牛肉拉麵 (已結業)

—————————————————————🍴美食資訊🍴麻辣牛肉豬手鹵蛋拉面（$55)麻辣湯底辣度係有，但覺得唔夠麻😵‍💫但係牛肉就好有驚喜！佢唔係沙嗲牛肉個種薄切牛肉，而係真係一舊牛肉。而舊牛肉係好腍，有筋，有味🤯豬手彈牙得嚟而且好入味！而個鹵蛋又係入晒味😋拉面係手工拉嘅，咬落有勁，係一碗好出色嘅牛肉拉面！牛筋牛丸拉面（$50)呢碗係清湯😛但有好濃嘅牛肉湯味，睇落係完全唔覺的。牛丸彈牙又juicy，牛筋煮得好腍亦係上乘之作👍跟埋個面同靚湯底混合，又係一碗高質拉面。————————————————————👑評分味道：4/5環境：3/5價錢：4/5份量：4/5服務：3/5會否推薦：會呢間鋪頭個名真係極普通😹直頭開宗明義講明係賣牛肉拉面。而佢不論個面定個湯都好出色👍👍👍我地如果唔係盲中中走入去試，真係會走寶，估唔到幾好食😛佢幾樣餸都好好食，本身想食蘿蔔，但賣晒。有趣嘅係，跟住再入嚟嘅客人都想叫蘿蔔，但都唔知賣完😹睇嚟幾好食。鋪頭內部簡陋，但開放式廚房，可以睇到個師傅整拉面。————————————————————

食開呢間牛肉拉面，由舊鋪已經開始食上次突然結業係突然轉晒人，仲有條友扮老闆係到拉面。琴日經過想買外賣，驚見鋪頭無開，招牌變紅字好傷心，呢間野水準一向穩定，正宗便宜大碗。希望只係細鋪搬大鋪，或者只係裝下修。

牛肉拉麵有咬口， 店主超級好人靓仔，老婆超級好，識聽廣東話，是很多香港店吃不到的味道。而且重點係，超級平！日本拉麵雖然是豬骨湯，但麵不是手拉的。 佢地麵食手拉的， 但都係30幾40蚊一碗， 性價比很高。佢無做咩宣傳，店面都係簡簡單單做附近學生生意，不過手拉已經很有誠意。每個星期都會去吃！麵麵是新鮮現做的，現場手拉。地方雖小，但乾淨！推薦蔥油拉麵，味道剛剛好，麵吸到蔥油汁！湯麵也不錯牛肉拉麵的話係牛肉湯，肉做法偏爽口。也有豬軟骨選擇！

已是常客，路經紅磡必食之店。即拉手工麵、清湯、牛肉…….簡單、平凡、美味！！（P.S. 佢地自制辣椒油好味，面有咬口有筋度）因真心想比個評分佢，所以下文是按要求寫滿200字 ：本人對蘭州拉麵情有獨中，走遍大江南北由西雙版納至黑龍江，到每個地方都會搵間蘭州拉麵醫肚，而紅磡依間我本人覺等已做到80分，值得一試，價錢也是很大眾化的！！廢話 ： 就憑著《東北林志穎》依個稱號，我相信依間麵店勢必客似雲來，希望佢地兩口子（唔知係咪，但應該係）不忘初心，保持水準！！

之前舖頭叫做「蘭州拉麵」，不過見唔到這兩位店主，但係招牌冇變，就去食咗… 食食吓有隻曱甴喺枱面行過之後就冇再食過。後尾知道原來佢哋搬咗位，再開返！ 真心好食，雖然價格比之前貴咗少少，但是都是平民價！小本經營，都值得支持！ 最好食係牛腩麵，本人鍾意食幼麵，見到師傅即刻打，即刻煮，最好食係堂食，店內食因為外賣途中，麵會被湯浸林左… 外賣盒每個餸+ 1蚊如果你哋有支付寶香港，可以數二維碼俾錢，減少現金交易，因為佢地冇得用信用卡。麵好食，牛腩肥瘦適中好滑！缺點：選擇唔夠多，只有麵，同4-5 款小食，冇其他非澱粉質的主食…

两个星期前经过时见到师傅在即场拉面，已经想试试。 今天晚上没见到，但也进去试试味。店外有餐牌，辣度可自选，面也有几种选择，价钱也不贵。小型的餐厅只有十几个座位，地方有点狭窄，但地方企理，很干净。大块牛肉面的份量还可以，他们可以免费加底。牛肉是牛腩，厚切带点筋。但肉质有点韧，口感一般。面是可以的，爽口有弹性，没有因泡在汤内太久而发涨。凉拌皮蛋加了蒜蓉和酱油，并以青瓜丝垫底。但皮蛋不够咸，带少许腥味，跟平时吃的皮蛋酸薑吃法不一样。这里的价钱不贵，东西可以，吃的是小店风味。

