王朝潮順館

營業中

休息中

朋友見到佢既朋友食過remark左叫我地陪佢試專登過黎大角咀食見佢鋪頭都好新淨下附近都好多餐廳由奧運站過黎都好近好耐冇食過潮式野滷水鵝 同豬大腸不過可惜啲鵝肉熱既醉鵝肝堅好食 入口即溶 一定要試!!推介炒米線 好大碟 同埋都好多鯪魚肉 好食醉鴿haha 好細隻 不過都好食 係少肉d咁解海蜇,墨魚加埋個醋都好正值得一提店員同老闆態度好好主動介紹同打招呼下次可以再黎可惜我住得遠如果佢外賣送到去其他區就好了

環境：現場夠光猛，裝修以淺色為主，感覺舒服。枱與枱之間都有啲距離，唔迫。問題出響服務員經常將一架手推車響你椅背後面推來推去，1小時的飯餐，撞咗我十幾次，令人感到非常煩厭，呢度扣晒分！味道：菜式比一般打冷店特別，選擇也多，而且都很精緻。以我本人的標準為合格。海蜇豬耳、半份鵝肝、墨魚大腸三個潮式前菜都OK，比一般打冷店賣相精緻很多，份量正常，墊底舊豆腐又大舊又滑👍🏻。梅菜扣肉賣相OK，味道一般，扣肉有啲鞋。啫啫鱔煲係香嘅，不過啲鱔細舊，性價比比較低。大蠔仔粥啲蠔好大粒好乾淨好新鮮，好好吃！份量也足。價錢：屬於中等，尚算合理。六樣嘢加個白飯$928埋單。服務：一個好字

相約酒聚，朋友介紹 話呢度嘅小菜打冷 出色，果然無介紹錯 打冷鵝肝 間間嘅味道同口感都有好大分別，我就鍾意佢地呢一種，夠味、腍身，作為頭盤 傾下計送下酒 係真係無得輸（當然個碟最搶foc）王潮醉乳鴿，好大機會係成餐飯嘅MVP 喇～ ，首先擺盤正先啦～ 我自己就覺得呢間好食過附近另一間嘅同款菜，好肉啲同入味啲多人打冷梗係要叫返個拼盤，佢嘅鵝片係半肥瘦，堅正，我地就拼左魷魚同鵝腎，佢仲有好多其他選擇嘅蠔餅呢～ 就真係全晚唯一敗筆，佢又唔似潮式咁脆，又唔似蚵仔煎果種膠質，蠔亦都唔多，少怪 另一個 招牌菜 順德銅盤焗雞，上菜果陣係包住上到枱先𠝹開，香味立即湧出嚟喇，個銅盤係幾熱嘅，所以留意記得影相之餘，最後攪攪佢，如果唔係有機會會有啲癡底， 我自己就覺得有少少咸 但我啲朋友就食得好開心嘅 脆脆初戀帶子，個名已經好吸引 佢上面係炸帶子同沙拉汁，下面係炒飯，夾埋嘅感覺好得意，係出奇地好夾，呢個菜回頭率高最後仲叫左啲小食同菜，成餐菜係非常滿足，酒方面我地就帶左一系列澳洲啤酒廠 Mountain Culture Beer Co 嘅酒，佢地嘅IPA 好多都好值得試 一路打呢篇食評 已經諗緊再約fd子們再

今天是紀念日，Honey接我吃午飯，就在我工作地點附近。這間潮順館，是新開的，看看餐牌，鹵水飯一點都不貴……你知啦，平時鹵水鵝產品好貴㗎嘛。入內，座位幾舒服，而且店員服務算不錯。Honey點了滷水三寶飯 $78有鹵水鵝肉、鹵水鵝腸和滷水鵝腎。Honey大讚好好味！因為鹵水汁好香濃，惹味，不鹹。鵝肉腍而不「鞋」，沒有鹅羶味。鹵水鵝腸夠腍且爽，但又不會太韌口。鹵水鵝腎也很入味。每樣的腍硬度剛剛好，師傅手勢真好！我就點沙薑雞髀 $48貪心，所以又加了一份鹵水豬腸 +$10雞髀嫩，滑皮，黄油。滷水豬腸，無得彈！不肥膩，而且好厚肉，一捲捲的，又爽又入味。整個餐真的不得了！奉上的那壺茶，竟然是菊普。抵食又好味！我一定會回頭再幫襯。Honey還説，下次要來試晚市，中菜應該都好好質素。

今日晚餐去到大角咀搵食，每次經過都見到大排長龍，今次一早book定位，終於可以試一試呢一間潮州菜。••••••••••••••••••••••••••••••我哋叫咗海蜇 : 夠粗夠大，滷水鵝腸 : 份量夠多又夠入味，酒香鵝肝 : 好嫩好夠酒香，鵝片拼盤 : 滷水味出色，鵝肉炒飯 : 夠乾身有鑊氣••••••••••••••••••••••••••••••值得一試既潮州菜館，價錢又唔算貴

