玉桃軒酒家 (康怡廣場) (已結業)

叫咗鐵觀音，但嚟咗水仙，之後好聲好氣同職員講話「唔該，唔好意思，我要嘅係鐵觀音，係唔係搞錯咗？」之後職員就話「水仙咪就係鐵觀音囉」。。。。我即刻無言。。。因為沖出黎不論味道同顏色「觀音係青綠色，水仙係紅色」完全係兩回事，如果你冇鐵觀音可以同我講，但係唔好同我講水仙就係鐵觀音咁樣Hea我。。。OK都算啦。。。咁我哋一行有6個人，臨尾嗌甜品嘅時候，同一款甜品我哋叫咗三件，當我地見到嗰款甜品只係嚟咗兩件的時候，我哋都同職員講「仲爭一件未到，我哋落咗三件可唔可以幫我地跟跟」，然後有個職員行埋黎攞住張電腦單同我地講，話我地明明只係落咗兩件🤦🏻‍♀️🤦🏻‍♀️好老實，本身職員落電腦單嘅時候已經入錯咗數量，如果你真係要攞張單黎對質嘅話係應該攞我哋手寫嗰張點心紙黎對囉。。。唉。。。。。。

友人生日， 想食中菜， 又要舒舒服服慢慢食慢慢傾， 最好就係酒樓啦， 之前係呢度飲茶， 食物， 懷境及服務都有一定水準， 睇來睇去都冇乜其他值得選擇， 於是決定試試佢既晚餐啦。打電話訂台時話， 吾洗訂台， walkin就有位， 有點擔心， 畢竟請人食生日飯， 吾想有不好的經歷。 但入坐時見高朋滿座， 即時放心了，我地兩個人叫了$388套餐， 有半隻雞， 一條班加多個自選小菜， 三款都好味， 份量都好夠， 但食到條魚先記得影相，就連杯茶都好飲， 一邊食， 嘆下茶， 傾下計， 服務又好， 爽！

平時講開太古，大家都好自然想起太古城中心商場，今次我地一行人就專登去到康怡廣場搵下好野食，由於食慣西餐日本野既朋友建議，所以就去到一間中菜餐廳-玉桃軒。南乳醬金脆骨，一睇餐牌就比佢個外觀吸引叫左，黎到發現果然冇叫錯，未擺上枱已經有一陣南乳香味撲鼻而來，金黃色既表面炸得非常香脆，內裡的肉汁亦非常成功的被鎖住，所以我一連食左五六件，亦原會覺得口乾。樓上樓糯米蒸走地雞，呢個又係大力推介，份量非常大的糯米蒸走地雞，一份已經夠三四個人食，而且雞肉亦夠晒新鮮，配上冬菇和香蔥，令細食既朋友都一再添食。

中秋節飯循例叫個半圍套餐，食物老實講係ok嘅，份量都好夠。但三催四請都無嘢俾你食就真係有啲火。我無諗過食中菜都好似食法國菜咁一食就食咗兩個幾鐘，如果你話成個場爆哂，正日做節我可以理解，但今晚真係唔算好多人又唔係正日；你話樓面散慢咩？又唔係喎，啲樓面幾勤快喎，個個都好忙喎... 咁點解可以慢成咁呢，可能個廚嘅問題? ... 真係唔知.... 唉... 除咗俾個服字佢真係無咩好講。如非必要唔會再係度食晚飯，費事勞氣，認真貼錢買難受...

晚上在太古附近放工，於是就約了家人在玉桃軒酒家吃晚飯。酒店座位闊落舒服，食客數量也很多，他們都與待應們有講有笑，似乎很多都是熟客。我們點了一個晚膳三寶套餐，先上菜的是半隻的一品蒜香雞，雞呈金黃色，表皮炸得香脆，肉質鮮嫩，完全沒有雪味，也絕不乾身，味道帶有微微蒜香，十分美味。我們所選的小菜的是滬江賽螃蟹，用蛋白、鮮奶、蟹肉等材料烹調而成，入口非常香滑，食用時再配上鎮江醋，更能帶出蟹肉的鮮甜味道。最後上菜的是清蒸沙巴斑，不得不讚清蒸的時間和火候控制得很好，魚肉味道新鮮，肉質細緻嫩滑，非常值得推薦。整個套餐共三款小菜只需318元，價錢合理，抵食。最後再點了碗紫米露，紫米煲得綿滑，椰汁味香濃，但不會太甜，作為飯後甜品很不錯。

慢工出細貨產品精緻今日去到 太古康怡 又想去嘆返杯茶呢一間玉桃軒都幾乾淨有好多座位總共有超過100台呢度啲蝦餃最靚皮薄餡靚, 咬落蝦肉餡料紮實食得出蝦是鮮味的。千層糕一陣麵粉一陣奶皇 口感非常豐富流沙奶皇包一啖咬落去奶黃蜂擁而流出上海龍翔小籠包， 咬落多汁 肉味濃郁， 好好味好味牛肉球燒賣都好好味而且慢工出細貨好鬼精緻呢度啲餐具都好乾淨我哋要咗香片茶味豐富最後當然食返個糖水我最愛的紫米露又好味又暖胃有 滋陰養顏進補呢度絕對值得推介畀太古街坊

