犇之食堂 (已結業)

今日行過銅鑼灣 見到呢間曾經想食既台灣野之前俾佢既門面吸引過 見時間尚早一於入去試下入面環境裝修的確唔錯 舒服夠光猛俾佢個酸菜吸引到 好好食仲要免費 味道唔會太濃難入口 食左個皮蛋豆腐嘉義雞肉飯滷肉乾拌麵肉噪青菜樣樣都好岩食 好味雞肉飯用咸雞 建議拌埋酸菜一齊食冬瓜茶好飲 仲要入邊真係有冬瓜 出色我飲既係珍珠鮮奶綠 奶味好濃 綠茶味淡不過珍珠軟棉棉好好食總結成餐飯樣樣都好好味好岩食 免費酸菜更係畫龍點睛 最後冬瓜茶有驚喜店面舒服好坐 下次會再食

犇之食堂+台灣菜+台式飲品+ 粉麵/米線🏠環境:+ 唔太似台灣餐廳 裝修好似宜家流行嘅打卡cafe+ 下午茶唔洗等位 價錢合理‼️魯肉飯 $48好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 魯肉飯 少量肥膏 同肉汁混合 令到碗野極邪惡 但真係好好食 令人想大叫 我要添飯！‼️ 眷村牛肉捲蔥餅 $52好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 蔥油餅 集鬆脆同 軟身 於一身 不過好易散 會包唔好D牛肉同青瓜絲✅ 牛肉 係半筋半肉咁 再配北京填鴨果隻醬📍銅鑼灣白沙道11號地舖G/F,11 Pak Sha Road, Causeway Bay⏰星期一至日11:30 - 22:00☎️ 電話號碼 24684668📩喜歡我的文章，可以關注我及讚好以作鼓勵

🐔香脆鹽酥雞❤️行過銅鑼灣，見到台灣野，心郁郁想食肉燥飯🤗🤗呢個肉燥飯肥肉比較多，怕肥的我。。。無理啦，為食大過天，味道就無桂花小幸咁好，味道比較淡，但鹽酥雞做得幾好，超香脆🤭加埋杯炭焙烏龍，烏龍味就比較淡，無炭焙香味，除左個鹽酥雞，其他都係普通🤭🤭其他食物都係普通，唔推介了

好掛住台灣既味道，魯肉飯更加係我既至愛..食過好多間，但暫時真係覺得呢間既肉燥做得最好..有小小肥膏，唔似出面一D好似得淨肉碎既野..今日去開銅鑼灣，忍唔住又去食下叫左鹽酥雞拼魯肉飯..個飯量同魯肉比例好好..唔會撈唔盡D白飯..鹽酥雞雖然同台灣都真係差點..唔知點解始終冇台灣果種香..可能係料理粉唔同不過都係做到外脆內軟既同埋佢地珍珠奶茶茶味濃同幾香..唔係死甜..珍珠好煙韌叫做一解思鄉既感受。

之前每次經過白沙道都見到有人龍在此店門外,所以我一直心想要到那家店一試.其實台灣料理在香港都有不少,但真正做到好味既又不多.曾經有到過都具人氣既"三星" 但光顧了2次後都覺得不是太特別,亦都沒有想再回頭既感覺是次我跟友人到此一試後,其實都光顧了幾次. 感覺食物水準是穩定.不會有第一次好吃第二次就變得不外如事既感覺.喜歡辣既朋友可以叫這一碗,但其實都不算很辣清湯族既朋友可以點這一碗鹽酥雞不算很大份,但也足夠給2人前我最愛就是這裡的配菜.

