牛角次男坊 (東薈城名店倉)

營業中

休息中

-東涌東薈城新裝修多左好多新餐廳，其中一間就係《牛角次男坊》主打日式燒肉丼，大大塊燒肉片🥓放係𣺉上日式燒汁嘅大碗飯上🍚，未食已經夠曬吸晴🤤！依家早割/夜割優惠只要$68起就已經食到一個燒肉丼🍱，配埋前菜一碟同解茶一枝，超抵食！-今次我就選左最平$68《燒鹽麴牛舌丼定食》牛舌薄切但都有數十片，肉味幾濃偏韌，燒肉汁配日本國產米永遠都係咁夾！☺️另一款$88《牛角次男坊定食》用上美國肩脊肉🐮，堆砌成16厘米高牛肉山🤩，份量大份肥瘦適中肉質柔嫩，每啖飯都配上燒牛肉好幸福🤭～

新開的東涌商場另一邊。需要自行去收銀處下單，再等待店員上餐。牛肉質素很好，有不同價錢的牛肉丼。，亦可選擇有蟹肉，吞拿魚的牛肉丼。是日與同事午餐。牛肉份量很充足，亦有汁，內有芽菜。

呢日Lunch阿仔推介我去牛角次男坊食，因為佢話見到有兒童餐！我奇怪明明我地食過荃灣嘅牛角次男坊都冇兒童餐，所以一於去東涌呢間試下！黎到呢度見到門口餐牌真係有兒童餐，不特止，仲有親子套餐，大人小朋友各點一個飯唔洗爭，而且價錢比單點便宜～ 親子餐媽媽我點左豚肉丼，套餐配道地解茶和前菜，我喜歡這個豚肉超多肉汁好入味，豚肉份量多，也軟身易咬。 兒子點了牛肉丼，別以為兒童餐好少餸，其實都幾多牛肉，只是飯的份量少一點。牛肉稍為多筋，阿仔咬唔開。。。另外兒童餐配沙律、湯和QOO果汁。沙律得生菜和粟米好弱，小朋友又唔食生野，真係唔多啱食，如果送啫喱的話小朋友會開心Ｄ囉。。。 爸爸吃特上牛角次男坊丼定食，用上美國牛，好像比阿仔的牛好吃。食物來說東涌牛角次男坊的食物味道跟荃灣那間差不多，丼飯保持水準。不過不太喜歡這裡的入座安排，要自己入餐廳內搵位再出Counter買票，沒人帶位或攞飛，好似快餐店咁企在食客旁等位好怪，坐低左就攞個號碼牌在枱上等送餐，搵位較艱難和混亂，地方又唔算大，如果咁等又送餐好易發生意外架。今次我地過左午巿時間，一入到來就有位先食，如果人多真係唔願意咁等位法。牛角次男坊 東涌達東路2

同男朋友去完迪士尼唔知食咩好，就出返東涌試下呢間燒肉快餐店啦原來要自己搵位，都等左好一陣先有位，枱同枱中間都幾逼，完全聽晒隔離枱講野🙉我今次點左個「次男坊定食」，佢係美國肩脊肉初時一望覺得好似好細碗，但原來食落都幾飽。啲汁好好味，送飯一流，啲肉都有好多塊，唔算韌，好好食。佢仲跟餐送左枝道地解茶，食完啲油膩野飲返枝解茶就岩晒啦，即刻減低罪惡感

又試新餐廳👻👻今晚想食日式餐廳。上了東薈城的citygate 2 期搵食。見到開張初期人頭湧湧的日本餐廳-牛角次男坊終於少了一些人。就直衝入去。原來是自己買票後送上，又免加一的日式餐廳。感覺興奮啊。看到價錢表 也很划算。最低入場卷是hkd68就食到牛肉飯。飯全是用碗+上面充滿你order 肉。每碗外貌好似富士山🗻一樣。看外貌都已經好吸引😸😸。我地點了推介的蟹肉牛肉飯+吞拿魚牛肉飯。蟹肉和吞拿肉是冰，感覺從冰櫃拿出來。牛肉很熱騰辣辣的。肉質不錯。但醬油太多。太鹹（這裡扣分）。因為自助形式，所以無加一服務費。座的地方舒服的。下次可以再試（但會要求少汁、或是分開上）。

之前已經想黎呢間食，但係要自己搵位，又勁多人等緊位，所以每次都放棄左。難得今日咁少食客，同埋今晚我自己一個食，所以就决定食呢間價錢由$68起。A-E餐包飲品同前菜本身我想食B1 餐，問左服務員後發現原來B餐和B1餐的牛肉品種是一樣的，只係加多左蟹肉。但貴左50蚊💸，所以最後都係决定食B餐。記住要攞左位先好買野食呀。如果唔係攞住食物企係度等都幾尷尬😅點完餐之後，侍應就會比一個號碼牌你。咁你只需要坐定定等佢地送上食物。✨牛角次男坊定食 美國肩脊肉$88食物大約五至十分鐘就送到，都算有效率👍🏻跟餐嘅前菜係芝麻醬蕃茄，蕃茄鮮甜。牛肉份量都算多，大約有十塊左右，每塊大約有一隻半手指咁長。🧡燒烤醬汁醃得好入味👍🏻😋一啖牛肉一啖日本米❤️❤️❤️正～飯粒粒分明，有咬口，軟硬適中。餐廳感覺好似高級版嘅快餐店。岩晒香港呢個速食文化而又能夠提供更高嘅食物質素。

