王幺妹黔川米線

營業中

休息中

已經多年冇去過黃埔，黃埔站起好後都係第一次嚟，驚覺黃埔嘅轉變都幾大。辣癮起，自己一條友走咗去食米線。依間川米線望落幾正宗，以為自己去咗深圳，因為都幾多講普通話嘅人幫襯。門面餐廳座位唔多，需要搭枱。點咗個貴州遵義羊肉米線。平日雲南米線食得多，唔太知貴州米線係咩味。材料有葱、香茜、竹笋、生菜、酸豆角。麵線、辣度、湯粉定係乾撈粉都可以揀。點咗bb辣，可以接受，啱哂唔食得辣嘅人。紅薯粉軟硬度適中個竹笋幾好食，入味爽口羊肉分量足夠，冇乜肥肉個土豆絲做得幾出色，都係點咗bb辣。薯絲好爽口，夠酸夠辣，好開胃。

之前食過嘅王幺妹搬左新舖！乾淨左，闊落好坐左,好掛住貴州風味！豬手$68好淋呀！豬皮充滿骨膠原，豬手彈牙好味，個汁可以用嚟撈幾碗飯口水雞bb辣$68碟雞好大碟，啖啖肉，雞肉嫩滑，好抵食，唔食得辣揀bb辣啱晒豬軟骨乾撈粉bb辣 $48豬軟骨炆得超淋！個汁好好味，配菜嘅豆角醃左好好味，為成碗粉加分，米線係出面少見嘅粗米線，口感特別幼滑羊肉米線$59雖然係牛肉，但口感似牛肉咁嫩滑，仲唔覺得騷，個酸辣湯底好開胃！聽聞係用左貴州黑醋

呢度係我同男朋友唔想煮飯嘅飯堂黎除左我地仲有好多大學生嘅呢度食野因為又平又好食佢地轉左舖頭之後 成個感覺舒服左好多以前我地都會揀外買 而家就會坐舖頭食我地叫左蒜泥白肉豬肉切得好夠薄 一層肥一層瘦 好有口感蒜泥夠多 一食落去有濃郁蒜香涼拌雲耳麻辣配上冰涼爽口嘅雲耳 份外開胃筍尖肥腸乾拌紅薯粉惹味嘅筍尖爽口 略帶鹹味 加多肥腸肥美同筍一齊食去除油膩粉上嘅酸豆角都係賣點之一酸酸辣辣 同紅薯粉一就食 令人食指大動男朋友叫左個羊肉米線羊肉一啲都唔騒 怕食騷嘅羊嘅人可能都接受而且羊肉煮得嫩滑 配上辣米線好好味

因為這家小店開openrice 戶口辣子雞，聲稱貴州味，但辣椒太少，香，辣，味少其他菜品由小到大辣都是好吃好鹹冰粉比不上火鍋店送的店環境良好服務非常好味道不太好衛生只能好整體可以推介，前提你對美食沒有要求

今天與朋友在紅磡舊區逛街，路過很多特色的小店，不知不覺又到食飯時間，便到“王幺妹黔川米線”試試它的米線及小食。店舖雖然看似細小，只有幾張枱仔，但是冷氣充足。餐單看似簡單，然而都有很多種配搭，還可以選擇不辣、BB辣、小辣、中辣及大辣，最適合對辣味要求不同的朋友。我選了貴州遵義羊肉米線，不辣的。羊肉不覺得騷味，就算不太習慣吃羊肉的，都可以試試。米線幼嫩滑口，湯底濃郁，十分惹味。朋友選了貴州遵義牛肉米線，BB辣的。牛肉炆得淋淋的，口感好像牛腩般，好吃。加上蔥、香菜、竹筍、酸豆角、生菜，口感豐富，食得滋味，惹味可口。我們也選了豬軟骨為小食。豬軟骨鬆軟，入口即時溶化，配上獨特的微辣的醬汁，加上啖啖的骨膠原味道，真是吃不停口。由於價錢公道，吸引了不少街坊食客到來，所以小店內經常坐滿食客。王幺妹黔川米線真是紅磡舊區具特色的選擇。

