特色糖水小食 (已結業)

馬鞍山最差服務糖水店⋯⋯服務差到一個點係「趕客走」，甜品未食完就問都無問就收走！牛高馬大服務員還會大聲罵客人趕客走，還叉腰企起枱前逼客走⋯⋯以為只是服務員的問題，但原來廚房負責弄甜品的姨姨也一樣趕客走！大聲疾呼要求未食完的客人立刻付$離枱，完全覺得自己理直氣壯⋯⋯好驚！唯有叫所有住馬鞍山的朋友小心，亦希望食評可以令下一個受害者不會出現！無法想像食甜品係開心的事，卻換來最唔開心的經驗！真心希望大家可以食得開心⋯⋯

半夜三間突然之間想食甜品周圍上網搵終於比我搵到呢間係美食沙漠裏便嘅甜品店竟然係收晚上一點嘅我即刻揸車過去啦好快就搵到間鋪頭一間小店兩個店員一個年紀大啲一個係後生仔雖然我12點半先到但係你唔會覺得阻住佢哋收工佢哋兩個都好開心仲有客人黎其實都啱嘅條街都已經冇晒人竟然仲有人特登揸車嚟食個甜品為咗呢點真係要同佢寫過食評打開個餐牌其實今日熱熱地係想食啲清新嘅嘢所以我就點左個楊枝甘露價錢唔算太貴廿零蚊咁啦味道都唔錯有好多餐廳嘅楊枝甘露都係水嚟嘅而呢間小店嘅楊枝甘露係好足料食得出有芒果同埋柚子另外我仲叫咗個炸墨魚丸原來佢個炸墨魚丸仲有汁跟埋我揀咗蜜糖汁雖然炸墨魚丸比我想像中細粒同埋乾身但係配合個蜜糖汁都幾滋味

話呢間好食既 🤔一定係打手或者係味覺全失🤢而家馬鞍山糖水舖越黎越多當然你會諗啲舊式嘅糖水舖會唔會因此而改善自己答案係———絕 對 冇一入間舖環顧四周麻雀雖小但係五臟不全你感受唔到乾淨啲兩個字啱啱入去問你食咩嘅時候態度尚算叫做正常哇 之後我好似睇緊京劇佢地個樣越變越黑👹吾講我真係以為我食野吾洗俾錢呀🤦🏻‍♀️重要間舖係無咩人 🤷🏻‍♀️🤷🏻‍♀️🤷🏻‍♀️咁點解你會黑曬口面呢？食物方面-影漏左個楊枝甘露，其實係最好，但料少，味道可以，但有好多芒果毛芒果西米露 無咩味道，無咩汁玻璃世界 姐係雜果涼粉，er⋯⋯我無評價雞軟骨 我係食緊隻調味粉嘅味魷魚🦑 呢個炸得吾錯，但同雞軟骨一樣味，咁姐係觸感不同味覺一樣😒其實舖面都無寫明幾點閂門但佢最後都係用咁🌚既樣同我講「你地快啲食埋佢，我地要洗碗，要閂門」咩事？吾好意思請人離座都吾識講？原來而家做服務業都吾需要有禮貌？其實咁吾開心，咪吾好打開門做生意。今次，我貼錢買難受😊吾會再有下一次希望睇緊食評既你，睇清楚邊啲先係真食評😘

