現代巴蜀麻辣米線 (已搬遷) 新店位置

近排o係附近補習學生臨時改時間終於有機會黎試下巴蜀米線6點3入到去，竟然仲有茶餐$21 A餐：一送米線+2隻雞翼+豆漿或者B餐：兩送米線+豆漿結果我要A餐+6要多兩個送...小辣炸醬+鮮牛肉+大腸豆漿賣晒改送熱菜蜜~好濃的熱菜蜜，冇話因為免費而溝到勁稀米線比較幼，我睇佢D貨好似寫住"江西米線"炸醬肉粒係細粒，味道微酸辣豬腸份量多，但味淡鮮牛肉咁多塊入面有一塊比較"un"不過湯底好好味另外我要左辣雞翼，係即叫即燒的外脆內嫩下次會試中辣至大辣老細不停講唔好意思、多謝晒、唔該晒講得好有誠意的說

之前經過, 被門口那陣麻辣味吸引, 終於試過, 叫了下午茶餐:朱潤, 朱大腸, 酦菜米線-麻辣(中辣)**酦辣湯底選手, 所以改加酦菜**湯: 正如題目所講, 淡而無味, 只有一點辣及一點麻朱潤: 好滑, 好爽, 份量較少朱大腸: 肥, 淡, 份量少酦菜: 一個字, 甜!!!另加香草chicken wing x 2隻: 好好食, 皮crispy, 肉滑汽水: 就是汽水

由第一次黎紅磡經過見到呢間米線鋪，然後行入去....就發現....我同老婆都上了賊船....搞到次次去紅磡都要食番碗....甚至特登坐船過黎食....亦都搞到食時新都兩人share一個~~~XDDDDD今次叫左一個下午茶餐（因為岩岩食左時新）~雞肉, 菜肉雲吞, 炸醬 + 小辣米線~雞肉都幾淋~實際上同其他地方差唔多~菜肉雲吞都唔錯~不過我都係鍾意鮮蝦雲吞多d~炸醬分開上，凍凍地，食米線再點d炸醬放落口，感覺有趣~重點仍然係個米線~黎到呢間野一定食麻辣米線，唔係都唔知黎做乜~麻既感覺好正，唔似得連鎖譚仔得個辣字，可能係一個巴蜀，一個雲南吧~d麻辣感染到d米線仲有其他餸，真係好好味~~~麻辣雞翼即叫即燒，又熱又辣，又係極品~隻雞翼一定要一上即食，唔熱就唔辣，冇晒刺激既感覺~再加豆漿~都唔知邊間野諗出黎既配搭~咁就上左賊船番唔到轉頭~環境其實唔錯，出面大馬路都唔嘈，夏天入黎個冷氣+周圍d麻辣氣，超正~服務態度又好，老實講，我都諗唔到有邊間鋪（賣乜都好）今時今日係真心真意望住你同你講多謝幫襯~埋單$27~

每次去親紅磡一定黎呢度食碗米線,雖然比起以往好似都加左價一蚊,但係21蚊這樣的份量和質素,絕對超值~!!!喜歡配炸醬/滑雞柳/菜肉雲吞~同老公再次SHARE一碗好多餸好大碗好豐富的米線~~炸醬分開上~一度"YARM"住D米線一齊食~~好惹味~~~又唔會學似其他店GE炸醬咁太鹹....雞柳基本上冇皮, 幾有咬口~份量也不少,菜肉雲吞3粒, 唔鹹, 好有菜味~~好好食~~~下午茶送豆漿!!!!!!夠甜夠凍~~配埋辣雞翼, 新鮮燒的~塊皮熱辣辣,..D顏色好靚~~絕不欺場~太好味了~!!!配個辣度---小辣~~口會因為麻辣味而 ..麻麻地~好刺激~~哈哈~~不得不讚係呢度GE服務態度其實幾好!!!D落單同收錢GE其實都好NICE, 好有禮貌!!!!!!!!!!