東薈城終於翻新完第二期, 對比第一期商場大+多層+色調舒服左, 高檔好多! 餐飲集中起7樓, 進駐左唔少新食店+保留少量食堂部分.下午茶時段較少食客, 容易搵坐位👍 背景音樂播住one piece歌曲🎶 地方整潔+位置算寬敞🔹B1 牛角次男坊丼 (美國肩脊肉) 配味憎湯 ($93)🔹B2 牛角次男坊丼 (配日本拖羅蓉刺) 配味憎湯 ($119)牛肉片醃得超入味, 濃/咸左少少😅 有少少肥+筋, 不過夠冧所以OK😉 另外有微辣既大豆牙🔥配珍珠米+4片紫菜👍🔹溫泉蛋 ($12)🔹配沙律+可樂 ($8)以呢個價錢沙律細份左D😐好彩唔洗加一服務費, 套餐有少少貴💲

12:45前有優惠嘅牛角次男坊，當然要試下！餐廳同快餐店差唔多，係門口買完之後自己入去搵位，之後店員會送餐比你。水或者醬汁都係自助模式，需要可以自取。當日我同朋友12:30左右買完野食坐低，1點食飯時間越來越多人，裡面空間其實唔寬敞，等枱嘅人幾乎企滿晒成間舖。有人行過仲成日撞到我張櫈，所以我地都係快啲食完快啲走🤦🏻‍♀️今次試左兩個丼 - 次男坊丼（牛）同豚肉丼，兩個丼飯嘅肉都非常多，醬汁偏甜。雖然飯量少，但整體味道唔錯，一般女仔都夠食，有機會會再試埋其他丼飯！- 次男坊丼- 豚肉丼

推薦指數:🤩🤩🤩🤩牛角次男坊丼配日本拖羅蓉HK$119堆到山咁高的牛肉丼🤤真係口水都流哂！底層係日本珍珠米，有少少芽菜放飯面，再鋪滿一片片牛肉，牛肉上再黎一球雪糕球咁大的拖羅蓉，旁邊伴有紫菜！成個丼超豐富😍牛肉滿滿哄鋪滿飯面，牛肉肉質腍滑，充滿燒汁味，每一塊都肥瘦適中，份量十足✨拖羅蓉加少少日本豉油，用紫菜包住，滿口拖羅蓉的啖啖滋味✌🏻😊而牛肉的肉汁本身好濃郁，油香少少滲到底層的飯粒 🍚成個丼真係份量爆棚，好推介，食完真係攬住個肚走😽

見東涌有新食肆於是星期六便到場打算食個early lunch。咁岩呢間12:45分前食飯有幾款會平D。原本以為會有人帶位，點知原來要自己搵位再出counter order... 好彩早到一入就好多位，但好快唔洗一陣已經全場full晒。份量好足，一個女仔食唔晒，係的確好味又足料。但發現d汁好似濺左出黎，搞到個碗勁油。其實兩個人黎食都唔算平，但要自己搵位，你食緊時仲好似大家樂咁，有人企係你檯旁邊望住你食，想你快快食完就閃，好大壓力我個人唔鐘意啦，而且通道又窄，除左比d人企係度等位，又有員工行黎行去收碟&送餐，老實講出面搵個人派飛仔拎位仲好啦唔改下個服務模式真係無下次

相信好多人都食過牛角但不一定有食這這間「牛角次男坊」因為暫時香港得兩間分店而且次次行過都要勁等位終於今日因為午餐時段而食到喇～😆.牛角次男坊丼 $93（星期一至五的12:45pm前/9:00pm後的優惠價是$78）是號稱16cm高500克重有如富士山般震撼的燒肉丼最外層是蔥花+芝麻+蕃紅花+美國肩脊肉裡面有吸收了燒肉汁的芽菜底層是珍珠米飯我自己會把碗邊的紫菜可以把肉+芽菜+飯用筷子做個小包飯，包起來食～.豚肉丼 $82（星期一至五的12:45pm前/9:00pm後的優惠價是$68）朋友吃這個是有蔥花+芝麻+蕃紅花+溫泉蛋+西班牙豚肉豚肉加上甜甜燒汁和溫泉蛋是絕配🤤.個次男坊燒肉汁說是有微辣惹味的確只是很輕微的辣怕辣的人應該都沒問題雖然碗不像看起來的深但其實分量很多而且每個丼都附送味噌湯又可以有自行拿取的飲用水都算是很不錯但模式有點像快餐店所以想同朋友可以輕鬆坐聊天吃飯就可能不太合適.牛角次男坊📍東涌東薈城名店倉7樓706號舖

見東涌新開 即黎試食叫左個牛角飯$9x同牛舌$7x其實12:45前同21:00後食會平20 蚊到加8 蚊就有可樂同沙律先講牛舌飯初睇以為好小 因為食落好飽有1x塊牛舌， 夠味可以唔加調味~牛肉飯牛肉份量我覺得幾多，有小山仔咁，食落有肉汁，好好食，配埋佢d飯好match牛好有口感同層次，唔會煮到好老 ! 絕唔失望食食下先發現比小左隻蛋流心蛋其實間間差唔多，冇特別，但好食配飯唔錯~另外覺得唔名味既朋友可以自加牛肉汁~但唔好加咁多 好小已經好咸

呢間分店收呢個價錢，但係竟然要自己搵位然後去櫃檯買飛仔... 不了。其實每間酒樓餐廳必須搵啱自己嘅經營路線，間舖頭啱啱開，希望能夠聽下顧客意見，呢個方式必定係難以成功。