犢食 (已結業)

犢食 Duksik 溫泉蛋牛肉丼 $60好耐冇食嘅日式牛肉飯， 溫泉蛋真係同牛肉飯係絕配。 溫泉蛋令到個飯更加濕潤，增加左成個既飯口感。特盛香蒜西冷丼 $102有驚喜嘅一個丼飯，西冷係即叫即燒，所以需要等大概15分鐘。有好多舊既肉，大概七成熟，仲見到入面微粉紅，調味有啲似日式燒肉汁，帶少少甜。鹽燒牛舌串 $38超厚切既燒牛舌，雖然一串得三舊，價錢來講好似有啲貴。調味啱啱好，唔會太淡或者太鹹。厚切食落更有口感，而且唔會韌玄米茶好香濃既玄米茶，仲食到一粒粒炒香左嘅玄米，鍾意飲茶嘅朋友應該都會覺得好飲味增湯味道正常嘅味增湯，帶有有少少海帶📍 犢食 (觀塘)觀塘巧明街105號好運工業大廈3樓D室

-去觀塘搵朋友食飯 佢係地頭蟲 今日佢推介我食日式咖喱湯烏冬 小店喺附近嘅工業大廈裏邊 座位以高櫈為主 午飯時間都幾多捧場客-🍱#雞腿湯咖喱定食 $68除咗雞之外 可以揀牛肉 野菜或芝士漢堡扒配湯烏冬 跟麵豉湯 我本身唔係特別鍾意食烏冬 將佢放喺咖喱湯裏面 入口濕濕地滑滑地 口感反而唔錯 湯咖喱中有菜蔬類 白菇🍄西蘭花🥦 雞腿啖啖肉 材料算豐富 味道唔單調-🥘#溫泉蛋牛肉丼 $60薄牛肉片比較乾身 溫泉蛋反而唔錯 飯粒OK雖然唔係珍珠米 我搞唔清楚點解碗中有青蔥粒 換成日本椰菜切絲會更搭-🍢#免治雞軟骨串 $18🍢#魷魚串 $18🍠#烤蕃薯串 $18🥚#醬油煮蛋 $9小店好有誠意 單係小食就超過十款 魷魚切條一串過 有嚼勁食得過癮 醬油蛋唔多上色又冇乜醬油味道 雞軟骨串尚算”骨肉均稱”😅-📍#犢食觀塘巧明街105號好運工業大廈3樓D室

有時搵嘢食 來來去去淨係識得去商場鋪或者地舖 朋友就介紹話不如搵吓工廈啲好嘢食 然後就喺檸檬地圖搵到呢間黃店💛於是星期五放工就嚟到觀塘嘅工廈 入面環境細細地 全部都係坐高枱高櫈 如果係要求一個好舒適環境又有卡位嗰啲就唔啱你喇🤣佢位置唔多 不過其實坐得唔迫 枱與枱之間隔好開 嗰日星期五晚都幾多人嚟食 我嚟到就啱啱好有張枱可以坐睇相都知有幾黃了💛唔敢講太多 而家講咩都有機會被控 大家睇圖吧😌🍱牛肉湯咖喱定食 $62 (轉烏冬 +$10)一擺上枱已經聞到湯咖喱嘅香味🍛即刻試下飲啖😂😂超濃郁的呢👯‍♀️烏冬煮到好彈牙 +$10都抵🤣牛肉份量好多 全部薄切 好好咬😍我哋當佢係沾麵咁食😂將啲烏冬放落成碗湯咖喱😍另外亦加+$9叫咗隻醬油蛋🍳流心嘅蛋加咖喱撈落烏冬 每啖烏冬都沾滿蛋同咖喱 好滿足😋🍚溫泉蛋香蒜西冷丼 $90雖然用紙碗裝 但賣相一樣好好睇💛碗上舖滿牛柳 不得不讚我嘅食法係將蛋吉爆 撈勻碗飯先食😉救命佢個牛肉汁加蛋汁撈飯超正🥺🥺醬汁甜甜地 係有類似牛角嘅味道🤩仲有牛柳 佢大概整到medium 剛剛好不會韌 淋淋地又有咬口 總之食呢碗飯我都唔知講咗幾多次好好食🥺係幸福嘅味道🍢免治雞軟骨串 $2

