牛陣 (已結業)

好耐無出過旺角, 琴晚同男友仔諗住去配眼鏡, 就出左旺角...因為收工遲左, 所以出到去都有少少肚仔餓, 男友仔提意食壽司, 無異議 一出地鐵就向 "和花亭" 方向進發....咦!!! 好大個廣告海報....牛陣!? 日式和牛火鍋!?唔知開左幾耐, 不過我地 2 個都未試過, 一於轉移陣地...向地庫殺入去!!去到門口, 無人等位, 只係有幾個人問緊火鍋既細節~一於埋去睇下先.....哦! 任食肉類其實得 3 種 (牛肉+豬柳肉+豬腩肉)...而湯底一共有 4 種 (清湯 / 上湯ShabuShabu / 鐵觀音 / 豆乳)...價錢配搭係...普通貨 "普通牛" (清湯 $100/人, 其他果 3 種湯底就 $120/人)上級貨 "上級牛" (清湯 $140/人, 其他果 3 種湯底就 $160/人)頂級貨 "頂級牛" (清湯 $240/人, 其他果 3 種湯底就 $260/人)* 仲可以另外 order A5級和牛 / 澳洲牛牛(不同部位)...當然價錢另計, 不過幾錢就唔記得, 總之都幾貴!我同男友仔都想試下新野, 所以就決定一試...一坐低, 就有個人即刻走埋黎又講解一次...

牛陣其實係一間自助餐形式的火鍋店, 但主要係食牛肉, 以日本來的霜降牛肉最靚, 價錢都最貴, 每位二百幾蚊, 因為太貴, 退而要求次, 揀了澳洲牛肉食, 一人只係百幾蚊, 不過有時間限制, 只可以食九十分鐘儘管如此, 其實個半鐘都夠食的, 味道都幾好, 我地揀了豆奶湯底, 之後在出面攞了火鍋配料食, 其中唔可以錯過係一包包的麵, 豆奶湯淥熟之後, 十分美味, 另外仲有魚旦, 細細粒, 夠爽口, 牛肉切得薄薄的, 食完可以再加, 不過兩碟就已經夠了, 因為一碟都有成廿塊, 食到好痛快呢特別之處係店內沒有豉油供應, 只有酸汁或麻醬, 我覺得沒有問題, 但同行的朋友就有點不滿了

第一次黎食牛陣,選了個豆乳$160個隻,d牛肉好食仲好靚tim配菜要自己扲(自助既)...有5種菜,有3種菇,豆腐,白/紅蘿蔔,薯仔,芋頭,等等...推介魚旦,好彈牙爽口,好好味調味料只有兩種俾你選擇...酸汁-冇試過, 麻醬-幾好味仲有牛奶公司既雪糕作甜品(唔夠時間食...)整體黎講幾好...但佢有時間限制...只有90分鐘...真係唔夠臨夠鐘前 15 分鐘佢會同你講 last order,一夠鐘個經理就走埋黎叫我地走,但佢見到我仲係度食緊,所以佢俾多5分鐘我地...(我都未食飽..)呢樣野係唯一唔好,我諗我未必會有下次囉

落到始創中心見到三雄頂立 : 和民、pizza hut同牛陣。其實以晚市黎計,三間既價錢都差唔多,未試過牛陣就一於試下。係門口排位已經聞到陣陣吉野家牛味, 真係好吸引! 每位任食都係百二蚊個,未食都覺得抵!一入座就有三碟牛肉和豚肉! SABU!SABU!試下豆乳湯底, 果然好正!豆乳湯唔會淡貿貿, 唔點任何醬料都已經好香好好味, 反而仲食到肉的肉香!火鍋配料任食, 好多野菜同菇類, 好健康! 所有野菜都好好味, 唔係求求其其的貨色。特別要留意芋頭! 好粉! 好粉! 仲好食過芋泥! 無添加既芋頭肉斬食到甜甜地的芋頭清香,食唔停口!豬腩肉片的油脂層唔膩, 仲好脆好好味! 反而瘦的豚肉就冇咁好食, 但肉味十足。牛肉唔算肥,肉質未夠滑, 肥返少少就好啦!雖然火鍋吧的選擇不多, 而且小 ; 但都有白飯同炒飯供應, 仲夾到係雜菜炒牛肉飯!打完邊爐就食甜品, 雪糕任食!有四種味:雲呢嗱、芝麻、士多啤梨同香芋。應該係牛奶公司出品, 任飲都算幾好味啦!環境都寬敞舒適, 果爐又夠猛, 打邊爐都可以環境好!最好有埋任飲啦, 因為每位要加15蚊 ; 低百二蚊位真係好抵!想食牛肉之時除左去吉野家有第二個選擇啦

