牛角次男坊 (荃灣廣場)

營業中

休息中

牛角就成日食，牛角次男坊就第一次喇🙈九龍灣分店執咗，原來得返荃灣同東涌兩間分店，今日咁啱過嚟荃灣做嘢又過咗lunch hour冇乜人，即刻試吓先！嗌咗鹽燒牛舌丼(M size)，另外跟咗套餐(+$13) (包中華沙律，麵豉湯同飲品)同埋一隻温泉蛋(+$12)。牛舌丼用返牛角最出名嘅圓形薄切牛舌，中size有5塊~牛舌嘅調味係足夠嘅，但我自己就覺得overcook咗啲，食落有啲靭同乾🤥另外燒肉汁喺哂嗰底，所以一開始食面嗰浸嘅飯有啲乾，要撈埋温泉蛋一齊食先好返啲🫥呢間都叫做可以止到想食牛角嘅癮，而且價錢又未好到好貴😆如果下次經過，都可能會想試佢汁燒嘅次男坊丼！

呢間牛角旗下嘅燒肉丼好岩一兩個人食😙可以揀牛腹腩/牛板腱/牛舌/豚肉/雞爽肉，仲有唔同嘅size，大size係成座山咁高，岩哂食肉獸😆甜甜哋嘅燒肉汁加埋啖啖肉好滿足☺️ 鍾意食牛嘅可以試吓招牌嘅牛角次男坊丼($88) 牛腹腩肥瘦適中冧冧地又帶啲肉味😋 豚肉丼 ($78) 都唔錯肉質唔會過硬😙 📍牛角次男坊 荃灣大壩街4-30號荃灣廣場L1樓112B-113號舖九龍灣牛頭角道77號淘大商場1期地下G143-162號舖東涌達東路20號東薈城名店倉7樓706號舖

做左牛角會員好多年，都係第一次食牛角次男坊，因為分店又唔多。今次嚟到荃灣廣場，其實經過次男坊好多次，今日只想快快食個飯，就去試吓，平日下午幾乎冇人，得一枱客鹽燒牛舌丼 大 $73牛角最好食嘅就係薄切牛舌，好有口感，彈牙又唔會咬唔開，其實係牛角燒肉店食8塊牛舌都幾十蚊，同呢碗飯差唔多，咁呢度抵食啲，不過冇得自己燒。暴雪蔥鹽豚肉丼 大 $56點餐之前問左一問店員，小同大係咪淨係飯嘅分別，點知原來係飯同肉都會多不過啲蔥就一啲都唔似幅圖咁暴雪，得好多豚肉幾好食，唔會話超肥，少少，唔會鞋鰹魚味炸餃子 $21炸得超脆，脆卜卜，真係食到有淡淡鰹魚味

家人好叻地搶到2張旅發局夜饗樂券，可以於次男坊晚市使用我們準時6PM到店，客人不多，可以直接入座。次男坊是牛角集團旗下的日式餐廳，主打大碗牛肉丼飯。我們3人最後選了一個2人前定食，再散叫一個豚肉丼飯。選好餐點後便可以自行用手機掃QR code落單。2人前定食包括2款前菜、2款炸物、1款燒物、2款主食及2罐飲品(可選味噌湯)。落單後，2人前定食很快便上桌。牛角次男坊丼先來。前菜溫野菜就是快餐店雜菜，味道正常，純粹為肉很多的晚餐增加一點纖維。加了$10升級到草飼牛腹腩，牛肉堆得滿滿的！牛肉味濃，而且邊燒得脆脆的，非常好下飯，好吃另一款前菜糖心蛋，味道不錯。牛舌丼外表有點像日式超市買到的便當XD鹽燒牛舌鹹香、爽口，但分量比想像中少。唐揚雞肉味道正常。薯寶配芝士醬普通快餐店質素。燒雞腿肉串燒燒汁味濃，適合送飯。散叫的豚肉丼肉量也很足。豚肉跟牛肉一樣有燒過，配搭一堆蔥也是很好下飯。用完$200消費券後，次男坊還有加碼$100折扣，最後3人晚餐只需要$14如果沒有消費卷折扣，則需要每人$105，晚市價錢來說不算貴。總括而言，次男坊的燒牛肉和豚肉丼的味道不錯，但套餐的配料有點多，而且質素普通。下次再

