牛角日本燒肉專門店 (已結業)

黎依度最主要係次次黎旺角牛角唔洗等位，如果要等一個半個鐘就算再好食的東西，我都係唔會覺得好味道！是晚男友叫左一個和牛，真係和牛唔同D， 就算點燒都係入口即溶，好滑好香牛味，真係唔需要任何調味料都好好味，你話有幅射我都係咁話都要照食，是也命也，你理得幾多？！牛舌又係一推介，切得薄薄不太厚的牛舌配塩醬，好味道，口感尚佳，爽口，正！因為要飽肚既關係我要左個泡菜冷面, 唔太辣爽口彈牙，湯都好清甜，所以連湯都飲埋。

一直不太喜歡吃放題形式的燒肉，幸好這分店不是放題形式，太好了，限時1.5小時。我們點了幾乎每組客人必點的"燒肉五品盛合"，雖然標榜食物從日本入口，但我覺得只是普普通通...牛舌實在薄得可憐...結果都不知道原來自己在吃牛舌...其他兩款牛肉都超普通味道不怎麼樣，其中一款還說什麼上級牛肋肉...兩人只吃上面當然不夠，單點牛肉，不記得什麼部位。吃了薄如紙的牛舌不甘心，點了厚燒牛舌，總算挽回分數，這個很好吃。牛油帶子也不錯。燒肉必點Soda，巨蜂永遠是第一選擇!! 他點了白桃。不過這巨蜂有點不夠汽...一張六人桌用一塊大木板分隔成兩組客人，六人桌只坐四人，這種分離方式真的很不錯。總覺得Menu選擇好像很少，食物不過不失，不過服務和環境還不錯，總括來說沒有太大回頭的興趣。

突如其來的休假，讓我們有個外遊的藉口在3地中選擇...最後還是選了曼谷，只因有太多東西想買想吃的了不過那黑色的外遊警示還沒除下來，但影響不大啦～在酒店跟航空公司上挑了很久還沒選到，決定先吃午餐再想吧最令我念念不忘的還是牛角的平價燒肉，聽說午市有套餐定食價格相宜就過來看一下，在用餐時就順道把旅行的事商議好來到的時候差不多到下午2:30，服務生問我們要不要等一下才入座因為午後點餐的話再打7折，當然好啦～ 連午市定食都有折嘛這樣變得更划算啊！！！午市的定食都還蠻吸引，價格由HKD$59-$79包括肉品、前菜、昆布湯、米飯 還有飲料而且還打7折，好爽喔這個電話袋子跟抹布初次看到貼心的一項，也是加分點前菜是麻醬豆腐，嫩嫩的豆腐帶淡淡豆香而麻醬的味道不會很霸道，搭在一起很清爽豚肉 配 腹胸肉 ﹝燒肉汁﹞這對組合我不確定有沒有記錯，但大概是這樣的其實店裡的客人不算很多，但錯漏百出，錯單漏單通通都有向來喜愛吃牛肉多於豚肉的我，這裡的腹胸肉軟腍富香濃的肉味...滿意牛舌 配 雞腿肉 ﹝塩醬﹞塩醬的味道也頗重，鹹鹹的配牛舌是不錯但我不喜歡這般重鹹味的雞肉啊～！爽脆薄薄的牛舌超好下飯的而烤雞肉不是我強項，每

食一咗好多次牛角每次也是很好的從沒失去水準，從沒為它寫過食評，因為自己太懶了，希望以後不會像其它店一樣變差，因為好多食店會越做越差品質素下降。第一次試午餐，很好肉質鮮味，羊架很香，5個人有2人細食，点了4個餐加一個羊架一碟鰻魚，其中一個是牛肉麵餐，熟牛肉是肥牛，味道几好食，麵煮得剛好，沒太生和過淋，埋單710元，相比晚市來燒燒好抵食，全部沒什麼有一樣是不新鮮的，very  good 還有，預先打電話來問套餐定食到几点，接聽的男仔很有禮貌，good 

昨晚四個人第一次一齊泥呢度食，除左叫肉之外每個人都叫左個主食。因為我係做gym選擇唔食主食所以叫左牛肉湯。我既朋友叫既拉麵都係42蚊，飯都係28蚊到我個牛肉湯要成52蚊我心諗應該唔會難食得去邊。一上枱滾既睇落去好似幾好禁實際上好似噁吐物禁架。味道亦大失所望。只係食到三樣野，牛肉碎，蛋，同埋鹽水。仲有份量又少，少過個拉麵同飯囉！得個咸字，無牛肉味，同熟左既蛋。我不嬲無寫過食評但今次實在太令我失望一定要寫低。話就話主力食燒物但如果有人唔食燒物叫左個禁既泥食真係要喊住走囉。

