牛涮鍋

營業中

休息中

話說今次去嘅地方，真係令人眼前一亮。首輪攻擊係牛肩肉，真係超級入味，鬆軟得黎油花均勻，每一啖都係幸福感滿滿😊。我地又試咗啲小食，芝士丸真係驚喜滿分，外層脆卜卜，入口即溶，芝士味夠濃郁，令人一試難忘。最正嘅就係自助區啦，什麼都有！豐富嘅選擇等住你發掘。特別推介個豆腐，嫩滑香濃，搭埋我魔術手混出嚟嘅醬汁，絕對係口感同味道雙重享受。而且，佢哋竟然有自助雪糕，選擇幾款配料自己搞掂，朱古力豆撒上去，每一啖都冇得輸！😋不過呢，如果要我揀最掂嘅，我一定話係嗰碗豚肉。嘩，煮到啱啱好嘅豚肉，入口即化，而且肉味非常鮮美。真係食到停唔到口啊！整體嚟講，呢度嘅食物質素同環境氣氛都非常好，又有創意嘅搭配同新鮮素材。無論係情侶約會定係朋友聚餐，呢度都係一個好選擇👍。最後，記得留啲位做雪糕啊！

工作日中午来一人食的自助涮锅，不用非要多人才准落座。他家可以选两个不同锅底，我选了辣锅和豚骨锅。在等锅上来的时候可以去自助区拿些想涮的菜和丸子，肉类则是通过手机点单的形式上菜。不得不说，他家的肉品质非常好，比内地同价位的甚至还要棒，颜色漂亮肉质软嫩。泡芙蜂蜜蛋糕麻薯这些小甜品质量也很不错，很润，甜但不齁。唯一的不足就是，辣锅不够辣，要是再辣一点就更过瘾了

走進這家食堂，第一眼就被那色澤誘人嘅和牛吸引。肉質軟滑，入口即化，幾乎係舌尖上嘅舞蹈啊！烤得一啲都唔柴，正宗嘅焦香味令人一試難忘。再配上一啲涼拌小菜，清新解膩，真係夠晒平衡。唔少得嗰啲係海鮮啦，哩啲新鮮貨色，肉質緊緻得嚟吸滿咗海洋嘅鮮味，輕輕一蒸，好似連嗰海鹹香氣都困喺口中咁，真係太過癮了！🍤最尾當然要留空位試下甜品，雪糕選擇幾多，每一款都翻雲覆雨咁滑溜。甜而唔膩，一啲都唔做作，滿足你甜品收尾嘅嘴癮！🍨整體嚟講，這家食堂每一道菜都做得點點滴滴，用心料理，令人每一啖都食得格外滿足。下次再來，我肯定重溫嗰靚和牛，再行一轉甜品戰場。食得開心，食得舒心，啱哂追求味覺享受嘅你！👍

今日揀咗一個中價套餐 298 因為星期五六日就加多$10 308+1 湯底我就揀咗麻辣湯底同埋藥膳，藥膳整體感覺偏甜唔係中式藥膳味道，麻辣就唔算好辣味都可以接受。 另外佢有得單點麻辣油，可以加入自己嘅醬料裏面。所以麻辣湯底再加呢個麻辣油醬料，麻辣味都唔錯。 好耐冇食牛涮鍋 今次Menu都改咗， 牛肉都有三隻品種 牛胸腹 ，牛封門柳 以及美國prime。 出奇地仲有海鮮有白蜆，魷魚圈同埋海螺。 牛肉來講牛封門柳 以及美國prime 都唔錯，前者牛味比較重 後者比較滑同軟身。 牛胸腹略嫌比較肥，而且佢一邊係肥膏一邊係肉，所以肉嗰邊就會比較鞋口。出邊自助吧就蔬菜雜丸應有盡有。有少少澱粉質王子麵烏冬同埋拉麵。 同埋前菜嘅沙律吧。 嘢飲就普通汽水機果汁機，偏甜同埋高卡路里嘅飲品。 但係都有少少道地綠茶以及解茶。 最後梗係唔少得甜品啦，有牛乳3.6雪糕同埋益力多雪芭。 今日七點到都唔需要等位，不過近乎滿座。上菜亦都好快，大部份都係舒服嘅梳化凳或者卡位。 整體嚟講性價比都唔錯，而且轉左新Menu多咗好多食物款式。 👍🏻

好耐之前食過一次，個次朋友有優惠，感覺划算，今次再食就決定好難再幫襯嚕。叫咗個60分鐘定量放題，價錢貴咗，肉嘅份量冇變，但放題食物嘅表現就大不如前啦，丸類比之前少選擇不得止，有啲仲要有雪味，都唔知放左幾耐，個湯底就算係唔同名，都係一樣味。重點係衛生水平比隔離牛角差，啲杯有漬不得止，咖啡機唔知幾耐洗一次，觀感一般；而且啲前菜唔再用保鮮紙逐一包裝，而係一整盤咁俾你自己不，隻匙羹就放係啲螺肉上面…店員仲要企晒係通道位傾計，有客想行過都唔識讓…

