牛角日本燒肉專門店 (已結業)

員工服務態度極之唔好我哋今日 食B放題 未夠一個鐘已經話last order 我地比左錢後 過咗一陣有個扎辮戴眼鏡嘅女侍應走埋黎用好惡劣嘅態度同我地講使唔使加多＄50坐多半個鐘仲要黑我地面 伸睥住我地 90分鐘都未夠 十一點就趕收工？我個時只系差兩啖雪糕 食完就走 系咪真系需要甘既態度？真系火都黎

一大班食肉獸每月飯聚，有人收早有人收夜，有少少難夾時間食飯，對比旺角一堆百零二百既平價放題有機會要踩伏，於是就決定比多幾十蚊食牛角放題，即日訂位都有位，非常好。九點開波食，八點九去拎位，等左15-20分鐘就入得去食。不過門口等位既人太多，地方太窄，要人貼人咁企，有點辛苦，如果唔洗預早去拎位，打個電話覆返拎位直入就好了。幾經辛苦入到去食，個個都搶ipad叫野食，叫到一檯都係肉.....牛舌、牛肋肉、腹胸肉、豚肉燒、雞腿肉、大腸、牛肚、豬頸肉，原汁原味最好食，鹽味較咸，所以冇叫....牛肋肉同腹胸肉既雪花分佈均勻，好重牛味，必食牛肚同大腸比較難咬開，都係牛舌好味。豬腩肉搶火，容易燒焦，要叫職員換網。除了燒肉外，溫泉蛋牛角飯、凱薩沙律同生菜包都唔錯，包住肉食可以減少油膩感，牛肋肉同牛舌係必食之選，點少少燒肉汁可以吊起陣油香味，海鮮類就推介石班，肉質爽口彈牙。

好開心我最鍾意食燒肉嫁男朋友今日有帶我去牛角食我地有匯豐信用卡好抵食300幾一個二人套餐有個沙律 前菜 牛助肉 厚牛舌 豬肉 雞肉包兩杯野飲 我叫左荔枝特飲 男朋友叫左牛角特飲 我地額外再加左牛角飯我其實都幾驚喜因為服務員好親切好有禮物好落力介紹唔同ge肉 食法同醬汁另外套餐份量都好夠我最鍾意食牛就算呢個親民價錢既肉質都好靚牛肉味好重 好正因為通常燒肉都好貴又食唔飽沾埋個鹽蒜簡直係無得頂哈哈之後食埋朋友推薦既牛角飯 飽哂總括黎講 cp值高 價錢親民又好食會再去

牛角燒肉其實已經食過好多次，亦已經做了會員，每次都總有些會員優惠吸引我再光顧，當然每次惠顧的食物質素、味道都是有所保証的！感覺就像其他連鎖快餐店一樣，只是變了日式而已，所以每次想給它寫個食評，每次都忘記了！還記得以前食過不少日式燒肉都吃到驚驚的，不是燒肉沒有味道就是很容易燒焦，所以對吃日式燒肉都沒有什麼期望！有一段時間覺得韓式燒肉更容易把握！但食完牛角後，對日式燒肉改觀了，不知什麼原因的發覺不會容易燒焦肉質，而且燒肉能鎖住肉汁加上已淹了調味，不用沾醬油都已經很入味！更難得的是除了燒肉外，其他熟食都很不錯，好像辣味溫泉蛋牛肉飯、凱薩沙拉都不錯！而王樣牛胸腹肉同牛肋肉是必食推介，我特別喜歡牛肋肉，吃上口口感好，夠腍之餘還混了些肥肉，比較有油香！反而海鮮類及蔬菜類只屬一般！牛肋肉

