狀元樓 (已結業)

老闆突然說要請各位同事去狀元樓吃飯！我們當然高興，下班後就一齊去尖沙咀iSquare 🥳🥳原來老闆經已訂了12人的套餐！有冰鎮鮑魚，滷水鵝拼盤，狀元招牌雞煲翅，XO 醬炒花姿，蝦籽海參扣柚皮，清蒸海虎杉班，一品金絲雞，瑤柱扒豆苗，生炒糯米飯，生磨杏仁茶等！很豐富耶✌️冰鎮鮑魚不細隻也很鮮甜😋滷水我啖啖肉，鵝味很重😋狀元招牌雞煲翅分量十足，很濃郁的雞湯底👍🏻蝦籽海鮮參扣柚子皮，蝦籽很入味，柚子皮夠淋😋總括來說，菜式味道都很正！

這間食店其實長期都無人氣的。老實講我次次去都未見過爆場。所以今日元旦日我都選擇去這間店。朋友都問我需要訂位嗎？我都好自信地說不需要。一如所料真係只得一張客。元旦炒場時間真係算差㗎啦。這間酒樓其實裝修都還可以的。雖然唔算太浮誇。但都算正派。光線充足今日套餐的餐牌這個其實好飄忽。個個大細不一、份量都不一。其實這些都是一些普通食料。不需要那麼孤寒啦⋯⋯有些餐廳呢個價錢都已經可以任食前菜了。這個湯都還可以。都很濃飲完又唔會太口乾這個餸真係好少家。一點賣相都沒有。好似人地去自助餐夾一點試食的樣子。所謂的黑松露味我食唔出。虾就得兩隻平平無奇這個就幾好食。鮑魚很入味。那些醬汁都充滿味道。令人想用來送飯賣相都幾好。這個牛仔骨其實都係少㗎啦。不過本身食材都好食。可以收貨。這個湯又係非常差。都係成個餐最大份的。那些菜根本老到好難食。還說什麼菜苗？那些雜菇就咩都有。但都唔算係咩貴價菇？這個更失望。普通珍珠雞都算係一個餸？一杯飯都唔炒比人？我還聽到隔離桌的客人問，這個是真雞？還是真珍珠雞？一間叫狀元樓的酒樓只係得個名？餸菜都係得個名？元旦都無生意。本身應該都要負點責任。最後這個甜品食唔出係咩？但都算可以。唔難

其實我比較少寫食評，但係今次真係對呢間中菜完全失望，希望唔好再有人中伏。見到OpenRice 有優惠，所以就用$528買左個package 去試吓。1. 冰鎮鮑魚 - 不過不失2. 胡椒海鮮湯 - 尚可接受3. 白酒龍躉扒 - 完全無味，唔知食緊咩4. 避風塘炒蟹 - 蟹肉唔新鮮、有臭味。避風塘炒蒜過火，勁苦。換咗第二隻後，蟹肉OK，但避風塘炒蒜仍然過火，都係勁苦5. 豉油王炒麵 - 炒窿咗，有苦味。6. 紅棗糕 - 尚可接受總言之唔好中伏！

多謝朋友介紹狀元樓來飲茶 🍵多人食可食多幾款點心🥟🍡🥠最吸引是天鵝造型嘅芋頭酥 ，造型漂亮，酥炸唔覺好油，好味👍😋 潮式糖醋麵似兩面黃，但呢間只是一面煎香另一面無,個人覺得如果兩面都煎香咁就好味☺美中不足的是黑金流沙包，餡太水較稀😅我地7人係OpenRice 以54折買了2張2人餐優惠券再加散叫😁計返每人$105，係高質素環境舒適的地方飲茶，爽呀！#精緻點心好吸睛 🤩😍#環境舒適唔會嘈 #宜傾談講笑🤣👍