今期牛涮鍋promote岩手縣國產姬牛肩脊兩小時放題，包咗2人一份海鮮shake shake桶，成人每位$458，小童/長者$388，期間限定至12月底，撞啱星期一金咭會員有八折，阿媽又有長者優惠，計落條數都唔貴，一於試新嘢，自助bar供應多款蔬菜、麵食、醬料、飲品、甜品等。我最鐘意佢部咖啡機，牛奶咖啡☕️啱哂我口味，行咗一圈，呢間冇牛丸供應嘅，有些失望，其實食店係時候轉換下餃子款式，粟米餃🌽難消化，唔係個個啱食海鮮shake shake桶，兩款口味可供選擇 - Cajun & 烤肉醬，前者味道較特出，微辣，後者可以唔使試，海鮮款式好一般，有🦐，鮑魚、🐚、青口、迷你薯仔岩手縣國產姬牛肩脊 標榜雌性黑毛牛以玄米飼養而成，含有多量油酸，🐮肉油脂熔點低，沒有浮誇油花，但口感確實滑嫩，食多幾碟都唔會好滯澳洲和牛肩脊 口感沒法媲美岩手縣🐮，叫咗一碟就停手🖐，無謂浪費quota特選雞腿肉 肉質嫩滑，阿媽都要encore每位奉送一客焦糖布甸，飽哂☺️

之前去覺得出肉速度好快，所以決定再去。但今次出肉嘅速度太慢，十分鐘都出唔到。 牛頸脊，封門柳唔係好得。月見牛肉好嫩，好好食，order 左4次。但係佢嘅雪糕係好好食，牛奶味最好食。朱古力普通。千萬唔好兩溝，變得唔好食。飲品種類多，呢個要讚。其他菜，腸仔，餃子都幾好。有個芝士魚餅，幾好食。芝士都多。兩個人食左5百幾，滙豐有折，職員會主動提，幾好。要早啲去，有好多人排隊攞位。場內都有幾多位120分鐘任食。

好耐冇食過牛涮鍋，去屋企附近食下，點知啲啲野食質素愈嚟愈差，啲牛一啲都唔好食。可能食慣啲台式火鍋，哩家真係覺得啲牛好似吉野家個啲咁之後啲配料同1 2年前嘅冇分別，都係個啲... 魚皮唔脆應該唔會再有下次🙄

好多年前都有食牛涮鍋。冇諗過今日食嘅質素會差到呢個地步。連罐裝汽水，包裝飲品都唔再提供。只有一部汽水機，仲要係百事。汽水機出嚟嘅汽水好淡，啲冰有啲溶溶地嘅狀態。成件事就好似喺薩莉亞打邊爐咁。但係佢唔係薩莉亞嘅價錢囉雪糕就一向都係軟雪糕，但係就算今日嘅芒果味同埋牛奶味，我只係食到糖嘅味道。我食第二貴嘅餐，兩個人都要七百幾蚊埋單。剩係得牛肉係比較好食。出面夾嘅配料，菜唔係好新鮮，啲丸亦都唔好食。想搵粒正常啲嘅牛丸，貢丸都冇。今時今日呢個價錢，出面有大把選擇。我完全唔理解點解仍然會有人排隊食。食完真係嬲咗。

有見住台客10個人番轉頭兩次改時間，要45分鐘後先到齊人，個經理就hold 住兩大張枱唔比人入！中途有枱客（應該係佢哋識既），明明聽住經理問佢有冇book位，個客話冇，仲要未到齊人，咁就比人插左隊，再問個職員，佢話個個客有book喎！都忍，問佢仲有冇抬差唔多到時間走，又話冇，有排等喎，根本唔想做生意，趕客，請著呢D員工，真係慘！

