現代巴蜀麻辣米線 (已搬遷) 新店位置

我不嬲都鍾意食呢d小店(即係冇乜分店果d). 味道總係有d分別. 當譚仔變得大路貨嘅時候, 巴蜀就變成心中米線首選.以前經過點都冇諗住入. 出面唔吸引. 大大隻字食麻辣. 對於我一向覺得'辣'係用黎點綴下食物嘅味道 嘅人.. 又點會無啦啦試得架..年幾前阿炳叫我去試下佢之後, 我就覺得佢嘅炸醬係so far 食到最好食嘅一間. 其他炸醬出哂名如 星林居, 譚仔, 麻辣川, 雲南風味, 等等 通通都比下去...是次.. 食返我嘅至愛組合.. 炸醬, 腩肉, 蘿蔔; 要微辣~ 燒雞翼有香草同麻辣. 雖然食得出唔係完全燒 (即本身整到半熟, 之後燒至全熟 e,g, 叮, 焗, etc), 但燒烤食品配湯米線, 一向都係絕配.雖雞翼本身不至一絕, 但都皮脆肉嫩兼夾香口, 所以每次總要叫一碟先覺得滿足 食食下.. 阿炳指一指牆上張memo, 先知道佢地要搬喇! 搬去大角咀條食街度(埃華街). 家住九龍東, 既然佢搬得遠左, 就梗係近近地食多幾餐先啦... 到時去到大角咀, 有咁多選擇, 真係唔知可唔可以受得住其他誘惑而去食呢個至愛炸醬呀?! P.S. 唔係因為佢搬, 都冇諗住寫返呢個食評留念,

其實 本人一直只係會食 譚仔 ,有時食四川其他都唔願意try .. 因為我覺得有好多間米線都冇咩味 today... 有surprise 炸醬 + 雞肉 送 豆漿炸醬:: 小小spicy 加你食慾 ! 比others既冇咁碎最特別係d米線 , 幼幼地 , 幾爽口wor.. 哈哈$24蚊.. 有埋豆漿送..仲想點食果時係到諗到底佢係抄譚x, 定係根本米線又係有埋 chicken wing 果d食呢 ??孤陋寡聞的我, 如果係紅磡想食米線, try this 冇妨 ps:: 我覺得迫左小小...家庭式左小小...

之前返學成日食, 都無黎呢度讚下佢tim例牌叫豬潤, 真係好嫩滑目前黎講係我食過最好食ge豬潤每一次去食都係保持水準另外清清地就多數叫埋蘿蔔, 或者腩肉都唔錯要返學ge時候係每星期都會至少去一次的下午茶好似抵食D =]

2009-6-17(星期三)我叫咗豬潤米線(埋單$21)，而朋友叫咗豬腩肉米線(埋單$21)。我們一同叫咗中辣。我於譚仔叫中辣，我是食得辣之人，可以接受。相反，我朋友都是食得辣之人，她除咗食豬腩肉之外–是辣到食唔落。若是食得辣之人，都需審慎想一想啊！豬潤米線，豬潤好味道，嫩口。

呢期見佢好評如潮，即管去試試。鮑魚米線 $23 加豬潤 $3要了微辣，如果要唔辣再要點辣醬，要再加錢。嘩，果然係好辣，微辣都辣到條利好興....。米線好普通不過佢既豬潤果然係好爽口，連原本唔食豬潤既我都食得好滋味。鮑魚應該係個 d 急凍鮑，佢都有幾多塊，味道 ok 啦。佢個坦坦麵就不錯，我覺得雖然係好辣，但佢係個種撈麵既形式，會好味過米線。蒙古香草烤雞翼 $24 / 6 pcs，呢個價錢有少少貴啦，不過小食都係咁既價錢既。早知試下問可唔可以一半麻辣一半香草味啦。唔錯唔錯，好香呀佢個 d seasoning。外賣要每個盒收錢..即雞翼盒都要收錢...Orz 都係坐係度食下午茶感覺會化算 d。hmm...佢舖頭小小但價錢偏貴，我諗 overall 我會俾一試無妨 ok 佢啦。

