牛More石燒專門店 (已結業)

以家新界都有石燒牛啦，唔駛下下出到九龍先有得食。牛More 石燒專門店位於元朗大陂頭徑2-12號華盛樓地下F號舖，不是在大街大巷，位置都唔算難找。餐牌一目了然，有美國安格斯特級牛柳、西冷牛扒、肉眼牛扒、仲有好少會見到有得燒既西班牙伊比利亞黑豚肉眼，另外仲有澳洲M9和牛漢堡扒，200g都只係$100內，真係堅抵食，另外加$30可以追加匈牙利鵝肝，但當日鵝肝已經賣晒，唯有下次再黎食啦餐廳自助式，沙律，牛骨湯、白飯都係任食。先講下牛骨湯，牛骨湯好足料，入面有白蘿蔔、紅蘿蔔、洋蔥、西芹等等材料，味道好濃，沒有味精，喝罷不口喝我點左美國安格斯特級牛柳店主好細心講解點樣食，服務態度好好，因為石燒牛係一路燒一路食，所以要切開一半，另一半就放上隻碟到，因為咁樣唔會食唔切燒過龍美國安格斯特級牛柳上枱時只有1成熟，我大約燒到4-5成左右，牛柳肉嫩多汁，肉汁豐富，而且石板夠熱，食到最後，仍有餘熱。枱上亦有酸汁、牛肉汁、岩鹽、黑胡椒、Wasabi ，以到既Wasabi 係手磨，所以唔會攻鼻，我只係加了岩鹽，食到原汁原味。

平時都好鐘意据扒，但石燒牛更加喜愛，因為可以自己控制生熟程度，自己燒自己食。今日我地去左元朗區既牛More 石燒專門店食晚餐，餐廳是自助式，門口有部售票機，買完就可以拎牛肉湯、白飯、沙律都係任食架！另外套餐亦可加$30追加匈牙利鵝肝。好多餐廳主打牛，平時會好少出現有黑豚食，如果朋友唔食牛，都可以選擇黑豚肉眼食。今日我地叫左一牛一豬西班牙伊比利亞黑豚肉眼$200g($100)店主建議5成熟，如果怕都可以熟少少，黑豚肉眼富彈性，肉味香濃且多汁，最緊要不會太柴口。美國安格斯西冷牛扒$200g($104)200g女仔食已經好足夠，煎了5成熟，牛肉味濃，肉質嫩滑，只是加了鹽和黑胡椒，肉味更突出沙律菜好新鮮牛骨湯，味道好似洋蔥味，味道好濃好濃白飯用上珍珠米，珍珠米彈牙煙韌，加埋飯素，更香

今日就嚟好抵食嘅牛more，人均消費竟然可以低至$85，餐廳職員話老闆本身喺上環餐廳嘅，所以老闆本身同凍肉鋪多數有交情，攞嘅牛肉質素都有保證，所以今次先可以做到呢個優惠價俾我哋一班元朗嘅食客，以低價錢享受到高質素嘅牛肉要做到咁低價錢，所以係人手上都節省左成本，好多嘢都由我地食客自己做返，譬如攞餐具圍裙、湯碗、匙羹全部都係自助形式仲有沙律任裝添牛肉湯真係真心推介俾大家，因為呢個湯餐廳係接受左好多意見改良而成，所以而家湯嘅味道係比較穩定，有信心嘅保證，而湯嘅面層會有少少油份，但飲落去好重牛肉味，一啲都唔解油膩，我自己最後就飲咗四五碗日本嘅珍珠米都係任裝㗎今次我就揀咗呢個自閉位，就算一個人黎食都冇難道呀我仲加咗$30要塊匈牙利鵝肝其實全部食物埋枱都係一成熟，所以各位食客要自己調教自己鍾意熟嘅程度，而塊熱石真係好燙手，大家真係要小心啲最後我同朋友做每人加咗$8飲汽水添

上次經過呢間石燒牛見到好多人排隊，今日喺元朗廣場行完街就過去試下先～好彩一個人唔使點排✌️我叫咗一份200克牛柳加鵝肝🙊 牛肉湯，沙律同白飯就係自助任食既～店舖仲好窩心咁提供咗啲圍裙以防整污糟件衫👍牛肉湯有啲牛加洋蔥加芹菜味，幾香，唔油膩清清地幾好飲😀話就話200g既牛其實都幾大舊😆 可以自己控制幾熟，我煎到淨係少少紅色就食啦～牛柳幾多汁，幾滑，配牛肉汁既牛肉味好出😋鵝肝幾肥美，入口即溶好好食😯😯幾欣賞佢既白飯，因為有啲日式拌飯料包括紫菜同芝麻粒等等可以舖係面頭，幾夾同埋增加口感👍咁抵食又可以按照自己喜好煮幾熟，唔怪得咁多人排隊啦！🤣