朋友說想吃燒肉什麼的~ 0v0 然後就說這家的午市有套餐可以試試看。最後我們點了的是比較貴點的商務套餐~有前菜 - 迷你麻香椰菜。不過這菜要燒的嗎? 吃時看到別桌的客人燒了才吃 ._.!然後還配有牛角飯和昆布湯~湯普普通通~牛角飯真的頗不錯~飯+紫菜  而且可以免費添飯！燒肉來囉~~ 不懂怎樣燒的可以看桌上的燒肉攻略XD！朋友點的是E餐~重點是特上和牛牛筋肉+3品燒肉 ^^ ($149)其實燒粟米也很好吃~但燒的時間比較容易燶掉吧～我則點了F餐 - 海鮮 & 燒肉 這樣就可以分享不同款式的囉~~ 但那個蠔真的不行(不太新鮮!!) 牛舌和多春魚則很好喇~~~!!!!最後套餐還包括飲品一杯和雪糕 雪糕可以選抹茶味(開心w) 而且這裡的雪糕也很好啊(雖然外貌有點.....)

平時夜晚食燒肉都唔平，聽講$59就食到午餐，緊係要黎試下啦。旺角分店都幾大，好多位。有午市套餐同商務套餐。燒肉餐有前菜(麻醬凍豆腐)，餐飲同白飯，加$12可以轉任食既牛角飯。商務套餐有前菜(椰菜沙律配麻油)，牛角飯，餐飲同牛角雪糕。 雖然燒肉好吸引，但比個豆腐海鮮鍋吸引左。個石鍋上既時候滾到起緊泡泡，咁凍既日子見到都覺得溫暖 牛角飯其實係飯加左甜醬油，蔥同紫菜。就咁食已經好好味，撈埋豆腐鍋隻蛋，好食到唔想停。 個湯有少少辣，豆腐好滑，有蜆，帶子同蝦，重有泡菜，好足料。全部都唔錯，唯獨係隻蝦好嚡。食哂個鍋再要多碗牛角飯就咁食，正呀！牛角雪糕可以揀綠茶或者雲尼拿。綠茶味都幾重，加木糠布甸d粉同蜜豆味既醬，好食 但可能雲尼拿清d會同sauce同粉夾d。下次試下先!!店員好有禮貌。埋單發現平左好多，原來有優惠，4人同行，3人價錢，送左個餐，本來已經好滿足，突然平左，喜上加喜

很久沒有入戲院睇戲，趁有免費戲票，不想浪費，就在假日跟朋友去欣賞一場電影。入場前，先去牛角吃份午餐，睇完之後再打波，晚上是朋友的生日宴，很充實，很有假日的感覺。印象中，牛角是一間超級旺場的燒肉店子，每一秒鐘均是座無虛席。是我已經太Out了嗎? 怎麼星期天的中午，旺角的店子竟然無須等位，直行直入，甚至可以自己揀位?! Anyway，坐定定，看看餐牌有什麼好東西。喜歡這裡很注重細節位，譬如服務生會奉上一「密實袋」讓大家放電話，不會被油濺到電話等…每人點一份定食，撈埋食就已經很豐富。我咁鍾意食牛，我的選擇肯定就是和牛定食，而對方又因為不想吃海鮮，也來了一客五品燒肉，作為食肉獸的筆者，今餐絕對的大滿足。在品嚐重口味的燒肉之前，先有一小碟沙律來清清口腔。幾清爽的，頗重麻油香。好！我已經準備充足喇！兩大碟食物之中，筆者最要進攻的，唔使問，必然就是牛舌。有兩款牛舌，分別是切得薄薄的牛脷片，以及切成長條的。後者更爽更彈牙，口感尚佳，自然更能討我歡心。牛胸腹的油份豐盈，也不錯。撇除了牛肉，雞肉其實也是可以接受，特別是燒香了的雞皮，邪惡又好吃，必須要將之消滅。最不懂欣賞的，正是那條腸，我想求其換一款肉給我