之前一早已經想黎呢間日式小店一試，今次終於黎到試下佢地既丼飯同湯咖哩，價錢唔太貴又多選擇🤭！而且店員好有禮貌，令人感覺好舒服🥰佢地既定食會跟配味噌湯或玄米茶，我地都揀左玄米茶，可以見到茶裏面放有炒過既糙米粒，飲落有淡淡既米香😝比較解膩⭐香蒜西冷丼 $82 (選配烏冬 +$10)西冷牛扒煎至外皮焦香，裏面仲保留住粉嫩既顏色，牛味突出，牛味幾突出。烏冬口感彈牙，配搭昆布湯都唔錯。有啲人會跟湯咖喱，相信一樣咁正😆⭐牛肉湯咖喱定食 $62佢地啲湯咖喱定食望落勁吸引🤣有雞腿、牛肉、野菜、芝士漢堡扒等選擇。今次揀既係牛肉湯咖喱定食，大大碗湯咖喱裏面有好多雜菜配料，好似茄子、蓮藕、紅蘿蔔、洋蔥同炸薯仔咁。佢地啲日式咖喱味道偏甜，唔係辣果種，但用黎撈飯一樣夠香。⭐唐揚雞塊 $16小食揀左唐揚雞塊，一份大約有4件，都係新鮮炸起做到外脆內嫩既口感⭐伯爵茶豆乳、咖啡味豆乳 $12

今日係觀塘收工就去咗朋友推介呢間日式餐廳試下。我哋叫咗湯咖喱雞定食，南蠻大雞丼，堅魚炸豆腐。佢哋嘅湯咖喱雞定食都幾大份， 雞嘅分量都十足，啖啖肉啱晒我依啲食肉獸！味道方面辣到到啱啱好，又有野菜咖喱嘅甜味。南蠻大雞丼嘅雞更加大舊，我朋友淨係食啲雞都飽曬🤣佢飯底嘅味道都唔錯，落咗一啲日本嘅調味料。總括嚟講呢間餐廳都幾抵食，分量十足啱晒比較大食嘅朋友仔

之前睇不同食評都話佢地嘅漢堡扒好食，今次就嚟試下！一睇menu，全部菜色都好吸引，但可惜眼闊肚窄，今次叫左大家都大讚嘅🍛芝士漢堡扒湯咖哩定食($72)試下先。套餐可以跟味增湯或者玄米茶，我簡左後者。先講湯咖哩，材料都幾足！入面有蓮藕、鴻喜菇、茄子、薯仔等等，重點係野菜有先炒香再煮，加分！湯咖哩十分惹味，同係北海道食嘅味道差唔多，唔油膩之餘仲有日式咖哩嘅香味，將湯咖哩拌入飯食更加清新。無諗過只需$72就可以食到咁高水準嘅湯咖哩，實在好有驚喜。但原來一山還有一山高，芝士漢堡扒更加吸引。漢堡扒外層有少少焦香，內裡肉汁橫溢，肉質嫩到可以用匙羹輕輕一壓就分開，但唔係散晒變肉碎。咬一口，係啖啖柔軟又juicy嘅真正「日式漢堡扒」，而唔係坊間乾到似柴嘅所謂「漢堡扒」。係依段去唔到日本嘅時間，可以食到「鄉下」嘅味道實在感動，最緊要係抵食。小店由APM行過去只需幾分鐘，位置方便。聽講lunch time會大排長龍，如果公司或屋企係附近，亦可以選擇外賣，仲邊有藉口唔去試下？

好似係新開既日式店，見到食評唔多但多數係好評，趁Lunch hour黎試下。同同事都係叫左牛肉丼，佢食溫泉蛋，我食特盛。牛肉份量唔少，飯都好多。本身期待會係日式米，或者其他口感好D既，結果只係普通米飯。牛肉有D鹹，唔算特別好食，只可以話不過不失。有D子薑係面，我覺得同個飯同牛肉唔夾就無食。如果作為開胃前菜，分開擺就ok。擺埋一齊就唔想食丼跟配湯/玄米茶，我要左茶，入面玄米唔少，但係味道有D淡。去到先知全部都係高櫈唔中意，坐得耐會腳痺。而且12點15開始多人，坐得有D逼。如果下次去食會試其他款，兼打包走。

