琥酌 (已結業)

🥸依稀記得第一次食炸牛扒嘅時候嘅心情就係當年喺太子補習由個吉列牛開鋪睇佢個宣傳第左五年六年一路見到一路好有衝動去試遺憾嗰時零用錢又唔多又忙冇時間去搞到一望望左5年之後一次同屋企人啲朋友聚會唔知食乜好有人提議去呢間我對眼發曬光🤩🤩🤩去到真係有一碟吉列牛擺喺我面前嘅時候我興奮到hi左野咁😂😂當然個質素冇令我失望啦個牛外脆內軟有油香得嚟又冇失左個肉味開心到我吖😂😂🤩🤩🤩但聽聞間野俾武肺搞到執左lu☹

星期日去花墟前先醫肚，在附近隨便搵左間試。去到門口剛好有位，唔使等。環境寬敞，唔會迫住，有音樂聽，坐得幾舒服。點左豬軟骨拉麵，店員好快同我講返豬軟骨賣晒，無問題，轉做叉燒拉麵囉。上菜速度算幾快，個拉麵味道幾好，份量都算多。服務員態度幾好禮貌，隔一陣會嚟幫你加水。食完埋單，價錢少少貴啦，不過太子區食店嚟講算係咁啦。我俾完錢急住去洗手間，結果出嚟店員仲拎住零錢要找俾我，難得。下次有機會會再試食其他食物。推薦大家嚟試吓

(雖然訂了枱，不過當然都係遲到lol 好彩等一陣都有得入座。被安排坐的呢個位望上去就係一排的日本酒樽，很美呢。頗喜歡日本的酒，不過最近也少飲左好多，很好。) 那天到了太子的琥酌試吉列牛。愈來愈多日本的野食香港都開鋪，見雜誌講就去試了。有時特別鍾意去雜誌介紹的餐廳，雖然人人都話係鱔稿，但我亦係高質的玩樂主義水魚，perfect match.-這個是我的安格斯牛肉。個人比較喜歡有肉感同較有咬口的肉質，所以點這個。一個吉列牛御膳包括一排吉列牛之外，還有麵豉湯 + 溫泉蛋+ 白飯+ 草菇及四團不明物體。來一個close up，這四個不明物體係(左起)沙律, (?)，五味粉同wasabiiii)lol，我將溫泉蛋加落白飯食，但好淡。再加五味粉同wasabi 落去食就唔錯了。其實個溫泉蛋係用黎點牛肉食的，感覺會更嫩滑。不過我地都加左落白飯。我比較鍾意半熟蛋多於溫泉蛋。個種太生太水的感覺好恐怖lol這個A5 和牛。牛的顏色較粉紅，好似比我的美多了。(也貴一倍lol) 但係我唔太識欣賞呢種牛的入口即溶，對我黎講係又油又軟又滯lol 店員為我地點好爐後就是我最期待的畫面了lol 放肉仔上去喔!!!!!!

幾個月諗起想食吉列牛，於是走咗太子食飯，見平日間舖應該好長龍，但今日竟然冇人排隊，都覺得怪怪地，坐低先知原來轉咗手。由樓面到廚房都係後生仔女，睇得出冇乜經驗，都冇問題，咪試下新野囉。樓面有一男一女，女嘅態度都ok嘅，問佢問題都答到，但最後出到嚟又唔係嗰樣野。佢話個set可以加錢一碗飯，後來個男嘅出嚟又話唔得，態度勁差！我心諗，入到嚟我地都冇走就係想支持下啲後生，點知都幾冇禮貌。我朋友都唔夠飽！佢地啲餐價錢唔平，同食物質素唔成正比。呢個價錢出面有好多選擇，唔洗受氣添！