今日天氣炎熱，我和朋友剛巧經過紅磡，想吃些米線，被這間「王幺妹黔川米線」門外的彩色食物照片吸引着目光，原來是貴州正宗米線，正合我們胃口，便決定一試。舖位不是很大，但夠光猛，餐牌上有很多辣的選擇，可惜我們不嗜辣，但還有其他選擇的。貴州遵義牛肉米線$49，我叫了BB辣，來到的時候，分量很大碗。米線較一般的為粗，但吃起來很幼滑，口感很好。牛肉炆得很腍很入味，配蔥、香菜、竹筍、生菜、酸豆角和惹味微辣湯底一起吃，Yummy yummy，十分滋味。不知不覺，我吃了一大碗。朋友叫了貴州遵義羊肉米線$59，大大碗好抵吃，羊肉好多，他給了我一試， 羊肉嫩滑，唔會太騷味，湯底和我的差不多，他選了不辣的屬於清湯底，他很喜歡，不消一會便吃清光了。蒜泥白肉$38，白肉肥瘦均勻，切得夠薄，醬汁調校味道適中，蒜味浓厚，肥而不腻，使人食欲大振，水準很好，讚!加$8要一支樽裝豆漿。短短期間，見小店客似雲來，可想而知，這間小店是受到街坊、食客的支持。小店這裏沒有華麗的裝修，精美的餐具，但卻感覺滲著親切感，真是非一般連鎖店可比。而且食物份量都好多，而且味道和質素都好，所以我今次揀啱左，Yeah!

辣食愛好者ge我 好難得搵到有人同我一齊食川菜黎到紅磡呢間小店店面細細 容納到十幾個人野食即叫即煮 好難得👍🏻有好多唔同面食選擇 都有唔少小食我地揀左雜錦薯粉同牛肉薯粉要左麻辣小辣另外要左口水雞同涼拌三絲涼拌三絲份量好多 有土豆絲 紅蘿蔔同*順*三樣野都切至幼絲好爽口辣辣地好開胃口水雞冇諗過咁大碟 我諗有半隻雞雞肉鮮嫩彈牙而且好結實 肥膏少 整到女入味 超正牛肉薯粉有少量竹笋同豆角 牛肉好腍 一咬就開左 唔錯薯粉係偏粗款 吸收晒d湯底 好好食 湯底飲得出係冇味精 正雜錦薯粉咩都有d 牛丸 魚蛋 龍蝦丸 岩晒我呢d咩都想試下ge人配冰涼野飲就perfect la

其實我同女友都幾鍾意食米線，連去到黃埔都諗住有咩米線食😂 今次餐廳嘅米線比其他餐廳粗厚小小，食落口感反而仲好我地每人叫左一款米線。我叫左什錦米線，貪佢咩都有，啱哂選擇困難症嘅我。米線上面鋪滿左牛丸、魚蛋、墨魚丸、龍蝦丸、豬軟骨、酸豆角，食哂食碗都真心飽。另外可以選擇辣度，少少辣+米線其實會好好食女友叫左酸湯金菇肥牛米線，再加埋中辣，非常美味可口。而且金菇肥牛都比較多，CP值好高另外叫左2款小食，涼拌豬耳+土豆絲。其實餐廳所有野嘅份量都好多，就連小食都係。不過除左份量多，味道嘅質素都好高，感覺我地今次揀啱左餐廳食米線我哋例牌都會配豆漿&茶，而呢度都有好幾款飲品可以選擇，感覺都好貼心

係poly畢業之後有時去紅磡見到啲新食肆都好想食 但可惜胃就得一個 唔可以咁貪心 又唔似以前住hall咁方便 可以食均晒都得 之前見到呢間王幺妹係橋下已經覺得好吸引 今日去到以為佢結業 但好彩只係搬遷 決定一戰！同男朋友一人一碗再加小食😋羊肉米線 正當掙扎緊米線定紅薯粉之時 老闆娘話一定要try呢到既米線 同出面唔同 聽完佢咁講緊係即刻要嗌黎睇下有咩唔同！一食 果然同出面唔同 似手打 有啲似唧唧魚麵既質地 羊肉勁有羊味 即係好’酥’xd大腸蒜泥白肉竹笙紅薯粉 湯底既辣同平時都唔同 覺得有筍既酸味多啲 麻較少～紅薯粉唔係彈牙個隻 易咬～豬耳同木耳 十分好食 呢隻辣同湯底隻辣又唔同 呢隻係似用辣椒磨粉個種辣 好惹味！食到停唔到😋

如果中意濃味，重口味既話，可以一試~同埋最得意既係佢地既湯係落左醋，所以食越越開胃，都咪話唔過癮呀!!同埋佢地既米線比起出面既，係會粗一D，所以食起上黎口感大足，夠哂Q彈!!!!正呀<3索埋D酸酸地既湯，真係好好味，好特別~~~飲品都好多選擇~材料夠哂多~紅磡火車站一出，行十分鐘左右就到，而且我見好多學生都黎呢到食，相信都係佢地既飯堂，所以價錢都唔貴。有時間既話真係可以過黎一試嫁~!而且行多幾步就到黃埔食完飯再行街就岩岩好~

