犀牛犀牛 (禮信大廈)

營業中

休息中

最近天氣熱了，完全唔想出門口買午餐。於是決定叫外賣，選擇咗呢間有口碑嘅店。食物15分鐘就送到，開個袋瞬間香味撲鼻，好吸引！主打嘅台式抓餅結合咗泡菜同燒肉，意想不到咁搭，外皮酥脆，內裡肉多汁，抓餅的咸味同奶茶的甜味配得刚刚好。同事試咗芋泥肉松五香肉蛋饼，佢話味道好正！珍珠奶茶甜度剛好，珍珠Q彈。此外，我哋仲點咗薯條。我们俩边吃边聊，觉得吃得好，吃得开心，而且性价比好。整體體驗非常滿意，服務迅速高效。絕對會再次訂購！

我叫網上外賣平台，諗住叫下午茶同媽媽一齊食。老人家鍾意食西多士果類型既野。咁啱見到你地有，你地有寫圖只供參考，我都覺得應該係食物無咁令仔or細件d。但個簡介都叫寫得清清楚楚係乜嘢。結果$30.4，你比d咩垃圾我？普通一塊烘咗嘅多士，加塊超市芝士同幾滴煉奶。整d咁既野出黎呃人，你好唔好意思？

之前都有聽聞呢間連鎖店夠性格，一直都冇去試，今次試完，果然冇下次！！！已經係openrice 落單唔做麻煩人地，亦都預夠夠夠時間俾佢整野食，但係一個蛋餅唔會好耐呀，20分鐘都有了哦，叮你問下都好正常，一句：「等等」就冇了。見到佢有同事返工同埋整黎整去都係飲品，唔見野食，再問多一次，先黑晒面甘攞俾個客！！！大佬呀，人地落一堆飲品唔關我事哦！真係一次OpenRice最差落單體驗PS:等到攞到食完了，先收到「可取餐」通知，我吃的時候已經是溫溫的，等通知再取餐可能已經變凍了。

一直想試佢地既肉鬆蛋餅/吐司，今次先試了他們的吐司，另加拉絲芝士。肉鬆是我喜歡的綿密的質感，咸度剛剛好；煎蛋有少少糖心的感覺，如再流心一點口感會更好：另加的拉絲芝士只是一般片裝芝士，或許吐司不夠熱，芝士一啲都唔拉絲，只為整體添多一點咸香。整體味道是OK的，但CP值不算高，試一次就可以了。

間舖頭冇乜客，店員淨係識打機，望都唔會望你，你出聲佢先會識得抬頭。落order佢完全唔會出聲。等咗好耐（我諗都至少10分鐘，要記住佢係冇人幫襯），點解一直都未出貨。我行到埋去，原來佢又掛住打機，杯嘢整好咗一直都唔拎出嚟 叫左杯白珍珠烏龍奶茶，剩係得奶，水，同埋蜂蜜嘅味道，完全冇茶味。已經係叫烏龍，都可以係無茶味，我懷疑佢根本都冇落茶白珍珠係蜂蜜珍珠，比較甜。雖然呢間店係新開，但係佢嘅態度真係令人大開眼界，同埋飲品嘅質素可以差到咁，佢應該真係等緊執笠

午餐時間叫咗一份日式辣味噌豬五花捲餅同埋冷泡玄米綠茶，捲餅新鮮整出嚟熱辣辣本身想好好幫佢打卡，但係揸住影相不能超過2秒因為太熱🤣一開始驚個捲餅配豬五花太油膩，所以嗌咗原茶，但係幾有驚喜，配味噌醬同中間有啲洋蔥同生菜，脆脆地好夾。原茶正正常常，雪到凍冰冰，食住捲餅飲一流。另外個樽好靚💛不得不提，前台店員好有耐性同禮貌，我前邊有人排隊等咗好一陣子，肚餓嘅時候佢都講聲唔好意思同埋好耐心講解啲嘢食俾我聽。一間有誠意嘅小店，推薦👌🏼👌🏼👍🏼👍🏼

今日同朋友行街途經銅鑼灣，估唔到新開咗間犀牛犀牛。之前已經喺中環試過，台灣野食飲品鋪。啲嘢食即叫即整，好好食。 今次叫咗一個招牌肉蛋捲餅。果然係即叫即整，拎上手熱辣辣，好正！ 咬落第一啖，一句說話概括晒，脆香肉香而不膩。對比台灣食嘅捲餅，犀牛犀牛嘅捲餅係唔會太軟，而係金黃色，外面小小鬆脆，好香口，而餅皮裏面就保留捲餅軟糯嘅特質。捲餅入面有肉，蛋同埋菜，係一個非常巧妙嘅配搭。新鮮蔬菜中和咗酥餅同肉避免唔到嘅油份，所以食落唔會好油。本身捲餅入面無醬，但係反而咁樣仲好，肉汁就成為咗成個餅嘅精華，味道貫通咗成個捲餅，美味！

犀牛犀牛🦏香港19間分店，今次試咗新開嘅銅鑼灣分店~🫶🏻✨招牌肉蛋捲餅💰38✨芋泥肉鬆蛋吐司 💰40✨白桃烏龍🍑💰22✨鎮店雞柳條 💰28✨巨峰提子奶蓋冰沙💰37💫評分: 8/10📝招牌肉蛋捲餅其實就係台灣蛋餅有驚喜，個餅係即叫即煎，熱辣辣，好似去咗台灣夜市咁，芋泥肉鬆蛋吐司🍞好飽肚，如果再多啲芋泥就好啦🤣，炸物除咗薯餅都會配惹味嘅蒜味沙律醬，攞嚟點鎮店雞柳條食一流🤤，白桃烏龍食到粒粒桃肉，加茶香好正，仲叫咗杯冰沙超消暑！犀牛犀牛📍銅鑼灣禮頓道106-126號禮信大廈地下04號舖(銅鑼灣🚇 F1出口行5分鐘就到)🏃🏻再訪？🅈🄴🅂 🫶🏻❣️其他分店❣️🫶🏻港九新界19間分店

今日有同事請食下午茶，就訂左呢間新開張嘅犀牛犀牛🦏🦏 飲品🧋+小食🥗最驚喜係有係飲品食物上面寫左各個同事落單嘅名，方便我地派發，超細心🥰我叫左個芋泥生菜沙律，舊芋泥少少甜幾好味，胡麻醬配沙律菜最夾🥗同事叫左芙香蘋果、白桃烏龍、鳳梨綠茶嘅茶都好飲，好fresh，唔甜我自己叫左烏龍奶茶就正正常常啦仲試左同事嘅朱古力香蕉吐司，好味，唔太甜。但擺耐左有D淋咗，可能焗住係個袋裹面如果堂食就正啦，脆脆的🤤