其實我最初光顧位於太子「西洋菜北街」的日本菜餐廳「琥酌」之前，是想試試「琥酌」晚餐裡面屬於招牌食品，有一層吉烈脆皮包裹着牛肉的「牛吉烈御膳」定食套餐，不過我看完餐牌裡面的價錢後就決定放棄。因為「琥酌」裡面的「牛吉烈御膳」定食套餐，無論是選擇享用哪一款牛肉的「牛吉烈御膳」定食套餐，最後結賬至少都需要支付連同加一服務費在內，超過港幣三百六十元的價錢，而且我還需要享用雞肉食品。所以「琥酌」「牛吉烈御膳」定食套餐價錢偏向比較昂貴，最後還是嚇怕了我，令我最後決定放棄了「牛吉烈御膳」，改為選擇其他跟牛肉有關的「琥酌」晚餐食品。至於雞肉方面，我選擇名稱有點微妙的「本格派神秘雞翼」。我最後在「琥酌」的「晚市御膳」套餐裡面，選擇一款名稱叫做「安格斯牛肉壽喜燒御膳」的套餐食品。至於「琥酌」飲品方面，我就選擇享用「琥酌」的乳酸凍飲飲品「蜜桃乳酸梳打」。由於我光顧「琥酌」當晚，上門光顧「琥酌」的食客不算非常多，所以我基本上都不需要等候，就已經可以進入餐廳裡面和點餐，真正的「等候時間」，都落了在等候餐廳廚房製作食品而已。由於我選擇了享用「琥酌」的晚餐「安格斯牛肉壽喜燒御膳」套餐，所以一早已經預料到餐廳會以熱燙的

訂枱時話有兩輪時段，第一輪Full晒訂唔到。一係訂第二輪8點半，一係第一輪前就要埋單。只可以食一個鐘。咁我訂第二輪，寧願遲啲食。準時去到發現無枱，通知服務員我訂左8點半。佢叫我等等，一等等左20分鐘。唔再問應該唔會有人理，一問佢地話無枱埋單，所以無枱比我。如果咁講我早要左將枱唔埋單，咁都得架啦。佢地全程都係黑口黑面對答。

牛舌芯 $58 - 只有竹籤咁厚，厚度剛剛足夠穿起2塊仔牛舌，很巧驗廚師咭牛脷功架！睇相證明廚房最叻係穿好薄既肉。咁薄咁細塊既牛脷燒完當然係又鞋又乾又柴、邊度值$58？只可以話香港土地問題的錯囉⋯⋯我交左$48租金魚生飯 單點 $158 一碗- 份量、魚生款式很足夠，見到很開心，會很期待...可惜...無一件魚片特別好食，維持正常水平唔腥臭，帶子無鮮味，三文魚籽擺放耐左？縮曬皮...我又交左$100租金炸雞翼- over 左，好乾身，廚房連燒物炸物控制時間都掌控不到，呢一餐沒有「滿足」可言，只能說是填飽個肚，失望地離開, 開得餐廳，可否尊重食物，尊重食客..我今晚係特登出街食魚生飯...PS 店鋪話自己係「黃」，我無俾負評了

今晚同中學同學食飯，話說都有差不多兩年冇見……因為最近疫情關係，好多有質素嘅舖頭生意都好差，所以上星期老同就約我去食呢間石燒吉列牛🐮🥩Book咗6:00 ，準時到達！入去坐低，因為限聚令餐廳唔可以坐超過半數人，所以連埋我哋都係得四枱客，但係已經叫咗”坐滿”😰我哋兩個睇咗餐牌一陣，吉列牛就必定要叫啦，另外問靚女侍應有咩推介🤗佢就介紹咗雞翼+薯條🍟另外我哋叫咗兩杯啤酒🍻落晒單之後，靚仔即刻擺咗個石燒係我前面，其實個心已經急不及待🥰啤酒嚟到，未有得食就飲住先🍻有前菜食啦，蔬菜沙律加蟹子，我旋風式吞咗落肚😆頂級吉列牛拼盤到，唔使講咁多，馬上煎幾塊吉列牛先🥩🥩🥩我就習慣唔煎太熟，舔少少沙律醬，一啖牛+一啖飯，幻想到咩感覺啦🤪靚女侍應吩咐溫泉蛋要撈埋白飯一齊食，果然甘香😍😍千羽一大盤🐔炸到脆卜卜，我就更鍾意食右上角有醬汁嘅半骨雞翼，食落去夠方便，一啖雞翼一啖啤酒🍻大盤炸薯條🍟配上混醬滿足🥰🥰