尋日突然諗起牛陣個LUNCH幾平走左唻食感覺幾好一個鐘應該未必夠放題係咁食肉所以叫一碟d set算兩個人 一個叫牛一個叫豬其實d肉唔係話好突出只可以話幾好~ 未至於食過x尋味咁~好彩嗌一碟d set 因為到左後來一個鐘就完時 發覺重有好多肉未食=.=食咁少肉唔係代表唔會再唻$100兩個人食到咁既quality真係好過去大家樂呀o個d一人一"wor"係度迫出面d任夾既菜呀丸呀姑呀等等真係唔錯猶其d姑 真係睇得出好靚 食又好鮮味!同出面d任食差得遠!食夠一個鐘多d就走lu因為自己一直諗住個rule 一個鐘要走...因為自己都迫左自己走=.=但係一個鐘真係唔夠....臨尾食得好急咁...我見隔離table 早過我地唻 又遲過我地走埋左單(得返5分鐘度)重出去夾一大堆野返唻係唔係我蠢左呢=.=不過 我都係食飽走既=.=

第一次試食牛陣, 選了個 140的上級牛, 清湯底,第一碟牛真係上級,第二碟,第三碟牛可能部位唔同, 跟第一碟牛無論色澤味道都差太遠, 絕對稱唔上係上級牛,反而豬肉都唔錯, 不過咁計的話100 蚊普通牛好似抵食d .如果有心理準備, 咁以2-3 人去計用多40蚊價錢去買一碟上級牛又唔算貴.值得一讚係酸汁和麻醬幾好味,菜, 姑, 豆腐都幾多選擇,推介係幼烏冬, 真係好彈牙爽口,仲有牛奶公司雪糕作甜品(有芝麻, 士多啤利, 雲呢那, 香芋) 我地3個女仔, 其實食到一個鐘都飽了,1 個鐘頭多10分鐘, 已拎了張單來叫找數,到1個鐘頭半個鐘真係開聲叫你走= = (時間係10點, 出門無人等位)呢樣野係唯一唔好, 所以如果人少, 又唔諗住坐得耐, 呢度算係一個ok 的選擇.

今日同同學仔食晚飯，慶祝生日，一行６人因為之前係觀塘ａｐｍ食過牛陣２次，感覺唔錯而生日主人翁又係好牛之人，所以就選擇左哩度但入到去坐低無耐，就知道ｍｋ分店唔多ｏｋ，ｍｋ分店ｇｅ環境，完全無晒係ａｐｍ有ｇｅ感覺，可能間野太３尖８角我地坐到最入面最入面，落左單就去拎配菜，忽然發現，ｄ醬料宜家要自己拎，之前係ａｐｍ都唔係咁ｇｅ，而且個隻黃色醬好稀，食落都無咁好味我地今次叫左鐵觀音＄１６０個隻，湯底黎到聞到淡淡香味，係淡淡，食落完全無味由於６人入面，有２個大食男，ｄ牛同豬都好快食晒，我地每次都會ｏｒｄｅｒ　２碟牛，但佢每次都上得１碟，重係超慢，催３催４先黎到，係度食晚飯，已經要計時個半鐘頭，上菜重要慢慢黎，真係有ｄ過份！當時已經係８：３０－１０：００ｐｍ，店內亦唔多人，完全唔明白點解可以慢成咁！ｄ牛肉一碟一碟上，但每碟賣相都有好大分別，但同一價錢下，點解可以咁大分別呢？頭個２碟個樣都唔錯，但後尾黎個ｄ，唔知點解忽然多左好多白色部份臨尾２０分鐘要ｌａｓｔ　ｏｒｄｅｒ，我地找數亦同時要多最後一碟牛，等呀等，過左６－７分鐘都未黎，我地重邊夠時間食？分別同３個ｗａｉｔｅｒ講，都重等幾分鐘先上菜，竟然係

和男朋友這裡lunch放肆一下叫了$70任食的set,限時60mins第一碟牛唔錯既,幾嫩,幾滑之後叫佢再上牛,等左好耐先有同埋,個質素差左好多,好鞋,烚完之後縮到好細,唔好味!反而d豚肉仲好呀,碟碟都幾好味,少少肥,唔鞋口total兩個人食左3碟牛3碟豚出面d配菜都ok,我獨愛粉絲+金菇dwaiter見就黎無晒就會加,讚!建議大量朋友既聚會唔好黎牛陣因為佢時間太少,要加時就唔抵如果係想長時間既約會,呢到都唔係你既選擇