難得星期六假期，就去牛角食午餐。晚餐比較貴，所以都係午市套餐抵。要了牛肋肉和五品燒肉定食。午餐的訂價相比晚餐相宜。我個人認為如果想試牛角，可以在午市光顧。星期一至日也有午市套餐!牛肋肉$59,有前菜，有白飯和餐飲。前菜有泡菜，菜和豆牙。沒有什麼特別，份量很小。牛助肉一碟有八片，厚度適中但有點韌。牛肉也頗新鮮，味道也剛剛好。差不多食完牛肋肉，另一個餐才到。如果不是一齊食，另一個人就要望住別人食。五品燒肉定食$89,有沙律，有牛角飯，牛角雪糕。牛角飯係白飯上加紫菜和汁。是出奇地好味，沒有餸也可以食一碗。記住飯是可以任食的。五品燒肉有牛肋肉，腸，雞肉，豬頸肉和牛舌。還有鮮菇和粟米，有肉有蔬菜。牛舌是很薄很薄的一片，豬頸肉燒完後很香口和脆。正!雞肉沒有什麼特別。腸燒完很皮脆，味道不會太鹹。這個餐的牛肋肉比$59餐的好食，不會韌。相比下真心覺得五品燒肉抵食。店也很有細心，會給每個客人一個密封袋放電話和也會一人一塊眼鏡布。

好耐之前已經好想食牛角,之前係屯門V CITY試過等足2個鍾都冇位,決定放棄今次我女友生日,好在我醒目book定位,打曬去尖咀銅鑼灣都爆曬,最後book到旺角,去到原來一個人都冇即時入座,爽!!我地叫左個燒肉拼盤,一碟百零蚊和牛,一盒牛油帶子,牛角香腸,芝士雞肉,牛肩膊,一個牛角沙律,2碗牛角飯同一個辣油牛舌,埋單650幾!算合理!牛角沙律其實好普通,自己係家都整到!不過辣油牛舌就真係正啦!佢一D都唔辣,不過好香,而且話係可食用無害既辣油,我就唔知點解,不過食完一碟之後仲想encore!燒肉拼盤咩都有,2個人食啱啱好唔會太full! 最好食係牛舌!不過茄哩啡既粟米同香菇竟然出奇地多汁同香甜! 我就suggest大家點個陣點燒汁口味!和牛真係好油好香好化,不過鹽口味就醃得over左,所以我地同黎送牛角飯(呢個飯送燒肉一流!紫菜香+埋肉香超正) 不過份量真係少,而且同menu圖片不附!牛角香腸,芝士雞肉冇乜特別,但可以一試!牛油帶子就可以再encore,佢係一個鍚紙兜放曬爐上燒,唔洗攪到成手都係,好方便,而且好快熟,帶子彈牙溝埋牛油,撈飯都係一流!順便一提牛角特飯都幾好飲,菠蘿+橙汁+7喜

今晚決定去牛角食燒肉，已經一早BOOK訂位，所以唔洗等太耐，環境好乾淨，光暗亦啱啱好。坐底睇緊食咩之時，發現匯豐信用卡可以有2人或4人晚市套餐65折優惠，於是廢事諗之制，決定食個2人餐。由於我地一D都唔趕時間，所以慢慢食，慢慢燒(每張枱都有張教點燒既catalogue，睇清楚建議個煮法)食物都好快上枱，有石鍋泡菜海鮮湯(有小許辣味，好好味)、海鮮盛合(見到2隻大蝦同海鮮就勁興奮)、煙肉鮮柚子沙律(味道唔錯)、塭味牛油帶子(牛油帶子簡直絕配)、野菜盛(粟米和冬菇就顯得十分難處理了，要停時停後反，確保燒得均衡)、牛角飯(只用紫菜碎拌白飯來吃也是滋味無窮)，燒肉 (放上爐就有彈油聲，就足夠令你興奮，好有肉味)甜品方面，服務員不停推介我地試鯛魚燒及雪糕銅鑼燒(當然開頭唔係E2樣)，店員也提醒我們點燒、燒幾耐等。雪糕銅鑼燒表面是餅，再放上爐燒，相當有趣，不過如果燒得不夠，就外表面不夠熱，內裡未溶化。味道很不錯，值得一試。勁好味(其實去到甜品既時候，真係飽到上心口，不過真係好食到，整整一件我都能吃掉)整體來說E個2人餐可以3個人食，真係十分飽，但如果要以原價價錢略嫌不值，建議看看有無信用卡優惠。服

