影片
港鐵觀塘站 B1 出口, 步行約3分鐘
繼續閱讀
開飯介紹
食物的鮮味，在商業化的經營環境中漸漸消失。我地不甘於此，堅持信念，異於同行，别出心裁，使用本地街市新鮮活雞和新鮮活豬作為主打菜式。親身到街市選取優質食材，以新鮮肉類作為主要材料，配合高水平的烹調方法，讓顧客以合理的價錢，享受到食物真正的鮮味。
繼續閱讀
營業時間
星期一至日
12:00 - 22:00
以上資料只供參考, 請與餐廳確認詳情
嗌咗花膠雞髀湯飯，得呢個好食，花膠湯冇味精，好飲，但係沒有如圖中有成隻雞比，只係得三四舊雞，肉好味，但要成日$108 一個湯飯，就真係好貴，下次唔一定會再嗌。黑椒豬肚湯，豬肚可以，但是湯一浸臭味，結果成碗冇飲。嗌左個醉豬手，真係一啲一啲都唔入味，豬手好鞋，果汁就咁加上去，可以話十分之差，仲要成$70，一啲都唔達標，小心中伏。手撕雞還可以整體來說價錢偏貴，豬肚湯和醉豬手十分失望，真係算得上難食下次唔會再幫襯
繼續閱讀
今日唔知食乜好，見呢間標明無激素無味精，好似幾健康咁就試吓，堂食店面都好似得一張摺枱咁姐姐個服務幾好，幾nice，好熱情咁介紹嘢食我嗌咗個麻醬雞，開頭食落都ok，雞係幾嫩滑，唔會「鞋」，但麻醬味道就有啲淡，唔太食得出咩味，佢係冇麻醬嘅香，但又有麻醬嘅膩越食就越唔想食，寧願食白飯，但為咗唔浪費，好辛苦先食得晒啲雞同埋送嘅嘢飲又係有色無味，都唔知自己飲梗乜嘢😂其實啲雞質素都幾好嘅，但希望味道上都可以改善吓啦，加油！
繼續閱讀
觀塘東廣場又係覓食好地方，有不同小店。今天來到這間，座位不算太多，桌椅也是放在商場公眾的位置。店舖店員不多，但也能快速為我們執拾枱面。店舖衛生不錯，餐牌上的選擇不算多。我們選了手撕雞和豬手，兩款都可以選擇搭配不同醬料。口水手撕雞：味道一般，醬汁不夠多辣味也不夠，雞肉還好夠嫩口，較少雞皮，健康為主的是不錯，份量足夠。沙薑豬手：爽口，不會太多脂肪，可是味道不夠入味，份量多。選擇飯及冷面，飯較軟，冷面太乾了。也跟餐送了兩杯淡淡的羅漢果茶，消暑不錯。性價比還算合理，飽肚之選。
繼續閱讀
來到東廣場有好多間食肆，見呢間都幾多人，2點仲有下午茶餐，專食手撕雞， 有多款醬汁揀，仲可配冷麵、烏冬、白飯，$40 就試下。今次揀左口水汁手撕雞配冷麵，仲有杯茶 跟埋(但唔知咩味 怪怪的)，雞都算多， 口水汁夠辣， 冷麵彈牙，好味。 見有人食烏冬，係湯烏冬，下次再試下其他汁(仲有蔥油，麻醬，麻辣 ……)$40 係觀塘都食得豐富，都抵食 但預左一路食會一路比經過的人望你食咩～唯一缺點就係全部食物飲品都以膠盒膠杯盛載， 每人食完都浪費左2個膠盒1隻膠杯， 要想想辦法解決啦
繼續閱讀
因為時近5:00pm, 運動完肚餓又未夠鐘食飯，所以叫左個手拍青瓜頂頂肚，$20一盒，有酸辣味/沙薑味，我叫左酸辣。$20一大盒，份量都幾多，開頭食都唔太辣，之後愈食愈辣，不過d青瓜好脆好爽口既👍🏻而且店員仲會有杯凍清茶送比我飲，好窩心。其實呢間小店最出名係手撕雞，下次試下手撕雞先！
繼續閱讀