牛牛台式鴛鴦火鍋

營業中

休息中

呢度平日任飲飲食$148一位，假日$158一位，真係好抵食！呢度有多款肉類：豬、牛、雞、羊，仲有海鮮：蝦、蜆、青口、魚等等，應有盡有。出邊仲有多款配料可以任攞。有丸、炸魚皮、蔬菜類等等，真係多到數唔晒。飲品除咗果汁、茶仲有啤酒，真係好抵食。當然唔少得唔同嘅甜品，有多款糕點、啫喱、雪糕、雪條。雖然抵食都要講返食物質素，基本上呢度都係鴛鴦鍋，我哋揀咗臭臭鍋同蕃茄鍋。臭臭鍋味道濃郁，鹹鹹地。蕃茄鍋我較鍾意，蕃茄味幾香濃。呢度嘅食物質素呢個價錢真係算唔錯。牛肉係最緊要，我覺得牛肉夠腍，而且味道唔錯。基本上淨係你食牛都已經抵！另外海鮮方面，我推介蝦。蝦非常生猛，上到枱都仲係跳跳紮。而且大隻爽口，呢個我推介蜆煲大隻，而且幾甜冇沙。呢個價錢咁多嘢食，真係冇得挑剔。

今次同朋友黎到一路都好想去嘅牛牛鴛鴦台式火鍋打邊邊，因為本身都好鐘意食辣嘢就揀咗海底撈麻辣鍋，湯底麻辣香辣，味道好正，食材新鮮豐富，令人滿足，而朋友喜愛芫茜就揀了芫茜皮蛋湯鍋，味道唔係太濃，但口感鮮美，湯底唔會太油膩，適合偏愛清淡口味嘅人，除咗咁呢度仲有多款素食火鍋揀添 ‼️💕餐廳嘅肉品選擇亦都好豐富，包括牛肉、豬肉、羊肉等多種選擇，而且肉質新鮮，口感好好，出面仲有逾60款新鮮配料可揀，仲有🉐任食逾8款味道嘅dreyer‘s雪糕👍🏻 不過就雪到好硬 🥺員工服務態度好好，會主動問需唔需要加嘢食，整個用餐體驗都好舒適。Overall，牛牛鴛鴦台式火鍋係一間值得一試嘅火鍋餐廳，如果你係火鍋愛好者，不妨去試下la 😉

雖然平時食開人頭400左右嘅火鍋店，今次試呢間148都預咗伏伏哋，但冇諗過伏到咁，叫咗兩個鍋底，一個胡椒豬肚，一個沙嗲湯底。一上到來個湯底係清到冇得再清，都知伏，點知等咗佢滾，落嘢食，一食係冇味嘅！係冇味嘅！係冇味嘅！因為很重要，所以要講三次。完全同清湯冇分別！唯一食咗落肚嘅係一塊魚皮，同埋一杯熱朱古力，坐咗半個鐘，埋單走人⋯服務又係極差，啲阿姐唔憂做咁，舉手唔會理你。可以同大家講，千祈唔好來食可以同大家講，千祈唔好來食可以同大家講，千祈唔好來食因為很重要，所以講三次

9點幾食咩好帶朋友去食牛牛9點15分上到去牛牛朋友話兩位 再即刻問9:30係咪平D門口呀姐就一直都唔答人默默自己係度㩒㩒㩒打單再問佢多幾次先答 我話咁等多陣啦 都係差15分鐘呀姐就即刻發爛 係咁話打左單打左單打左單我話下 等多陣啦佢就同佢既同事大大聲講因為佢“打左單”而我同朋友玩野首先 我地睇唔到價錢牌 D貨擋住哂第二 呀姐唔答優惠時段 默默想趕人入去第三 好喇而家仲要趕埋客由好開心打邊爐到遇到咁既事成個過程唔洗一分鐘未食野就食左氣先得喇 祝你好生意

員工服務態度極為惡劣！在繁忙時間時遞交餐單遭到旺角點其中一名中年男侍應呼喝：「唔得閒住啊！」餐廳的座位亦極為狹窄，絕對不會再光顧這間店鋪，各位自行決定是否要受氣！

未夠鐘講客人走，野食快子收了，咩態度，6:43入座8:15要人埋單，連Q code 都冇埋，仲吾比人再叫，我地食到8：43先夠鐘！下次吾再去食，第一次去食得吾開心！