精緻打冷  -  潮順館好耐冇打冷朋友介紹一間精緻舒服嘅潮州菜館前菜小食超級吸引滷水鵝肝超級香滑完全冇腥味唔夠喉再叫多個酒香鵝肝，更嫩滑好味！海哲拼墨魚片海哲同墨魚片都十分爽口彈牙醉乳鴿酒味唔會濃但有酒香乳鴿肉滑鯪魚球外面酥脆裡面肉滑，推介！麻辣蓮藕條有麻辣香但係食落清甜凍烏頭魚油脂分佈平均唔會膩新鮮肉質滑豆腐墨魚雙拼炸粉唔會太厚羔蟹好多蟹羔醬汁酸味味但略嫌酸左少少影響蟹肉鮮味建議配白飯另外叫左盤龍鱔店家揀左條好厚肉嘅鱔肉質肥美食完有啲滯但總括而言潮順館嘅食物非常物有所值多朋友嘅聚會可以叫多幾款嘗試好值得再次幫襯！

自從媽媽番工後就忙到飛起，一收工呢隻🐽仔包又痴到實，夜晚又齊齊瞓覺難怪有世上只有媽媽好呢隻歌仔出現啦❤️‍🔥今年係老母親第一年做母親🥰我哋帶左婆婆 嫲嫲去左食好西呀👅王潮特色鵝肝(滷水/酒香)呢個鵝肝有兩個口味，我哋梗係揀個特別啲嘅酒香味。嚟到賣相極之吸引，一放入口好香嘅酒味，鵝肝嘅質地比平時食開嘅有少少唔同，屬於比較軟，有種特別嘅感覺。評分👅👅👅👅👅特色滷水拼盤我哋揀咗非鵝類拼盤，有牛展 大腸 墨魚🦑墨魚煙韌有彈牙，大腸都好林，仲有薦底嘅豆腐，好特別，比較挺身但唔會太硬，索晒口水汁嘅精華，香得來又唔會太濃味。評分👅👅👅👅👅招牌梅子蒸膏蟹超級無敵咁好味，話明膏蟹都真係有返咁上下，一嚟到紅卜卜以為會辣，但原來係梅子醬嘅味道，酸酸美味極之開胃，話係糕蟹其實都有唔少肉食，可能因為都幾大隻，好食到一隻唔夠我哋食評分👅👅👅👅👅👅脆脆初戀帶子好特別嘅名🤣🤣🤣原來係炸嘅帶子同平時我哋食開嘅炸蟹鉗差唔多做法，但係帶子炸完依然好滑，又香又滑。個底仲有少少炒飯墊底。評分👅👅👅👅👅濃雞湯泡魚💃🏼💃🏼💃🏼正，又雞湯又魚。湯有魚味又有雞味，一次過滿足2個願望，但又唔會腥評分👅👅👅👅👅枱面特色蒸大魚頭Omg😍😍😍😍

叫左個大蠔仔粥，蠔仔是臭的，成碗粥都係臭的，吃不落去還叫了魚片，味道一般般順德雞亦難食，失望總體來說，食物質素一般，味道也一般有中伏的感覺。……………………..

禁晚市堂食前，某夜晚響公司附近搵食之前開張咗都未嚟過食，就試吓佢啦~#王朝特色鵝肝有酒香/滷水揀，我哋揀咁前者，真係好香酒味另外個肝嘅質地比平時食開嘅硬啲啲但都ok#鵝片拼盤拼咗元蹄 & 大腸 (本身有豆腐響底)鵝片多肉唔肥，滷水味亦唔會太鹹#蠔仔粥好足料，好多蠔，都飲到8碗10碗另外個粥係用咗雞湯淆，幾鮮味#蠔餅 新鮮炸起又多蠔，正 (我食潮州嘢必嗌😂)#生啫白鱔 條鱔都幾肥美，不過每人食兩嚿就無嚕#濃雞湯野菌菜芯店員推介我哋揀雞湯野菌，嗯，無咩特別#水晶柚皮平時我無食開柚皮，不過呢個係凍食嘅甜品柚皮表面淋滿咗有桂花味糖漿，真心唔錯

大角咀新開左間潮式菜館😚真係無黎錯呀，門面夠哂大，內裏仲好闊落，裝飾得好冠冕堂皇🥳我地點了潮式鹹菜豬肚湯，天氣轉涼，即時諗起哩款湯，爽滑既豬肚，份量勁多，驅濕散寒呀，潮式鹹菜同白果勁足料，飲完一碗想即刻再飲一碗呀🥳🥳再黎瑤柱蛋白炒飯，看上去材料很簡單，卻又十分美味的一個炒飯，要炒出飯粒分明的瑤柱蛋白炒飯不容易呀，哩碟飯真係好有水準，食唔停口😍上湯蒜子浸菜心，浸好時令菜心及炸蒜子，把菜蔬吸收上湯味道，菜心清嫩爽甜，一點渣都沒有🥰🥰最後梗係半隻砂姜雞，雞肉滑嫩，保持了雞的原汁原味，肉質細嫩可口，食而不膩😙