來了這裡幾次都是擠滿人,結果都係冇入到去,今日見有位, 當然要入去一試啦,這裡的米線有多款餸供選擇,而且辣與不辣全由你自己決定,我就選了大辣,真的很麻啊 豬腩肉菜肉雲吞麻辣米線, 雲吞皮厚了點, 但湯底真的好好飲 巴蜀麻辣雞翼, 外皮煎得好香脆, 帶上小小麻辣的味道, 正

基本上每個星期都最少去一次, 唔駛多講都知好食啦, 最鍾意就係鮑魚拼豬膶, 鮑魚唔有咬口, 豬膶夠爽, 辣雞亦夠香口, 食咗咁多次點都要上黎寫幾句讚下佢 (其實我想知佢啲米線係邊度有得買)

講到食米線, d同事大部份鐘意景霖...但係個人喜歡現代巴蜀多d...講味道同米線質地...都係現代巴蜀勝一籌!炸醬微辣...連唔係太食得辣又忍唔住想食少少辣o既...湯底唔要辣...只要炸醬就o岩o岩好...我自己通常喜歡少辣加炸醬...哩度o既炸醬係甜甜地然後係少少麻果種辣...完全係四川/重慶果種麻辣o既感覺...其他餸菜方面...我通常鐘意果幾樣就次次都係果幾樣...我喜歡食菜...所以通常會要通菜...另外心水推介係菜肉雲吞...哩度o既菜肉雲吞食得出係自家制...感覺好新鮮...d白菜唔會好似出面一般果d咁己經up晌個雲吞皮裡面梅梅地o既感覺...食得出白菜好爽口同埋鮮甜...個湯底唔算好濃郁但好香好正...我次次都忍唔住要飲幾啖湯...香草雞翼同麻辣雞翼我比較喜歡香口d刺激d既麻辣味...即叫即整...熱辣辣好正~哩度o既米線唔會好大碗...(出面有d米線多到食唔哂)...但個人o黎講份量o岩o岩好...炸醬通菜雲吞三個餸o岩o岩好...再叫雞翼會太飽...

同男友去紅磡，本來打算吃三河屋，但不知道在哪。。。於是唯有找別的吃。。。。經過此店時時被它很香的麻辣味吸引了，於是決定試一下店不大，只有幾張飯桌, 但也不算太迫第一次食不知道有什麼好吃的，於是叫了碗"大大碗"小辣兩份吃，再加兩份不同口味的雞翼碗很大，但份量不算太多有豬潤, 炸醬，芝士腸, 牛肉，火腿，菜，冬菇等跟譚仔的差不多，但我覺得好吃多了...!!!!!餸菜中豬潤最好吃，冬菇也很入味有麻辣感，吃了會出汗，也很暖胃湯裡有花辣八角，好香好特別米線較平日吃的幼身，很好吃！！兩款雞翼也不錯，特別喜歡蒙古香草口味~~男朋友吃得很開心，很滿足~~~一定會再光顧！！

近排唔知點解，成日好想去 d 少去既地方試新野。聽朋友推介現代巴蜀麻辣米線，就決定到紅磡走一趟。叫左碗微辣豬潤米線。微辣同唔辣相信差別不大，後來仲加左辣醬添 ~ 佢隻辣醬真係值得一讚﹗有豆板醬既鹹味但又有內地辣椒醬既麻麻地既味道，兩者既比例係 1:1，唔會有一種味道蓋過另外一種 ~ 好惹味﹗講返個湯底，老實講，味精都算重的，食完口乾。可是，佢用韮菜餚成，變左好香。因為佢冇落酸菜，所以佢會係偏甜的。而佢既牙菜係比較生，食落去係清甜的... 同埋佢比較爽口，同彈牙既米線可以話係絕配。至於豬潤.. 好足料，大塊同埋較厚 ~ 一碗裡面有 8-10 塊，仲要係大塊﹗而佢既豬潤都係新鮮的。雖然未及魚鱻的爽口和滑身，但亦是中上貨色。而佢既配料都唔錯，除左韮菜和芽菜，仲有腐皮... 正如下面所講，有 d 舖頭係要另叫的﹗送埋豆槳都係 $21 ，真係好抵食，會再黎食下午茶。

