琥酌 (已結業)

朋友生日話想試下居酒屋，然後用open rice訂枱一訂就有！同行6個人，嗌嘅種類都可以揀多啲🤤但好多都無影到相☹️例如，有雞翼，兩碟串燒拼盤，一鍋壽喜燒，一碟琥酌飯，仲有呢個燒肉！🤤之前試過唔同舖頭嘅呢啲燒肉，得呢間真係做到入口即溶嘅感覺！🥰 佢除咗吉列牛，仲有3款和牛燒！🤤雖然6個人share每人食得一兩片，但試過都返唔到轉頭🥺最開心喺舖頭嘅職員會同我地吹下水講下笑，仲好好服務！環境都食得好舒服☺️所以回頭率真係100%！

吉列牛無論配菜（蕃薯🍠翠玉瓜同南瓜）都好好味😋吉列牛係黎自u.s.a Angus beef, 佢炸左外面，入面既肉係生既，我地就可以按自己鐘意既生熟程度黎再煎下佢！咁樣另一半鐘意食well done 我鐘意食medium rare都就到👏🏻同埋另一個好處係慢慢食都唔怕d野凍哂，擺返上去煎返熱又得🥰調味料都有3款揀，我就最鐘意就咁點鹽，本身款牛都已經夠好味，點太多蛋黃醬反而失色。呢個雞翼我覺得有d泰國mix日本既感覺，好香好脆，調味岩岩好

是日等埋HONEY收工，去開太子見到哩間琥酌，見到POSTER有吉列牛相，決定試試佢琥酌好有居酒屋既感覺，全店也充滿了燒牛的香味~新興嘅吉列牛，加上不同的日本料理，真的好多樣都想食呵~~我同HONEY點左琥酌丼，頂級安格斯牛吉列御膳同埋明太子手羽燒琥酌丼主打牛肉，見MENU上寫住和牛同安格斯牛肉粒，加上自家製醬汁嘅飯，大大碗的飯就可以試勻兩款不同的牛肉粒，加上少少紅絲同埋蔥絲，同香甜嘅醬汁，真的愈食愈惹味明太子手羽燒明太子入饀的雞翼，真的熱熬的給上，好惹味頂級安格斯牛吉列御膳一碟切好的安格斯肩胛肉給上，一塊一塊放在石板上︿安格斯肩胛肉食下，加上外圍的脆粉，少少筋又有啲油脂，加上配菜，真的牛肉級享受。呢間餐廳牛肉嘅質素好高 ，愛牛的你唔好錯過。

係日本嘅時候揀咗牛舌飯而放棄咗吉烈牛返到香港心思思想食返見呢間好多好評就黎試下先放低咗3款沾醬最底嗰款加咗d黑椒，幾惹味不過我都係覺得最簡單配鹽最好食黎到當然要叫吉列牛啦！顏色好靚！我自己就唔鍾意燒到咁熟兩邊各燒10秒都已經食得！食落牛味香濃，吉列皮好脆，口感好好好快就ko咗成碟！另外好鍾意佢配埋嘅小蔬菜一d都唔馬虎！特別鍾意燒過嘅紫薯！好香滑另外仲叫咗明太子雞翼咬落去爆曬汁，最鍾意食呢d起曬骨，啖啖肉😋另外再叫咗個鰻魚飯，配埋小黃瓜，水準正常不過建議黎到都係食吉列牛🤗

太耐無食過日本野，book 咗黎呢度食返夠本先，估唔到平日呢度都會幾full，好在有book 定枱。呢間琥酌無論舖外舖內裝修都好有日本味道，而且仲幾靚。  見openrice 呢度主打係吉列牛，梗係要點，另外其他菜色都多選擇，同價錢合理，點咗角切魚生飯同名古屋雞翼。 最先上嘅係角切魚生飯，份量都唔少，而店員亦好細心，見我地兩個人點一個飯就攞埋碗同木匙。魚生係切碎嘅，但撈埋之後仲食到同分到各種魚生嘅味道，而加咗菜係飯度加多一重口感，另一樣值得提嘅店家係用磨蓉嘅芥辣，味道比一般膏狀嘅芥辣入口鮮味。  名古屋雞翼，初時只係以為係普通炸雞翼，咬開先知原來雞中翼係去骨嘅，而且落咗少少辣味，而且仲有魚子，變咗似明太子咁，好味。  最後梗係唔少得吉列牛，吉列牛會先上個爐，然後再另外黎一碟排得好靚嘅牛， 有少少配菜有南瓜同翠玉瓜同埋日本番薯仔，仲有一碟醬料。  真係忍唔住食牛肉啦，第一次食吉列牛，第一塊整熟咗少少，但都食得出肉質係靚嘅同埋唔韌，再食就真係兩邊輕輕辣一辣就已經足夠，醬料有三種，一種係鹽燒汁，一種係岩鹽，一種係芥辣醬，如果喜歡食原味嘅加好少量嘅岩鹽吊起肉味已經好夠，個人覺得鹽燒汁有啲麻油味