好耐冇食過潮州打冷，見大角咀開咗呢間王朝潮順館店面嘅滷水鵝幾靚，當然唔可以錯過。鵝片拼元蹄 ($188)餐廳招牌嘅鵝片，肉質嫩稔，鵝香味十足，齒頰留香。至於元蹄，豬皮爽彈充滿膠質，亦都唔錯。墊底嘅係豆腐，吸收哂個滷水汁嘅精華，香得黎唔會太咸。蜜味陳皮欖角骨 ($148)陳皮同欖角味好香，加埋甜甜哋嘅蜜糖，炒出黎好惹味。排骨肉冇骨，半肥瘦，口感爽嫩。朝陽鵝粒炒飯 ($128)炒飯用砂鍋上枱，熱辣辣，入面有大量鵝肉粒同蝦仁，夠哂足料。炒飯金黃而且粒粒分明，入口啖啖鵝香。。。王朝潮順館大角咀大全街42-44號地舖。。

店舖位於大角嘴不大起眼的大全街，店內座位舒適，服務員態度良好😄。主打潮洲菜，有滷水、海鮮🦐、打冷及燉湯🍜。基本的泡飯、炒飯同粥亦有不同配搭。我哋二人同行只係簡單的點了幾款菜，杏汁白肺湯同竹笙燉天白菇湯都用燉盅熱辣辣上枱，兩款都有基本燉湯配料如豬肉雞肉同埋鳳爪，杏汁同天白菇都各有特色和香味。醉乳鴿不但酒香肉嫩，刀功一流，擺盤精美，要讚👍。鮮魚湯娃娃菜🥦配有中芹香菇🍄同埋腐竹，令到菜式多咗層次。吃過飯，最後的甜品水晶柚皮絕對係一個驚喜❤️❤️。柚皮做得清涼鬆軟，加上桂花糖水，清香又清甜，其他食店未必食得到。睇見其他食客枱上的食物都非常吸引，我會約多幾個朋友再來試其他菜式，特別係滷水鵝片、龍蝦同時令煲仔菜，值得再來。😋

正宗潮菜店同左個韓國朋友去左大角咀食潮菜店！我地book 左7:30 但一去到已經全部full 哂, 好彩唔洗等好耐, 所以如果想去食晚飯, 一定要預約喔！我地叫左4個餸同一支藍妹😋 海蜇拼五香牛展好入味, 海蜇又好爽口, 重有鵝粒炒飯沙鍋，真係勁足料同好大煲, 炒飯又唔會好濕同好乾, 重有蝦一齊做個炒飯, 好好味😋 朋友都讚不絕🥰 百合炒上素有幾種唔同菜一齊炒, 味道都幾新鮮. 之後我地重叫左個脆通鯪魚球, 外脆內軟再配啤酒真係一流。下次要同一大班朋友來先得！

約咗朋友食飯，佢帶我嚟呢間，係佢屋企附近新開嘅潮洲菜館，約七點，一開門，已經好多顧客，好彩仲有兩個坐位😄。我哋叫咗三個餸菜一齊share，潮州滷水鵝片拼墨魚$188，鮮魚湯芥蘭$88，順德炒米粉$88，兩個女仔食應該夠晒☺️。潮州滷水鵝片拼墨魚🦑應該滷咗長時間，非常入味，鵝片肉質又軟熟，食落好滋味；墨魚結實得來有啲Q彈，好正。仲要讚師傅嘅刀工很好，切得好靚好均勻。鮮魚湯芥蘭🥬芥蘭顏色青綠，用雜菌、腐竹及鮮魚湯煮，口感爽脆鮮甜。順德炒米粉✨米粉炒得乾身又有鑊氣，仲加咗好多蔥段、芽菜絲，雞蛋絲，同埋煎香咗嘅鯪魚餅切幼條，簡單得來好惹味，兼且仲有幾大碟，食得我哋好飽。😆

由舊店食到黎新店，每晚都坐無虛席。新店更大坐得闊落，食物質素更勝舊店，多左小菜，樓面請多左人更好招呼。食物質素不需過份說明，睇相由擺碟就知一間餐廳對食物出品既要求如何。醉鴿 — 片到咁薄都知師傅刀功利害。汁入面啲桂花落足料，味道好似舊鋪既upgrade版鵝肝 — 我會稱佢為神肝。滷水墨魚片鵝肉 — 下面仲有啲豆腐，係佢自己炸。想講平時出面啲青瓜伴碟唔會食，但呢片到咁薄，吸埋啲汁，又幾好味其他自己睇相，樣樣都精緻新派潮州手工菜，用心，抵食，性價比無得輸，完。