做冬鋸食什麼好？對自己好啲，去鋸扒扒啦知道附近有間石燒牛，就一於去燒燒！.原來是半放題-一塊牛扒的價錢已經包任飲湯、任食飯及沙律！.當然要加鵝肝慶祝下，又唔貴，only $30.我叫了一個最平的牛More之道，$75有200g另外一款是牛肩肉，連鵝肝.上台時已經十分之香，一成熟超級厚身，是靚扒扒才做到的厚度肉好鮮嫩，絕對不是hea來價/冰鮮肉用$75就食到石燒牛，性價比好高.牛肉湯任飲，好多湯渣，而且入味不是溝淡了淡而無味的沙律會定時再添，不怕冇得食，飯都是任食.是性價比超高的鋸扒！

食石燒牛扒店越開越多，大部份價錢都好平，今次就試元朗嘅其中一間，店內服務十分好，會詳細教你點樣食，原來食燒牛扒點山葵牛肉汁食過返唔到轉頭。環境同一般石燒牛扒店一樣，座位與座位之間空間較少，但都設有自助售賣機。食物選擇自助區食石燒牛扒必不可少嘅一定係自助沙律、湯及白飯區！呢到嘅牛肉湯好有驚喜，十分湯郁足料，添咗好幾碗。美國select more 牛 $128(200g) 即係小牛扒，選用年紀輕嘅牛仔，故此燒至八成熟啲會覺得韌同有渣，所以都燒得比較熟先食，果然牛味突出，肉質較嫩，配上山葵牛肉汁真係無得頂！牛more之道 $75(200g) 今日供應嘅部位係牛板腱，比較有咬口同爽口嘅一個部位，建議燒至五、六成熟。食落比較彈性冇咁高，但整體都附合返佢嘅價錢。總括來說，做到一般石燒牛扒店嘅水平，而最值得欣賞嘅係老闆嘅熱心，佢對每位初次光顧嘅食客都會有詳細嘅講解，服務態度一流！

今日去完元朗廣場買聖誕禮物，無選擇到食連鎖餐廳，反而走到外面搵小店幫襯下。近期越來越多小店做石燒牛，元朗都搵到幾間。 元朗廣場行過五分鐘就搵到一間！門口有自助售票機，由揀野食到入座過程流暢。食物方面種類大致分幾種，種類、份量、價錢都一目了然好清楚。今次同朋友一人揀左一款牛，share黎食下。分別係：🔸美國Select More牛 200g $125出去飲酒有House Wine，依款牛就係牛More既House Steak。今日廚師揀選左小牛排俾我地。肉質不同於一般牛肉，不但比較柔嫩，而且生肉的時候是淺紅色。基本上無乜筋，由自己決定切厚定切薄，再來回兩邊煎至自己認為足夠的程度，不錯。200g黎講，女仔好夠食，男仔可以叫多少少。🔸肉眼牛扒 200g $88肉眼油脂較多，自己剛好控制剪到外皮微脆口，半熟的肉質較juicy，keep到肉汁。另外加左$30要匈牙利鵝肝，放係肉眼上面帶少少熱溶。連同牛扒一齊入口口感更佳又香口，值得一試👍🏻👍🏻雖然係自助形式，但桌上的醬料都好充足。分別有牛肉汁、酸汁、手磨Wasabi同岩鹽。建議試下唔同配搭，或者會有驚喜。個人幾鍾意酸汁加Wasabi咁食！😋總括黎

今晚去了舊公司探朋友。因為等女友返家太夜。所以係附近餐廳找個好食的。牛肉湯本人愛飲法國洋蔥湯。每位朋友都知。但係呢度竟然飲到近似法國洋蔥湯。詳問負責人時。廚師用了大量牛骨。西芹。大蔥。洋蔥。唔怪得咁美味。甜而不肥。入口完全感覺到那種香味濃郁。美國安格斯牛柳200g。近兩年本人比較喜愛日式牛柳。但今晚食安格斯真是「滿足」的一夜。入口脂肪與肉汁好配合。加上醬汁更無與倫比。肉汁豐富佔滿全口腔的空間。最重要一環就是負責人教授將特制wasabi 放左牛柳上再添加牛汁會加可口美味。成個set 包埋白飯靚湯任食。