今次去呢間日本餐廳係因為一邊玩，一邊吃！我叫左一個安格斯盛盒！一上菜就已經比我吸引左，賣相好靚，啲紋路清晰，側邊有啲炸皮金黃色！然後，我急不可待夾兩塊牛上去鐵板燒！職員主動介紹個食法係每邊燒20-30秒，就食得。不過，我個人吾太鐘意食太生，就燒左1分鐘。食落都吾會韌，然且都好重牛味，每人都有4塊！佢仲比左3個醬汁，鹽燒，海鹽，芥末！個人最鍾意鹽燒同芥末，食落同牛好match!最後，驚太油膩，仲有個迷你野菜盛，南瓜片，日本紫薯，翠肉瓜，不過最後先燒，因為製作需時。。。。見到枱面有個迷你餐牌，就叫左一個名古屋雞翼！有4隻！炸得好香脆！不過味道適中，吾算特別：）最後梗係要叫飯先飽肚！蒲燒鰻魚！佢非常肥美，冇乜骨，啲肉質都厚實。不過啲飯有啲水。。太濕。。。可以改善下！其他整體都好好，環境都佈置得超用心，又播下日文歌，令人置身係日本之中。個場冇人係因為我早食飯，一到7:30，全場full house ....大家要訂座呀！！

當晚是平日的晚上7時半，小編與友人共2人一起來吃晚餐。但小編先到達，那麼等朋友的其間就先點菜，然後店員說等友人來到了才上菜，小編意想不到他們會那麼貼心。其間送上了杯熱茶，是麥茶來的，味道挺突出，小小的細節是最會令人留下深刻印象。然後友人來了，食物都隨即送到來，2人共要了1份主菜、1個飯和1個小食。主菜是吉列美國頂級安格斯牛盛合($368)，牛肉約有9片，還有一小碗的時蔬菜，有2個日本小蕃薯、3片南瓜和2件瓜。店員介紹著說旁邊有3款調味料是芥末、紅白鹽和燒汁，小編較注重牛肉的原味，所以不太有用到芥末和燒汁，只用了些少鹽去提鮮。吉列的外皮薄和鬆脆；牛肉每邊輕輕燒了數秒鐘，肉質較軟，肉味較濃，油脂味不多，最適合不喜歡肥膩的小編。比起油份重和肉味濃，當然是後者最令小編滿足。然後是角切魚生飯($118/大)，粒粒的魚生和沙律菜遮蓋了壽司飯，但裡面壽司飯的份量都算多，而上面一片片的酸薑很醒胃。明太子手羽燒($48/2隻，平均$24/隻)，一咬開就流出肉汁，再加上豐富的微辣明太子，啖啖肉真是滿足。最後結賬2人共$534，每人$267，這個價錢吃到了牛肉、魚生和雞肉算是不錯，最重要的是服務好。

近年不時都會見到有主打食日式吉列牛既餐廳 今日就畀我發掘到喱間又平又好食既正完吉列牛啦黎到喱到就見到 店內裝潢主要以日本居酒屋做大概念 一入去就感受到陣陣日本氣息 千其唔好以為居酒屋環境就好細 喱到坐得好寛敞好舒服 配以稍微昏暗既燈光 放鬆哂主打既吉列牛叫左無耐已經送上 食吉列牛最怕食到好多粉 但係琥玓 每舊牛既表面都只係一層薄薄既粉漿 脆得黎唔油膩 炸漿中間夾住厚薄均勻 嫩滑既安格斯牛肉 一啖一口 配搭得岩岩好 滿口都係吉列牛既香味 附以店內特製既柚子胡椒 芥茉 或岩鹽 勁勁勁回味啊 另外琥玓亦有唔少其他食物選擇 其中我最滿意既就係喱個 蒲燒鰻魚丼 。 我本日係少少魚都唔食架 最怕魚腥味 但食喱個飯就一d問題都冇 鰻魚本身肥美啖啖肉 燒汁好香 份量都好夠㗎 無飯不歡嘅人記住一定要嗌呢個飯啦