紅磡區的「辣店」挺多，大概是近年越來越多內地生來港讀書的關係。好久沒有吃辣，這家王幺妹晚飯時段總是坐滿人，那就一試。黔，即是貴州省，所謂黔川米線，主打的自然就是川辣和貴州的遵義米線。餐牌中一頁頁滿江紅，嗜辣人士定必十分歡喜。點了招牌的羊肉米線($59)和牛肉米線($49)。男友的羊肉米線要小辣，我的則是BB辣。由圖可見，小辣與BB辣的程度有一定差別。配菜有別一般的店舖，更有竹筍和鮮豆角等，份量不少，香辣惹味。涼拌黃瓜($20/小)，青瓜切得細小的一顆顆，更為入味。

回想以前只係橋底小店，現在終於成功上鋪，隔咗咁耐，當然要返去“一番尋味”。貴州遵義牛肉紅薯粉（$49）～濃濃湯蘿蔔同豬骨熬成的湯底，湯底味道十足。～牛肉取腩部位，以紅燒煮法，不韌而入味。～配酸辣豆角，幼筍作伴菜，令麵開胃。～加上少許葱花。～惟紅薯粉煮得太”惗”，太軟身，沒有薯粉應有煙韌爽口。賣相：😋😋😋😋味道：😋😋😋😋牛肉腌得入味，每粒都份量不小。薯粉煮得太耐，變得軟身。整體評價：中規中矩，用料充足，但薯粉表現失望，經過可以一試。

今日由尖東海旁徒步去紅磡找個地產朋友，傾講後問他附近有什麼好吃，他推介了這間小店，餐牌中米線下寫上每款包括的配菜，方便我們看， 真細心。貴州遵義羊肉米線$59 (小麻辣) 就算是小麻辣, 也有麻有辣的味道, 羊肉片有微膻味，夠腍，再拌酸豆角，蔥香菜，數片筍，米線粗身，煙韌滑溜。醬汁豬軟骨米線$48 (小麻辣)豬軟骨已經用醬汁煮至鬆軟入味，軟骨有嚼勁，配上酸豆角便是酸麻辣，刺激口中分泌，增加食慾，兩碗米線也沒吃淨呢！口水雞$68雞件有咬口，沒甚麼肥膏肥膩，半隻份量頗充足，微辣，配上醬油的鹹味，味道ok 。涼拌三絲$38有紅蘿蔔絲，薯仔絲與萵荀絲，看上像很辣，其實小辣中帶醋味，像沙律的酸汁，我們放多一會讓酸醋汁滲入，吃下更好味。我們點了加多寶(王老吉) 解去辣味。

經過黃埔 見到間好多人排既麵店 就同女友排隊試下。入到去好多講普通話既客，大概都幾出面。叫左個牛展薯粉。個湯底好濃郁一陣陣麻辣味，牛展亦唔會太厚，薄薄地易咬，牛味亦好重。薯粉就厚身d,但都有口感。另外，牛肉都俾左好多，一口咬就溶係口，加上d豆角，食落好開胃，令人不停甘食。小食就叫左土豆絲同豬耳。土豆絲食落有酸酸地既味，再加上麻辣味，令人不知不覺甘食左好多。加上豬耳好爽脆，亦都好大份，食落好野味，開胃！最後一個黑糖糯米冰粉，食完將頭先食完既麻辣味去除哂！爽呀

今日早左收工，去紅磡接男朋友放工一齊食飯！紅磡原來好多非連鎖式經營既食店，有好多望落都唔錯行過寶石戲院，見到有間食貴州米線既，貴林米線就食得多，貴州米線第一次見！望望個menu，酸酸辣辣，岩哂我小食有好多款，大部分都可以自己揀辣度。米線自選配料竟然有成45款😳實在太多選擇，我懶得諗，揀左貴州遵義牛肉米線🤣除左米線，仲有另外4款粉麵，任君選擇～牛肉好惹味，肉質香嫩，遵義米線比一般米線較粗厚，好有咬感，湯底既酸味同辣味好襯。男朋友既豆角肉燥米線，豆角酸酸地，好開胃。除左米線同餸外，每碗既配菜都好豐富。有生菜，竹筍，酸豆角等。除左米線，我地仲嗌左涼拌三鮮，好爽口，特製的調味麻辣汁，別有風味。食到好辣既時候，要嗌返d飲品中和一下！連飲品都有14款，真係好多選擇食完同老闆娘閒談左一陣，原來呢到係新鋪，之前舊鋪頭細少少，又舊d，宜家新鋪乾淨左，又可以坐得舒服d啦