王林記潮州魚蛋粉麵

營業中

休息中

今日去左東大街覓食~一向東大街都多食，個度都有另一間出名既魚蛋粉，不過今次我就想試下呢一間老字號，果然無令我失望~我地叫左碗魚片頭麵同埋牛筋腩麵～🐠 魚片頭麵魚片頭麵有成７粒魚片頭，粒粒都係魚片頭，爽口彈牙~魚片頭夠晒鮮味~另外佢地有冬菜加~辣椒醬仲有分大辣同小辣~🐮 牛筋腩麵牛筋腩炆到入晒味，牛腩夠晒腍，又唔算好多肥膏；牛筋腍得來好似啫喱狀，腩汁湯無得輸~好食！下次要試下個香葱魚蛋麵！一定會再回頭既麵店~

王林記 聽就聽得多，但真係未食過，今次專登黎試下佢出名原因🤨同朋友2人黎食，叫左一個傳說中必點既角切腩撈粗，然後再叫左碗崩沙腩河，黎多碗淨香蔥魚蛋Share☺️又真係大部分人坐低都係嗌角切腩撈粗，牛腩入味、淋得黎又有d咬口，真係好味錯，如果牛味再濃d更好😄崩沙腩河，河粉都幾靚，夠煙韌 湯低有dd味精，D牛腩同角切腩撈粗既機符一樣，都係好食既😋香蔥魚蛋好彈牙，加埋有香聰喺啲魚蛋入面幾特別👍👍👍

今日返嚟東區食嘢一直係安利粉絲嘅我終於試下筲箕灣東大街嘅王林記😂晚飯時間仲有位👍🏻👍🏻雖然今日冇食粉麵但佢地嘅魚片真係都好好味😋直得一讚👍🏻👍🏻👍🏻原來佢地仲有其他飯叫！成日以為得粉麵食！我老公話下次要試豬手飯🤣我地今次叫咗淨雲吞、淨一條魚片、灼芥蘭、我老公就叫蔥蛋河但我冇影到佢碗麵，但佢話好味魚蛋爽😂凈雲吞⭐️⭐️⭐️⭐️（唔太大粒好啱我唔係好肚餓食😬）淨魚片⭐️⭐️⭐️⭐️（好好味😋一定要叫嚟試）灼芥蘭苗⭐️⭐️⭐️（冇渣！爽甜）

五十年老字號始於1950年主打手打魚蛋 魚片頭 清湯腩 南乳豬手 豉油皇撈麵港式粉麵專門店 切腩豉油皇撈麵 的確水準好高 讓人讚好豉油色夠深味濃,平均地撈在麵條上,麵爽腩軟嫩,仲有肉味既切腩份量不少口感滑而不油膩,附上一碗清湯,覺得太咸就飲返啖湯清下口腔味道平均消費$55評分8/10王林記潮州魚蛋粉麵 Wong Lam Kee Chiu Chow Fish Ball Noodles地址：筲箕灣筲箕灣東大街10號東寶大廈地下A號舖 (港鐵筲箕灣站 B1 出口)

魚蛋一般，片頭一流，湯底特別，魚唇取勝。每次在附近工作完都會去安利吃碗魚蛋河。這次安利大排長龍，所以便一試朋友推介的王林記。魚蛋不太像是純粹手打那種，可能是下了一點硼砂，是頗為彈牙的。魚蛋不算特別出眾，但魚片頭鮮味不錯。河粉沒有想像中幼滑，屬中規中矩。但是湯頭頗特別，感覺上是豬骨湯，味道不錯，和安利的味道很不同。整體而言，我較喜歡安利的魚蛋和河粉。但喜歡這裡的魚片頭和湯頭。炸魚皮炸得爽脆，亦不會過鹹。辣椒油香味亦算不錯。特別值得一提的是淨魚唇 (原來大部份都其實是用魚尾來製作的)。滿載骨膠原，完全沒有任何腥味，處理得很好。50多元很大碗，性價比不錯。因為魚唇所以由ok 變笑臉。都會再試。