熱石牛扒店餓底已經試過兩三間，見餓底媽未試過，今晚就帶她來見識一下。入到餐廳，店員熱情地招呼及介紹牛扒，點了牛柳&限定的牛板腱，200g。這類熱石牛扒店都是有任食的沙律、餐湯＆白飯，不怕不夠飽！牛板腱 店員說牛板腱的肉質比較爽口，所以五成熟就夠了，為免過熟，她建議先把牛扒切一半放在碟上，食完才繼續烤另一半，就不怕越烤越熟，就算是餓底媽是初次品嘗熱石牛扒，也烤到火喉剛好，掂呀！牛柳牛柳肉質剛腍，切開烤兩野就食得！可以點岩鹽/燒汁/wasabi，店員說他們的wasabi是即磨的，特別推薦，餓底媽好喜歡！而餓底就覺得配岩鹽最原汁原味！另加了鵝肝，烤到表面焦焦地，好甘香呀！食完牛，來包解茶消脂解膩，今餐好滿足！

最近元朗開左間專食牛既餐廳，食肉獸既我當然要去試一試。一入到門口好日式既感覺，自助點餐非常方便，八達通信用卡俾錢都得。餐廳位置唔算多，但每個人既位置都好夠。每一份餐既湯，飯同沙律都係自助式既，仲要係任食，食幾多拎幾多唔好浪費。沙律既菜好新鮮，所以香甜可口，加上日式芝麻醬好開胃，我都食左2碗。而湯都係用牛肉去煮既，加咗啲洋蔥紅蘿蔔，好濃味好香！牛呢我就點左一份牛小排加鵝肝同一份肉眼，牛小排比較有牛香，肥肉唔多，加上牛肉汁一齊食，令人停唔到口。而肉眼男士一定好喜歡，大大份，肥瘦適中，牛既油香十足，超級有滿足感！

今晚同朋友黎到元朗食牛, 地點都OK, 朗屏西鐵站行過黎5分鐘左右. 門口有兩部機自助形式落單, 好方便. 店內裝修簡潔, 感覺好舒服.可能時間尚早, 唔使排隊, 坐低就order左牛小排同肉眼扒.價錢其實都好抵, 一百蚊左右已經有靚牛, 有飲品, 同埋任食既白飯, 沙律, 湯.特色係有一塊高達380度既石板, 廚師只會煎一成熟, 其餘就由你決定. 石板溫度大約可以保持30分鐘, 不過其實15分鐘後會感到石板溫度已經下降, 所以要控制時間.仲有圍裙可以用, 油唔會彈到成身都係, 好貼心!牛小排+鵝肝牛小排超厚切, 放係石板上面切開一半, 一半煎, 另一半放係碟上面待煎, 如果成塊煎就好難控制時間.肉質又腍又滑, 建議唔好煎太耐, 保持肉質軟腍. 配埋店主特製既山葵醬(真係用新鮮山葵磨, 好香好味), 仲有其他肉汁, 岩鹽等等, 正!肉眼扒超大件, 肉質都腍, 帶少少筋, 牛味重, 唔錯既選擇.

元朗新開張日式鐵板牛排，好近輕鐵站同巴士站，非常就腳。平時經過晚餐時間都會排隊，鋪頭都有三四十個位，排隊都好快。一入門老闆娘已經好好招呼，好親切介紹自助落單，唔同牛既部位size同價錢。比錢都係用電子貨幣為主，而依到沙律白飯同埋湯都係任食任飲，自助式想食幾多食幾多，湯仲好足料有大大舊牛肉同蔬菜，而價錢都好親民。我地order左兩款，一款牛more之道另外仲加左$30要埋鵝肝，而另外一款就要左牛小排。一上檯老闆娘介紹，牛排先係廚房煎至一成熟，再自己石板燒，而用黎燒既石板係火山石黎非常高溫，怕太熟食唔切仲教我地分開燒，好nice。而依個牛more之道話會不時定期更新，比大家試唔同牛既部位而牛小排比起牛板健更厚牛味，口爽比較爽口，相對牛板健更加多肉汁，係兩款完全唔同口味既部位。都值得一試。而最緊要我都係覺得自制wasabi真係超級出色！手磨既wasabi加上自制既牛肉汁真係點咩都咁好味，冇蓋過牛排既肉汁味，反而更加開胃。而另外加既鵝肝都抵食，厚身大塊，油脂香口，一試無妨。以元朗晚市百幾唔洗二百蚊食到依個質素既牛排，絕對會經常黎幫襯

