珍妮曲奇 (已搬遷) 新店位置

價格尚算合理曲奇太鬆散 容易碎 牛油味太重 入口略嫌肥膩店員態度極差 店外並沒有清晰的指示牌指明排隊取籌處店員不但不主動服務 而且還滿口粗口 一開口便罵人（並無挑釁）即使曲奇再好吃 也不會再購買 太受氣

記得很多年前呢間店除咗曲奇仲有鳳梨卷賣，雖然賣超過70蚊一盒，我都覺物有所值，可惜已經停產。而曲奇幾年前食已覺得平平無奇，仲好鬼乾，只得個香字，普通餅舖比佢地更好食。隔咗咁多年再食都係咁差，好彩唔係我出錢買。我唔明點解咁多同胞對呢啲曲奇咁趨之若鶩 。

一年前曾經喺朋友屋企試過這間珍妮曲奇，其實無論咩味放入口都係得牛油味，因為就快結婚有外地親友來港說這間珍妮曲奇好多台灣朋友都會特登買返去，所以今日就同未婚夫去尖沙咀買嚟送禮，以前已經聽過佢地工作人員對香港人態度勁差，但估唔到可以差到咁，我地明明排第一竟然呼喝我地要排得面，仲要話我地唔重新排就唔賣俾我地，買4盒俾兩個袋，要求俾多1個袋送禮用都"×老母"，明明同一個工作人員，但隔離嗰對普通話遊客拎多兩個袋都可以，工作人員仲要笑笑口，如果唔係外地親友想食，我一定唔會受氣去買！返到屋企開左盒俾奶奶試，果然同藍×曲奇一樣就係得牛油味，我情願去買曲奇四×奏好過，甚至地鐵沿線嗰問都好食過佢！另外買左鳥結糖，得酸味…完全無鳥結糖應有既香！

已聽聞過珍妮曲奇是十分難買的，要買的話就要排上半天以上，所以一直也沒有特地去買。適逄農曆新年，收到了珍妮四種口味的曲奇禮盒有幸一試，果然不負我所望~~入口融化!!四款曲奇包括咖啡唧花曲奇、牛油唧花曲奇、提子乾曲奇和普通的牛油曲奇，前兩者鬆化，後兩者鬆脆，每款味道極香濃，食後餘韻長留，實是名不虛傳

Jenny Bakery嘅曲奇係出名好味，入口鬆化，牛油味香濃，而咖啡味亦非常濃郁。可惜她因成名了，服務質素亦同時下降…再好吃亦令人難以回頭。話說新年正打算番大陸，媽咪會買d香港“名產”做手信，佢就話要去尖沙咀買Jenny 曲奇，我已經同佢講咗呢間嘢出晒名嘅“待客之度”。佢堅持話買，咁好啦！由得佢去買啦！出門前仲問我係唔係喺重慶…？我話人哋搬咗去美麗都好耐喇！早上出到去都未夠9點，排隊係必然嘅（已經排咗幾百個講國語嘅人），排咗個幾鐘，。個女售貨員a收咗我媽$500，然後打算俾餅嘅時候，售貨員b話我媽：你咪買過囉…又嚟？話唔賣俾佢，之後當然係一輪口角啦…唇槍舌劍之後，雖然最後成功買餅，但我媽咪經過呢次話咗以後都不會再幫襯…排咁耐隊，攞咗籌話唔賣就唔賣，你係要揀客賣唔緊要…要限購都無問題，但係點解人哋排咁耐先話唔賣？你唔賣嘅就一早咪俾籌叫人過主囉，我媽咪已經成70歲，嚟消費仲要受你哋氣？ 其實呢個情況都不是第一次出現，但係我想知d售貨員係唔係真係咁叻認人呢？一眼就望出嗰個人嚟過（不過係幾年前，仲未搬去美麗都時期…） 如果有一日d國內同胞都唔再買你哋d餅，我真心希望你哋仲有呢股

