王家沙．花樣年華 (金朝陽中心) (已結業)

銅鑼灣呢間王家沙，給予人高級感覺，原來價錢同其他分店都有好大分別，既然嚟到就享受一下環境氣氛啦，服務方面都ok，上菜快收碟快，sofa位坐得舒服，百幾二百蚊一個人算合理。醉嘉美雞 $98❤️❤️❤️❤️雞香肉滑又入味，雞皮脂肪少，酒味香濃，值得一試本地嘉美雞蟹粉小籠包 $78❤️❤️❤️皮唔算薄但餡足，湯汁濃郁有蟹粉味，略嫌小籠包唔夠熱流沙黃金蝦球 $168❤️❤️❤️❤️近排食過最正嘅流沙菜式，蛋黃勁香濃掛蝦，而蝦大隻又彈牙，但一碟大約有7-8隻，價錢貴咗dd杭式蔥油拌麵 $46❤️❤️蔥油唔夠香，而汁又太多，幸好麵還彈牙，但可以不試香蕉高力豆沙 $58❤️一心為佢而嚟，期望越大失望越大，豆沙餡少到只得1/6，其餘啖啖都係麵粉，而且糖霜粉太少，吃不出甜來三人共消費：$546

如果係銅鑼灣要搵一間好味，多小食選擇，服務好，坐得舒服，又CP值高的上海菜，我會首選王家沙裝修古式古香，最like佢D梳化位蟹粉小籠包我平時唔鐘意食普通小籠包，只愛吃蟹粉小籠包，王家沙呢款幾十蚊有5隻，其實蟹粉就冇乜，但蟹味重，配埋醋食就出現化學作用，美味加倍次次黎都必食。水晶肴肉又係my favorite 之一的食物。食過好多間唔同餐廳的水晶肴肉，呢間唔算最好味，但口感同味道的分數都有中上。皮蛋豆腐第一次食，個汁又杰又咸又集中曬一邊，攪到d豆腐一邊有味一邊冇味，皮蛋切到勁細粒，唯一係有肉鬆伴碟加分，下次唔會再試。火腿燉菜膽今日身體不適宜飲雞湯，又想飲湯，於是叫咗呢個菜膽湯，清清地，飲落應該冇乜味精，唔錯。黃金軟殼蟹四季豆味道ok，但由於係炸的關係，比傳統的黃金菜式油膩，咸蛋黃味不夠炒的重，亦冇左起沙的罪惡口感，個人偏愛某餐廳的邪惡黃金四季豆多d總結黎講，呢個飯堂水準穩定，食咁多次小食都冇點中伏，我會繼續番黎幫襯

每隔一至兩個月我哋都會去食王家沙。佢哋嘅食物質素有上有落，直至昨晚才知原來廚房換了兩轉，不過就算係咁，我地都覺得佢地整得比人哋好。佢哋嘅醉雞，食咁多次都唔會好似出邊啲酒家咁近骨位帶血，而且好入味，啲酒都好濃，唔飲得酒嘅就唔好直接飲，因為都有機會有少少tipsy.上海年糕亦做得比其他食店小油 昨晚我哋分左兩張單入order ，食完晒第一張單的order就一直在等第二張單點的菜，後來侍應給我們點單紙，然後告訴我們點的菜已經全部上齊，我們再確認一下才知道他們漏單。經理極速幫我們再落個單，餸菜都算好快相。最後還送我們一個甜品-豆沙鍋餅。這個豆沙鍋餅成為了全晚的亮點，因為是最好味的。全晚侍應亦不斷為我們斟茶。又唔會趕住收晒啲碗碟，同時亦都唔會唔收碗碟，中間的平衡他們拿捏得很好。那個四眼經理每次見他都是笑面迎人，也很懂得處理問題。所以一間食店食物品質是其中一環，服務態度亦都非常重要！吃得很開心，也會回去再吃。

是日週末，頗有閒情逸致就嚟呢間王家沙試吓，叫得花樣年華，好似裝修格局都比一般嘅王家沙高。侍應好友善，主動遞濕紙巾，不停的有人斟茶，上菜時又細心擺位，服務好比日本的餐廳。值得一讚！小籠包還好，麻油味頗香，肉汁可以更鮮味就好。脆膳好香，加入酸甜薑絲平衡一下。唯一係炸得有少少過龍，硬左啲，一般啦。流沙奶黃包三大個，很不錯。香甜，軟滑，包唔乾身，$38都抵食。仲叫左蟲草花湯麵，是燉湯，味道不錯，幾清甜。難以避免係雞肉較老，嚡口，麻麻地好食。總括而言，味道還好，服務超班，價錢還可。

銅鑼灣呢間黃家沙–花樣年華，非常有氣氛，好中意餐桌上的碗碟擺設同顏色搭配，上海的味道又不失優雅。晚餐一行同行5人，人均消費約160–200元，已經好飽，雖然分量唔多，但味道都唔會過鹹，啱啱好，今次無影食物照片，食環境，幾個人聚餐，唔錯建議!