原來在中上環，想吃魚蛋粉，不是易事。。。尋尋覓覓，倒不如搭地鐵到筲箕灣，一嚐名店。兩間安利分別六、七點關門，即是無緣呢！終可據稱魚蛋粉排名第一的王林記！最終吃了：魚蛋粉：魚片正常！魚蛋非常、非常、非常出色！彈牙爽口，點點魚味不腥恰到好處，是本人吃過最好吃最合口胃的魚蛋！！🤤🤤炆腩撈粗：餐單上是寫五香牛腩 但店員，稱之為” 炆腩”！本身不好撈麵，但看食評及即場觀察，便一試！撈麵的確有功夫，是均勻地撈了油與豉油，值得一讚，有油自會條條分明，不會’一團糟’！只是粗麵，還有點點碱水味呢！腐乳通菜：菜比預期的多，質素不錯！個人偏愛腐乳，可以再多些！凍檸茶：一看茶色，心已一沈，一定淡。。。結果，沒意外，淡而無茶味，何況其後冰溶了，淡如開水值得一提是：貼上”大辣”的辣椒油，不知是店員處理得宜，還是客人有禮，盛器外，很乾淨，不會”油淋淋”；盛器內，辣椒與油層次分明，罕見！重要提示：的確是大辣，少少已是辣，就算能吃辣的，都是淘點點好了！

i am here for the famous beef noodles! this is surprisingly goodhowever the shop is a bit small.the staff are friendly but sometimes they are too slow at making ordersthe food is nice and surprisingly goodi will come again if i were around there!the spicy oil is just right and such a delight!i have also ordered an iced lemon tea !yum yum

🍜王林記🍲身為一個香港人所有港式嘅嘢我都特別鍾意而粉麵又係我其中一個最愛唔知大家知唔知道筲箕灣有幾間粉面店都幾出名(๑❛ꇳ❛๑)成日聽到有人推介安X魚蛋粉但根據線人（即係住嗰頭嘅腦細）提供嘅可靠情報表示王林記先係最好食喎😂必食佢哋個切腩都市傳說每日下午2-3點就火速賣哂咁嗰日我哋2點坐低竟然真係最後2份切腩俾我哋叫咗(ꅈꇅꅈ)仲有最後1份腐乳通菜聽到樓面姐姐大嗌：切腩賣哂～通菜都無～個人嗰刻真係有少少心虛不過食好西是殘酷的想食就下次趁早把啦✯⸜(ّᶿ̷ധّᶿ̷)⸝✯我同腦細至愛配搭係切腩撈粗要加勁多炸蒜同辣椒醬菜脯就有啲太咸不了切腩真係食到肉味之餘仲帶點油香仲有唔洗咬好耐咬到變香口膠通菜都好大兜好爽脆可惜食唔落個牛油奶多如果唔係應該最後1份又俾我哋食埋lu～地址：王林記潮州魚蛋粉麵 (筲箕灣)筲箕灣筲箕灣東大街10號東寶大廈地下A號舖

聽聞位於筲箕灣的筲箕灣東大街是一條食街，有兩間街知巷聞的人氣粉麵店 <王林記> 及 <安利>！ 我先選擇幫襯 <王林記>！舊年的一個星期六，我第一次走到 <王林記>！當日3號風球下，依然多人排隊等！ 當日，是限聚令的安排下，餐廳每枱最多只限2人，全店最多5成食客！我被安排跟另一位阿叔食客同枱，以透明膠板分隔，以保持社交距離！3號風球下，當時仍下著細雨，依然很多人排隊等，我自己一個人等足40分鐘才被安排入座！牆上有幅 王林英雄嚐魚蛋河圖，真有趣！ 餐牌點了切腩魚蛋河及熱杏仁霜 切腩魚蛋河 $47大地魚湯底鮮味十足，不會死鹹兼少油！爽彈的魚片頭及彈牙的魚蛋有3粒，味道不腥！牛肉味濃郁，一絲絲層次分明的肉質帶軟腍，容易入口！雪白的河粉滑溜軟身，最緊要不會斷到碎濕濕！熱杏仁霜 $18本身味道微甜，杏仁味香濃幾香滑！

每次去筲箕灣都心思思想食池名既王林記非常之掛住佢地問撈粗佢地既豉油🥢撈得好均勻 每條麵都掛得好夠味🍝 唔會好重味精 麵條問鹼水味好小 👍🏽———————————————🐖豬手 🍢香蔥魚蛋 河粉🍜魚蛋口感幾彈牙豬手忟得入味 煮到勁淋 不過有豬毛😆🐂切腩牛丸撈粗 🍜肥瘦適中 份量十足 💯———————————————唯一既唔好係價錢偏貴😢