由於有呢個信用卡牛角2人前皿燒肉套餐半價優惠所以即刻打個電話去訂枱 本身我就打去尖沙咀個間 佢一聽電話聽到係優惠期個段時間即刻話冇位啦 話信用卡做緊優惠 呢段時間已經FULL晒所以我就打去另一間行店 即係而家旺角瓊華中心6樓既分店BOOK位 同埋問清楚係咪真係有呢個信用卡優惠咁係確定咗有既 所以就BOOK咗10月8號星期日食牛角啦 本身我就未食過牛角既 所以今次就去試下食牛角係咩滋味啦一上到門口 好多人呀 心諗咁多人等位既 咁我慢慢去到櫃枱話BOOK咗位 即刻有得入我見到門口咁多人仲以為BOOK咗位都要等 原來唔駛 佢已經留定晒一坐底佢就講有信用卡優惠可以睇嗰個MENU 個MENU怪怪地 寫住咩75折 唔係半價咩 咁我係冇理到 只係有少少疑惑 但照點咗黎食既佢係有六款肉左右 和牛牛肋肉,牛肋肉, 骨付牛肋肉, 牛舌, 豬頸肉, 雞胸肉, 仲有個沙律牛筋煮同埋帶子 再加兩杯野飲但係帶子賣晒 又轉咗個豬肉(好似係)比我地 之後點野飲 個啲咩燒酎又全部冇晒 都唔知揀咩好咁 但冇計啦 都照食架喇黎到D沙律 本身幾鐘意食沙律所以覺得幾好味 但牛筋煮唔太好食 好靭 個味都唔好食架之後D牛黎到基本上

星期六等sales朋友收工一起吃宵夜，去了牛角吃極上的燒肉放題。是好熱氣但好肥美的肉肉喔！還有其他野菜沙律、泡菜、溫泉蛋飯、冷麵，以及最後奉上的豆腐雪糕都不錯！但都挺貴，每人$360，性價比低🤷🏻‍♀️

呢次黎到見到新出的未來漢堡午市定食一於就試下新野88蚊一個話係素食全植物製作對於我黎講試新野係最正睇落塊”牛肉”都幾厚點知原來唔係牛肉但含有蛋白質和鐵質比真牛肉高吃落口感好似吃緊真牛肉甘仲有肉汁爆出嚟好juicy成日都話牛有四胃人都有兩個胃一個咸胃一個甜胃食完咸野當然要食返個甜品呢度嘅綠茶雪糕同我喺日本食嘅差唔多好creamy好重綠茶味我呢啲綠茶之鬼點會放過呢總結：今日呢餐無論喺服務、食物同環境都在水準之上，重點係，唔！洗！等！正！！

早前一行三人在旺角瓊華中心的牛角日本燒肉專門店替好友預祝生日。窩夫點了一杯牛角特飲($30)，成份有桃汁、橙汁、菠蘿汁和雪碧，味道不錯。黑糖牛油蕃薯($46)燒至外脆內軟，吃下既有牛油香也有黑糖焦香，不愧為牛角名物。厚燒牛舌(4片$49)的最高境界是將六個表面都燒至脆脆的，達到外脆內軟的口感。燒肉六品盛盒($218)有齊豚肉燒、雞腿肉、牛肋肉、腹胸肉、豬頸肉和牛舌，最適合懶得慢慢研究餐牌的朋友。同行的朋友喜歡吃腹胸肉($59)，所以另外再單點了一客，腹胸肉醃得很入味。鹽味牛油帶子($52)的帶子雖然比較細隻但很有鮮味，最重要是一點也不韌。後加了廣島蠔($59)和牛油本菇($22)，爭取時間兩盤一起燒，牛油本菇有意外驚喜。壓軸的王樣！腹胸肉($82)是好友的好介紹，大大件很厚身，就像兩塊牛扒，先用大火燒一燒兩面，然後用剪刀剪成小塊再燒，將燒好的牛肉放在牛油一會，等牛肉吸收了牛油便可進食，蒜蓉味、牛油味和本身的牛肉味加起來，味道十分豐富，吃得非常滋味。

