王牌冰廳 (燒味世家)

營業中

休息中

呢間餐廳每一次食嘅質素都唔同之前佢個湯底係胡椒湯底，今日係完完全全冇味，但勁大碗叉燒油雞瀨粉，叉燒一般般都係偏乾身，但係佢係林嘅，唔係太難食，油雞冇乜雞味鵝背，有啲都係偏胸口，有啲鞋，背脊嗰啲位都冇特別嘅味道無乜特別，平時食下都ok ge，佢份量係多既，對於男人醫肚嚟計都飽既，但性價比唔高，成$60，真係唔係特別好食，平時佢啲叉燒為你燒鵝好好食可能今日早，佢啲燒味唔係特別出色見到好多隔籬枱都係食常餐，下次可能試下常餐

呢度呢不嬲都係招牌係食叉燒嘅，但係呢自從我之前去食叉燒唔太好食，好鞋好硬，之後就轉左食燒鵝，今日2023年新開始，再去試吓佢啦今日叫左叉燒油雞瀨粉，友人就叫咗燒鵝瀨要背脊識食一定係食背脊，唔係太多肉又唔係太肥，少少皮少少肉係最香嘅新嘅一年佢嘅叉燒進步咗，半肥瘦好林好香嘅蜂蜜味，帶點肥，好彩咁樣有隻油雞髀，油雞一樣都係香嘅豉油味特別一提佢個湯底係胡椒味，但係佢嘅質素都幾唔穩定，一時就好重好重嘅胡椒味，一時就冇乜味清湯咁，如果唔食辣嘅朋友記得要問下佢可唔可以轉普通嘅清湯底

我估叉燒同燒肉可能水準好啲，但今日冇食。平日嘅下午茶時間，之前受朋友落力推介，就走去試一試。散叫$89要鵝肶，份量少，我唔介意，可惜味道強差人意：第一次幫襯。見隔離位熟客碗燒肉叉燒飯，料靚量多，同我個餐真係蚊肶同牛肶，只可以話佢個餐勁抵食。鵝皮唔脆而且un，冇香味咬唔入嘅肉質，淋治治瀨粉，得咸味嘅湯，冇味嘅酸梅醬，個例水就唔講… 期望越大，失望越大。杯凍鍊茶，亦無謂多講… 唯一欣賞就係，接受電子支付。

叉燒燒腩仔瀨粉 - $57蜜汁叉燒嘅蜜汁係幾特別, 比較甘甜，但可惜叉燒太瘦, 始終叉燒要帶啲肥膏先好食，不過相信係我唔好彩姐，因為我見附近啲人嘅叉燒係有肥膏㗎🥹整體嚟講未去到好淋，但都食到嘅！另外燒腩仔都係偏瘦啦，不過個皮真係做得好脆，好香, 不過唔肥都係好事嚟嘅健康啲呀嘛😳但肥就會增加好食度😆

香港人做節傳統上除咗去街市買多d餸之外，我諗好多人都會去買燒味加餸，我都唔例外一於去「王牌冰廳」買番啲燒腩仔先！王牌冰廳位於將軍澳中心地下有多款燒味:燒鵝，叉燒，切雞，豉油雞等等燒腩仔一斤$148皮脆肉嫩，肥瘦均勻，就算擺咗幾個鐘啲皮重係脆

環境衛生差，例湯不但咸而且有頭髮瀨粉啲湯咸到一個點 ，叉燒又乾又柴，仲話出名賣燒味賣燒味都可以攪成咁😣冇下次其實今次都係第一次來，諗住將中冇乜茶餐廳，但真係大失所望。

無下次！ 叫個燒味外賣又貴又難食 啲肉又硬 雞同燒鴨切到勁薄 講真一句街市啲燒味飯都好過佢呢間多多聲 幾乎係接近0無肉 得皮同骨禁濟 啲海蜇又勁甜 🤮🤮唔會再幫襯 ！ ！！！！

原本想叫碗 义燒瀨咁岩紅日無下午茶咁好啦 半斤叉燒返到家 忍唔住 即試下 嘩 真心好味汁甜甜 唔太咸 肉質剛好色澤自然靚色 好吸引唔算太肥 切得厚薄適中 食落有口感食唔停口一定會再買！

新開店時食過覺得好唔錯今日行開果頭再食覺得冇咁好味姐姐好快手*不*湯黎到，湯係主打冇味精，都好甜。不過天氣凍，餸唔熱只有飯熱係唔夠特別係個人食得慢，D肥油好快凝固。價錢其實唔平，可以做得好D。🙌

今日去到買一斤叉燒比錢果陣問個收銀有無得揀個收銀話比左錢同師傅講就得點知去到同師傅講要邊條個師傅話無得揀 出到去邊間都無得揀係香港住左50幾年第一次聽買成斤叉燒都無得揀🤢🤮咁你掛啲叉燒出黎裝飾用？

🥢乳豬叉燒飯💰86唔知係咪紅日嘅關係，今次食有啲失色，叉燒好多筋位，不過乳豬皮脆卜卜，肉唔會太厚🥢海蜇燻蹄米粉💰56海蜇比較粗身，燻蹄切得太厚身，食落口感爭啲，米粉就整得啱啱好，唔會過林，都幾爽口😋

味道品質難以想像的差，尤其係所謂招牌嘅燒味，仲差過連鎖快餐店。賴粉好硬及加左胡椒粉，叉燒好乾，菜心老又凍，乳豬好肥，皮唔脆，又無肉。假期仲冇下午茶，諗住收正價品質應該好啲。太令人失望😞

真係好唔掂，俾啲唔係路既部份，又斬到咁大舊，食落又鬆散，仲收咁貴，唔合乎性價比囉，以前已經試過一次俾勁黑勁lon既部份，我真係覺得唔可以。姐係啲QC唔得阿，keep唔到質素囉。

呢款雞蛋三文治餐好抵食，連埋熱飲都係$20。有時返工趕時間，去到將軍澳地鐵站出口，就打定電話叫定呢個外賣，行到去就有得拎，絶對係快靚正之選👍🏻味道亦唔差，當然唔算得上超級好味。因為即叫即整的關係，所以拎到返公司食嘅時候仍然是熱辣辣的。咖啡方面，在落單時建議話多奶，否則會好苦好難入口。(飲開齋啡的朋友除外)

近呢年開咗好多冰室，點都有一間喺附近，今次揀呢間因為有同事嚟試過，對呢間餐廳好滿意。餐廳都人流多，出餐亦夠快，食物質素唔錯，特別係西多士好好味。下午茶：珍寶法蘭西多士，我覺得呢個西多士係我食過最好味，入口好豐富滿足。抵食燒鵝瀨，雖然係茶餐，都幾多件鵝，肉質亦唔錯。特餐及飯餐會有例湯送。特餐：秘製蔥油雞扒煎蛋飯，夠晒蔥油，加荷包蛋唔要肉都得，雞扒就普通。大公碗飯餐：王牌蜂蜜叉燒飯(煎蛋+$8)，叉燒無咩肥肉以為會鞋，點知食落夠軟淋，好味。熱奶茶茶餐+$3凍好立克茶餐+$3凍阿華田飯餐+$5凍朱古力