早幾個月已經想黎買曲奇，但見到條人龍，完全唔想等！到到今日第三次經過終於去左等，旁邊大部分人都係大陸人，我等等下仲有人叫我幫佢買，成件事感覺怪怪！入到去想買兩罐大，但個店員好惡咁話唔得，只可一大一細！其實我俾錢買野，你駛唔駛咁呀？雖然曲奇係好味，又香又鬆化，入口即化，牛油味又超香濃，但個人中意咖啡味多d,平時我都唔中意飲咖啡，但呢個咖啡曲奇，真係無得輸！但香港有點咁既服務真係！！！！

由於平日上午去，沒什麼人排隊,一分鐘搞掂。本來想再買多些，但是只可買兩盒，有點美中不足。裡面有4款不同口味的牛油曲奇。不得不說這家店的曲奇真好吃，入口即化。味道和口味感也很特別。不像是普通的牛油。我居然能吃到一點芝士的味道。有點好奇他們家的配方，自己在家怎樣都做不出這麼好的味道的！

珍妮曲奇，好多人都識，唔使多介紹呢盒野月頭買，而家先寫食評幾年前已經開始食，果時CWB有店易買好多又唔使點排隊4mix同8mix我都鍾意食，不過之前去上環同尖沙咀店都只有4mix雖然呢間野服務唔好又乞人憎，但D曲奇確實好食好香牛油味，個盒未打開已經聞到陣陣牛油香味D曲奇好鬆化，未食過真係要食下不過而家又加左價喇~細4mix賣緊$70

傳說中的小熊曲奇餅呀，就係排隊都排死人啦，第一次食又真係幾驚艷的，口感同味道都一流，4MIX有4隻味，4種口感，兩種松化，兩種松脆，本人最中意食奶油味同朱古力味啦，但係食多兩塊就食唔落啦，真係好鬼死流呀，個鐵盒幾靚送禮確實唔錯的

在尖沙咀店買左兩盒細曲奇,店員將2盒曲奇放一個細袋,我要求代我分開2袋,因是分開送給朋友,店員說要一蚊,我跟她理論我是買兩盒,又沒有額外拎多一個,為何要付一蚊,她的態度很不友善而說話含糊不清的回答:妳買既時候又沒有話分開,跟著就沒有理會我立即做另一個客生意.曲奇食品一般,平平無其,只是鐵盒包裝較為精美趣緻.呢間咁既餅店,應該好好培訓下員工的態度.

這店總有一條長長的人龍，其中九成都是祖國人。如果你叫我去排隊買來吃，真的sorry，唔好攪我。這次有得吃是因為有人請，吃了兩三塊。怎形容呢？有點甜、有點油，就像一般的曲奇餅，普普通通的一般貨色。有何特別，有何好吃呢？老實講，吃完了，都不知道。唯有可以講，這店是弄來給遊客（不過又看不到英美日韓等籍的），好讓他們呆等，流點汗，搶位佔，還要付錢。本地人只好搖搖頭，快行遠一點吧。

估唔到今時今日仲有啲咁既服務，今日去買四盒比朋友，排左兩個鐘，基本上排隊既99%都係國內遊客，咁都冇咩野既，兩個鐘後，終於到我了，咁就同佢講要四盒，分兩袋，店員話多個袋要一蚊，ok, fine, 佢都大大隻字寫左出黎，我要送比兩個朋友，冇辦法啦，咁我話好啦，我加一蚊，比多左一蚊後，佢都係一個大袋，袋晒四盒，咁我咪追問囉，佢話叫我等等，要分袋，咁我話我趕時間，叫佢比袋我自己分，佢比左個超細袋我，其實我仲有另外一份禮物想放埋一齊比朋友，所要叫佢比個大袋我啦，點知咁都唔得，佢話加一蚊係得細袋喎，仲將我原本個大袋轉埋做細袋，分左兩袋細比我，我再重申我仲有其他野要放，佢都唔比個大啲既袋我，我都唔明，我買四盒，唔係應該有四個袋嗎？我都加左一蚊買佢所謂既額外膠袋，點解要收返我原本個大袋，換個細既比我，膠袋真的好貴？ 明明係做遊客手信生意，點解可以咁差服務，相信你去澳門買鉅記都唔會咁同你計啲袋囉，香港真係比呢間野影衰晒，唉！曲奇味道還可以，但要這樣的服及價格，應該不會有下次了。