呢間糖水店一直都唔少負評，有朋友食過都擰頭，話態度麻麻。出奇地，我去親佢地態度都唔錯。難得今晚唔洗等位，就去食個小宵夜，縱觀馬鞍山，比較出名的糖水店都係甜館梨巴個類，宵夜要食粉麵得一兩間茶餐廳同麥記，自己鍾意食D飽肚的食物，所以呢間比較適合我。因為就我所知好似冇一間好似特色糖水小食咁有牛肋骨同雞軟骨食，牛肋骨簡直一絕，食完會覺得，其實牛摩個類或者西餐廳D牛肉餐都比唔上一碟牛肋骨，一人一舊食食下，閒話家常，凌晨一點左右，最後一台就係我地，簡直係那裡只得你共我。雞軟骨細細粒又係好味，傷心酸辣粉其實都有雞軟骨，但係落粉太多，炸到好大舊，但大部份都係炸出黎的粉而唔係肉，所以相比之下呢度係比較足料的。以往呢我就食開雪花冰，因為鍾意食凍野，但係呢幾日天氣有少少凍，所以決定冒險叫花生湯圓糖水。冇叫錯，冇得彈，天氣凍，湯圓的薑汁好暖胃，又甜甜地，好好味，花生湯圓雖然5粒，但係連埋牛肋骨雞軟骨一齊就飽，下次可以繼續呢個叫法。其實，冇咩人去負評會更加好，咁去到唔洗等位等咁耐，響糖水舖睇埋套電視劇傾多兩句就番屋企訓，開心!

環境簡陋，地方狹窄，檯櫈擺放混亂，出入困難，近半數客人需坐膠櫈。門口擺放膠桶，經常倒放不明熱水，其蒸氣四散，令附近環境受負面影響。服務態度異常惡劣，等待上菜時間超過15分鐘，但要求用餐時間不足30分鐘，未食完催已收拾食物，催埋單，完全沒有禮貌。甜品夾雜其他食物的味道，證明清潔用具步驟不完善，不整潔。多款甜品早在繁忙時間聲稱售罄，只剩價錢較昴貴的甜品供選擇。服務以利潤為先；為求趕客，不擇手段。就算全馬鞍山剩返一呢間糖水店，大家都不要去。

當馬鞍山的糖水舖開到成行成市的時候，每間都係賣心太軟同窩夫，大家有冇遺忘到舊式糖水舖呢?今次介紹依間係傳統屋邨的糖水舖，家庭式經營，裝修不是富麗堂皇，但係就有一份回憶。基本既中式糖水，各種既西米露，涼粉都有，同埋有熟食賣。今次食左3樣野：榴槤西米露 $40-做小小椰汁做個底，有榴槤蓉同一舊冰左既榴槤，比出面既榴槤西米露好食！榴槤水晶珠 $40-本身我唔係太鐘意食水晶珠，覺得冇咩味，但係屋企人叫左，就試幾啖。一試，不得了！佢係成碗都係榴槤蓉，再加冰左既榴槤！食完依碗野，感覺好似食左成個榴槤咁，超正！！！青檸梳打 $18-青檸梳打夠凍同青檸味好出，比平時D越南粉麵舖好飲，但有少少澀口。順帶一提佢既炒公仔麵，係唔油又乾身又彈牙，我之前見過每一枱都會叫一碟，所以好奇心下都叫左一碟，係好好味。去依間糖水舖食個炒公仔麵加糖水都係$6~70，好過你係馬鞍山搵間垃圾餐廳/茶記食。

態度差：雖然係小店價錢又唔貴，但做得飲食業，又開係馬鞍山可以話係街坊生意，老闆同員工嘅態度可以有好大影響力。平日非繁忙時間，店面得一兩枱客，店員收完外賣錢即刻趕客咁趕你出去，態度惡劣，另一個啊姐仲驚你唔走咁加把口，冇錯呢個係規矩，門口亦有寫明，係店家既堅持，所以作為顧客的我接受，但店家態度同處事方式一定唔係待客之道環境唔舒適：膠櫈摺枱，叫坐到食到，衛生一般味道普通：冇記憶，冇驚喜，連好味都說不上地點偏遠：唔作住馬鞍山唔會知，住馬鞍山都記唔起價錢正常：唔算貴唔叫平總結：不值一試

