牛陣 (已結業)

-d肥牛refill得好快, 碟碟都盤滿缽滿!!!!!quality都唔差既 , 出面街有d肥牛真係成塊牛油-_--豬同肥牛.... D豬真係比下去-雪糕得幾隻味/.\ 得4盒 FAMILY SIZE NESTLE /.\-野飲都係普通果D!-係到最尾....食肥牛食到驚喇我/.\ 不停食菜XD-我地揀左甜鼓油湯底, 叫佢加水, 都係加鼓油嫁!!! 不過食到咁上下真係-_-,好似滷水咁款! 好想試下豆乳呀: POVERALL都幾好: )

今日同朋友嚟食牛陣......今次食呢個A3和牛,$260任食,經濟學來講都算係抵食,雖然90分中有點急,但服務都好周到,見你差唔多食完一碟,d侍應會好有禮貌地問你仲要唔要refill,加湯加水,係15分中前會last order,呢個動作幾好,可以食埋檯面d嘢同雪糕,就岩岩好啦.....火鍋配枓好多,好乾淨,好新鮮,仲有4種口味雪糕,西米露任食,星期1至4送埋汽水任飲......超值...我一定會介紹多d朋友嚟食牛陣

同朋友包括我並4人去食牛陣,9點入場,食到10點半,當時可以話係唔洗排隊就入得,入面可以話係得幾張台有客食緊野。由於平時我地去打邊爐都係中意拎好多野,之後擺係台度慢慢十,呢一次,一個拳鐘頭時間可以話係好緊迫,而身邊o既幾台客好多時都係比服務員強行趕走咁,先係提醒,話last order,之後過左一陣就話得番20分鐘食,之後唔過一陣就見到d人走左,我地可以話食o晒咀,加上冇咩客,好多服務員都係度收下野meo下台,冇人理過我地,有時什致我地個邊係一個服務員都冇,想搵人幫我地加水都好難咁.之後我地食下食下吹下水時,就到d服務員提醒我地,仲有幾耐時間,但係我地台上面係仲有好多野,咩都未食過咁,汽水都係岩岩好飲左一杯,加上佢地提醒左我地時,唔夠一陣,就係我地身邊不停咁行來行去,係咁轉圈,一夠中就即時收起我地個爐,我個fd仲要岩岩好夾起條菜,之後咩都收起晒,o左囉,做野唔見咁勤力,收野趕人走就喇喇聲,食都食得唔開心,所謂都唔會有下次黎食,太趕喇,other個d,佢地話限就話限食2個小時,但係我地百幾數都可以食到我地想走就走,仲要d野食更加多可以揀.唉..食得唔開心,唔會黎了

之前睇過呢度既食評唔錯, 今晚終於有機會黎試吓.我地一行三人, 叫左$120既日式甜湯普通牛. 由於限時90分鐘, 所以落左ORDER之後就拿拿臨去拎醬料, 我地三款都拎齊, 有麻醬, 豉油同酸汁, 仲有蔥花, 芫茜, 蒜粒等等. 返埋位就已經黎齊湯底同肉類, 我地最初以為肉類係每人一SET, 原來都係任點任食, 真係喜出望外! 食物種類方面同之前食評講既大致一樣, 不再詳述. 食物質素方面, 普通牛真係好瘦, 我地總共食左4碟, 頭兩碟係幾乎冇肥肉既, 跟住果兩碟就有番DD雪花, 牛雖然瘦, 不過很薄, 淥兩淥就食得, 唔覺太鞋口, 加麻醬食好正! 豬方面, 豬腩肉真係唔錯, 半肥瘦有油香, 連唔食肥豬肉既我都覺得好食! 其他蔬菜, 菇類, 腸仔, 豆腐等都好味, 尤其要讚既係魷魚鬚, 好新鮮彈牙! 魚柳就差D, 有雪味. 我地最後都食埋甜品, 有牛奶公司雪糕同雜果西米露, 不過講真, D味道真係麻麻, 唔食都唔會有損失! 其實90分鐘都有D趕, 真係不停咁食食食! 最尾15分鐘會埋單, 提醒你仲有15分鐘, 呢個做法都幾好. 今次我地冇食麵同炒飯, 但原來D食評話唔錯, 下次要試

