珍妮曲奇 (已搬遷) 新店位置

D大陸人搶哂！根本都冇在意本地市場, 我覺得比以前差了很多對顧客呼渴、無禮貌及趕客人，真的不行！！ 曲奇是好吃，但是完全沒有親善的服務，非常失望，我接受不了！一個很不愉快既購買經驗。4盒曲奇千幾蚊，要求想要既味道，求其俾D其他味道，問一問店員係咪搞錯左，雖然換來一句“你諗清楚再來買過，請你再新排隊啦“既回應如果一個生意做到咁你仲會支持嘛？

星期六的下午, 心血來潮好想食曲奇去左CKE 買啦預左要排, 但冇諗過真係咁多人...排到轉左幾個彎先到.... 等左成半個鐘等到腳軟.... 好彩有貨... 見D自由人十罐十罐咁買... 心諗JENNY真係好好賺!4 MIX 大罐盛惠 $110~最愛仍見牛油花形曲奇... 牛油味重, 好肥但忍不到口!!! SHORTBREAD 都係我既 FAVORITE!

每隔一段日子，我便會突然想起Jenny Bakery鬆化可口的曲奇餅，自然地就會前往買一罐4 MIX解解饞；哪知道由今年年頭開始，去了四，五次不同的分店，每次都是碰壁買不到曲奇餅，即使是在剛開舖的時侯到達，也不幸地只能見到一大條人龍以及‘所有曲奇已售罄’的告示，真是欲哭無淚；我一向都知道Jenny Bakery很受歡迎，但去到如此誇張的地步，卻是因為這裡的曲奇餅，竟然‘榮升’自由行同胞的‘香港必買手信’之一，於是這幾個月，簡直是深深感受到他們的‘威力’，講人數，時間，金錢，香港人實在無一方面可以和他們比拚，次次都見到整個重慶站商場的地面，放滿百多罐被他們訂走的曲奇餅，而我這個香港本土人，也就只能傷心地又兩手空空地離開。直至上星期六路經尖沙咀，我決定再去碰碰運氣，下午五時去到，居然尚有曲奇餅！雖然排隊的人龍，是由店舖門口一直排到後樓梯，仲要行落多兩層；等待期間，我發現我是隊中唯一的香港人，餘下九成九的都是自由行同胞，間中也有幾個日本遊客；幸好即使人數眾多，想不到排了三十分鐘左右，已成功地進入店舖了！之前上網做過功課，還天真地以為‘小罐裝’幾年來沒加過價，原來現在的‘大罐裝’的份量，才等於

過年弟弟送左一盒大既4mix 曲奇比我, 果下真係超開心 2成日上網睇食評話佢好好食, 成日都想去買, 但係要排隊始終沒機會食到, 今次終於有機會可以食番次.罐是靚靚的, 打開罐後有一陣濃濃既咖啡味走出來, 好醒神! 但係已見到果d 花形的曲奇開始碎碎的.好心急開始食花型形的咖啡曲奇, 入口咖啡味幾濃, 甜味也ok, 但吃下去是散散的, 立住個口, 好似食緊d 粉咁, 完全冇口感可言.好失望呀 再來是圓形的咖啡曲奇, 這個咖啡味也夠濃ok, 裡面有d似提子干, 甜味也ok, 還好不會有食粉落口既感覺, 但口感只像平時食開的藍罐. 都係失望 再來是奶油花形曲奇, 香香的奶油味, 但一口入, 又是散散的, 立住個口, 食粉, 但係呢隻仲要冇咩甜味, 只有好heavy 既感覺, 講真有d反胃. 連老豆老媽試左都話難食最後圓形的奶油曲奇, 又是香香的奶油味, 有點似果仁既野, 但係入口, 原呢佢只係奶油花形曲奇既圓形版本, 甜味又係欠缺, heavy again!! 我唸以前香港冇咩好食既曲奇店, 佢在赤柱量產 , 實在是出色. 但係而家佢既水準比軟出面越來越多既 品牌曲奇,

(呢篇唔係食評，純粹分享排隊經驗，最後都買唔到曲奇，好可惜)朝早七點幾到達，店內已有職員準備，而店外有幾十人排隊。聽到排頭位o既人話凌晨四點幾已經黎到商場門口排，等到商場開門時就入店舖門口排隊。 排既人有好多都係內地遊客，有D仲帶埋大o急黎掃貨。店員後來開放店舖隔離o既後樓梯俾人排隊，呢個時候先發現原來有唔止幾十人，係有接近一百人（我一路行一路數住）！由二樓排到一樓，由一樓排到地面，地面環境非常惡劣，後樓梯o既出口係一條充滿垃圾o既後巷，加上當日落雨，垃圾味經過發酵，味道真係好臭，最後排左陣隊都係忍唔住要走，放棄左。排隊排到落後巷，要聞住垃圾咁排係意料之外o既事，不過相信Jenny Bakery開放後樓梯俾人排隊已經係比較好o既安排吧... 因為如果俾人排o係商場一定會阻住其他店舖做生意。下次要買都係再早D起身，或者避開新年時間買吧。

