現代巴蜀麻辣米線 (已搬遷) 新店位置

之前都有人講話service 好~ 唔駛再講啦!這小店由開張至今, 我仍然幫襯, 最初米線的軟硬度並未控制得很好, 但現在已可以說是做得十分唔錯, 唔會太"淋", 彈牙. 加上佢個湯底, 已令我再三回味~ 有麻, 有辣, 但唔會好油. 同埋d餸好新鮮, 睇得出佢地係好有良心既一間店!而家老公一星期至少有2-3日幫襯!!記住如果趕時間就唔好去, 因為係即叫即做, 冇得快!!

身為紅磡人睇黎我遲左試呢間野有個男人應該係老闆服務態度超好食左鯊魚丸燕肉餃加羅白小辣同景霖唔同唔只有d普通送(菜墨丸etc)仲有鯊魚丸燕肉餃呢d辣味都好味過景霖

d人服務態度好好先喇會推薦你試唔試下d小食唔食都唔緊要喎態度一樣係咁好d米線真係好彈牙鐘意食一定要試下喇配料都算多選擇ge而且佢有得揀辣唔辣直程係分幾個等級(小小辣、中辣、大辣、特辣e.t.c)佢重會加d芽菜呀、菜之類有杯野飲麵分量好多唔記得食左幾錢但價錢完全係抵呀

是日下午茶..有兩"食送"..有埋豆漿..都係$18咋..自已本身都食過好多間米線,,都冇咁抵同好味..同埋服務又週到..態度好見到我地唔夠位食幫我地搬開d野..仲有埋tissue俾客人tim!..講返d食物...米線岩岩好唔會淋晒..我試左冬菇,菜肉雲吞,腩肉..冬菇有野"yip"過的..好味..菜肉雲吞..豬肉份量係五分一..感覺健康..d皮又唔會好似出面d平野咁溶晒一patpat..另外仲有麻辣雞翼..這個一般吧..送的豆漿..很凍很好渴!食完冇咩口乾..應該味精不多吧..

成日放左學dinner都黎e 度食野因為e 度又平又好味通常都係叫一至兩個'送' 要小辣要小辣反而食到佢個湯本身既味好特別~要推介既就係佢個香草雞翼~味道好濃~ 很多香草~ 仲有今日去食見到新出紅油抄手即刻叫左個黎試下雖然唔係好正中紅油抄手既味但係味道有另一種風味, 超好味呀~總括黎講e 度d食物味道很特別所以先成日黎搵番佢~仲有哩間野既態度超好, 不得不比個讚~令人食都食得好舒服第一次去時態度好到令人有點不知所措哩~

紅磡區最好食米線係景霖，生意很好，其他食肆就有樣學樣，好似呢間咁連個餐牌都抄埋。下午茶餐都係$18，分一加雞翼或兩，兩樣都包豆槳。料普普通通唔算差，米線就偏硬，但浸耐D會好D。香草雞翼唔錯，熱辣辣幾好味。但味道始終都係景霖好。

好夠麻，唔似坊間一般話麻辣而一啲麻味都無....AGREE

自呢間野開張以來食過好多次, 覺得佢同景霖有得fight呀, 巴蜀o既辣真係有麻辣味, 其餘d野同景霖差不多, 都係咁好味. 巴蜀有兩款$35大碗米線, 其中一款係海鮮米線(如圖), 配料充足, 有兩粒鮮帶子、有鮑魚片、魚腐、魚皮鮫、蟹柳、炸魚片、生菜、炸醬等等~超好味~我成日拉呀媽去食~成日行過都想食~間野o既位置少"外人"行, 通常都係附近d街坊or附近返工會行到o個度,呢個我諗係唯一一個輸蝕俾景霖o既地方!!

早幾日無意中行過，見到招牌寫住\"麻辣\"簡直開正我果範，見咁啱下午茶時段，$18有碗米線加雞亦，另外仲有杯豆漿送，心諗咁既價錢，一試無妨，唔好食最多無下次啫。坐低叫咗碗牛肉米線加香草雞亦，要咗大辣，個妹妹仔(耆相信係太子女)見我生面口，仲好心提醒我話大辣好辣咁話，我當然話絕對無問題啦。等咗一陣碗野就到啦，一睇個色水，心諗\"掂\"再試下個味，好夠麻，唔似坊間一般話麻辣而一啲麻味都無，辣味就無想像中咁勁。牛肉一般、雞亦味道唔錯。環境就好似一般粉麵檔格局，唔算好好坐，但貌似老闆既男人招呼就真係好好。相信呢間一定會成為我紅磡區醫肚首選。

這間米線開在紅磡蕪湖街﹐就在我家附近﹐又見門口寫著"麻辣米線"﹐當然要試試。小店格局﹐裝修一般﹐只要不是"爆棚" 的話﹐也算坐得舒服。要了個中辣的炸醬米線﹐等了一會便有得吃﹐效率還算可以。米線送到面前的時候﹐隱約聞到很熟悉的味道﹐賣相也似曾相識﹐喝一口湯﹐啊!是另一間米線"景霖"的味道! 再吃一口炸醬﹐更加證實了我的想法。吃得七七八八﹐發覺整體上味道跟景霖有七成相似﹐這裡的麻辣比較麻但辣不及景霖﹐炸醬則比較甜﹐米線則屬彈牙及硬身一類。由於先入為主﹐我會覺得景霖的味道較合我口味﹐但平心而論﹐這裡的﹐還算是吃得過的。至於兩者味道為可會這樣相似? 就不得而知了.

價錢,配料,味道同"景霖"差不多一樣一樣有下午茶餐,香草/麻辣雞翼但係呢度既麻辣湯底就"麻"d...所以我覺得呢間好食過"景霖"但係有兩個伙計(定係老細)佢地d態度好到有d驚