試左豆乳湯底, 好滑好香~ 一定要試和牛, 入口即溶, 真係好好味架~ 豬都唔錯架~ 當然無和牛咁正啦~ 至愛有任食蔬菜! 生菜﹑豆腐﹑冬瓜﹑芽菜﹑苧頭﹑著仔﹑南瓜﹑蘿蔔﹑蕃茄﹑冬菇~ 苧頭﹑著仔 & 南瓜好林, 好粉~ 正呀! 仲有魚肉﹑魚旦﹑腸仔﹑面﹑烏冬﹑雪糕任食~ 烏冬勁滑呀! 雪糕仲有4個味~ 星期一至四仲有 可樂, 檸檬茶任飲, 不過檸檬茶溝水既...食1個鐘真係唔夠時間, 好在星期四無乜人, 佢地無趕我地走, 只係唔可以再出去囉野食, 食埋枱面D野 & 雪糕都差不多2個鐘啦~ 2個人埋單HKD205, 真係好抵, 飽到夜晚果餐都唔洗食呀~

今日終於到牛陣既lunch set, $48 +10% = $53睇過食評話豬好過牛, 咁我就叫左豬, 其實一碟豬裏面包左豬柳同埋豬腩, 豬腩好好味, d豬膏好甘香。一坐底就出去拎野食, 拎左腸仔, 龍脷柳, 八爪魚, 魚丸, 菇類, 大豆芽, 南瓜, 烏冬，大量黃帝菜。yummy~第一轉仲溝左芝麻醬+豉油黎點豬肉, 好好味第二轉就用左蒽, 蒜, 辣椒豉油黎食烏冬, 正。好括黎講$53都係超值, 淨係食菜, 菇都抵番晒。仲要星期一至四 lunch 都有任飲汽水。最尾仲食晒4款雪糕, 簡直perfect。**最初仲諗住得60mins會吾夠時間食, 但其實夠晒有餘

這間牛陣的服務態度奇差，絲毫不曉待客之道。今天本來打算去用餐，到達時，店舖已經開門，但完全沒有人招呼。我們走進去，過了很久，才有一個女性員工出來，說未開門，要我們等到12時。其實，當時已經11時59分，只差一分鐘，但她不肯讓我們就坐，叫我們到外面等。呆等了5分鐘，仍然無人理會。於是我們再問那位員工：「小姐，可以讓我們進去嗎？」豈料那位女員工說：「等等啦！」說話時極無禮貌，而且沒有望我們，對我們不屑一顧。當時己經過了12時，她還不讓我們進去，要我們繼續呆等，出爾反爾。她的態度，好像是我們要去乞食一樣。各位朋友，如果你們不想受到這種侮辱，或者不想被當時乞食，千萬不要去！

今日係我牛一,我同老公去咗牛陣慶祝我吔揀咗甜豉油湯底,好夠味架... 我哋食咗三碟牛,第一碟同第三碟都唔好食,第二碟就o.k.啲,但兩碟豬就very good...其他腸腸,丸丸,尤魚,魚肉,南瓜,冬瓜,芋頭..都過得去啦!!!!!!烏冬同拉麵都好好味,仲好衞生,獨立包裝~~~雪糕有芋頭,呍呢嗱,士多啤梨,芝麻四種味....梗係芋頭最好味啦!!!! 總括嚟講豬好食過牛....兩個人食咗二佰幾蚊,都算o.k.啦~~~~

復活節假期嘅第一日就全家黎牛陣食午餐。價錢同平日一樣，無話假期貴d喎。要了一個$48豬肉、$68上牛肉同一個$118和牛。我麻麻地牛肉，嫌佢呢度嗰d太瘦，所以都係揀豬柳拼豬腩肉穩陣d。豬柳肉幾瘦，有肉味；而豬腩就一層肥一層瘦，唔錯。$118和牛當然比$48嗰d好好多啦，油花均勻多了。肉味濃，而且無咁鞋。$68上牛肉其實同$48嗰種差唔得幾多，都係較瘦較鞋。配菜會有更換，今次就多咗魚旦，腸皮腸，龍利柳。魚旦都幾彈；脆皮腸超多肥肉；而龍利柳都幾好，啖啖肉。不過就無咗上次超好食嘅烏冬，卻換上超市貨嘅烏冬。所以今次試拉麵，原來都超彈牙，質素高。菜類仲多咗黃帝菜。整體黎講係非常抵食。不過限時一個鐘就有d趕。