再戰石燒專門店，同樣是1成熟上菜，仼添沙律🥗、白飯、牛肉湯，不過有唔同既係佢仲有得落日本飯素同自家磨芥末，同其他石燒店冇既匈牙利鵝肝！-1️⃣美國安格斯特級牛柳 200g $85⭐️⭐️⭐️⭐️肉質粉嫩，唔會有渣有根😍，而且多肉汁，咬落好juicy，配上店舖自家磨既芥末，芥末唔會好辣，好小供上鼻既感覺，同牛夾一齊食竟然好夾，同黑豚肉眼比較，我會比較中意依個！/2️⃣黑豚肉眼 200g $100+$30 匈牙利鵝肝👍🏻⭐️⭐️⭐️店舖餐牌有寫到話建議5成熟，而佢真係勁快會變熟，我放左係到耐左小小就影響左個肉質，所以一定要即刻處理佢，唔夠快既話可以放住係旁邊既碟到先。鵝肝入口即溶😍有小小牛肉汁既香味，配上牛食，層次馬上提升！-環境：7/10服務：8/10好味指數：8/10回頭率：7/10

今晚遊經元朗，發現元朗開了一間石板燒肉專門店「牛More石燒專門店」，從康樂路輕鐵站走過去大約5分鐘。此店門面隱蔽，跟日本的餐廳一樣，就在門口的售賣機自己點餐。餐牌上的食物選擇不算多，大致分為西冷、肉眼、安格斯、黑豚肉、餐廳精選等等。而份量由200g起跳，大食的人可以揀300g、400g。餐廳都很貼心有圍巾提供，可以保護自己的衣物。白飯，沙律和湯是任裝。飯係珍珠米，很軟熟。而洋蔥牛肉湯湯頭香濃，很暖胃。我點了一份牛More之道200g($75)、 黑豚肉眼200g($100) + 匈牙利鵝肝($30)，非常便宜。最驚喜的是肉扒的質素絕對比得起外間$300、$400元的肉扒，什至更好。抵食推薦！所有牛扒沒有預先醃製，全部都是由自己親手調味。牛扒一成熟上檯，放上300度高溫的石板，店主話可維持半小時熱力，再自由控制合適熟度。牛板腱今日牛More之道的牛肉部位是牛板腱，店主建議先張牛柳一開三份，將2份放下，逐件逐切開燒。我自己調了約5成熟－7成熟，肉質鲜嫩多汁，結實軟嫩，油花均勻，牛味濃香。食落比較少筋，肉汁豐富，入口啖啖滋味，令人一試難忘。黑豚肉眼黑豚肉眼200g也很有份量，在石板上烤過後

天氣漸凍，除o左打個邊鑪之外，鋸番塊扒，o係你面前熱辣辣咁，都係個唔錯o既選擇。之前已經o係其他地方食過呢類斷量計o既日式鐵板/石燒，今日搵到間仲抵食o既鋪頭，於是即刻幫襯！上次食o個間價錢只係包o左塊扒，想叫埋飯、沙律呢d 通通另外加錢，其實計計埋埋都唔少。今次呢間則只有o野飲係分開，飯、沙律同湯全包之餘，仲係任食！言則其實呢個係個半自助餐，最最最平$75 已經走得人！一如既往，首先要o係門口點餐。然後坐低趁住佢準備中o既空檔，梗係即刻食下沙律呢d 啦～沙律係椰菜沙律，混以新鮮蕃茄仔同粟米粒。店家放o左三款唔同dressings，由最普通o個d 白色凱撒沙律醬至日式胡蔴醬同韓式柚子汁都齊備。食食下d 肉就o黎了。岩岩上檯時，d 肉係有一塊廚紙冚住以防d 油彈o黎彈去，另外餐廳都貼心咁準備o左紙圍裙。老闆娘建議我地食o既時候可以先成舊移開，然後切小件放上去煎；或者快快趣趣煎好晒就拎開，以免太熟。我點o既係美國安格斯特級牛柳($85/200g)，好似拳頭一大舊咁，肉質鬆軟多汁，味道本身則比較淡，配合醬汁會更正！檯o既上面o既一個小空間已經擺滿各樣調味料，瀋少少岩鹽，味道即刻提升，另外帶酸