上openrice 咁耐 一直都係做cd-rom 得閒用下個apps 搵有周圍有咩好食…但今次令到我好有衝動俾負評 e間糖水小食]周不時都同朋友約係馬鞍山出黎食下糖水, 個人覺得MOS糖水甜品店都算多. 計埋今次在內E 間我只係光顧過3次, 也是最後一次.12-05-2014 約左兩個朋友 一行三人去食糖水 好耐無去過我就提議去 原因係有朋友未食飯 而果度又有D熟食 炒公仔面,腸粉等…地理黎講可算係最遠馬鐵站既一間　環境:鋪地方不大 可以講話迫　毫無裝修的鋪面，鋪入面大既有7-9張鐵抬 有時鋪外會開抬服務:　對上一次黎係暑假　比較多人　一班朋友１０個左右去食　迫左張平時坐７個人既抬　Ｄ　野黎齊　都未食完就叫人埋單　食完個樣野　就即收碟加上店員的黑面　佢成功咁趕客．．　多客　你想做多單生意都明　加上旺季　所以都不了了之．　今次真係好黑人憎　食得７７８８時　外面有應該一抬８人左右黎等位　跟住老闆娘　又出招　我朋友仲有杯梳打　飲左幾啖仲有成大半　就以經話收錢　之後以經郁曬抬咁　同我地講　“不如下次黎過”　果ｄ說話　果時間鋪唔多人　就諗住同老闆娘講　不如俾我轉去第２張抬　飲埋杯野就走（果時有張

晚上送了外母回大埔後，甜魔出動了。在大埔區，暫時沒有什麼重要的target，我們就把目標轉移到馬鞍山。晚上馬鞍山市中心的地舖，也是甜品店林立的地方。總覺得，在新界的任何一個新市鎮，入夜打甜品食，是很容易的一件事。而且，有不少更加是方便泊車，所以甜品店在新界，尤其是在一些傳統的舊式墟市，入到去大埔墟，大埔舊墟，聯和墟，石湖墟.......總之有個墟，實有甜品食。對於新一點的新市鎮來說，傳統的墟市是沒有的，但要找甜品店的踪影，大型屋苑的地舖，就是尋找甜品店的熱點。在馬鞍山市中心住宅區周邊的地舖，就是該新市鎮的食甜品熱點。為了方便一點泊車，我選擇了這一家特色糖水小食來試。這店子小小的，直情是細得利害，店內可以說是只有10個位左右。在新界區做生意，有一個好好處，就是擺滿街也未必有事。而這就是在新界的新市鎮食宵夜食甜品的特別風味。對著路邊，風涼水冷的食甜品糖水，特別的的有風，同味。 甜品，若是不求特別的，就是傳傳統統的大眾化食物。而我早就在以前的甜品評中提過，楊枝金露己被列入傳統甜品之列。芒果味道夠甜，而且好多芒果果肉，西米粒亦夠多，最重要的是夠凍，西米夠多，芒

呢間野…我行過好多次都無見佢開過舖…點知頭先同男友行過…竟然有開舖呀！！仲咁岩有位添！！本來都諗住食糖水架啦~但係度度都無位…咁就真係整定我地要一試！一睇個Menu…我係想食涼粉的…不過男友話要食熱野窩~~男友叫左個芝麻糊+湯丸…芝麻糊唔夠濃…湯丸好細粒…不過都OK~可惜湯丸得3粒…之後我叫左個桂花酒釀丸子…聞就好香~好多丸子…好滯…其實都唔錯既~不過有微微既酸味就扣左d分lo~總括而然…價錢唔算太貴…味道唔係好突出…不過行過又唔係排隊等位又咁岩口痕都可以試下既~

買左碗芝麻糊加湯丸，糖丸只有2粒，本人覺得這是一碗很普通嘅糖水，貴得離譜竟然收我$29。又加價？之前食過都無咁貴，到底係咩一回事，一碗咁普通嘅糖水價錢足以可以食到一個飯！之後唔會再去！