星期六同朋友聚舊，一行四人本來想去牛角食燒肉，但因為要等12張3-4人枱而改去隔離嘅牛涮鍋，只係等1張枱就得。入座時間~下午兩點，餐廳唔係好多食客。喺餐廳經理非常高超嘅推銷手法下，我地升級再升級，最終揀咗個食120分鐘，每人$328+10%嘅澳洲和牛放題。經理好盡責，提咗我地兩三次有廿幾款食物(生/熟)同飲品係呢個餐獨有，不過我唔記得晒有咩，只係記得冷泡茶係其中之一，好過淨係飲有糖嘅飲品。冷泡茶：四季春(左後)，桂花烏龍(右後)。前：朱古力咖啡(自助)。一揀完湯底，侍應已經拎咗六小碟冷盤同幾盤牛肉(應該只係普通牛肉)同些少雞肉出嚟畀我地食住先。我地亦都喺自助區攞咗啲菜同菇返嚟烚。普通肥牛片。六小盤：(上，左至右)麻辣土豆絲，雞絲，蒜泥白肉。(下，左至右)豬肚絲，紅油炒手，麻辣牛腩/肉。自助區(一)。自助區(二)。第二輪同第三輪我地主要都係叫和牛，滿足大家對牛嘅慾望。唔經唔覺已經食咗120分鐘，個爐會自動熄嘅，但可能係非繁忙時段喇，餐廳都畀我地食埋枱上嘅食物先走，感覺無咁冷冰冰。澳洲和牛片。我對牛無特別研究/講究，普通肥牛同和牛我都覺得好味，但就唔係好食倒有咩大分別。不過久唔久一次同朋友

呢間其實食過好多次，不過好似越來越少嘢食，今次叫左最平個隻牛肉，因為之前食過和牛個款，但感覺同普通牛肉都差唔多，所以當慳返幾廿蚊啦🤣日式火鍋🍲算係比較健康少少既火鍋，比起台式同麻辣火鍋，食物選擇少，所以唔洗揀咁多加工食物🤣由於減肥中，所以盡量食得清啲嗌左個昆布湯底同甜豉油湯底。其實食唔出邊個打邊個，不過最清淡嘅係得呢兩款。每樣食物都夾左少少，今次有紫心蕃薯🍠有少少苦味，唔太甜，味道一般。仲有個咖喱汁，無咖喱味，都係一般般。牛肉都ok啦，不過不失，整體對得住呢個價錢。

冇錯🥲多得我地偉大嘅港共政府一籃子麻木不仁離地一男子獨裁垃圾政策🇭🇰，堅持唔肯打針嘅你我他甚至牠同它都受波及🇨🇳，喺2月24日之後如無意外我就應該冇得再堂食。換言之，我要同我最愛嘅邊爐放題🥘講掰拜🥲🥲😭With the cruel policy of the GREAT ridiculous,meaningless,tyrannical regime🇭🇰, YOU KNOW WHO🇨🇳, I will not be able to get into the shop and have my all-you-can-eat hotpot🥘😭😭喺呢一日來臨之前，我決定狠狠咁拆埋最後呢一餐先😢如果早期開始就follow我嘅朋友會知道其實我都真係幾鍾意有事無事一個人走去打邊爐🥘🥘😋，仲要放題。我最愛嘅地方係加肉唔洗加錢🥩🥩🥩🥩🥩，餸又多🥬🥦🥒🥟，食得又耐🕒，又唔洗同人爭🐖，又唔驚冇得食🐷，又豐富，仲有甜品同雪糕食添🍦🍧🍨🥧，視覺味覺都有好大嘅滿足感🤩。同埋自己又大食，咁食法一定唔會唔飽☺。今餐特登食靚啲，第二靚嘅澳洲和牛餐，油分夠，雪味唔重，多野揀，仲有海鮮送，最後同屋企人食左成廿零碟肉🤫。

🤗抗體系列之唔打邊爐對唔住自己今日揀左位於黃埔嘅 MouMouClub 牛涮鍋事前上左佢地專頁睇，原來暫時只有三間分店重啟，營業時間亦都有調整，要去食嘅朋友仔就要留意返啦😃😃比我想像中多人，好多都係好似我咁一個人黎食，大家係咪都係無敵體人士🤣🤣🤣疫情之下，餐廳質素仍然保持得好好，火鍋料同以前一樣咁多選擇，菜都好新鮮鮮甜👍🏻👍🏻肉質都非常之好！餐廳同事有嚴格執行防疫措施，有檢查食客嘅打針紀錄，唔符合要求嘅就唔俾入😬😬

買了120分鐘香港遊 只吃了45分鐘 食物不新鮮特別是牛肉 超級無敵騷😵😵😵明明打邊爐就係食牛肉點解可以咁難食🤮🤮食咗兩盤真係搞唔掂 已經叫職員收走同佢講返呢個套餐 送嘅啲蜆都是臭😩😩😩唯一好啲嘅就係蝦同埋帶子，叫做合格香港遊小食普通，真係街邊好食勁多 啲杯就好似洗極都唔乾淨咁 好多油漬而且冇提供紙包甚至罐裝飲品😧😧靠牆全部都係塵 甚至有蜘蛛網未試過打邊爐咁早走兩個人食唔飽都唔想再坐喺度🤢呢個價錢可能去其他邊爐舖會食到更多好嘢可能第二間分店會好啲？第一次食牛涮鍋，冇諗過係貼錢買難受😣平時都懶得打食評，但係今次體驗實在太差