放工約埋朋友出到旺角都7點幾 行左陣醒起不如去牛角食深夜放題 放題由9點開始 但8點就拎得飛啦 一於就捐上去拎飛先啦 話說果架lift都要打蛇餅咁等一陣先上到去坐低侍應交低部ipad比你點菜 咁搭正9點就可以下單啦 我地今次簡既係中間既豪華放題 2百幾另加加一 極上放題要加多80 但就多d肉簡 因為一開始佢比定2盤拼盤組合你 果到已經有唔同款式既肉 當中有幾塊貴肉係明顯特別有牛味同軟必點既當然有我最愛既半熟蛋紫菜飯 因為佢都預你燒肉多 唔會比好多飯量 呢個真係一讚 好似好簡單既半熟蛋同紫菜 但撈埋牛角既醬油同蒜容 再加埋佢本身芝麻同麻油既調味 好正正呀 朋友有興趣都可以試下咁食 我一擦就擦左兩碗😂肉既話主要點左牛肩肉同一口牛 第一轉既時候又軟又夠味 最怕佢un到咬唔開 牛既款式唔多 但就夠曬牛味 雞就雞脾肉好食 夠曬驚喜既係燒多春魚 要等佢燒到收水再慢慢反魚 充滿技巧架 但好鬼好食囉燒石斑都好食 有魚味同唔霉 食完燒肉竟然自動送上豆腐雪糕 因為太飽所以就無要了

今日大中午12點到旺角瓊華牛角用餐，感覺非常差，事緣一位職員工作態度相當散漫，我並不清楚他的名字，圖片已附上，從他的衣著相信已工作不短的時間，我準備開始用餐時，便向他表示想要一隻匙羹，他說好，轉頭便接待剛到達的人客再沒有記得我的要求，我並沒在意並要求其他職員代勞，大約25分鐘後，我再要求同一位職員追加香蔥温泉玉子飯，他又再次沒有理會我的要求，並處理其他事情，最終亦需要其他同事代勞，其實我光顧過其他分店，絕少遇過這種質素的職員，有很多初入職的職員比他要好，他們對程序雖不熟悉，但至少有心做好工作。反而這位員工的工作態度會加重其他同事的工作量，亦會影響人客用餐體驗，我亦見到他set 好餐具後對餐具咳嗽沒有掩著口，希望能日後能有改善食物來說是不錯的，特別推介牛肋肉及香蔥溫泉玉子飯，玉子飯可以無限追加，不會怕不夠飽，不過同以前比午餐真的貴了不少，亦沒有了可以特價叫其他食物的優惠。牛角我其實每星期都會幫襯 但旺角這間分店服務明顯比其他分店差

牛角- 旺角瓊華中心分店8pm到達, 一出Lift店外仍然堆滿人群. 馬上上前拿票. 店員禮貌告知下一張入座時間大約是45分鐘後, 而且餐廳的自助取票程式挺厲害的 距離尚有5張枱電腦系統會自動打電話給你 那我和朋友二人就放心到處逛逛吧 當日才知道 牛角加設了放題套餐 價錢$188-328 難怪客似雲來非常一般我與朋友二人坐下點了7種盛套餐$488首次在做任食期間到訪餐廳, 可見服務質素下降了. 雖然我是散叫的客人, 但服務員將食物送到餐枱時勾態度甚差. 另外因為餐可以有7折優惠追加. 價錢優惠了 ,自然就給你相等價錢的肉質 優惠來的食物樣貌沒有很好 沒有影相 個人特別喜歡牛角的胡麻大海老沙律, 大大隻的海老散發淡淡的中甜味 維持水準埋單先知吾覺吾覺點左9百幾蚊 各位選任食吧