其實較早前都食過另外一間幾出名嘅台灣餐廳，呢間店舖都係喺銅鑼灣，佢叫做犇之食堂。佢位於銅鑼灣嘅白沙道，地方都算係旺中帶靜，都算係一個可以坐低傾吓計嘅好地方。食過上次嘅燈籠滷味之後發現最近新開嘅台灣店舖都鍾意用懷舊做裝修嘅主題，成間店睇落去好復古，都可以影吓相打下卡㗎！我哋今次就叫咗貢丸米粉湯，滷肉鹽酥雞飯，台灣腸，另外亦都有叫到芋圓同埋黑糖珍珠奶茶。 滷肉鹽酥雞飯其實係一個套餐嚟嘅，佢會包括左一份白菜仔，同埋一杯普通嘅茶，我哋今次就加購左黑糖珍珠奶茶試吓佢嘅味道。老實講我覺得成個套餐都麻麻哋，鹽酥雞係鬆脆但係就冇乜特別，滷肉飯我都覺得不過不失啦，不過佢喺枱面附送嘅酸菜我個人就好鍾意！可能我自己本身都鍾意食比較酸嘅嘢，同埋成個套餐都比較油，所以有酸菜嘅平衡就突出到酸菜爽口同埋清爽嘅感覺，仲可以解油膩感！至於佢杯黑糖珍珠奶茶真係太甜啦 ，黑糖同埋茶嘅味道唔係好突出，反而飲到一浸死甜嘅味道，另外佢個芋圓我都唔係好推介，雖然佢嘅配料都幾多，但係佢個糖水底又係太甜，而且佢嘅珍珠一啲都唔Q，有種煮得太over嘅感覺，反而我自己推介嘅係佢個 貢丸米粉湯！佢嘅湯底都係同台灣一樣係有一股好香嘅黑椒味道，

聽人講食台灣美食可以滿足去台灣嘅願望，所以今日就約朋友去食台灣餐廳。鹽酥雞滷肉飯鹽酥雞夠酥脆，滷肉夠肥美，有台灣風味，滷肉醬汁和飯的比例恰到好處，味道不錯！👍🏻士林炸花枝丸去士林夜市必食嘅花枝丸！但這裏的花枝丸則平平無奇，沒有特別的驚喜。眷村牛肉捲蔥餅可能期望越大，失望都會越大。雖然牛肉捲餅餡料十足，可是蔥餅好像是放涼了，所以扣了分，但整體味道還是令人滿意的。起司奶蓋炭焙烏龍茶（$35）VS冷泡炭焙烏龍茶（$25）烏龍茶味香，而且可以走糖，不過顏值和性價比就不太高了。餐廳的用餐時間為60分鐘，感覺有點harsh，不過職員們都頗友善，防疫衛生都做到足，如果大家有興趣去，我仍是會推介😬。

去到銅鑼灣又唔知食咩好又見到呢一間台式餐館裝修都唔錯所以入咗去食嘢鹽酥雞滷肉飯但味道方面嘅話又真係唔錯嘅鹽酥雞夠香脆亦好夠味道好鍾意上面啲咋九層塔有種香酥嘅味道又夠脆滷肉飯好多汁而且味道唔會太甜亦唔會過鹹啱啱好老玉並唔係普通肉碎係細粒嘅五花腩叫咗杯無糖綠茶可以一解油膩好似太細碗究竟係因為我大食定係碗真係太細呢😅我覺得比較適合啲細食啲嘅女仔如果男仔嘅話建議真係要加多$10多飯先會夠飽因為同行嘅朋友食完都覺得有啲肚餓

兩個人late lunch, 見個tea set menu不吸引，照叫lunch menu. 加$15 upgrade飲品，因為好想飲波奶！限聚令下餐廳不算忙，第一杯珍珠奶茶好快到，茶係好，夠濃。珠係好流。發漲無味無𡁻口，可惜。至於第二杯，成個過程係惡夢，見到在水吧好耐，員工行過當睇唔到，水吧同事行出來不過無拎過嚟，終於有同事拎，但係佢差唔多就到我張枱時，居然停低行去同另一個同事傾計，傾到好開心好大聲，傾兩三分鐘後先拎俾我。如果唔洗戴口罩，咪成杯嘢飲都係口水花？至於好唔好飮，梗係唔好啦，D冰都開始生水，D芋圓又煮唔透，好多都係硬嘅！食物一般，炸雞份量足，雞肉飯不好吃，D嘢味精太勁，我返屋企一口氣飲咗三大杯水再馬上瞓著，肯定係味精作怪。至於價錢，其實係貴，因為採用日本米，所以當自己係日本餐咁賣（75折差唔多，就算係銅鑼灣區應該貴D）。仲有，咁嘅同事質素只應該在$48午餐的茶記出現。咁嘅質素嘅飲品應該set入面免費包埋，要加$15，是有點面皮厚。香港地搵食艱難，明白的，但係要客人花錢，也要客人花得開心！雖然今餐有人請，不過我也覺得肉痛，因為真的很不值，希望可以改善。