已經第二年係度買曲奇作新年送禮，牛油曲奇好香牛油味同好鬆化，個小熊罐仲可以留返裝嘢。上年一早去到排左2個鐘先買到，今年諗住再接再厲，放假一早起身去！店鋪開十點，我親自十一點去到點知同我講今日D貨全部買唒！眼見排隊全部大陸人，帶哂喼，帶埋張膠椅排！店鋪出面見到D大陸人買左十幾二罐即時高價轉售，個看更姐姐同我講暑假開始係咁，真係好過份，同依家D人搶奶粉有咩分別！！想食曲奇都難過登天！老闆有冇理我地香港人感受！

臨近新年, 想買點曲奇作賀年食品. 週日下午五時四十五分到達, 要在後樓梯排隊才可購買. 等了大概二十分鐘, 點選了4mix 的曲奇(小)(HK$60). 小罐大概有三十八塊曲奇. 有花狀咖啡味, 花狀原味, 塊狀原味和塊狀提子味. 最可口的當然首選花形咖啡味的曲奇, 鬆化得來帶著濃烈的牛油香味, 再上咖啡香用作中和, 真的很出色. 至於花狀原味, 沒有咖啡的中和,味道顯然變得單調和較膩, 水準可以, 但在同類型的店舖也可找到. 塊狀的原味和提子味更只是普通水準, 不特別讚. 滿分只為花狀咖啡味曲奇而設.

排左20分鐘... 排到去後樓梯落二層; 終於買到珍妮曲奇啦....買左盒4MIX曲奇.... 實在太好味...好香牛油味又鬆化...咖啡味又濃郁...真係食唔停口.... 正決定再買珍妮曲奇做新年賀禮

不是因為家人生日也不會勞心勞力！ 故事先從11月出差說起，一心到油麻地分店買曲奇當手信，重門深鎖，告示寫著休息數天。隔幾天經過銅鑼灣店，一上樓梯就見到大大個招牌，心想搬近出入口，一定是賺到才能頂到昂貴租金，但店員說我們不是什麼分店，是從正店排隊入貨的，所以每盒貴$10，心想零售價入貨，要賣多少盒才能付租金，但過兩天就得出差，雖有點被明搶及欺騙之嫌，也多付$30買了三盒就匆匆走人。12月21日約了朋友7時在尖沙咀晚飯，特地早點出發，以為可以安排今天的禮物•••••••也是一張告示--售罄。今天3時再度出動，心想過了聖誕高峰期，而且才早，是日也不是13日。出發前刻意登入網站，原來銅鑼灣店8月13日關門，錯怪好人。不過同日旺角有新店開，也較近家門，好不容易才穿越人山人海的旺角幾條街，來到好景商業中心，經過排山倒海的影印店，找對了門牌，又是告示一張，四月啟市，請到其他分店 8月13日到今天已是四個月，更新網頁一星期一個字也做好啦可能想著晚上的約會，心情仍是蠻好的。唯有走兩條街到油麻地，門前已有另一位吃閉門羹的靚女用手機拍下告示，是這樣寫的，休業至四月（噢！四月應該是復活節吧！）請往中環或尖沙咀

平安夜當晚，經過銅鑼灣糖街分店，便即興買了一罐4mix細，付款的時候，聽到$90，便以為又脹價了，也沒有多問。回家後，瀏覽openrice的網頁，矢知銅鑼灣分店已結業？！！！！翌日，我再致電尖沙咀分店查詢，（赤柱、旺角及油麻地分店沒有營業，中環分店則沒有人接聽電話，所以只剩下尖沙咀分店）得知4mix細全線只售$60，並証實銅鑼灣分店已結業。究竟當晚那間珍妮曲奇店是甚麼一回事，（位於銅鑼灣糖街購物站電梯口，招牌還寫著珍妮曲奇Jenny Bakery的），價錢不同，加上已結業，曲奇包裝和味道卻沒異樣，整件事非常懸疑......大家也有遇到這個問題嗎？有人能為我解答問題嗎？