上次黎呢度已經有八,九個月前....我經常都諗起呢度的米線....其實我唔覺得d米線過淋, 我覺得米線係應該咁樣先好味, 否則就好似d水未煲滾就cook米線咁....首先上ge係一杯凍冰冰的豆漿, 唔會過甜, 好凍好好飲~ 好快就飲完...跟住上ge係兩隻麻辣雞翼, 真係好熱辣辣, 有煙, 辣口的~ 顏色好靚~之後雞絲米線到了~ 湯ge顏色亦好靚, 唔係好似車仔面的貨色,雞絲唔多, 但也不少, 適量吧, 配料有九菜芽菜~炸醬份量頗多, 夠甜夠熱, 好入味, 唔係俾d hea肉碎,米線ge軟硬度我覺得我好鍾意~小辣, 我覺得呢種辣度ok~已經唔係第一,二次食, 但住得遠, 好難先會過黎呢邊,但係為左食呢碗米線, 我專誠由坐地鐵北角轉搭船仔過紅hom度食~感覺真係好幸福~好想日日食~~哈哈哈哈24蚊連豆漿連雞翼x2, &兩款料的米線~員工真的很好, 如下面所講, 經常會講唔該哂多謝哂byebye慢慢行etc....食得好開心~熟絡的話, 員工會撩你說話的, 因為我太耐冇去...他們已認不出我來

佢的米線比較幼,好好食,湯底夠辣有唔同程度既辣,小,中,大,勁辣,配料,雞肉好嫩,腩肉濃味佢既香草雞翼燒得好好,好香佢既辣味雞翼好香,夠辣一個餸$21,另加多樣$3下午茶最抵食有一碗米線,一個餸$21另加$3多樣,仲有豆漿,兩隻雞翼由2:00-6:30不過散叫既雞翼$26 六隻,但會比下午茶送既雞翼大隻不過豆漿唔係太好飲但有雞翼值得一試

2009-4-29(星期三)我叫咗魚腐米線$23，我下午三點入座，會多送一款餸及豆漿一杯。本身下午茶時段為2:30pm-6:00pm，$21包一款餸、豆漿及香草雞翼。或者可選兩款餸及豆漿。我覺得此舖既豬膶好滑好嫩，十分好味道。

平日放學回家路經這米線小店，一直都沒有進去，這次就試下抵食下午茶。$21有一餸米線，兩隻雞翼，一杯豆漿，確實很抵!我點了豬潤米線。豬潤很爽，五、六塊左右。湯底除了有麻辣味，也有花椒八角的味道，我幾喜歡。米線雖幼，但過腍了。至於雞翼，很入味，上面很多調味粉，如果外皮再乾一些更好。加送的豆漿很有豆味，是意料之外，可媲美ｘｘ豆品廠那些。這間店的食物有點譚仔雲南米線的影子，要比較的話，我都是偏好譚仔。但店內服務也很好，很有禮，加分

次次經過都聞到好香的燒雞翼味今日同友人決定一試下午茶餐有兩個選擇$21A)一個送+一杯豆漿+兩隻雞翼B)兩個送+一杯豆漿另加多一個送加$4同友人一人一個A餐我食了雞肉炸醬小辣炸醬味道似譚仔,雞肉份量唔多但okay滑小辣其實不太辣,無乜麻的感覺加上個湯底好似有少少花八角的味道米線煮得林左少少不過個重點係雞翼好好食麻辣好香口,雞皮脆得黎唔太肥肉質鮮嫩唔鞋口好想食多幾隻啊呢個茶餐真抵