今日第一次去牛食火煱,食物ok,我叫左$100位普通牛,一碟牛一碟豬+其他配料已經夠食,肉類唔使refill tim~服務都ok,添水添湯都好手..值得一試~

本來諗住一家人放假聚一聚, 起初食個時都無咩野... 食左一陣佢就話要俾錢先, 都無問題... 咁我地一行6個人食, 佢話限60分鐘都無題... 點知我地諗住坐係到食麻枱面既野就走, 點知 d 店員行麻黎好吋咁話 60 分鐘已經過左, 要我地即時離座... 已經俾多左 5 分鐘我地, 咁我地話我地只不過想食麻枱上既食物, 唔好浪費, 更何況根本無人等位... 成間餐廳等個 4 - 5 枱客... 咁第一個店員都話無問題啦... 再過唔夠幾分鐘, 第二店員又嗺我地走... 我地張枱 d 野又未食晒... 佢地不停咁嗺我地走...一. 店員態度惡劣, 超級無禮貌二. 係無人等位情況下, 而亦有好多枱無人坐, 強要客人即時離坐... 三. 我地都只不過想食麻枱上既野食, 唔好浪費, 我地走左, 佢就係攞去倒... 其實好多餐廳都係限時食野... 佢地都會俾你食麻枱上既食物, 呢間係唔會理, 總知一夠60分鐘就即趕你走, 仲要係話你知, 已經過左 5 分鐘, 出街食左咁多次野, 都係第一次俾人叫即時離座囉... 真係食到一肚氣... 亦唔會再去食... 講真佢呢間野唔係平囉...仲要一

wow~又黎牛陣開餐了！今次無上次咁蠢食隻貴餐，今次要了$45那款。不同之處在於肉類無得refill。咁仲好啦！今次細細碟嘅肉我地都差點食唔晒。要了一牛一豬，牛好鞋，好在細細碟。豬柳肉好味，不過得幾塊；豬腩一層肉一層肥，要努力咬走d肥。Mon to Thurs 汽水免費添飲添。蔬菜款式多又係無限量供應。refill得幾快。丸類只得貢丸同類似魚旦的丸。兩者都幾好，彈牙的。值得一提的係佢嘅麵。有一種係白色嘅，原來好好食！上次因為飽得滯，所以無試到。今次即刻試咗先！原來好彈牙又有咬口！麵條好滑，煮好耐都唔會淋，very good~白蘿蔔清甜，冬瓜、南瓜、芋頭都好新鮮好甜。又有菠菜、西洋菜、白菜仔、紹菜、什菇等！加埋一都係每位$50，真係好抵食！唯一淨d嘅係時間太短。得1個鐘，真係食得有d趕。

又係難得艇一天在office工作，於是lunch就約埋阿媽去試牛陣。由於限時一個鐘，所以阿媽等埋我先入去。我未到時阿媽已看過餐牌，一坐下就可以叫了！要了2個$70 餐，肉類無限添，蔬菜麵食任攞！先來清湯底，味道自然，不會太咸，不錯。然後送上一碟牛肉、一碟豬柳肉及豬腩肉。講真肉類真係麻麻。D牛肉望落已覺好鞋。真係無肥架，勁！好鞋，不過有牛味。豬腩肉同豬柳味道同口感無大分別。豬腩較肥，一層肥一層肉，比牛肉來得均勻。蔬菜拿了很多很多！粉絲好味，蔬菜新鮮，款式多，有tomato, pumpkin, 芋頭，白菜、紹菜、豆腐！好正好正！仲有肉丸、拉面同上海麵，每個都獨立包裝，衛生還有熱白飯同牛肉粒炒飯！牛肉粒炒飯超正，米飯好煙韌，粒粒分明，牛肉粒有牛肉味，仲有蘿蔔粒同蔥粒。蔥粒好香，甜品有雪糕；嗰日仲有汽水送，good~

好食~~!!!!!我都係食$160.00~~(加埋一都係$195.00)野食唔係太多~~~(不過去之前已經知道係會咁,所以冇問題~~)d牛肉又唔肥喎~~~正~~^^個個話食個半鐘就俾人趕...我諗都係睇下當時個場多唔多人囉...我星期日去食,冇乜人,所以都冇趕我地走~~~d服務都好好~~~^^

訂左位 , 服務都非常禮貌 .... 我和 bf 就算了 basic 的牛 和甜豉油湯底 $120 X 2 = 240.00食就唔係1個鐘 , 係90分鐘 .. 係就係趕d , 但其實如果真真正正食 , 其實差不多時間 , 因為d staff 都好快速上牛肉和豬肉 , 絕對無拖時間 . 而且解釋食物價錢給使用時間方面唔會誤導 ...豬肉和豬腩是可以分開叫的 , 一碟無需一定要齊2款, 我唔愛太肥 , 所以只 order 豬柳肉 , 真係全碟都係豬柳 , 收碟時雖然唔係個個店員都會問你駛唔駛加肉 , 但加水和執碟都很快速 . 配菜任你夾 , 我就鍾意豆腐卜 , 粗麵 , 白菜 , 唐生菜 , 出面d碟一見清廚房就即 fill ...整題我好滿意... 超飽 , 而且會 夠90分鐘前15分鐘就會埋單 , 提醒就夠鐘 , 起碼個15分鐘夠食埋甜品雪糕才慢慢離開 ...