我常常到 i Sq 搵食,  此店在這已開了好幾年, 曾食過晚飯, 沒什麼特別, 記得菜芯大大碟, 但要成百大元一碟這裡同高層的酒家不同, 冇景睇, 冇豪裝, 名稱就好似很大. 但價錢不算便宜,  在這個點的店, 貴, 也預了吧!.在加州有間同名的酒家, 去過幾次, 唔錯, 在華人社區中是很有名氣的, 飲茶常常排長隊, 不知兩間是否有關係? 昨天中午又上去  i Sq,  原想帶朋友食新酒樓, 經過商場, 見到這裡也有好幾枱客, 又有位, 反正未在這裡飲過茶, 就試試吧! 兩個人飲茶, 點了四樣點心, 價錢沒留意, 炒粉麵飯大多數是百多元一碟,  茶錢16大元一位. 本人至愛腸粉, 第一件當然試腸粉(1)义燒腸, 皮稍厚, 料量一般, 但义燒肯定隔夜, 比前天在26樓食的差得遠, 很久沒食過咁差的腸粉.(2) 百花鑲魚肚 - 正常的味道, 好食何解這兩張相片一入來便倒轉, 做了幾次都係咁, 抱歉!(3)- 濃湯似水+鮮竹卷味淡, (4)  五褔盤 - 蝦餃和菜苗餃-OK, 燒買-肉有怪味, 粉果-食入口也吐了出來, 棗蓉榚-沒什麼棗香味

今日同屋企人，為左想慶祝，專登過咗去尖沙咀搵間好啲嘅茶樓飲茶，最後揀咗呢一間。坐落喺尖沙咀isquare，坐得舒適係自然，但係呢度嘅飲食質素就一般啦，算係不過不失啦，蝦餃幾好食，皮好滑，蝦都好大粒好彈牙，但黑松露燒賣就麻麻哋啦，冇黑松露味，啲甜品都麻麻哋，楊枝甘露有啲酸。

第一次來狀元樓就係食生日飯，揀咗個睇落幾抵食嘅套餐，係按人頭計，所以係一人一份，唔使爭前菜有手拍青瓜同埋麻醬茄子，兩樣都清新美味，令人開胃。跟住係魚翅花膠濃湯，呢個湯非常好味，濃而不膩，魚翅份量都唔少。大蝦炒脆肉瓜，蝦好彈牙，又夠大隻，味道不錯。原隻鮑魚，我本身唔係特別喜歡鮑魚，但呢個汁確係好惹味。牛仔骨賣相好似條魚，啲肉痴住啲筋，所以唔算好淋，但味道係唔錯嘅。呢個明顯係一碟菜，比較清淡，份量都唔少。珍珠雞，內有咸蛋黃，亦係好味嘅。總結，呢個餐有驚喜，會有下次。

由於在openrice看到有狀元樓的coupon，再加上剛好家人生日，於是就一行人來到了狀元樓試一下。食物質素ok，個別食物參差挺大，就如腸粉挺贊挺滑，但甜點紅棗糕和楊枝甘露較為失色。環境方面，位於尖沙咀isquare，餐廳內部環境還是挺舒適的，也算對得起價格。想但是因為我們坐的是包廂，每次有什麼事如加點心都要特地走出去找服務員，有點麻煩。

夜晚去食，諗著啲嘢食唔平，質素有保證，點知中咗伏。一坐低發現大部分餐具有層油污，好污糟，根本係求其洗。更甚者，有一隻碗同一把刀有飯餸漬。個男經理過嚟換，道歉都冇句，仲大力扔係枱面，真係扣哂分。雞煲翅麻麻地，翅少就梗，但完全唔夠濃味，值唔值$498？鮑魚？好似自己開罐頭都差唔多味道。食嘅時候，啲待應不斷收走哂啲碟，好趕收工。由於埋單用支付寶，佢要你行去收銀自己掃bar code俾錢。埋單唔平，但環境欠佳，衞生仲差過茶餐廳，服裝差過快餐店，嘢食水平麻麻。我全程冇出聲投訴，因間嘢水平唔合格。扺唔扺？見仁見智啦。