又繼續「好友狂嚐曲」贈食系列，依次分享嘅喺2005年開業嘅Jenny Bakery，珍妮賣曲奇賣到開巷，由赤柱賣到出市區， 由港島賣到過九龍，早陣子仲有分店晌中環，都未開鋪，朝朝返工都見有人龍排曲奇，雖然大多數排隊嘅都喺內地客，但都有唔少本地人，不過小弟就從未為其曲奇瘋狂過，搵食隨遇而安可以啦 ！就好似今次，舅仔買罐珍妮曲奇俾女友一家，志在籠絡一下人心，當然，知道我依個姐夫為食，又成日幫佢手，佢自不然都要俾啲甜頭籠絡一下我嘅，「賄賂」費就喺8 mix果仁曲奇一罐，雖然咁大手筆，但小弟都覺得受得起架 ，因為平時都幫佢唔少嘢嘛！哈哈！ 8 mix果仁曲奇 $165 大罐嘅8 mix，淨重足足730g，非常墜手，罐內填滿晒一塊塊長形曲奇（註：圖中喺被屋企人食咗幾塊先影，所以先見到有少少虛位）。口味包括：咖啡杏仁、腰果、杏仁罌粟籽、合桃、朱古力果仁、榛子夏威夷果仁、開心果、爪哇欖仁（唔肯定中文喺唔喺咁譯，英文叫Kenari）共8款味。整體嚟講，塊塊曲奇都好鬆脆，幾重牛油香味，塊塊都落咗唔少果仁，有相為證嘛，所以口感確實幾好，鬆脆中有咬口 。味道上始終以咖啡杏仁曲奇及朱古力果仁曲奇較

一早唔夠十二點去到，排隊約20分鐘，入到店大大隻字只有四味，冇計應承送俾朋友，兩罐大加兩罐细要多罐牛奶糖，埋單470，禮貌地問，唔該俾多個膠袋！得到回覆，額外要膠袋每個一蚊。吓！買470五罐，要多一個袋叫額外？買一罐要你十個袋，嗰九個就係額外。我知你出名，我地同國內同胞用八味價錢買四味都唔介意，其實介意，不過只可以㨂買同唔買。無奈！你賣曲奇定賣袋。返到屋企揾你網址唸住投訴，見到大大隻字話得返兩門店，但仲寫住八款的介绍，點解你唔改埋得四味？係咪有我地盲目追求咁買，你公司就可以是但求其應付？咁樣做生意都得？希望你公司睇到同改善，係呢！不如叫客人自備膠袋去幫襯你。

都算係幾好搵,只不過我地走入口唔係排隊地方,我還心想點解人咁少呢?原來是在商廈另外一面門口排隊攞飛！去時時間都幾巧,人唔算太多了,等咗一批就拿到號碼牌了！後面排隊人慢慢多起嚟！好似睇見每人有限買多少盒,講真都拿唔動咁多！買個幾盒試試味道就夠了~依間就係以曲奇出名,盒上熊仔是幾cute（個樣是random）！聽講今年6月1日後貴咗！曲奇分2種:4MIX（細盒:65蚊、大盒:120蚊,4種口味,無果仁）和8MIX（細盒:105蚊、大盒:165蚊,8種口味,有果仁）,好食是真係好食,牛油奶香味好重,餅乾口感好鬆脆,入口都幾容易化,尤其是剛開封時超好食,一食就停唔了口！保質期基本上就一個月,應該是添加劑防腐劑都幾少,嘿嘿！所以都唔可以多買~