宜蘭鹽酥雞滷肉飯 $72滷肉飯都可以，滷肉汁味道都濃，又唔會太肥膩感，但鹽酥雞可以再脆口少少，返炸多次再加少少調味粉會更好。麻辣牛肉乾拌麵 $68麻辣味好夠，麻味足，麵底唔錯，手打粗麵，有咬口，加牛肉絲同青瓜絲都有口感，唔錯！眷村牛肉捲葱餅 $48唔係蛋捲做皮，係葱油餅做皮，比較硬同乾身，入面有牛肉同青瓜絲加少少雪菜，個感覺同片皮鴨有幾分相似，味道一般。起司奶蓋炭焙烏龍茶 $35奶蓋都ok，帶少少咸味，叫左少甜既烏龍茶都有d甜，所以可以叫無糖。。📍最低消費每人$65。📍環境裝修都唔錯，感覺舒服。

望住疫情越黎越唔受控，睇黎一年內都去唔到旅行喇😞如果想念台灣嘅味道，想推薦哩度嘅紅燒牛肉麵比大家🐂🍜餐廳裝修帶點田園風，驟眼一看根本諗唔到係一間台灣餐館。午餐嘅時候高朋滿座，不過尚算坐得幾舒適☺️紅燒牛肉麵 $88熱芋圓奶綠 + $10紅燒牛肉麵有四大塊牛肉，有厚度，根同肉分佈平均，根位唔會韌，係好香濃嘅牛肉味👍🏻🐂湯底亦都好濃郁，帶點香料味道，比平時食到嘅更香，好有台灣嘅傳統風味；麵質彈牙有口感，完美地索晒湯底！🤤🤤🤤餐飲就貪新鮮叫左杯芋圓奶綠，芋圓細細粒，好Q彈，而且會食到芋頭粒，好足料！而且無珍珠咁肥膩，食厭咗珍珠嘅朋友可以試試啦😋

今日同朋友行街 一心只想陪朋友食的我經過見裝潢頗有台味就入席。當時客人只有2-3台(包括我在內）⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯朋友嗌左個滷肉飯 我嘗左一啖 只感頗咸 一般。重點黎了 其後一位姨姨待應黎 問我食咩 我話唔洗了 佢話：點都一定要嗌樣野食喎 我便問：有人均最低消費？ 佢便話：um...係冇既 但點都應該嗌杯野飲囉。我聽後覺好反感 覺得比人明屈，間店好唔誠實。都算 之後係咁咦嗌左個台腸 但可惜質素+量低但價高。兩條香腸分成四片，而且好干好韌 完全冇肉汁 但咁都要賣$30尾（冇記錯是$38）完全不值！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯總括而言 食物質素同員工態度有待改善

如圖，一開個餐具後都無晒心機食，個晚係鹽酥雞滷肉飯。希望店主會留意餐具質素。我個晚個匙羹唔小心無留意到有霉菌就放咗落個飯到，成盒外賣就咁gg咗。咁就$104，住南區無得返去換。

已經回過幾次頭嘅台灣菜佢個ᴛᴇᴀsᴇᴛ超抵食☺️每次都會食佢個牛肉麵牛肉入味軟腍不起渣 湯底剛好不會過咸 麵同肉都夠入味 要讚一下🐂豬排拌麵 豬排係鮮肉唔係雪藏肉嘅感覺！不過有小小過韌 有進步嘅空間🤔不過佢個拌麵嘅汁調較得好好 撈麵好惹味又唔會太重味 而且仲好香～另外 食台菜就緊係想飲珍奶🧏🏻‍♀️呢度除左珍珠奶茶之外 仲有唔少台式飲品可以比你揀～外加一句 店員們都很友善很有禮貌 坐得都舒服唔會話好迫！係會回頭嘅選擇！

本身唸著食個下午茶，Order佐個滷肉飯真係唔掂，應該叫佐鼓油伴飯，滷肉無咩香味，細份，買單48蚊。阿元XX個滷肉飯先得42蚊，真係試過先知分別幾大。可能間野主打其他菜，我係唔會有下次。