朋友介紹，講到食蘭州拉麵，呢一間店舖，一定要來！門口細細，冇華麗嘅裝修，坐低之後，老闆娘親自煮麵，等咗一陣間之後，麵到了，一食之後，發覺個麵果然與別不同！朋友話，啲面係老闆親自用麵粉拉的！所以講真，食落真係特別有口感，彈牙！由於係用自製麵粉搓，所以基本上同出邊食開嘅拉麵，根本係冇得比！ 我叫嘅係撈麵，所以亦都要講求「撈」工，確保所有麵都真係「撈」得好好！食開撈面嘅人就知道，如果你走去第二度嗌碗撈麵，基本上係一碗麵飛咗水之後，加啲豉油或者蠔油叫你自己撈。情況係點，你估到！呢度，淨係食老闆娘既撈工已經冇得輸！愛心爆棚！經濟實惠！抵食夾大件！仲有得免費加底！你話真係邊度搵？

簡簡單單的小店，食物種類亦不算太多。牛腩麵，選是清湯。牛腩，而且一看就知是凍肉切開來煑成的，方角形的肉粒帶有脂膏，一咬便散，無乜肉味。湯底清清的。沒有特別要求下，麵條應屬正常麵，所以拉麵唔算太幼，且有厚度，由於是老闆自己拉的麵，口感韌度都與機製的有所不同，較為有彈性，不錯。如怕不夠，拉麵可以免費加底的，一定能吃飽。大塊牛肉麵，一嚿嚿較深色的牛肉粒，帶有筋似牛肋肉。這肉味濃得多，有咬勁，只差$2，但相比下好吃好多了。

呢間野開頭細細間係三河屋對面，廚房樓面就係兩公婆，跟住做做下係隔離開左間大，雖然都係牛肉麵，但完全唔係初時水準，個兩公婆都唔見左。最近無啦啦開左而家呢一間，變番原本兩公婆打理，質素即卡番離個時見佢即席現場拉麵覺得好有風味跟住試下，一試不得了，d麵唔知係咪手拉關系覺得比平日食既麵更煙韌，有咬勁。配埋佢個湯底真係一流。而且惟價比超高，免費加底，勁大碗都係40$，雖然已經加左價，但依然覺得物超所值。主打的牛肉拉麵的牛肉份量都多，但個人覺得佢牛腩好食d，有d 肥膏易入口，試過牛肚都唔錯麵個人鐘意細麵，幼身比較掛湯，煙韌得離唔會太淋。不過如果鐘意食硬身有咬口就一定揀佢既扁麵

依間麵店係無意中發現，上次早到紅磡閒逛，第一次行到發覺都有幾間吾同嘅食店。今次專登來試佢地嘅牛肉麵。上次喺佢門口見到介紹話師傅仔每天自己親手揉麵，令我值得期待，咁就揀個 大塊牛肉牛腩麵 同 蒜蓉菜芯 嚐試。牛肉牛腩真係吾錯，好有牛味 ; 但個寬麵就吾係好啱我，太淋同吾夠彈牙 ; 反而個湯頭都算有睇頭，清得嚟同吾覺得有加師父喺入面。菜芯佢地用蒜蓉，吾係同出面用蠔油或腩汁，配合埋都吾錯。佢地除左 牛肉同牛腩之外，仲有另外一些不同部位，我最想試係 牛筋，再試埋第二款麵就完美。

尋日落街外賣回家食晚餐，本身想買個間無開，我好想食辣麵，周圍兜圈，最終都係在屋企樓下呢間牛肉拉麵， 應該都係新開，第一次食。今次叫左豬軟骨麻辣拉麵，第一彈食落去有少少辣到飛起，但再食就開始冇咁辣，仲越食越過癮，越食越想食，啲豬軟骨大大嚿，好有口感，又淋又好味，啲麵條軟硬適中，好幼滑，湯底的麻辣湯好正， 我都飲咗唔少，另外我加多咗個蒜蓉菜心， 只需十蚊份量也不少，而且味道也不錯，呢餐只需要$48，好抵食。

今次係大隻佬牛肉拉麵復出後第二次幫襯。上次無影相，今次補影返。今次嗌牛腩麵（粗麵），牛腩有啲肥膏，比起大塊牛肉更易入口。望到大隻佬真係即場拉麵條，老實講佢係幾用心做每一碗麵。如果佢有連飲品嘅套餐會更好。提提大家，佢逢星期一休息。

呢間麵舖本來喺三河屋對面 (以前有好多poly學生幫襯)，後尾休業咗一段時間，依家重新開檔。味道無變過，唔會過多調味，食到牛肉最原始嘅味道。今次唔記得影相，下次會再補影返。