一人前定食（$110）前菜：溫泉蛋、溫野菜炸物：薯寶配芝士醬、炸忌廉蟹肉薯餅、唐揚雞肉燒肉丼：牛角燒牛肉丼（草飼牛腹腩）、雞爽肉丼、鹽燒牛舌丼、牛角次男坊丼（+$10）其他：味噌湯、飲品叫咗兩個「一人前定食」溫泉蛋（正常合格，蛋黃流心） + 唐揚雞肉（三件，脆口） + 牛角燒牛肉丼（草飼牛腹腩約六/七片，有牛味，不算太軟嫩但唔嚡唔韌，醬汁咸咸甜甜，味道不錯） + 可樂溫野菜（白烚加醬汁） + 薯寶配芝士醬（好耐無食，食回憶，芝士醬香，但太少了） + 鹽燒牛舌丼（約七/八片，爽口唔韌，加蔥絲食好夾） + 可樂

入去食既原因係因為俾佢既餐牌所吸引，餐牌顯示啲肉大塊到可以遮蓋個碗。今次叫左蔥鹽豚肉飯同燒牛肉飯，滿心期待啲蔥鹽堆成山丘咁及啲肉大到可以遮曬個碗，最終原來只係圖片只供參考感覺上係有啲失望。但食落口又另一回事我食蔥鹽豚肉飯，啲蔥鹽夠味，咸香咸香的，撈飯真係一流，而且啲豚肉夠味，唔乾，有啲香口，所以好快食曬，係有實力。燒牛肉淺嘗，食左一塊，唔乾，脂肪分布唔多，都可以。午餐黎講，味道唔錯，而且無加一收費，往後可以再試。

第一次食荃灣牛角次男坊，整體不錯暴雪蔥鹽豚肉飯：以豚肉為主要材料，搭配濃郁的蔥鹽調味料，讓每一口都充滿豐富的味道。豚肉經過特殊的烹調技巧，保持了肉質的嫩滑與口感。推薦度8分燒肉丼定食：這是一道擁有豐富口感的日式料理。它以嫩滑的燒肉片為主角，配上新鮮的蔬菜和美味的醬汁。燒肉片經過細心的烹調，保留了肉質的鮮嫩和多汁。每一口都散發出濃郁的燒烤香氣，令人回味無窮。推薦度7分一口酥魷魚：這道菜是餐廳的招牌點心，深受顧客喜愛。酥炸至金黃酥脆的魷魚，外層酥脆內裡嫩滑，帶有淡淡的海鮮香氣。每一口都能感受到魷魚的鮮美與口感的對比，絕對是下酒的絕佳選擇。推薦度8分忌廉蟹肉薯餅：結合了香脆的薯餅和鮮美的蟹肉，口感豐富。薯餅外層炸至金黃酥脆，內部鬆軟，搭配濃郁的忌廉蟹肉醬汁，帶來豐富的奶香味和蟹肉的鮮甜。每一口都讓人沉醉其中，無法抗拒的美味。推薦度9分