之前係觀塘返工已經好想試呢間黃店💛 但一直都無機會試 前排特等去觀塘就係為左食呢間小店 果然無令我失望💕💕 同朋友都嗌左南蠻炸大雞丼($62) 賣相好靚💕 塊炸雞真係超大塊!!! 食落去仲要啖啖肉 好juicy 一啲都唔厚粉🥰 加左蛋沙律味道比想像中夾 同埋椰菜絲(係底)令到成個飯無咁油膩👍🏼 而且價錢都唔算貴! 學生仲有8折優惠 所以性價比都幾高!!總括而言係非常之有驚喜嘅一個飯 一定會再黎食 支持小店!!!💛💛

湯咖喱真係好好味，完全令我回想到去北海道既湯咖喱，非常夠味，唔會太水。而且仲好多料，每啖湯咖喱都係料，雞腿大大舊肉！唯一唔好既地方係外賣盒蓋唔夠實，普通行路冇跌撞都瀉哂出黎。😢😢

犢食的犢也就是代表這店的年輕, 年輕除了是指主理人和員工的年紀外, 也是指他們從沒有處理食肆的經驗, 所謂”初生之犢不畏虎”嘛! 這店主打的是輕便和食, 如牛丼及湯咖喱, 說是輕食但在食材和菜式煮理上並不輕鬆和馬虎. 像是我點的牛肉烏冬, 肥牛看上去是否很似吉野家呢! 牛肉肉質嫩滑而且有肉香, 沒有雪藏味, 而且牛汁混合醬汁除了肉香外, 也帶有果香和果甜, 感覺相當舒服. 烏冬是我喜歡的類型, 就是咬下去口感要實在, 表面卻相當光滑. 隨餐附送的玄米茶並不是普通的餐茶貨色, 見到真正的玄米, 也就是糙米, 味道天然. 初生之犢除了不畏虎, 也比很多很有經驗的料理人, 更有誠意地處理着他們的菜式呢!

觀塘宏宏的工業大廈內隱藏著很多特色餐廳，今天試了這間似是台式餐廳店很細心，會有意見收集箱，還有七味粉因為不太肚餓，所以我都點了很多小食，店內都多客人，由於疫症關係，大家都是在買外賣「唐揚雞塊」點了一客炸雞，炸得不錯👍🏻外皮非常鬆脆，雞肉醃味也很夠味，也有六至七塊，份量不少，熱辣辣咁食，即使是外賣也不太影響味道👍🏻「魷魚」又點了一客魷魚，魷魚十分爽口，醬汁配搭得不錯，約有六七塊，份量不錯👍🏻「迷你黑松露薯餅」薯餅炸得很香脆，熱辣辣入口，有淡淡的黑松露味，不會搶了薯仔的香味，有兩件迷你size「大根」又點了一客大根清清腸胃，算是為這餐加添一些蔬菜吧😂總結，飯和小食的食物選擇種類也算多

今年聖誕假期不但不能旅行，還要常常stay at home，做咩好? 我和朋友都喜歡不停整、不停整、不停整……最喜歡就是搓包和焗蛋糕，所以今晚就約埋一起去觀塘烘焙店大量入貨。買到失晒理智，連時間都忘記了…… 6:00pm禁堂食，唯有外賣啦！的確已很久沒有捐窿捐罅走進工業大廈覓食，今晚就在烘焙友介紹下來到這間日式小店。門口的店名燈箱好有日本feel。拉門而入，正正方方的格局，地方不算很大，環境光猛。內裏設有數張有二至六人高身木枱，亦有單人的長木枱，而另一邊的廚房重地就用了日式布簾間開。看看外賣單張，有牛肉丼、西冷丼、親子丼、豚角丼、雞丼、漢堡扒丼、湯咖喱定食、什錦關東煮配烏冬、小食和飲品，還有可追加湯物，選擇都唔少。每款選擇均配味噌湯或玄米茶。**********************一見到湯咖喱就令我回想起前兩年的日本之旅，今晚就選湯咖喱吧! 在五款中，揀了牛肉湯咖喱定食，再追加兩款湯物和一盒飲品，夠晒滿足。牛肉湯咖喱定食Beef Soup Curry轉烏冬($62+$10)份量十足，一大碗牛肉湯咖喱和一大碗烏冬，分開盛載，烏冬不會浸至發脹和淋晒，讚! 一打開蓋子就聞到陣陣咖哩香，好