旺角瓊華中心的牛角， 因為一向都很多人所以很少光顧。那天和朋友去那裏吃午餐，午餐的人不多，價錢非常便宜， 坐得又很舒服， 真的是一個旺角不錯的午餐地點。 我點了 雞腿肉香葱拉麵，朋友則點了咖哩雞肉沾烏東， 連同飲品及爽脆沙律 才六十多元一位， 真的沒有比大家樂貴多少， 是一個值得考慮去午餐的地點。味道部分， 拉麵的軟硬適中，雞肉也入面嫩滑， 總之就是一個極之超值的選擇。

下午放假咁啱又有朋友得閒想食烤肉，韓燒放題就免了，那就來一個日式燒烤定食吧！牛角坐位比較寛鬆係其中一個我選擇的理由，不過已經年多沒有去了，唔知質素如何呢二人就當然點了兩份餐，可以Share食，其中一份是全牛，另一份有雞同五花腩併，不過我最懷念始終是溫泉蛋牛角飯，加上有味紫菜撈在一起，我一粒米都不會剩.....兩份定食當中只有以下兩件脂肪平均的牛肉才令我滿足，其他的都偏韌，質素平平，不過以價論質仍然可以接受。溫泉蛋飯是不可錯過的另套餐有沙律和湯，份量是足夠而且飯可以添加，还包兩柸飲品

今日同老公一齊day off❤️之前已經同老公一齊食個lunch ,覺得佢哋嘅lunch好抵食如果下午茶時間三點後之後來食嘅話呢仲有七折添因為老公好鍾意食牛正一牛精，所以佢就揀咗呢一個一個下午茶set入邊有四款牛肉🐄佢入邊有牛肩頸等等，其他用我已經唔記得叫咩名啊但係呢就咁睇相已經覺得佢好靚老公食後感佢覺得D牛以呢個價錢來講非常唔錯但係因為我自己係唔識牛嘅所以我自己冇試到我就帶咗個燒雞腿肉嘅下午茶set佢入邊有包一大碟沙律一個飯，一至兩款肉我今次只選擇雞肉，佢既雞肉好滑燒完又吾會好乾，大家可以考慮呢個係我個餐包埋既細雞飯，佢話細其實好大下雞飯既雞肉相對黎講係會乾左d最後追加牛油燒帶子，海款追加係冇7折呀大家記得！

是夜收工又約了朋友見面食飯吹水今次我們選擇食日本燒肉，因為好似好耐無食過地點就揀選旺角的瓊華中心，貪其方便，港鐵站一出步行數分鐘即達。因我們有4個人，咁就咩都點一D啦，可試多幾樣麻1. 海蜇柚子醋沙律 $52份量算多，我們每人都可裝到一碗，大家都能食到。蔬菜翠綠新鮮，海蜇有咬口，再加上柚子醋。整體來說，有口感而且酸酸地，幾開胃又可減下肥膩。2. 石鍋玉子豚角拉麵 $68拉麵麵質適中，唔淋唔硬，對我來說 : 剛剛好豚肉肉質軟沐沐，雖有少許肥膏，但食落一D都唔油膩。3. 石鍋泡菜牛肉飯 $69因是用石鍋既關係，所以會有少少飯焦，惹味。再加上用韓式辣醬撈一撈，令味道更出材料有泡菜，肥牛，雞蛋，芽菜等等的其他蔬菜，自我感覺較為健康跟住主角出場 ~~~4. 燒肉6品盛合 $218(牛肋肉，腹胸肉，雞腿肉，豚肉燒，豬頸肉，牛舌)整體來說 : 各款肉類都挺新鮮，本人特別喜歡牛肋肉，肉肋分明，食落口軟綿綿可惜每人只試得一塊，真係好唔夠喉啊! 牛舌薄薄一片，燒完食落很香口 ; 豬頸肉燒後很香脆又很有咬口，不錯! 5. 牛肋肉4品盛合 $168(和牛牛肋肉，牛角上級牛肋肉，骨付牛肋肉，壺漬牛肋肉)每次嚟食