位於康怡廣場嘅酒家 非常就腳一出地鐵站就到餐廳夠晒光猛 坐得舒服而且菜單上面好多優惠套餐選擇啱晒一家大細嚟食飯因為屋企人鍾意食龍蝦咁啱見到有特價就叫咗一客波士頓龍蝦伴伊麵 芝士 $268對比起上湯我哋咁鍾意芝士芝士味道非常濃郁伊面份量略少 不過口感唔錯龍蝦方面有一斤份量左右 都幾多肉食落爽口新鮮之後點左個激抵晚膳三寶 分別有半隻一品蒜香雞 一條清蒸沙巴斑同埋任選小菜一碟脆皮雞加咗蒜蓉香調味 別有一番風味雞味都幾突出 而且雞肉夠晒嫩滑椒腐通菜炒牛肉加入左香椒同腐乳炒嘅小菜特別惹味牛肉亦都非常腍就算老人家食都冇問題最後條海斑都非常高質鮮味十足之餘仲大大條絕對係超抵食

屋企附近雖然都好多酒家但係過時過節 慶祝生日等都好鍾意黎到玉桃軒呢度嘅老火湯款式齊備每日都唔同保證每次嚟到都有新鮮感4人最好就點個激抵晚膳三寶 閒日只係$318超級優惠已經包括以下幾款食物一品蒜香雞 半隻雞肉帶香濃嘅蒜味 惹味無比雞皮夠香脆 而且啖啖肉都幾大份清蒸沙巴斑條魚真係非常新鮮 而且大廚煮得恰到好處火候拿捏準確唔會過熟之餘魚肉夠鮮嫩 面頰肉入口即溶之後可以係小菜選一款我哋就揀咗鳳梨咕嚕肉 咕嚕肉甜甜酸酸好開胃炸漿夠薄所以做得幾脆口波士頓龍蝦伴伊麵$268伊面可選配芝士或上湯波士頓龍蝦大約有一斤份量光看賣相都幾大份抵食龍蝦夠新鮮 值得一讚整體服務同食物都非常出色準備中秋節再嚟食餐好

諗著搵間舒舒服得黎又近地鐵站的酒樓飲茶，於是搵左呢間餐廳，二個人叫左6個點心！蠔皇叉燒包叉燒以半肥瘦為主，幾乎沒有落多少色素，感覺良好！鮮蝦菜苗餃每次飲茶必點之一，有蝦有菜，健康之選！蜜汁叉燒滑腸粉腸粉滑溜，粉不會太厚，加上半肥瘦叉燒，非常滋味！鬆脆鮮蛋撻仔依家酒樓少見有得落單，10間有9間已經無賣，一見到即刻二話不說落單。一黎到蛋撻仔微溫，一啖咬落去外層酥皮脆口，蛋汁鮮嫩有濃香蛋味，一口氣吃了二個！椰汁紅豆糕不過不失，椰汁味香，紅豆數量多，幾乎啖啖食到紅豆魚湯魚腐浸娃娃菜湯頭味濃，娃娃菜加埋湯頭好入味，魚腐數量多，也是不錯選擇！

玉桃軒酒家-精緻中菜廳透明的落地玻璃，酒紅色的地墊，深灰色的椅子，天花的水晶吊燈，玻璃櫃中的紅酒架，環境典雅的中菜廳。老京城片皮鴨海量多的片皮鴨，大大塊鴨皮，有全塊都是脆卜卜的鴨皮，也有連皮帶肉的鴨件，濃濃的鴨肉味，如不同的喜好選擇，麵粉片熱騰騰又不會蒸到太濕，加上醬汁、配料，老京城風味的片皮鴨。欖菜四季豆炒龍利球經典伴飯的小菜、惹味的欖菜加上爽脆的四季豆，炒得非常有鑊氣，龍利球煎的外皮香口，內裡魚肉嫩滑。

舊同事大病初癒，立即帶她去補補 這酒家位於我們的中心點，名氣頗大，午市非常爆滿的! 我們挑晚上去，可以坐久些八掛久一點嘛，位置很易找，太古A2，出去望左手邊，扶手電梯上一層便到門口有很多宣傳餐牌，先閱覧一下有什麽好介紹先，大致取得共識了甫入內便看見一大束紅色百合花，嬌艷動人，我是惜花之人 必須先俾個 Like 點了 片皮鴨 + 燉湯雙寶，平日只需 $398 價錢好公度，有些地方只一隻鴨便要這個價錢!燉湯是 >>> 蟲草花嚮螺竹絲雞湯打開湯蓋，先看見清澈湯色，呈現橙黃的 只有極佳的蟲草花才會有這種顏色，它是極佳的天然食用菌，甚高營養和保健價值， 我們立馬喝上幾碗，感覺味蕾清香，心情也甚是舒暢呢 用上等竹絲雞，大多稱為烏雞，由細到大，媽媽都告訴我，牠的營養物質非常豐富 比普通雞肉高很多。食用烏雞能延緩衰老、防治骨質疏鬆、婦女補血，而且膽固醇和脂肪含量很少，喝完湯的精華，還要把雞肉吃掉! 另一主角： 響螺， 肉質脆嫩又鮮美，食療功效及味道都非常好 也是價值不菲的食材啊! 另外一大堆的瘦肉及金馬火腿去燉，俾足料，正 片皮鴨鴨身脹卜卜 鴨皮色澤紅潤，皮下脂肪完