8個人黎食糖水(都係因為等唔到第2間先黎呢間食)入面毫無裝修可言1.糖不甩:不過不失,普普通通咁囉2.榴槤豆腐爽: 係啫喱既豆腐花,聽就好似幾得意,但食落其實無乜特別,豆味又唔重,面有一球榴槤味雪糕,但無乜榴槤味,8個人都試左啖,有人覺得係芒果味,有人覺得係木瓜味,有人覺得係豆腐味 分明係用次貨3.腐竹蛋糖水:水汪汪,雞蛋仲要另外加3蚊先有,咁都好意思收人廿味一碗4.啫喱世界.一杯切到一舊舊既啫喱,但得黃同綠,仲要乜野汁乜野料都無,就咁一杯乾爭爭既啫喱,但就有個好好聽既名5.-7/分別係朱古力雪花冰芒果雪花冰同益力多雪花冰睇MENU張相就好吸引,又話係推介又話係皇室製冰秘方,仲要成$30點知黎到,就淨係一堆雪花冰+幾粒爆珠+幾粒好難食既彩色QQ明明張相有生果,但製成品就一舊生果都無都算係我食過最無誠意既雪花冰呢間野比我既感覺係一D誠意都無,乜野都求求其其,下面D人又讚老闆好人又講到好好咁但一入到去果個短頭髮既姐姐仔全情黑口黑面,問多佢幾句又比哂面色你睇問佢點解D雪花冰無生果,佢講左句"太忙掛"就走左去呢D算係咩理由?喂,無心做就不如算啦

我尋晚同幾個朋友去食糖水....等左20分鐘之後入去坐底...我地4個人叫左4樣吾同既野食服務: 差爆一開波叫野食時呢樣無, 個樣無, 我們難免有幾句說話, 店員可能聽到就黑面到爆, 不會講句唔好意思等說話食物:蕃薯糖水:冇薑味...甜到好似成塊片糖放入口食咁...D蕃薯又吾熟.仲要吾熱既..食完超胃痛芒果黑珍珠: D芒果冇味...成碗野只係得一陣奇怪既膠味西瓜刨冰: d味好奇怪...有陣藥水味....仲吾知點解我個fd話食到士多啤梨味朱古力雪花冰:呢個實在係騎呢中既騎呢...我個fd叫個陣問個職員...係未有得自己揀配料...佢話冇...只係得個圖果d配料...要其他就要另外加錢...咁我個fd就要左一個朱古力雪花冰...點知黎到就吾係果回事...即刻問個職員...佢話d配料佢師傅配既...set左冇得轉...我個fd就問佢...咁個圖果d呢?個staff好好笑咁同我個fd講個圖只係參考...佢既配料有小丸小同彩Qxx...D小丸子好似食緊粉團咁...而D彩QXX好似玩具膠味D食物真係難食到不堪入口.

宵夜時份去光顧，分別點了幾個甜品和小吃。綠茶雪花冰綠茶味略嫌不夠，但和配料的丸子蒟蒻很搭配。芒果腸粉覺得外皮的椰汁味不夠，也不夠滑，而最大的問題是不凍，因此顯得失色。（亦因在外面很多地方吃到都做得不俗的，這裡一嚐便覺得不足夠。）香煎牛柳粒加了特別的串燒味粉，因而很惹味，而且牛柳不會煎得太乾，吃下去還充滿肉汁，不錯。順帶一題是，那裡的環境並不算舒適，略為迫夾。而服務和食物不算很有特色。

一行8人去食, 叫芝麻糊/無, 魚旦/無, 仲有幾樣都係無, 不過忘了是什麼服務: 差爆一開波叫野食時呢樣無, 個樣無, 我們難免有幾句說話, 店員可能聽到就黑面到爆, 不會講句唔好意思等說話.之後我們要d碗仔大家分d食物, 佢地一句話無就算, 連d外買碗都無諗過提供比我地, 差在未講出口趕我地走食物:喳喳: 有燶味既, 從未食過芒果刨冰: d果泥係行貨糖漿, 唔係其他甜品店般用鮮芒果肉打的木瓜奶刨冰: 仲衰, 懷疑係盒裝木瓜奶+冰+幾粒木瓜肉, 仲要d冰食到一半已經無味, 因為個漿跟本就唔夠問佢地間店有咩特式野, 店員都答唔出, 然後免強話豆腐花lor.....真係o 晒其他食物都係不堪入口.總結: 出品唔好生意好, 真係奇怪現象.