特登去試食呢間現代巴蜀麻辣米線米線湯底幾好味過景霖多0的spices唔係一味得個辣字做到"麻"0既感覺配料方面炸醬係我0既例牌燕肉餃穩陣過菜肉餃至於香草烤雞翼就遜色過景霖其實唔係唔好食只係香草份量少一半以上不過整體0黎講算唔錯我的確幾欣賞佢碗米線.

08.08.09 (六) 奧運馬術賽開幕日，小女子並沒到沙田卻到了紅磡食米線 收得工都三點喇仲點會睇馬術丫。店舖細細只得細枱五張，不過奇怪WHY下午茶時段竟得一客人在內﹔心怕此店浪得虛名是也 誰知不到十分鐘五枱已坐滿慶幸早到一步 看看下午茶 A 餐 & B 餐 僅 $21 兼有豆漿又真是一個字 "抵"。我揀了 A 餐 ︰ 特色炸醬米線 + 豆漿 + 烤雞翼2隻 (蒙古香草) (也可選揀 "巴蜀麻辣" 味)主揀了 B 餐 ︰咸腩肉滑豬潤米線(兩椒) + 豆漿 (落單時要出聲加辣，否則就給你清湯)* 可惜冇豆漿供應改為"清淡菊花水" * 雖說是下午茶但碗米線都冇將貨就价，食得飽有餘，炸醬又唔覺有咩特式，少少辣味肉質實在咸味足不錯，清湯底也不錯，烤雞翼細小味道一般沒大驚喜。腩肉似肥皂對我倆不吃肥肉的人來說睇見都驚所以 "掉" 咗 ，豬潤又幾滑啵不過就細塊咗d，但"兩椒"既麻辣湯底有好香既花椒八角味我就非常喜愛嘞。而主仲邊食邊話 "掂"

每次和男朋友到紅磡都會被這一間米線店的香味吸引今次終於能夠一試吃了(特色大大碗)$36和鴛鴦雞翼(麻辣x香草)$23加一罐7up $6我認為價格頗貴但食材的味道也不錯豬潤新鮮，雞肉夠林可惜只是款色太少而雞翼的味道亦教我有少少失望但服務態度亦不錯！看到餐牌下午茶會比較抵所以若然再來就叫下午茶吧！

本人前幾天去了試試這間米線店。我叫了一個下午茶餐，有米線(2個配料)+豆漿。老板送來了一杯似茶的飲料，本人以為是供洗筷子的。米線還未開始吃，老板就喝我'小姐，這杯係菜蜜黎架!'我以經啞左。。。明明係order左豆漿，仲用左黎洗筷子。我要求老板換過杯新的俾我，因為他在我叫野食的時候完全沒有explain點解豆漿會change左做菜蜜，放下杯野飲時亦都沒有告訴我。我心想換一杯菜蜜有幾難？老板死都不肯換，係咁話'我地係唔會換家小姐。。。' 態度仲要係極差，死唔講道理。我話你咁樣點做生意架，佢就好串咁話'我今日先學識點做生意!' 。。。我當時俾佢迫都喊左出黎，我估唔都世界上竟然會有d咁橫蠻無理gea人。我發誓以後都唔會再黎這間黑店!!!!大家請相信我，來過的請不要再來，沒來過的亦不必要consider來!!! (對著這些無賴，一定影響你全日的心情，食物再好吃也沒有用!!!)

我一向都鍾意食辣既野食..有一日突然留意到呢間位處偏僻既舖頭。一食，就鍾意左呢度既米線喇！以前都有去開紅磡另一間米線，都係嗌開雞肉豆卜米線。有幾種辣既程度比你揀大辣﹑中辣﹑小辣﹑微辣，仲有清湯架。雖然間舖頭係細左D，不過啲人都幾好禮貌架！我試過見到個老闆見到兩個學生個書包重，幫佢地手等佢地揹得好啲。呢度又有紙巾比你，唔使你拎兩蚊買。唔算等左好耐，個麵終於來喇。我嗌既係中辣，幾好食！又多配料，又多餸，湯底第一口最辣最麻，跟住食落去就無咁麻喇。雞肉幾滑，但細粒左少少。豆卜吸哂Ｄ湯，好好食。米線唔會太稔同無痴住既感覺。相信好多人都識得景霖呢間舖喇，景霖就清啲，但巴蜀就岩鍾意麻既人多啲，又唔會太辣。因為我食下午茶，有雞翼送。兩間既雞翼都差唔多，唔係太大分別。我就鍾意呢度多啲，貪佢坐得闊落啲，Ｄ人態度好啲，坐得耐左少少都唔會話用眼神趕你走。