今晚非常旺場，好彩7:00來到還有四人枱。一品蒜香雞半隻的份量，外皮幾脆，皮與肉中間有點黃油，脂香味四溢。清蒸沙巴斑有點老，不過比想像中大條，而且蒸魚豉油很甜，好吃。小菜選了黑椒西芹腰果牛柳粒，腰果夠香口，又肥大，而西芹好很爽口，牛柳黑椒味道重。另外點了一個魚香魚腐茄子煲，魚腐很淋，非常惹味，而茄子都是入味十足，這個煲好味道，就是油太多了。吃完小菜都點了兩份甜點心。黃金流沙包一百分麵包鬆軟，中間超多流沙饀，真是一咬就成口流心蛋黃汁。地方舒服，一傾就傾到十點，酒樓關門才離開。

港島東大學朋友聚會，雖然北角今晚很危險，仍然無阻我和一班朋友在港島東吃晚飯，為了片皮鴨再次來到玉桃軒。今晚都很熱鬧很多人，六個人坐了卡枱。餐牌有片皮鴨加燉湯套餐，立即叫了！閒日價錢都不錯只要$398。燉湯先來，很濃的鴨味，又有野菌香味和鮮肉味道，像精華般濃厚，可惜份量比較少，每人只喝到一碗。唯有當少食多滋味。主角片皮鴨，脂肪不多但外皮很脆，紅色的鴨肉質感結實，有少少鴨油味融在口中，沾上海鮮醬和夾青瓜加蔥絲，多種滋味夾在一起！片皮鴨真是世間美食！飯後甜品少不了，難得酒樓有最愛的紫米露，$15一碗都幾平。椰汁味幾濃，紫米是很滋潤的有利腸胃。朋友意猶未盡點了一份馬拉糕，顏色是傳統的麥黃色，質感鬆軟！食物都不錯而且不算貴，得閒再嚟！

好耐都冇試過同屋企人坐低食個包飲吓茶，最近突如其來嘅半日假，同我把媽去咗太古行街，順便去食個午餐叫咗我老竇最鍾意食嘅燒肉，喺度嘅燒肉真係邊度都食唔到，皮脆肉嫩燒到啱啱好豆腐羹阿媽最鍾意食嘅就係豆腐羹貪呢度嘅份量夠多，用料足夠！生炒排骨我哋叫咗個午餐美食入邊有生炒排骨，屋企煮極都煮唔出酒家嘅味道喺度嘅生炒骨酸酸甜甜特別醒神，而且份量都唔少適合一家大細嚟食喺度嘅鳳爪特別醃得入味馬拉糕特別鬆軟，甜味啱啱好，我一個人差唔多食晒

一向喺我心目中 有幾種食物 都係當你有一陣子冇食過 就會突然間非常之掛念同埋即刻想食,例如公仔麵, 魚蛋燒賣, 漢堡包薯條同埋可樂等, 今日同朋友 竟然一齊掛念同一樣 食物 -- 片皮鴨。早有聽聞玉桃軒嘅片皮鴨相當抵食同埋出名， 今日同朋友約咗喺大家返工嘅中間點 太古康怡玉桃軒 試試佢嘅虛實。 去餐廳時先上openrice睇下其他食家嘅食評， 見到有食家話試過大概七點零鐘去到片皮鴨已經賣曬， 好在當日大概七點半鐘到經理話依然仲有幾隻。 但到場時已經見到大概 一半以上嘅 枱都有點到片皮鴨， 可想而知佢嘅受歡迎程度。而家仲要做緊每隻228嘅優惠。侍應會即場將片皮鴨切片， 而當我哋見到隻鴨不約而同覺得隻鴨超大隻， 而且肥瘦比例剛剛好。 就係呢種味喇！ 絕對做到片皮鴨最重要嘅皮脆肉嫩 。鴨嘅油香簡直由你舌頭直通到鼻腔。為咗確保第日有便便， 我同我朋友都要叫返碟菜-- 欖菜四季豆炒龍利柳。欖菜夠香但唔會過鹹， 反而有啲甘嘅味道。 四季豆夠翠綠新鮮， 魚柳結實 鮮味。有咁嘅舒適環境同埋食物質素， 埋單每人200蚊， 大滿足！