琥酌嘅A5和牛來自鹿兒島、宮崎，安格斯牛肉則從美國運送到港。午市有套餐，但一旦要燒吉列牛就必須要叫晚市套餐(明明見尖沙嘴分店午市套餐都有吉列牛揀，係太子分店無☹️)。Angus Beef Katsu-Gyu Set($368)安格斯吉列御膳 小編專程來就係要食吉列牛，所以就無唸咁多，叫咗頂級安格斯安吉列御膳，吉列牛採用美國安格斯肩胛肉（3個套餐選擇中最平，另外2個價錢就$468/$780)。每個套餐都跟牛舌芯片、鹿兒島A5和牛肩胛片 ，以及頂級安格斯牛肉片。很喜歡外層的麵包糠，外皮炸至黃金香脆，吃起來脆卜卜，內裏則肉質嫩滑，油花分佈均稱。而且自己負責燒特別有意思🐂。除牛肉，還有季節野菜盛盒，包括蕃薯仔🍠、南瓜片🎃、翠玉瓜🥬、蕃茄仔🍅原條錦鰻御膳沒有想過原條鰻魚真的很大，幾乎蓋過整個丼飯。鰻魚燒得香，蒲燒醬汁也不賴，跟肥美的鰻魚很配！

新年前夕的4人團年飯，大家都想食牛吉列御膳，於是揀了琥酌，book左幾次先有位，thank友人。準時去到，唔算太多人。餐牌，揀了牛吉列御膳及小食。京都柚子酒，$38，食得燒肉，一於把酒，有清新的柚子味，酒味不太濃。山梨縣白桃酒，$38，友人的。Asahi，$48，友人的。蜜桃乳酸梳打，$28，友人的。前菜，劍魚腩 $10，口感嫩滑。霜降吉列御膳，$568，有和風芥末、柚子檸醋及辣椒岩鹽等調味醬料。和牛肩胛肉眼，牛肉厚身，自己燒，隨自己的喜好要幾成熟，燒好的牛肉，外層炸皮唔尚太脆，口感軟腍嫰滑，帶有肉筋，甘香富肉汁，幾美味呢。美國安格斯牛肉片，油脂分佈平均，牛肉味濃，口感豐厚。日本鹿兒島A5和牛肩，食落肥美又香口。嚴選牛舌芯，口感爽滑。和風野菜盛合。明太子雞翼，$48/2隻，雞翼釀入明太子，鮮鹹味幾香口。芝麻雞翼，$38/2隻，友人的。堅推薦琥酌牛魔卷，$128，本身是美國黑牛肩胛，但因缺貨用上和牛，賺了，thank~和牛口感軟嫩，牛肉味濃，忌廉芝士及牛油果配搭清新，口感豐富，幾美味。甜品，雪米糍。食物味道有水準，服務態度有禮。

朋友就黎去英國exchange就揀間好啲嘅餐廳食食佢我地兩個都未試過吉列牛咁啱上網見到呢間環境幾好FEEL又吹到水就試試佢有兩款牛揀分別係特選A5黑毛和牛同埋 頂級安格斯牛我地決定唔咁敗家，食下面嗰款等食物嘅同時，我地望到有幅掛畫喺牆係超靚超有FEEL嘅吉列牛盛我地本身仲講緊應該係照騙轉個頭個職員就擺低個爐原來真係一式一樣 個爐仔靚到我用咗一張菲林喺佢到吉列牛 最厲害之處係佢層炸粉一啲都唔厚上枱時肉質仍然呈粉嫩紅，讓食客可按個人喜好決定生熟程度煎啲時啪啪作響由生變熟個過程真係好治癒放入口時，你仍然會辨識到嗰層薄薄炸皮 少少都無變淋到旁邊伴有蛋黃醬，海鹽同埋麻油  個人最愛蛋黃醬  濃滑的酸甜味道配吉列牛係絕配除咗牛，當然都叫咗啲蔬菜類呢到有啲燒物揀，我地叫咗燒芝士脆玉瓜同埋冬菇雖然上枱時已係熱辣辣但我嫌個芝士未夠溶，當時係擺番佢上去再燒多次十級好味!!!!原條錦鰻御膳呢碟嘢，就係我地揀平啲吉列牛餐嘅原因，真 係 好 大 條 !!!你會覺得可以用條鰻魚包住嗰舊飯當夾餅咁食鰻魚肉入口即溶，濃郁嘅魚鮮香偏佈味蕾，鰻魚汁亦是極為上盛只用汁送飯的話感覺都可以吃掉一碗唔誇張，係香港食過最好食嘅