好耐没見的朋友，想約吃D好嘢又可以傾吓偈嘅地方，於是諗到吃日式餐，而講起吉列系列啲嘢好似未試過吉列牛，因為咁，喺openrice找到呢間琥酌，專吃吉列牛嘅地方，有尖沙咀同太子2間，大家都就腳嘅話就係太子呢間，好近太子地鐵，行1、2分鐘就到。午餐有D嘢吃係原價8折，仲免加一。我哋两人點咗安格斯御膳同汁燒雞扒便當，安格斯御膳有吉列牛，配菜係南瓜，翠肉瓜及日本小番薯仔，仲有白飯，麵豉湯同埋我鍾意嘅溫泉蛋，有個爐畀我哋自己燒吉列牛同埋啲配菜，烧埋D火也用盡，計得好準确吖。未燒時只見吉列牛出邊脆皮金黄色，入邊鮮紅色，由於粉漿不是太多，燒熟後两者已合為一體，肉味濃郁又juice ，好吃。汁燒雞扒便當亦同樣豐富，飯，湯，沙律菜有齊，而最緊要主角汁燒雞扒又多又好味。

喺太子經過呢間琥酌門口，被它的招牌吸引入去了。餐廳燈光比較暗，但很有日本風，有種好安靜嘅氣氛，令人感覺舒服。🧡頂級安格斯牛吉列御膳 $368外脆內軟的吉列牛選用了美國安格斯肩胛肉食真係好吸引🤩🤩🤩吉列牛只要放在爐上，每邊各煎20秒，便可以食用。有三款醬汁提供，蒜汁、岩鹽、芥茉醬。安格斯肩胛肉肉味香濃，以吉列方式煎香，不用任何調味，一放入口已經感受到牛味嘅濃郁。還配有翠玉瓜、蕃薯🍠仔和南瓜🎃作配菜。🧡明太子手羽燒 $48將明太子放入無骨嘅雞翼內再炸，外脆內軟，食到啖啖肉。另外，雞翼尖亦炸得非常香脆，還可以慢慢咀嚼。🧡切角魚生飯 $118整體來說魚生飯不錯，有三文魚、玉子、魚子和沙律菜等。如果魚生可以切大件一點會更好。

朋友是個非常喜歡吃牛的人，今晚佢又帶我去到以食牛為主既哩間日式居酒屋，食即燒吉列安格斯牛肉，我睇完餐牌後叫左份明太子手羽燒 & 蒲燒鰻魚丼(大盛)，睇反餐牌先知原來朋友叫果個吉列安格斯牛肉係採用牛的肩胛肉，而肩胛部份是牛經常會運動的部位，因此筋肉會比較發達，肉質就較結實。店員先放下一個黑色的小鐵爐和三款調味料(分別係芝麻醬、芥末醬和粉紅色喜馬拉雅山的鹽)，過了一會兒就端出一碟排得整整有齊的吉列安格斯牛肉片出來，望落顏色桃紅新鮮，肥瘦分佈均衡，旁邊還伴有些南瓜片、翠玉瓜片和日式小甜薯，店員隨後送上明太子手羽燒及蒲燒鰻魚丼盒，我地就先品嚐明太子手羽燒，一咬落雞肉內的明太子醬汁巳爆出，味道唔會太咸，這種配搭幾特別。這時店員再次來到，為我們點起小鐵爐的火，朋友開始燒牛肉片，燒了一會便熟了，我先點了些芝麻汁品嚐，味道清清地，而牛肉片在毫無醃製過之下燒出來依然保持鮮嫩，咬落有少少筋位，有口感。朋友一邊負責燒，我就畢蒲燒鰻魚丼食，鰻魚食落肥美多汁，而飯當中還配有蛋絲和紫菜絲，一啖飯配埋安格斯牛食更是極上享受，正

見到好多人都推介呢間餐廳今日特地跟朋友來食晚飯🍽頂級安格斯牛吉列御膳餐廳的招牌菜 大約有十件 每件大約1cm厚牛肉仍然處於半生熟狀態可依照個人的生熟喜好 大約燒15-40秒牛肉油花分佈平均 肉質好嫩滑跟餐配上三種醬料 分別係柚子胡椒 海鹽和芥末個人最喜歡海鹽 可帶出牛肉的鮮味🍽蒲燒鰻魚丼鰻魚大件厚肉 肥美嫩滑有入口即溶的感覺飯的份量頗多 飯粒分明 口感略硬🍽明太子手羽燒雞皮燒到好脆雞肉仍然保持嫩滑中間釀入了明太子 份量都唔少明太子的咸香跟雞肉好夾味道平衡得岩岩好餐廳位置方便 近太子鐵路站裝修簡潔乾淨晚市頗旺場 建議訂位