屋企附近冇牛角，咁啱呢日去開荃灣，見到呢間牛角次男坊好似幾吸引，就決左入去食個早晚餐😋佢哋主打燒肉丼飯，豬牛雞都有齊，驚唔夠食嘅仲可以叫套餐，有埋前菜小食飲品，因為唔算好餓所以只係叫咗個1人餐($110)再加碗芝味松阪豚丼($72)，兩個人share😚首先嚟到嘅係鹽燒牛舌丼，雖然叫咗少飯但都好滿😆表面鋪滿曬牛脷真係好吸引，下面仲有紫菜飯素同牛肉汁撈飯，加埋震揗揗嘅溫泉蛋(套餐前菜)，簡直係perfect嘅日式晚餐🥰不過有賣相都唔夠，最緊要係牛脷夠淋夠香，而且切得夠厚有咬口，如果唔要套餐淨叫都係$73，呢個份量嚟講都幾唔錯👍🏻松阪豚肉就稍為遜色，雖然好厚好大塊，但真係幾硬下🙈有肥膏嘅位又會好油，而且芝士醬唔太夠，雖然燒得幾香，但味道同口感都有啲失望😗套餐小食揀咗魚手指，即叫即炸夠熱夠脆～

因為會員到期要儲分，今次幫襯咗牛角次男的招牌菜牛角次男坊丼(草飼牛腹腩）。牛腹腩份量驚人，堆砌成一個富士山咁高，賣相吸引。肉質油脂分布均勻，而且仲有好多芽菜。所以口感一流。

21/8/2023，星期一，山長水遠09:30嚟到荃灣裁判法院做野，趁13:10放風時間去咗隔離荃廣嚟個快閃覓食。推開玻璃門第一眼見到嘅就喺食日本燒肉丼嘅牛角次男坊。未食過嫁，有咩吸引得過唔駛等位，價錢又唔貴。唔想煩唔想行嘅我，坐底咗。據多年試伏經驗，燒牛肉豬肉中伏嘅指數高達83.1496%。有數據支持嘅我，果斷嗌咗：〰️〰️〰️🍽 盬燒牛舌丼 (大)▪️用咗經典嘅日式呃飯碗上，夠地道！▪️牛舌足足有9️⃣片，3 mm左右厚，話厚唔厚話薄唔薄，入口軟𣺉。味道上與其話喺鹽燒，更似汁煮再燒。有幾件牛味特別濃，油脂感特別重，特別軟嫩，喺牛舌芯啊！幸福感+1。▪️飯有少少Q度，加上少少燒肉汁同味素嘅加持，無投訴。〰️〰️〰️💸 無加一，埋單$73。📑 牛舌嘅處理同質素比預期嘅好，食完都有7成飽。整體其實幾OK，唔使加一算食得過。

又夠期儲分續牛角會員💳，所以就去左牛角底下嘅牛角次男坊。不過有個中伏位，本身想用埋會員啲$50優惠卷🎫，點知佢話今年3月開始牛角次男坊已經唔用得✖️，只可唔可以草分。同埋留意哩間餐廳冇午餐set，全日都係用同一個Menu，夜晚過嚟食會抵啲🌙。牛角次男坊丼 ($87)哩到嘅招牌菜，富士山堆到好高🗻，非常吸睛同打卡able📸。牛肉堆入面其實係一堆壓到好實嘅芽菜黎，不過哩個價錢都預左唔係全部牛架啦😬，但其數返都有10片，都幾抵食🤤。啲牛質素唔差，絕對唔係街市啲Cheap牛肉🐮，可惜燒得太乾太韌🚱，有少少浪費咗啲牛肉。用咗牛角燒肉汁去燒到焦香帶甜，個味道都幾好食幾夾，而個底就唔係白飯咁簡單，係有少少紫菜碎喺面頭，然後淋上咗牛角汁🍛，食落就唔會太單調。牛角燒牛肉丼L ($73)哩個飯同頭先個牛角次男坊丼基本上無分別❎，係少左芽菜、辣椒絲同4片紫菜，牛肉數過都有9片，肉嘅品質同味道都同上面一樣。如果你係食肉獸🍖，為左食飽飽，唔係打靚卡，我會建議叫返哩款。胡麻雞絲冷麵餐 ($66)係一個好正常嘅冷麵，但個冷麵係冇咗蟹柳🦀，取而代之係紅椒同埋蕃茄🍅，如果想食蟹柳嘅人就要留意啦。而啲雞就係啲鞋鞋地嘅雞胸絲