今日同朋友行經銅鑼灣入咗登龍街揀咗呢間王家沙花樣年華食，發覺呢間王家沙同出邊既王家沙好唔同，就連個裝修都覺得呢間中菜館好高級咁👍🏻裝修高級地段又好當然食物都貴左，但食物質素亦相對提高！當中我最欣賞鮮肉生煎包同酸菜桂魚！生煎包個外皮煎到好脆但唔會燶，裡面有好多熱騰騰既肉汁好似小龍包咁，個皮厚度適中唔會好厚皮😋而酸菜桂魚係用上湯浸住既，個湯以酸味為主，蓋過個辣味好開胃，而個魚既肉都好嫩建議可以同長輩到王家沙花樣年華好好品嚐，相信長輩食到如此有特式既中菜都會讚口不絕👍🏻😋

給愛上海菜的同伴們: 。小籠包: 上海菜必點，但尼間做到個皮又厚，肉又少，小籠包最重要係入口爆汁嘅感覺又無，究竟點解可以做得咁差🤦🏻‍♀️。松子鱸魚: 又係做得好差，應該係做好擺喺度，有人點就淋熱嘅芡汁，食落去冇咩肉，要食就食翻桂花魚好過鱸魚，喺度似食炸粉🤮。賽螃蟹: 蛋白真係好難整，呢度整到好滑，足料，又吾會太油，正。韭王鱔糊: 正，正，正，鱔好粗身，滑嘟嘟，好肉地，個芡汁夠濃，同韭菜好match。( 因為有兩個餸吾合格，香港又有好多上海菜嘅選擇)

對王家沙一直沒多深刻的印象，在我來說都不過是一間食上海菜的中價連鎖店，但最近發現這品牌竟在銅鑼灣名牌食廈Midtown開了一間地方逾二千尺，叫花樣年華的概念店，聽落有意思，即試！新店由裝潢開始已見潮味，擺脫固有的白牆黃字風格，轉成七十年代華麗堂皇的「花樣年華」，以黑色為主調，中庭為開放式廚房及酒吧區，別具氣派，沒絲毫老派味道，抵讚。食物方面，走新派中菜路線，除了供應傳統的滬菜，也加添了不少創意點心及中西Fusion菜式，玩味十足。像一般在上海菜館吃到的燻魚，多以鯇魚製作，這兒卻用了三文魚代替，初時還以為會格格不入，一試之下，發現魚味更香濃，與甜甜的醬汁非常夾，三文魚豐富的油脂也令口感更滑更香，有驚喜！王家沙貢梨，其實是梨子造型的鹹水角，在頂端插上一小支朱古力百力滋即成。餡料加入了雜菌，感覺較健康，外皮也炸得香脆不膩，入口軟糯，屬加少少創意就成功呃like之作。也點了個飽肚的麵食，黑毛豬扒擔擔麵，是傳統豬扒擔擔麵的尊貴版，以炸西班牙黑毛豬代替普通煎豬扒，咬落外脆內Juicy，肉味更濃厚。擔擔麵湯汁濃稠，花生味香，麵條爽彈掛汁，頗有水準。 這類中檔次的連鎖店一向予人價不廉物不美的老土印象，

第一次食王家沙，感覺良好，環境很大裝修型格，坐位舒適而且寧靜，在這裡過了一個休閒的下午，Menu和餐具很塔。菜式多款，食物份量適中，即叫即煮所以上菜時還很新鮮滾熱辣這次點了擔擔麵：很濃花生醬，但不夠辣。煎餅：很薄很香脆，梅子排骨：切到細細粒，容易入口又酸酸甜甜是三道中最好食的一道。又見隔離枱的菜色較特別，下次會再帶家人來，這裡是很適合慶祝節的餐廳。總括而言環境、整潔、食物、服務、價錢各方面都很好，值得一去！

王家沙其實就成日都食，今次嚟左銅鑼灣呢間，我覺得係最好食嘅，因為師傅唔同，間間d味道都欠dd。小龍包就真係正的。。皮薄窩，一攞起幾驚佢流🙄🙄🙄蒜泥白肉d味勁濃。。幾驚食完唔敢講野。。😅😅😅🤪要講講個醉雞，雖然好少分量，但d酒又濃，中意酒的人真係一定要食呢個。。但如果成圍都係中意酒，就要叫幾碟喇。值得一贊呢係，環境好坐，聊天又好，嗰日又無人趕我們走。。。傾到我們都唔好意思覇住人地張桌。。。

平時都有去食佢隔離的greyhound,但係王家沙真係第一次食。這裡一間西餐廳同中菜館share同一個reception，真係好有趣。我地一行七人星期五十二點幾入去食lunch,唔洗等位就入左去啦！不過呢食食下就見個場開始爆滿了。一入去見到裝修好特別，最讓我留下深刻印象的係天花板的雕花設計。有魚字同福字，還有一些我認不到的。我地打算一人叫一個粉麵飯，所以無特別睇點心小菜個啲。我本人偏好吃辣的東西，所以叫左個回鍋肉炒年糕。而實際上呢個回鍋肉都唔太辣，幾香口，整體個炒年糕都唔算太油。看似細細份，但都幾飽架！埋單的時候發現，除左加一之外，因為係中國餐館所以係盛惠12蚊一位茶位。哈哈！我地講笑話，唔怪之得店員咁落力添茶，我地應該飲多幾杯。不過講真，呢度服務係可以的！