自ICQ, Facebook,Wechat 等的個人交友分享網此在這十年來不斷更新替換，人類就算離開了某個地方的生活模式後，即使去到那裡都能從這些方法把多年沒見的人聯繫起來。近來，正正透過facebook，在小學中具號召力的一個男生就把我們這一班十二年沒見的小學同學聚集起來。不過人長大了，忙碌事自然愈多，一大班人就愈難約出來一聚了。既然一大班人愈難約，即管就約小貓三四隻吧！恰巧大家對一齣電影＂被偷走的五年＂都十分有興趣，於是想都不用想，翌日就約出黎睇戲，不過，睇完之後大家都一一變成喊包，能力也耗盡，肚子也同時喊著，時間上剛好踏上＂牛角＂的宵夜特價時段，所以就由小妹發板起行了！旺角店的宵夜特價時段由星期日至四的晚上九點半開始，而星期五、六則由十點鐘開始。當中，六大推介食品半價，包括：柚子沙律、牛舌、多春魚、芝士/月見/蕃茄雞腿肉等；另有四大人氣食品七折，包括：辣油牛舌、腹胸肉、上級/壼漬牛肋肉等等；至於所有飲品均七折。香草羊鞍($92)先叫了一客香草羊鞍，兩件均塗滿了香氣十足的蒜蓉和香草混合醬，燒約七、八成熟就成了，肉質十分軟糯，只是近羊架位的肉質帶筋有點韌度，但又沒有可怕的羶味，若果在

以前去瓊華都只係唱k，今次就去左呢間牛角日本燒肉專門店同朋友慶祝生日🎂。一出升降機就有唔少人等位，7點幾出到黎都預左等好耐，但半個鐘就有得入座，比想像中快👍。  環境好乾淨，光暗亦調較得啱啱好✨。點左嘅野食都好快上枱 。  牛肋肉上枱，我就興致勃勃㚒落去燒，重好快熟😄。我怕屙，所以煮到6,7成熟。食落囗，果下牛肉嘅香味好濃，好煙靭有咬口，油滲透個口腔，真係齒甲留香。😌👍🐮薑蒜豚燒肉，一放上爐就開始彈油，可想而知佢地有幾肥🐷。豬肉就要煮熟啲，燶少少都唔緊要，脆脆地好香嘅豬肉味，出奇唔會好油膩！😋👍🐷牛油帶子，鮮味同牛油簡直絕配😙👍懶醒，亂燒，笨手笨腳，下次都係唔好心急睇清楚個煮法😂。爐中嘅芝士雞腿肉，肉嫩滑，富雞香味。遺憾太早放上芝士熔岩碗，燒到燶同乾哂😔，又係唔睇指示嘅禍😭。石鍋香蔥拉麵，唔係拉麵專門店，所以有啲遜色。拉麵太淋，無𡁻口而且無咩湯，唔講重以為係撈麵😅。完全無蔥味，淨係得芝麻香味。唔推薦😕。掛住食唔記得影嘅厚燒牛舌，成晚最深刻😝😍☺️。上枱嘅時候見到係相中大小嘅一半，有少少傷心😢。熟左未吹涼就立即食😆。哇...不得了...軟熟得黎不失少許嘅爽口，同時又有韌勁(矛盾，但的確如此

7‧1假後番工要OT，放工又係宵夜時間咁滯，唔知食乜好，由地鐵站上地面途中見倒牛角廣告，喺香港開店咁耐冇幫襯過，太多人呀！所以就決定上去開餐。還好呢個時間真係唔駛等位，直接安排入座。呢個燒肉夜割時間，幾款燒肉特價由30%到50%不定。我地都點左幾款特價食物，包括王樣腹胸肉(鹽味牛油)﹑上級牛肋肉同芝士雞腿肉，另外點了厚燒煙肉﹑香蒜牛油一口牛同石鍋泡菜豆腐海鮮湯。燒肉工具都幾齊，又有鉗又有剪，點肉既汁醬有三款，我唔記得係咩，只記得好鹹，同埋本身啲燒肉已調味，所以冇乜點食。燒肉逐碟上嘞，賣相其實一般，嗰啲有牛油或芝士既以錫紙兜另上，係將成個兜放上網度燒，燒左肉先，再放入個兜沾牛油或芝士，第一次見。所有食物同平時既燒肉料理差不多，冇話特別出眾，反而泡菜豆腐鍋好味，亦令我想起泡菜國料理。其實以佢既質素，個價錢有點偏貴，但我地喺特價時段食還好啦！要我排隊就唔好了。唔知日本店係咪會好食啲既呢！

吃特價時段都幾抵食 , 月見雞腿肉, 好滑, 咁雞腿肉燒好之後, 就 " dim " 月見汁, 即是蛋汁, 感覺好好味, 和好新鮮,上級牛肋肉, 好有牛味, 好味, 牛的脂肪平均分布, juice 多春魚唔錯, 幾新鮮, 幾多春, 柚子沙律就相比之下就普普通通啦, 但是都算好食,份量都唔少,牛油帶子一定要 ORDER, VERY FOOD 因為牛油帶子無雪味, 又鮮甜可以叫個有紫菜飯, 好味, 飯上面有炸紫菜, 飯就是珍珠米.