第一次來這間任食任飲火鍋店，因為收費相對便宜，所以本來對這餐廳沒有什麼期望，後來一進入餐廳第一個感覺就是座位寬敞，食野傾談也非常舒適。牛肉和羊肉的質素是一般，到外面自助拿食物時發現提供的食物算是種類繁多，味道也挺入味，任飲的除了汽水，茶外，還有啤酒也是任飲，雪糕雪條和甜品也有任食。這個價錢可以提供這樣的食物和舒適環境，簡直是超值，性價比極高的餐廳。一家大細或三五知己聯誼聚舊，非常合適，推薦這餐廳。

星期五晚上係旺角行到攰攰地又餓餓地天氣又開始秋涼諗住搵間火煱舖坐下食下飲下行到創興門口有好多人派傳單其中呢間價錢最平,人均唔洗$200, 2小時任飲任食價錢十分親民🤩但無BOOK位又驚等得耐不過都諗住上去碰下運氣點知去到門口唔洗拎籌可以直接入因為個場都幾大我地嗌左沙嗲同芫茜皮蛋湯底(不過個湯底都等得有D耐)肉類同海鮮係要寫紙有蜆,蝦,青口,脆肉鯇...其他配料就出去自己拎雖然價錢平,但食物種類都好多例如有鴨血/鵝腸/大腸/牛柏葉/水魷魚....甜品同飲品類別都多元化不過,甜品款我就覺得唔試都可以

成日都同朋友嚟呢間食打邊爐放題，百幾蚊又唔洗加一仲有得揀鴛鴦湯底，仲要早少少喺OpenRice book位或者打電話去就可以，旺角咁多餐廳要等好耐位呢間唔駛等就入得！又好食又抵食

今日同朋友嚟到牛牛台式鴛鴦火鍋食晚餐，其實今次已經係我哋第二次幫襯，呢間火鍋店真係拍得住台灣既質素，我哋一行二人，位置安排咗喺卡位，呢度嘅醬汁非常多選擇，食物亦都好花多眼亂，基本上打邊爐想食嘅嘢都會有齊晒，另外想讚下佢呢度嘅花膠，真係粒粒都好鮮甜，仲要有兩個湯底選擇，我哋兩個人食到勁飽$200都唔使，真係抵到喊！

話說小妹同啲朋友仔OT到夜晚9 點幾，💆🏻‍♀️行過旺角嘅創興睇下有咩好食啦 ！ 見到上面有個大大個嘅招牌圖裡面有啲好靚嘅牛 係度打邊爐一望到呢個即刻令到小妹我啖上頸 ！所以就拿拿聲帶埋成班朋友仔沖上15樓食飽佢 ！👯‍♀️一上到去其實都差唔多10點 但見都仲有幾多人吓店員有禮貌咁安排咗我哋10幾個坐卡位度一坐底即刻叫個靚湯底先啦 ！鍾意食辣嘅我哋緊係即刻叫大辣啦同時間 店員都叫埋我哋一次過叫多啲牛 ! OK 無問題 ! 即刻叫爆佢 ! 湯底同牛都黎得好快 好爽手 ! 而其他丸物同菜 配菜 都係出面有得攞 ! 好快湯都滾埋啦!  即刻落啲牛去Try Try 佢先 ! 一放入口  嗯 ~ 麻辣汁 混合 牛肉 咬落去 又香又辣 又有口感! 貪心嘅我 一吓筷子夾成碟牛嚟食!  而啲牛都好快咁俾我哋食曬啦 ! 不過唔洗驚 ! 呢到啲牛係任叫㗎  所以我地一食完 就加牛 一食完再加! 成程個嘴都無停過 , 而叫店員加湯又快 服務認真唔錯 !! 埋單我哋每人都係百零蚊 ! 都算幾平 ! 下次成班朋友黎到旺角唔知食咩好 ! 都會嚟牛牛 食! 