我這個人，吃飯講究空間環境感位子愈迫 , 愈吵鬧, 菜吃到差不多，朋友一冷場我就會主動提出結帳朋友之間聊天, 我都聽唔到你講咩, 食完做咩仲坐係度而這個王家沙，實在可以教你正確地跟一班人聚餐在這裡食的人，怎麼說，有兩類 : 兩個人 , 或者家庭朋友一大伙沒有單人來吃, 而兩人吃的他們都是國內人這裡很安靜, 我幾乎沒有聽到我們以外的食客發出聲音你幻想這是多美好的聊天環境!在7:30 的時間 , 位子空置率竟有7-8成。我來吃飯的位子就在最入面的大桌, 位子特別寬無論是樓或, 牆壁 , 位置的佈局都給我感覺不似CWB吃飯我以為吃這飯要錢300 , 看別人說份量少我們7個人，叫一大桌就每人178感覺我們賺了因為菜做得好睇, 夠細膩食物是好的如果要我推介素餃做得好過小龍BAO , 要點三絲粉皮好吃, 那些花生醬難忘, 獨特 , 一定要叫水晶肴肉 這叫上海午餐肉 ，做法麻煩 , 配一碟醋就是一道充滿上海味的小菜王家沙做得好好看, 但在香港我吃過最好的水晶肴肉是在佐敦的名苑酒家//水晶肴肉又名水晶、鎮江肴肉，是市一道傳統名菜，屬於系。成菜後肉紅皮白，光滑晶瑩，鹵凍透明，猶如水晶，故有“水晶”之美稱

同中同朋友聚會，朋友推薦依間中菜廳，book左星期三六點既枱，可能因為岩岩開始晚市，所以都無咩人到。值得提既係，佢個位有d tricky，因為佢係同另外幾間食肆開埋一齊，所以無門面，搞到我同朋友搵左一陣先搵到。餐廳既氣氛幾迷幻，燈光昏暗，紅黑黃既顏色配搭顯出格調。講番食物，價錢都要番咁上下，但份量真係好細，有食開既朋友發覺小籠包比起之前減左料，海蜇太酸，回鍋肉炒年糕可以多小小椰菜中和辣味。埋單每人除開都要百幾蚊，但仲係好唔夠飽，要再出去覓食填肚。

王家沙食過幾間，今次黎到銅鑼灣依間花樣年華店，好滿意，環境裝修一流，不過唔記得影相😭環境係紅黑格調，超寬闊，裝修好豪華既感覺，適合一家人聚餐！而且服務都十分好-雖然個裝修好靚，但食物個價錢都係中等價，係依個環境下食贏哂🙌🏻講返食物既質素先，都幾唔錯，不過份量就細碟少少，適合四個人食！-蟹粉小籠包小籠包食得多，有得簡一定簡蟹粉，不過食落蟹粉味唔算好重，反而覺得係蛋黃味🤣但個小籠包係多汁的，但皮再薄返啲就好啦！-賽傍蟹依個賽傍蟹比平時食既有點唔同，首先唔知點解有百力滋😂但有個半熟蛋😍撈埋食先，食落比平常稠身，好飽肚既感覺😂😂但味道調得好好，足料！-上海炒年糕食落煙煙unun有咬口，通常食既年糕都偏咸，但依個沒有😋仲幾入味！-酸菜桂花魚桂花魚魚質嫩滑其實個湯係夠酸既，不過真係有d過咸，蓋過左主要既酸味，同埋可能始終迎合香港人口味，所以都唔會好辣，小小地辣吊下味僻下魚腥，整體味道係不錯，但真的太咸🤣最正既係入面既粉絲，索晒味😋正！四季豆雖則細細碟，但炒得入味香口，夠哂鑊氣！-最後點少得甜點，豆沙煎餅即叫即炸，超鬆化超香口，滿滿既芝麻好好味！！

團年飯時候又到，第一炮去王家沙。金朝陽中心分店 面積大而且坐位非常舒適，店員服務細心有禮，幫手套袋在客人外套或手袋，以防弄濕。王家沙主打上海菜式，傳統菜式係我最愛，有涼菜、小籠包、點心、海鮮，魚翅等等，應有盡有。是日用餐：穌式鮮肉小籠包 ($54）共有五隻，的的式式，夠別緻，肉質新鮮，沒穌味！配上薑醋，永遠都係最佳拍檔！王家沙擔擔麵 ($68) (冇影相）好好味的一鍋擔擔麵，麵條幼細，湯底辣度剛剛好，又多花生肉碎等配料！