星期日下午鯊魚丸燕肉餃米線$21少辣想食好耐ga la..不過我係紅磡區已經好多其他心水餐廳見天氣凍左即刻試試賣相吸引鯊魚丸,燕肉餃是來貨,不會太差米線幼身,彈牙但湯底真係好一般麻辣味有,不過唔香心想...如果不要少辣...就真是一碗清湯.另外,配料有2大塊腐'足'~~~~~~~加分!!!因為出面好多都當一個送咁叫~

我真係好介紹呢間米線店，我食咁多間都冇呢間咁好，我仲記得叫左蟹籽米線同香草雞翼......當第一口食落去時.....超正，又可以揀清湯或辣湯，而且，個老板又超好人，連d雞翼都咁正，雖然貴左少少，但值得一試，下次再去幫襯過.....^^

最近佢加咗價但又好似細碗咗, 有d失望!!不過可幸是食物質素仍然一樣, 沒有退步~

間野唔係好大只可以ＯＦＦＥＲ到２０多ＳＥＡＴＳ星期日ＴＥＡ　ＴＩＭＥ黎講都坐到一半～～～ＯＫ　ＢＯＲ一坐低ＭＵＭ睇到有個ＴＥＡ　ＳＥＴ　好好好好平～～～～１８蚊有一碗一個餸既米線仲有杯豆漿仲有呀～～～２隻雞翼（有２個味，一係麻辣，一係香草）１８蚊比左你３個願望～～～～好平！！！！！我同媽咪一個要小辣，　一個要中辣而面既ＳＩＺＥ係譚仔既三分之二～～不過都係好足料最ＧＯＯＤ就係唔會有好多米線我係譚仔真係永遠都唔可以一個人食曬佢Ｄ米線嫁！好好食～～～而且個老闆勁ＮＩＣＥ又好禮貌～～～可以ＥＮＣＯＲＥ

昨天三時許和友人到這間想試好耐的米線用饍，落單時，職員是不耐煩的態度對我們，問清楚一點都好唔好態度~~點了雞肉、牛肉中麻辣米線，雞不滑，口感有點鞋....牛肉細細的，又不算鮮嫩....配料的份量不多，雖然同是18元，送豆漿，但另一間的抵同好味好多。真的，試一次就夠了。

之前曾經寫過這裡的食評, 提及其味道跟同區另米線店相似, 相隔接近一年, 再吃一次, 喜見此店的麻辣湯底已開始有自己的風格, 比我第一次食到的, 現在麻味更重而少了一點甜味, 但辣度依然不會太強, 我吃的是大辣, 但湯還是可以照喝個痛快..這個湯底, 比上一次好. 米線水準依然不錯, 彈牙有咬勁, 對我胃口, 但配料就好像\"縮水\"了, 炸醬份量比上次少了點; 魚皮餃味道可以, 但只得兩隻, 感覺不滿足; 而滷豬利切成條狀, 也只得4~5 條, 三種配料米線, 共銀二十四, 好味但感覺不太滿足! 下次再來都是簡單地要個炸醬米線算了. 要吃這裡最好的幾樣, 十八元已足夠.吃過不下十數家的麻辣米線, 在我自己的排名榜上, 這裡的湯及米線都是前列位置; 但講配料的水準, 卻又是最不行的幾家之一. 感覺就像一隊防守得很好但卻不懂得入球的球隊, 欠缺冠軍相. 入場費如何便宜, 也未必會令球迷趨之若騖吧?老實說, 我寧願不要免費豆漿, 望店方將配料份量做得豐富一點更好. 若每個客人入來都只願吃最便宜的十八元(起碼我有這個想法), 是否會很糟糕呢? 反正也不是人人喜歡豆漿配米線吧?