香港都唔少台式火鍋而旺角呢間牛牛台式火鍋就聽過啲fd講好多次啦佢地都話好抵食!!一直行過旺角都唔記得過黎食今日咁啱想打邊爐就醒起呢間創興既鋪頭出咗名大間 所以都唔洗點等位就可以入座了入座期間睇咗個食物櫃都算多野食基本上打邊爐食開既都有一坐底都叫湯底先湯底種類就唔算多不過可以揀兩種今次就揀咗麻辣同番茄湯!!同一張紙可以叫埋牛同海鮮牛有3款 分別係牛小排 牛梅花 黑牛個人認為黑牛麻麻地 其他兩款都好食既!!送到黎既牛都係鮮紅色 睇得出唔係果啲雪咗好耐既牛而且每款牛都有好重既牛鮮味!!海鮮方面有魚片 魚頭 墨魚 蜆不過海鮮每次俾既分量都唔多所以中意食海鮮既朋友就要瘋狂寫紙了特別有驚喜既係佢地出面拎既肉燥飯!!肉燥汁可以話係超出水準 好食過好多專賣台灣野食既鋪!!火鍋配料中都有不少好食既野!!特別係牛丸 佢地既牛丸唔係一般火鍋店用cheapcheap牛丸而係彈牙裏面又有牛肉汁!!所以都食咗好多!!野飲方面都好多種類 無糖有糖都有牛牛係抵食既 而且種類都真係幾多咁既價錢有咁既質素真係100分!!一定會再黎食!!

一入黎落左單就去拎嘢食啦，啲嘢都唔算好耐到，跟著用紙落單俾員工就顯得好唔耐煩😡，個個員工行過都當冇睇到張落單紙，要舉手叫好耐先會過黎拎張紙去落單。落左好耐都冇到，跟著再寫再落，數量減半。食完啲盤擺係臺出面等啲員工收走啦，佢哋收得就收啦，又冇話一定要佢哋收走，員工就勁大聲咁拎起擺係檯面啲碟，我心捻得罪你咩，拎走嗰盤好難咩，唔拎擺係度都得掛，真係食個飯都要時時刻刻驚啲員工會唔會暴力收碟😓啲嘢都唔算話好難食，但一定唔會返轉頭食。因為有啲隨時都會用暴力對待客人檯面啲碟嘅員工。

雖然嘢食唔算特別好味，種類都唔係多，但畢竟價錢唔貴，場內嘅食物質素同款式都叫對得住個價。但啲服務就真係太離譜，比親啲嘢職員佢哋都唔係就咁接，係一野搶過去，無論交落單紙定埋單俾錢都係咁。最後埋單嗰陣個姐姐一行過嚟就話要埋咗張單先，然後企定定喺度唔走逼我哋要即刻埋單，但又唔俾單我哋睇，淨係自己喺度對住一疊單數數，後尾比張信用卡佢又係搶走嘅。最離譜係，攞返張信用卡返嚟嘅時候，佢竟然唔係俾返卡主(即係我)，而係就近遞俾我個朋友。因為信用卡有啲問題，比佢攞走左兩次試碌，但兩次返嚟都係俾卡我朋友而唔係比我。我朋友都呆一呆，同佢講咗句「唔係我㗎喎」，佢先好似如夢初醒咁俾返張卡我。乜而家啲信用卡可以隨便俾人㗎咩？如果我唔喺位，對面嗰個又唔係同我好熟嘅朋友，俾人盜用信用卡邊個負責？呢個已經唔係服務態度問題咁簡單，成件事好離譜！以前去過好多次，次次啲態度都令人唔太高興，只係唔算大件事所以我都算數，但今次信用卡呢個問題真係離譜得過分，忍唔住先要過嚟投訴。

「牛牛」一間氣氛好好的任飲任叫任食火鍋專門店價錢便宜，而且食物質素唔差，款式又多又唔會樣樣得少少，任你攞任你叫任你食，可以盡情食，當然食得到先好攞先好落單，千祈唔好浪費食物，我最鍾意嘅牛肉款式全部都好好食，俾個讚佢系，火鍋湯底款式又多仲可以鴛鴦，食得辣又得/唔食得辣嘅朋友都可以一齊食，大家吾使就住就住👏👏👏而且座位闊落，我最鍾意座得舒服😽瘋狂食完一輪，唔使出去搵飯後甜品，在這裏可以繼續再慢慢嘆吓飯後甜品，除咗甜品仲有好多雪糕添我哋三位埋單都係$504每人都係$168超值好味抵