢呃左！海鮮。。。見圖啦！

02-13-2023 係粉嶺牛涮鍋分店享用「九州黑毛和牛&海鮮放題」 肉嘅品質同之前食有好大分別 大家可以睇相作參考 😊 碟碟都係咁嘅樣如果10碟有4-5碟係咁 可以接受但係由我入座當我食完叫嗰啲全部都係瘦 。風險又要消費者承擔如果OpenRice嘅朋友鍾意食肉質比較廋，可以選擇嚟粉嶺依間分店 - - - - - - - - - - - - - - - - - - - - - - - - - - - - - - - - 最後一張相為粉嶺 同埋我之前食淘大分店嘅相同一樣九州黑毛和牛放題餐出嘅牛咁大對比

間中都去食下，但竟然星期六去食嘅時候大約八點冇人排隊，正常呢啲時間應該都有排等！之前一直食120分鐘，次次食一個鐘就飽，最近先發現原來有得叫90分鐘😂😂仲要平啲！90分鐘已經好夠食😝瘋狂食牛，不過嘢飲選擇比較少，叫咗個海鮮拼盤👍🏻好新鮮不錯

由一開始進入這間餐廳， 職員熱情的招待， 我們揀了基本牛套餐， 選擇了甜豉油及麻辣湯底。 坐低後不夠兩分鐘湯底及肉已經送上， 自助飲品吧有汽水， 咖啡及熱茶。 自助調味區， 有數款， 足夠應付大部分客人的需要。 亦有沙律， 可另外加調味。基本套餐的豬已經非常薄， 但肥瘦均匀， 輕輕一淥已經爽滑有豬味。牛胸腹， 同樣出色， 肉味及油味恰到好處。 雞件卻比較鞋口。 在手機下單，上菜速度非常快， 通常三分鐘便會到， 而且收碟的速度也非常好。甜品有兩款雪糕及一些泡芙芝士蛋糕等， 雪糕還另外有配料可以添加，例如朱古力醬，士多啤梨醬及焦糖醬， 滿載而歸。

日式牛涮鍋火鍋放題環境坐位沙發卡座都幾舒服套餐放題120分鐘澳洲和牛肩脊放題湯底是櫻花蝦和豚骨湯十分濃郁和牛肉質都算鮮嫩肥美自助小食櫃都算頗多選擇有台式腸，年糕，炸魚皮，各款日式丸類等，整體味道算不錯甜品有日式大福，泡芙，蜂蜜蛋糕，自助雪糕等十多款

我地係中學生，四個人，野吃唔可以話難吃 ，但係服務態度真係十分之差，我哋同隔離一齊入坐，時間都係90分鐘，叫人又唔應，跟住差唔多完既時候又行過嚟叫我地埋單，仲要叫咗兩次，相反隔籬枱完全冇，擺明蝦我哋學

▶️平日放假成日食牛涮鍋既我點可以唔試佢新既“遊台北”😆有士林90分鐘同淡水120分鐘，分別應該係隻牛唔同同埋有兩款台式鍋肴唔同，仲有多左30分鐘，我就揀左士林90分鐘，諗住主要試佢啲台式野，隻牛靚唔靚都唔緊要，不過120分鐘係幾適合一路食一路傾計👍椰子雞湯/藥膳麻辣鴨血湯椰子雞湯幾清甜😋；鴨血湯就淨係食到鹹同辣，食唔到藥膳同麻，鴨血都入味，但係到後期個湯就好鹹好鹹🤢牛頸脊🥩新menu既A餐個隻肉，之前期間限定都有出過，質素唔差，食多都唔會膩👍麻辣小食/夜市小食/台式蝸肴無一樣食完會想encore🙈質素好一般，係得台灣腸同鐵蛋叫做好啲😅個仙草芋圓嘅芋圓完全唔煙韌，只係實嘅粉團🤦⚛️有啲失望同中伏嘅感覺，真係得gimmick，無一樣台式嘢做得出色，不如專注做番日式火鍋😅

4-5個人企係旁邊等咗1個幾鐘聽叫號，。聽都聽唔到，終於等到號碼啦，10秒都冇已經過左幾個號。都冇反應過來就話過咗號，要重新排隊叫號。仲要死都唔認，話叫咗三次，話客冇聽到。（可能後面嘅號係自己朋友呱。）都可能個靚女係心裡面默默叫咗號，係我哋咁多人聽唔到，可能真係我哋嘅問題。再冇下次啦。體驗極其差。好差。好差。仲有帶埋小朋友特登揸車來食，停車場都折埋。仲要搞到夜麻麻小朋友都冇飯食。又一肚氣。平時其他餐廳服務差d都唔會去評論人，可能太忙或者有咩，都會好理解人哋。仲要勸同行嘅人冇怒氣。，唯獨今次。真係好怒氣。人生第一次俾差拼。一個字。差。

今日好想食火鍋，選擇咗近屋企嘅帝庭軒商場牛刷鍋，和牛任食火鍋成人每位318，有多款同平選擇，我點了番茄湯底了、朋友點苗豬骨湯底，番茄湯底味濃、配和牛很配，第一輪侍應先會上一碟和牛一碟豚肉和雞件，跟住無限可以自己添食，和牛質素好好、軟滑牛肉味濃，兩人共點了十碟😂喜歡食牛嘅朋友非常值得到來，其他火鍋配料和飲料也有很多選擇，最後還有一些甜品也很不錯、我最喜歡有一部軟雪糕機，還可以自己加上雪糕配料，唔錯😋

很久沒有吃火鍋放題，今次來光顧是因為有四人同行一人免費的優惠券。肉類有不同級數的選擇，我個人對牛肉不甚興趣，要求也不高，所以選了美洲牛胸腹放題， 每位$183。反而對自取的各種肉丸、蔬菜最感興趣，這裏提供的肉丸、蔬菜、餃子種類也不少，而且味道也不錯。最開心的是這裏的甜點竟然也有很多款式，其中軟雪糕最值得欣賞，口感軟滑、味道濃沃。不過晚餐放題只有90分鐘，時間上覺得有點緊迫，而且要自行出去取食物，所以出出入入要帶除口罩和消毒雙手，就更覺得時間緊迫了，大部分食物都忘記拍照😅

又瞓到好晏，起身又係超肚餓，又係keep咗早餐同午餐，直接食下午茶，問女朋友想食啲咩，佢話想打邊爐，咁我哋三點幾行到去聯和墟，女朋友話搭車出去先食，笑住同佢講，前面有間牛涮鍋打邊爐食完先出去，出到去先食就變咗晚餐㗎喇我哋揀咗最平嗰個款牛肉套餐，一個牛涮鍋，168蚊一位仲要加一，揀咗個蕃茄湯同四川風麻辣湯，枱面仲有一張紙，你可以跟虛線對摺變做過口罩套，一開波就夾咗一碟油麥菜，其他配料每樣夾咗少少，雖然唔係啲好貴嘅牛，但係都幾好味，前後食咗五六碟，最後食多個雪糕，咁就perfect，食咗一個鐘頭30分鐘放題，埋單三百幾其實都幾抵食

趁著暑假帶小朋友睇1115am場 Baby Boss2 到接近1pm (咁抵睇，餓到肚都扁)。阿老細話過對面牛涮鍋放題，啱哂我。集團式，大部分食物質素穩定。 昆布湯底係掂。其實都好夠味唔使點醬。呢間來過幾次，覺得服務都唔錯。中午繁忙時間踢曬腳，由接待員送餐到經理都有禮貌。其實價錢一路都有加，但食得開心。今次做埋會員添 ($200入會送返$150 coupon同九折)。