第一次食 叫左經典既牛角次男坊草飼牛腹腩飯+個基本麵豉湯+帶子邊+可樂本來以為有牛角燒肉嘅質素 份量係十足既 有成座山嘅感覺 幾片大紙菜 有啲青蔥裝飾 紅色嗰啲就唔知咩嚟 但都好食 美中不足係🐮牛肉好韌 肉質其實唔差 單煮到過晒龍 好乾身 食到個口好攰😢 成舊水黎講 牛分量好足 但味道真係普普通通小食帶子邊反而有驚喜😳 味道偏甜 入量多 幾鮮甜 麵豉湯中規中矩 只係覺得食牛肉飯一定要配一個麵豉湯 繁忙時間呢間餐廳都幾多人 同埋全手機落單

身為牛角粉絲☺️梗係要試吓一樣係牛角品牌嘅燒牛肉丼啦🤩💗牛角次男坊丼(草飼牛腹腩) $87牛腹腩份量驚人，高高堆砌成一個山咁，賣相吸引😍肉嘅質素普通，但即叫即燒加分，係略嫌燒得太乾身重口味人士會比較喜歡🧐

本身已經想試吓呢間燒肉丼飯，睇到人地賣相唔錯因為假期關係夜晚都好多人等位，等緊嘅時候見到好多人買外賣，鋪頭仲要用多一張枱嚟放整好嘅外賣，睇一睇先知原來外賣自取搞緊71折等咗大約20分鐘入座就立刻叫野食，叫咗個牛肉丼同豚肉丼，嘢食都係10分鐘內嚟齊我夾起牛丼片燒牛都感覺伏咗，果刻睇落覺得片牛肉好乾，而我女朋友果個豚肉都係睇落好乾，感覺好似燒定放咗好耐。唔緊要啦，諗住食咗先，一放入口啲牛肉係一啲熱度都無仲要好乾，而底下啲飯都只係微暖，果一剎那好似食緊魚生飯咁重點係佢menu寫住即叫即燒總括嚟講個飯味道尚算唔錯，但唔熱真係扣咗好多分，埋單$160最尾係想講如果係做唔切就唔好搞折扣，見啲員工已經忙到唔停手，但啲堂食質素咁樣，外賣人哋拎走唔熱都仲有得講，堂食都唔熱就倒自己米

《牛角次男坊》我同男神去荃灣廣場，見到有一間似拉麵🍜，原來不是，是牛丼，我們試試下食…入去環境，是店內簡約整潔、有長枱同埋獨立枱…旁邊窗周圍望人人行街～我們坐旁邊窗..在一邊睇天空好自然、一邊食！我們來點餐..1.牛角次男坊丼(草飼牛腹腩) $87他點餐這個..餐單相不一樣..太遠..🤣本來是富士山級，它似崩塌低左山…訪問他，食得如何..說:「牛肉的肉質比其他肉厚身少少，但燒得好..有燒肉汁…真是好吃」2.公司! 燒肉丼定食 $77我揀這個…本來有四款(牛腹腩、豚梅肉、豚腩肉、牛舌),見到寫自選3款，我就選牛腹腩、豚梅肉、豚腩肉，它來了，有三款不同的肉，我先吃牛腹腩…牛肉好吃，有燒肉汁，同他差不多…烤得少少焦剛剛好..另外豚梅肉，試試吃..咬口厚度少少..味道都ok..再另外豚腩肉..切得好薄…肉質有彈性，肉味更出，是脂肪既香味！3. 炸雞軟骨 M$15有兩個可以揀M/L,價錢不同，我揀細，食少夠..炸雞軟骨..熱辣辣咬口好酥脆…幾都ok~4.炸忌廉蟹肉薯餅 M$15我們每一個吃..沾忌廉汁配上蟹肉薯餅，試試吃..炸得香脆，薯蓉軟滑..內有蟹肉味少少..