呢到係一間比較新既餐廳，無論係開業時間還是新式fusion菜！位於巧明街轉角位，大馬路巴士站行2 分鐘就到，非常方便！入到呢間餐廳先唔講食物，入面環境以及擺設都非常符合年輕人口味！！作為一間小店，熱愛社會同捐獻，再加上佢地好重視顧客意見，有幾個意見收集箱，抵值得幫襯！！入黎叫左個南蠻炸雞丼同自家製漢堡咖哩湯飯，佢個南蠻炸雞食落去非常嫩口，雖然大大塊，但絕對無果種好老好油，食完一大較唔想食既感覺！加上佢特別既調味，呢個雞係我食過咁多炸雞中既top 3!! 肉汁加大大粒日本珍珠米，yummy!!至於呢到另一類既食物咖哩湯，屬於香料調製既咖哩，咖哩湯顧名思義，係比較液體既質地，味道比較鮮而非濃，平時咖哩磚食厭左既人絕對要一試呢個咖哩！自家製漢堡扒配上一層厚厚既芝士，層次非常鮮明，雖然肉汁未算好多，但本身既湯汁加上漢堡就足以彌補，鮮味帶出漢堡既香！！有心餐廳，無得輸！

.雞腿湯咖喱烏冬🍗🐔🍜(推薦指數：😋😋😋😋😋)佢係一個日式嘅定食，有麵豉湯。烏冬要加$10。雞腿煎蛋啱啱好，入邊Juice，咖喱符合香港人嘅口味就好！👍🏼值得一讚嘅係咖喱湯入邊有日本菜經常用嘅菇菌🍄、仲有薯仔🥔、同埋西蘭花🥦。.唐揚雞塊🐔(推薦指數：😋😋😋😋😋)小食類別，一客兩舊。睇相你都見到外皮趣、外皮簿，入邊Juice唔乾身。呢個價錢有呢個質素都超班馬啦！☺️.可樂餅南瓜味（推薦指數：😋😋😋)入面南瓜餡好充足，用嘅南瓜好甜，一啲都唔行貨，炸物配甘甜嘅南瓜，可以減少油膩感！炸得乾身香口，睇得師傅用心嘅製作😃..綠茶汽水 (推薦指數：😋😋😋😋)呢度有一啲我哋未飲過嘅飲品，喺日本直接出口嘅，所以一定要試吓。我揀咗個綠茶汽水飲，唔太甜幾特別，人一世物一世點都試吓啦！

觀塘多黃店就大家都知呀，唔知呢間犢食你又有無聽講過呢？唔好睇佢舖仔細細，佢裝修得都幾靚，簡約得黎又不失格調。不過始終食物質素先係見真章嘅地方，就睇下今次d野食咩料子啦：1️⃣可樂餅（南瓜）🎃 8/10雖然無特別整色整水，但係即炸嘅可樂餅真係好好食！好有童年回憶，細個睇我們這一家花師奶成日整比佢d仔女食！2️⃣芝士漢堡排湯咖哩定食 🥘 7/10呢個都算係餐廳嘅主打，佢地有幾款唔同嘅湯咖哩，不過我個人偏好芝士，覺得都幾match，入面重有薯仔、茄子等等嘅配菜，食落都幾豐富！3️⃣ 炙燒豚角煮 🐷 7/10其實食落比較似食拉麵個種叉燒嘅口感，無乜燒肉味，好淋，好入味，幾好食！總括而言，佢個價錢定位都唔算貴，食物味道又幾好，經過觀塘不妨一試呀！