由於係第一次食, 我地响接待嗰到想問清楚少少, 但嗰個女仔好明顯係覺得我地煩, 啲態度"好"到爆 ... 都算啦 ... 同老公兩個人叫咗 $160 嘅 set (甜豉油湯底), 啲牛肉同豬肉嚟到 ... 豬肉味道ok, 但好肥, 至於啲牛 ... 佢唔講我真係唔知係牛嚟, 又鞋又冇味, 去食自助火爐啲肥牛好味過佢多多聲, 失望到暈, 一心嚟食牛, 點知會咁差 最好味, 食得最多返而係啲姑同雪糕下次 ... 唔好玩啦, 請都唔去呀

原本就無諗住去呢間都食﹐不過經過見有 Shabu Shabu 食﹐就即管入去試下﹗揀咗 $160 嘅 set。湯底係甜豉油﹐難得喺香港食到。牛肉係佢地所謂嘅上級牛肉。不過食落都唔錯。d 豬肉就有無都唔多緊要﹐反正豬肉從來都唔係主角﹗菜類﹐烏冬﹐麵﹐同雪糕都係擺喺出面﹐任攞任食。不過種類唔多。芝麻雪糕無味﹐不過芋頭雪糕就幾好食。汽水 $15 任飲﹐不過唔係可口可樂﹐係百事﹐何況有凍水供應﹐並無叫汽水任飲嘅需要。時限喺餐廳門口已經寫咗係 90 分鐘。臨夠鐘前 15 分鐘佢會同你講 last order。如果想加時就加 $50。 如果幾個人食個半鐘都 ok﹐但如果係成班 friends 就一定唔夠。總括黎講﹐以呢個價錢﹐quality 算係唔錯。應該會再去﹗

牛同豬都算OK，不過牛好似每碟都有少少唔同的，水準有高有低。其他既，曾經有螺，但之後就無啦三五知己如果想食飯吹水就唔好黎呢度啦~~因為得90分鐘，不知不覺就會夠鐘。

去牛陣食個lunch, $45蚊起, 有一碟豚肉(或牛肉), 另外加任食區有四種菜, 芝士腸, 大豆, 南瓜, 三種菇, 冬瓜, 粉絲, 烏冬, 螺肉, 白蘿蔔, 豆卜, 薯仔, 白飯, 炒飯, 雪糕等等, 淨係食任食區都幾抵食! 主菜方面, d 牛肉完全唔得, 一"六"就縮到好細件, 外觀巢皮咁, 口感同肉味都幾差, 我寧願食多d 菇菜, 最後碟牛食左半碟到啦.反而豚肉口感幾好, 感覺新鮮, 點酸汁或麻醬都唔錯.芝麻雪糕好味.

揀左$140牛肉,湯底無味,牛肉都無味,唯一烏冬夠滑,有飯有雪糕多蔬菜都叫低D,豬肉都ok,如果一心係想食牛就好差.

之前上黎見到其他人話牛陣既Shabu Shabu幾抵食,所以就同朋友去左試~~去到門口...見到都幾多人等...不過好在我地有book位~兩個人去.....比張六人枱我地坐~細心一睇..好多張枱都係咁......坐得好闊落....但係外面等位既人就慘d - -"入面環境尚算幾好.....可惜d木枱就油左少少至於食物方面~今次試左$140級別的牛肉....食落去既感覺都幾好....肉質還不賴~不過一定比出面專食貴價Shabu Shabu既鋪差多少~但係嚴格黎講呢個價錢又任食...食到呢個質素都算係咁!同場有其他菌類..同邊爐料等等~除左菌類之外~~唔提議食太多其他邊爐料...因為會攪到個湯九唔搭八...反而令d牛肉唔好食~總括黎講...喜歡食牛的食肉獸不妨一試!

跟太太兩人點了$240一位的和牛set (shabushabu), 和牛的質素的確不錯, 跟在日本同等價位吃到的差不多, 另附的豬柳片及豬腩片也不錯, 尤其是豬腩片, 薄薄一片卻附有豬皮, 很有咬口.但問題是湯底, shabushabu 的清湯底本身已很甜, (如果大家有食過日本shabushabu 的經驗, 都知那昆布湯底清如滾水, 所以更能嚐到牛肉本身的味道, 到最後喝一口牛肉清湯更是更是指定動作), 牛陣的所謂清湯底, 隨著愈滾愈乾變得愈來愈甜, 以為自己轉了sukiyaki, 當叫waitress 再加水時, 要求她給我加清水, 只換來機械化的一句, "我們只有清湯, 沒有清水", 無耐只有接受, 但那鍋shabushabu 湯底狂第二次煮滾時甜度己掩蓋了牛肉的味道, 最後更是甜得吃不下, 湯底當然也不能喝了, 真是白白浪費了好牛肉.埋單時想向waitress 反應下湯底問題, 都是同一樣答覆, "我們沒有清水湯底的", 還附加一句"係呀, 我地既清湯係比較濃".............玄得我搭不上咀, 眼見她們也不關心客人意見, 完全沒有改進的意識, 我也不想花口水最後一提那