朋友今日介紹話佢試過呢間新開既餐廳，佢地出名係食吉烈牛，我心諗吉烈豬就食得多，吉烈牛係咩玩法呀。牛吉烈御膳，一人一個煎pan，一人一個set，無論食物，擺放或爐具都頗精緻，傳承左日本既賣相。店員會逐一介紹吉烈牛既煮法同食法，每面各煎30秒就 perfect 喇，仲有醬料同調味都講解埋。原來呢一隻吉烈牛係外面吉列，裏面係生嘅，再煎一煎，煎返自己鍾意既生熟度，所以牛肉非常之嫩滑，牛肉味又好香，而且肉汁又多，而且有好多調味料去配搭，加埋調味料都好好食，好正。鰻魚飯嘩~~~好香鰻魚香氣，而且大大碗，每粒飯粒粒鮮明，鰻魚汁亦都沾上飯粒，鰻魚好鮮好香，加埋鰻魚汁，一流估唔到呢間餐廳既吉烈牛咁好食，呢個食法令到牛肉可以保持滑嫰，而且地點方便，有多款食物選擇，絕對值得一試！

琥酌好有居酒屋既感覺，全店也充滿了燒牛的香味。牛肉脂肪比例好均勻 出面有一層薄薄嘅吉列炸粉 然後放上熱辣辣嘅鐵板上面 聽到煎肉嘅嗞嗞聲 真係聽到都流口水🤤 煎好咗嘅吉列牛唔算係入口即溶 但係油香好重 全個口腔都有嗰陣牛油香味 最後食埋配菜 翠玉瓜同南瓜煎完之後都好香牛油味呀🎃首選當然是主打的頂級美國安格斯牛，配椰菜沙律及漬物。一碟十件，長長方方、厚薄均一，高溫脆炸外層，安格斯牛的紅嫩潤澤巧妙保留。待會的鐵板燒，店員建議輕煎大約30至40秒便可以；由於鐵板溫度頗高，落板前後20秒可到7成熟。入口軟腍、牛味突出；配料的海鹽和tartar混芥末醬，尤其鍾意。和牛涮涮鍋 牛肉上碟嗰陣仲係半生熟嘅 又有好多蔬菜係底 有金菇 娃娃菜 冬菇 豆腐 蛋 仲有大蔥 和牛食落口肉質鮮嫩 牛味好重😻😻湯底係傳統日式湯底 但係唔會係好甜嗰隻 味道啱啱好！

天氣開始轉涼特別想吃烤肉類的料理，發現這間店的午市優惠，和正價時段相比有30%的折扣，決定試一試。午膳時間快完還坐得很滿。店內環境是日式居酒屋設計，燈光柔和，清潔乾淨。這是烤肉的爐具，很有趣的形象，格調也很高級。一份安格斯御膳送上，有湯有飯有蛋還有蔬菜，很豐富完善的感覺。主角的吉列安格斯牛，是未煮的，雖然筆者並非專家，但從它們的紋理分佈也感覺到味道和口感絕對不簡單。味增湯有酒香，沒有味精。日式生雞蛋，可以拌日本米的白飯吃。加點醬油或沾上牛肉的肉汁更添美味。比較受歡迎的蔬菜，南瓜和一口番薯。開始烤了！筆者是5成熟以下的愛好者，造型優雅的火爐熱力也不低，牛肉放上去馬上發出滋滋的聲音，然後，散發出讓我至今也忘懷不到的香氣！至今都也幾十個年頭，每年也會燒烤至少2次，但這次所聞到的牛肉香氣既濃郁又柔和，就像慢慢地滲入嗅覺神經揮之不去一樣。烤好的牛，急不及待吃下口。肉汁鮮甜，肉質軟滑，不愧是高級料理。如想增添口味，還可以霑上不同的醬汁。最後的山椒汁最能釣出牛肉的鮮味，筆者誠意推介。好像很簡單的配搭，一塊肉，一口飯，缺是最高級的享受。完食照。到今天已經3天了，如果你問我高級的牛肉是什麼味道，我的腦海