珍妮手造的曲奇街知巷聞, 姑勿論你是甜吃的愛好者, 還是屬普通程度, 相信一嚐過她的餅食後, 自當一試傾心。 那大名不只為港人熟悉, 早已成了中外遊客的伴手禮, 不時也街上見他們挽著幾罐行走。 味道出眾之外, 小熊鐵罐很是精美, 每隔一段時間便會轉換圖案, 心思盡現, 教人吃過後不忍將罐丟棄, 留下當作收藏品, 家中的櫃藏著不知多少個了。4 mix跟8mix都嚐過, 不論是造型跟口感都各異, 前者絕對是以鬆化度取勝, 特別是兩款唧成花形狀, 達到入口即溶化的地步, 香酥得無需多番咀嚼, 對做餅也有少少的認識, 需知要做到那麼鬆, 牛油的份量一定不會少, 最少也要跟麵粉的含量相同, 油香滿瀉, 本身的選材自當不馬虎, 據知用上紐西蘭產地去製作, 奶味濃重且有陣獨特的羶味, 甜中更添咸香。 只是多吃幾塊後, 易感到涸喉, 畢竟所用的牛油也不少。 另一種跟英式奶油酥餅相像, 硬身切割版本同樣很鬆, 但未算要化開來, 反較挺實, 組織幼細, 香氣撲鼻而來。 餘下一款加有提子乾的較扁平, 記得有天相約朋友仔出來吃飯, 竟為我帶來一罐杏仁脆片, 頓時感到很窩心, 深深被那份心意所感動。 珍妮的曲奇

朋友話呢間cookies好出名, 真係估唔到.....係開向TST細商場, 完全冇裝修, 冇門面, 但都咁多人排隊幫襯, 成間鋪好似淨係收錢, 比貨, 收錢, 比貨咁......其實都唔平.....細盒4mix 要$60, 入面around 30塊到....有牛油同咖啡2隻味, 每隻味都有2款口感, 吱花既就軟熟d, 唔駛點哎就入口即溶, 圓形既就比較硬身鬆脆我自己就鍾意食牛油味多d而咖啡cookies好重咖啡味, 其餘所有野都同牛油果隻一樣好快唔駛一日就食鬼晒成盒lu~~~

上個星期死黨Joey送咗盒曲奇比我話好正！要我試試，因為我好少買街外曲奇食，多數自己閒時整，又好玩，又好食。經驗累積後己開始有一定認識和要求。回說朋友送個盒外面有熊仔公仔的，幾吸引，女生應很受落。再看看罐底食份表( 這是我的習慣，過期的都算小事，有些產品更是看後都不敢食)，看後面色一沉，竟然用硫酸鋁當膨脹劑，真是有㸃過份，令我立時聯想起大陸食品的地溝油，因香港製造的食品己停用這類對人體有害的添加劑。打開罐後，感覺依然沉重，明明是了什錦曲奇，但只聞到濃烈的咖啡怪味，再翻看成份表，也對這曲奇店一讚，因為她也坦白告知你：我是用咖啡精的！試食一塊，末食完己要用茶送先吞得下，食完口腔殘留大量化學品的苦澀味，喉聾像比油立住一樣但又不能自然溶化。真係試過一次就夠。

聖誕清佐一罐後一直心思思想買，尋日終於決定黎碰下運氣，睇下買唔買到。去到門口都有4-5個人排隊，前面果幾位都買成5-6罐，好彩仲有存貨呢！照舊買佐罐大的4MIX，真係唔覺唔覺已經賣到HKD110了！有二款牛油味，一款花花食落鬆化D，一款圓形就實D，2款都充滿牛油香味。另有咖啡曲奇，都係花花形，一樣鬆化亦充滿咖啡香味！至於提子麥片曲奇，就是我們最麻好的，有得揀的話真想唔要呢隻味，可惜無得揀/.\今次唔知會唔會一個星期就食晒呢！

同事成日都講Jenny 既Cookies 好好味，咁啱今日經過尖沙咀，咪諗住買一罐返公司請同事食。 早上11點幾入到商場，發現d舖咪開門，心諗會唔會白行一次呢，行左一個圈都唔見間舖，唯有走去問reception既人，好彩最後都揾到。我諗Jenny 真係好好生意，如果唔係一早都唔會有兩個人一齊開舖，我買緊曲奇既時候，陸續都有人來買。最後我買左罐8款(細) 曲奇$95係8款曲奇中，我自己就鐘意食合桃同腰果味，曲奇入口鬆化，牛油味香濃，同澳門某間出名I既腰果曲奇一樣咁好食；不過我覺得有果仁個幾款曲奇味道差唔多，難於分辨。除左曲奇之外，我好鐘意個Teddy Bear 罐，食哂d曲奇之後，仲可以用返個罐，夠哂環保。