In case 你未聽過王林記，或者你聽過但覺得係港島東太偏遠，又或者你覺得魚蛋粉可以好味得去邊間間都差不多，咁你就真係要過來東區試下呢碗魚蛋粉。姐後生時覺得魚蛋粉係老餅野，太清太有鹼水味，做法又”貌似”冇難道，所以通常會食車仔面instead, 貪佢湯底濃味又多配料揀。而家？就覺得一碗用心製作的魚蛋粉係light lunch /下午茶首選！魚蛋魚片頭幼面-魚蛋有魚味係真的，唔係街邊的只有面粉，據知佢哋真係每日用新鮮魚肉整成白魚蛋-彈牙又juicy: 咬落唔同一般面粉魚蛋，係食到海魚的海水味-面: 完全唔會過淋，(姐是歡喜有口感的)真心推介一試！

邪惡指數:🐽🐽🐽好食指數:🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️ 由細到大都好鍾意食魚蛋粉之類嘅嘢， 以前每逢星期日都食安利，不過之後發現咗有一間叫王林記後就冇再去安利😋⭕️我喺其他地方從來都唔會食撈粗但係喺呢度試完就每次都必叫！我自己就鍾意搭牛筋腩（collagen寶寶)同魚片頭，鍾意食辣嘅我會加埋佢啲自製辣醬，佢有一隻特辣我每次都加架🙆🏻‍♀️⭕️仲有我好鍾意但亦都好邪惡嘅奶醬厚多士❤️當然要配返一個茶味好夠嘅凍檸茶啦💁🏻‍♀️

老老實實，王林記嘅切腩撈粗一定好食過隔離安利。啲切腩脂肪比例恰到好處，如果有牛肉嘅鮮味，而且仲有肉汁。撈粗好過隔離多多聲。隔離煮到一坺嘢咁，根本就夾佢唔起。王林記嘅撈粗，可以一條一條咁樣夾起。加入左麻油，啲撈麵仲好香口添！完全係極品。不過，其他嘢食就唔係好得。啲魚片頭，唔香，唔彈牙。唔會想再返單。同一時間叫咗碗五香牛肉米線。亦唔係好得。五香牛肉又硬又鞋，亦都唔香口。講真一句，食罐頭五香肉丁可能仲好啲。

大坑的分店關門之後，好像沒有來過王林記。假期的下午，剛好等侯的人不多，就吃了一頓美味的下午茶！點了魚旦河加牛腩汁，重點是河粉好滑好滑，加上湯汁，比魚旦更吸引。王林記還有著名的蔥花魚旦，叫了一碗淨蔥花魚旦，從少就聽説吃了蔥會變聰明，所以葱花魚旦要多吃😜蔥花令魚旦增加了風味，加一點辣油，非常之正。王林記魚旦比較硬身，魚味比較濃郁，我覺得好味！朋友點了清湯腩，有牛味又淋，讚👍甜品就是奶醬多加凍鴛鴦，多士焗得脆口，完美的句號！

東大街兩間魚蛋粉都好多人幫襯，我自己就鍾意食王林記。主要係因為鍾意食佢獨有嘅香蔥魚蛋，第二度食唔到。星期六一點幾嚟到等咗十五分鐘先有位。點咗一個香蔥魚蛋切腩撈粗，一個魚片頭香蔥魚蛋河，一份鮮油奶多士。鮮油奶多好快就上枱，多士可以揀厚定薄。厚多士係放牛油喺面賣相靚啲，所以揀咗厚。多士烘至金黃色剛剛好，少少脆唔會乾，牛油夠凍唔會好快就溶，配埋煉奶真係好食到不得了！香蔥魚蛋切腩撈粗都好大碟下，撈粗麵豉油味好香但唔會太咸，麵質爽口，雖然有少少梘水味但屬可接受程度。配菜芽菜同豉油王撈麵好夾。切腩有六舊，瘦得嚟唔鞋，更加唔會乾，唔使驚食到癡牙。香蔥魚蛋係放湯另上，一共有三粒，魚蛋爽口彈牙有魚味，一啲都唔腥。魚蛋入面加咗蔥好特別而且好好味，係喺其他餐廳食唔到嘅味道。魚片頭香蔥魚蛋河上面嘅魚片頭呈金黃色，好吸引！比起白魚蛋，魚片頭炸過所以多咗一陣香味。口感方面就同魚蛋一樣咁彈牙。湯底清澈得嚟有魚嘅鮮味，河粉好滑唔易斷，份量就還好，以午餐嚟講都食得飽。除咗香蔥魚蛋同魚片頭，聽講墨魚丸都唔錯。但因為次次都食香蔥魚蛋同切腩撈粗，所以食咗幾次都仲未有機會食到墨丸，下次真係要試下。