公司有個中午飯聚同同事慶生日，我哋要方便返工所以就選擇留喺尖沙咀食，我就訂咗呢到。 試下佢哋嘅中午飯有咩特別好食。話曬有一圍人，我哋當然叫咗唔少嘢食啦 我就介紹下我認為好食嘅 ， 值得大家去試試欖菜肉鬆炒飯: 唔會過鹹， 炒飯炒得粒粒分明， 飯質軟淋福建炒飯: 飯上面嘅食材恰當， 芡汁份量剛好與飯份量配合脆米海皇泡飯: 我覺得好幾特別，你先將 泡飯裝落碗到，斷而將脆米放喺面，我覺得落咗脆火米一齊食可增加唔同層次嘅口感，但整體略為啖味七味黃金豆腐 呢個我覺得好好食🤩 佢個脆皮面好正，外脆內軟，豆腐好鬼滑，成嚿都好嘢味天鵝造型嘅芋頭酥 : 個個爭住攞嚟打卡影相 🤣🤣味道都唔錯，不過自己食曬一個就好流好飽嘞建議同人哋share食一個，否則你係食唔落其他嘢😜同埋個天鵝頭頸位置，你係咬唔爛咁㗎，唔知咩嚟嘅呢，咁鬼硬嘅潮式兩面黃: 唔係間間酒樓都有得食，咁當然要叫番碟嚟食啦 沾埋糖及醋一齊食係絕配， 缺一不可飯後甜品……紅豆糕: 鍾意食紅豆嘅可以試下，因為佢真係落重手超級多紅豆🤣 唔太甜食咗唔使怕有糖尿病😆😆

海鮮新鮮👍👍👍！大廚精心炮製😘😘😘今次我媽咪70大壽！擺三圍！絕對唔失禮！水準直頭高過會展💪💪💪下次我朋友聚餐！喜慶節日一定來訂枱！侍應服務又好！個個笑容滿面！又好口！識得講啲祝賀說話😊😊😊！氹到我媽咪見牙唔見眼😜媽咪即刻話下個月家庭聚餐你哋度食🎉👏👍

說實話沒有想像的好吃，但是也不難吃吧，每樣食物也算是可圈可點，比較喜歡黑松露燒賣，很緊緻Q彈，流沙包也還不錯，天鵝造型芋頭酥略油膩，朋友喜歡紅棗糕，很黏很好吃！我比較喜歡蝦仁春捲，三個都被我吃了，反而推薦的芒果糯米糍不咋滴，低分批評

最近發現iSquare清靜左唔少，唔喜歡同人哋迫嘅友人們揀咗哩間中菜廳。Weekdays 夜晚唔多人，一半枱都無客😆我地點左個脆米鮮魚泡飯、滷水鵝片、西蘭花炒帶子同豬肺湯😋脆米鮮魚泡湯飯最好食，魚鮮甜，湯魚味濃厚，加上脆米口感，正👍🏻今晚個滷水鵝片略嫌鹹咗啲，反而鵝片下面嘅滷水豆腐更好食😆，西蘭花炒帶子不過不失，個豬肺湯煲得好好飲，湯料充足，除咗豬肺，仲有嫩雞同豬肉，夠火喉👍🏻三五知己可以清清靜靜聊聊天真好👍🏻

時間過得真快，又是一年一度渣打馬拉松的日子。去年Baby跑完｢全馬｣，我倆到狀元樓飲茶；今年，他預早已説好要再到狀元樓，一來貪其不必等位，二來這裡的食品不錯。跑完｢全馬｣，42.195K，Baby當然非常肚餓！所以，點了好多好多：菠蘿叉燒餐包：上桌時熱辣辣的，菠蘿皮很脆。包裡的叉燒，沒有肥豬肉，是一小片一小片的叉燒片。牛肉腸粉：腸粉是很滑的，但，可能是粉漿好稀，所以用筷子夾，一夾就跌落。蝦餃皇：外皮晶瑩有韌度，蝦爽甜大隻。棗茸糕：不太甜，但棗味濃，不甜反能顯岀棗香。放久了一點，糕身也不會變硬，很有韌性，不錯！潮式糖醋麵：兩個人，原本四個點心已足夠了，但Baby跑完｢全馬｣，太肚餓，所以又叫潮式糖醋麵。潮式雙面黃，一面的麵煎得香脆，另一面麵身還是一點點潤濕的，師傅手藝真不錯！整體而言，在狀元樓飲茶，價錢不算便宜，但其食物質素不錯，所以我倆在一年一度的渣馬，又再重來！

一行17人生日飯搵地點真係非常難仲要星期六晚都吾會限時食真係要比個叻依間食店仲要係尖沙咀開飯局食物方面誠意推介柚皮鴨掌炸豬手牛柳水煮魚宜家仲可以以8折買現金券即買即用非常抵!