今日金魚街買野後去左呢間吉列牛餐廳晚飯。環境好似居酒屋咁，有卡位，又見到個水吧，我地差唔多七點去，平日未係好多人。畀左個卡位我地揀左一份安格斯牛肩胛肉（$368），係單點，冇餐，有九塊，都唔平。不過望落塊牛又係幾靚嘅。每邊燒大樣15至20秒就啱啱好。個面包糠外皮唔錯，夠脆，而個牛有牛香，唔會韌，好味！！另外要左個鰻魚飯（$108做主食），價格合理因為都幾大份。鰻魚唔夠熱，但夠厚肉同埋個蒲燒汁唔會太咸，又幾入味。本人對米飯比較著重，覺得啲米以日本餐廳嚟講就做得唔夠好，唔夠粒粒分明。另外叫左個小食，明太子手羽燒（$48）有兩隻。去左骨，釀左啲明太子入去，好方便，咬落去啖啖肉，如果冇咁咸就更好！食物質素有改善空間，不過吉列牛係好味嘅，希望下次嚟嘅時候，試其他野會有驚喜！

虎酌虎酌食過唔小次已經，每次都係令人非常滿足咁離開。今日放lunch行開太子咁岩口痕就拉左我同事一齊食個豪小小既午餐，食完真係又飽又滿足，無一次令我失望！！！！我自己諗都唔諗就叫左個吉列牛定食。而我朋友就叫左照燒雞排定食。先講下個吉列牛定食，一如既往都係份量足，味道好。牛燒到5成食入口嫩，牛味夠，加埋外邊個吉列皮真係無得輸，令我完全唔想同朋友share。之後朋友個雞排定食都非常唔錯，雞排嫩滑，加埋照燒汁非常好味。另外仲有配好多前菜，小食之類。全部一律都係水準之內！！！

之前經過呢間人氣值好高嘅日本餐廳 ,一直好想試。終於抽到時間同朋友慢慢地享受啦。餐廳雖然吾算大,但坐得舒適。墻壁上嘅文字、日本櫻花、天花嘅日本雨傘形燈飾及酒吧嘅各種清酒等好有日本feel🎏。定食、炸物、燒物、 創意卷物、刺身等多款美食都好想試😋。最後點左✍️明太子雞翼✍️原條錦鰻御膳✍️安格斯御膳明太子雞翼脹卜卜嘅明太子雞翼外面金黃香脆,內裡釀滿實淨有咬口嘅餡料，令到本來已經香口去骨嘅煎雞翼，再添一份鹹鮮加微辛味，咬落啖啖肉，值得一試。餐湯都好足料吾馬虎原條錦鰻御膳大大條香燒鰻魚,肉身夠厚,肉質軟嫩，油脂嘅甘香、醬汁嘅鮮甜、加上香脆海苔同芝麻，好有口感。配合香軟珍珠米飯非常好滋味！安格斯御膳呢個係人氣最旺嘅晚餐,第一次試食吉列和牛。一排厚切均勻油脂分佈平均嘅和牛色澤粉紅,外面炸至金黃色,再配鮮豔蔬菜,賣相相當吸引。最難得有個細細嘅爐慢慢燒,要幾成熟由“我”話事。服務員細心地講解及建議每邊燒十多秒,熟中帶點血水嘅和牛入口相當Juicy又軟腍，原味不沾調味料已好好味,完全吾腥味。就算七八成熟,口感仍保留軟嫩可口,點上三小碟調味料,又有另一種風味。最後嘅蔬菜令口感平衡。豐富嘅晚餐,除了滿足視覺、臭

初開業既時候來吃過，久未光顧，味道依然！坐位舒適，環境不錯。嘿嘿安格斯吉列牛，兩邊用熱鍋煎下，鎖住肉汁，牛肉偏瘦，但口感都軟腍！肉味濃！嘿嘿吉列嘅外層口感，很香口！如果有配飯就更好！另外有三款醬料，芥末醬，有鹽醬，有岩鹽！配以芥末醬不錯呢！嘿嘿另外叫左一個和牛涮涮鍋 日式醬油湯底 $128，超重牛味，配搭既雜菜很入味，可是份量較小，嘿嘿還有最後的明太子雞翼，熱辣辣，味道正常！去骨雞翼配有明太子嘅鹹香！嘿嘿