琦興餐廳

營業中

休息中

好多食評介紹炒麵好食。今日特登過嚟試吓，門口姐姐好好禮貌，不妨試吓。入邊仲係播緊 Viu TV😀有品味！淨係咁都值得再幫襯。港式70年代裝修，最鍾意喺地下啲紙皮石。真係買少見少👍有免費例湯都幾好飲。叫咗個豉椒排骨炒麵，熱辣辣，汁份量啱啱好又唔太鹹，麵好脆。豉椒洋蔥同埋肉比例啱啱好，份量都算可以。最緊要就係啲排骨冇雪櫃味好入味。唔似一粒粒固定size 嗰隻冰鮮肉樣。平靚正，值得推薦。見到佢有巨型炸雞髀🍗，下次一定要試吓！

琦興出色小菜茶餐廳。係深水埗橋底布市場，附近便是新型的住宅大廈，搵到間質素唔錯嘅茶餐廳食中午飯。佢地星期一至日都有唔同既特餐，價錢$50-70包飲品。當日叫左一個泰醬吉列豬扒大碗菜飯同埋沙嗲金菇肥牛撈米。吉列豬扒外脆內軟多汁，好驚喜，個菜飯有菜粒蛋黃會粒飯都被蛋黃包住，金黃入味，最重要係炒飯炒得好乾身一啲都冇油，證明火候補救，炒工出色。另外沙嗲金菇肥牛撈米，肥牛質素一般，但係芡汁撈埋個米粉非常入味。

撇開繁複調理，回歸最貼地嘅美食體驗。今次來到呢間餐廳，先嚟個「一品煲仔飯」，啱啱好嘅香氣伴隨嗰啖啖飯粒，啖啖都係米香唔講笑，食落口感之豐富仲要夠哂料，雖然唔夠飯焦嚟個滿足感，不過總體黎講都算係正！跟住嘗下「海南雞」，肉質唔夠後生仔滑，但香滑得黎，仲有清甜嘅湯底同油菜，鲜味十足～不過有啲咸，加把沙沙薑蓉就舒服多啦。🍚🐓然後「黑椒牛柳粒」，咬落去彈牙得嚟唔韌，好有嚼勁，個黑椒味夠晒撩味，同埋配搭嘅薯仔同彩椒送飯剛剛好。最後，成個餐飽肚之餘，每個味道都記喺心底，真係話平民化美食都可以咁有驚喜！整體黎講，呢次嘅食物之旅，可以話係雞同牛之間嘅完美對話，各有特色，合埋一桌，就係一頓好飯。大家有機會都可以嚟試吓，唔怕你唔鍾意，就怕你太愛食！👍💯

噚日嚟到間餐廳飲杯傍晚茶，揀咗三樣小食—沙嗲牛米，火腿奄列同雲吞米線。第一啖嘅沙嗲牛米，陣陣花生香和微微辣味揮不去，肉質滑溜，咬落去彈牙過癮😋。再轉戰奄列，火腿香脆得嚟又唔太肥膩，焗得金黃色，一啖落肚，暖笠笠好滿足，真係食落超有屋企嘅feel！而言到最後，潮式雲吞米線嘅雲吞，實在係块面般大粒，餡料豐富，鮮蝦彈牙，一啖鮮甜，好過癮！米線質感爽滑，湯底清鮮提神。雖然身為美食博主見過大風大浪，但呢餐簡單茶餐都完全可以打動我嘅胃🤤。最後伴嗰壺奶茶，香濃得黎又不過甜，個個飲完都歎服。就算環境唔算太寬敞，但整體嚟講，今次嘅飲食體驗真係過癮滿分，下次還要再嚟試試其他嘢喔！🍴🥢🍲

老闆一家人移咗民，唔理住宜家d員工係乜關係。但服務比起以前真係爭好多。夜晚可能外賣比較多，我「舉手叫唔該」咗3-4次，嗰阿姐係抱住一個有萬能key的心態次次答「嚟緊嚟緊嚟緊…」跟住就走咗，而聽得出佢個語氣係「我應咗你啦，當問題解決咗ga啦」。因為佢真係好理直氣壯咁快快脆應我，而又理直氣壯咁直接走咗，3，4次都係咁。最後我特登搵另外一個阿叔嚟幫我落單。阿叔行過嚟，表情+語氣係「咩事？你想點？」。我講緊我order嘅餸時，阿叔兩次打斷我問到「你落咗單未？」第二次時我都不耐煩答佢「未吖，你係第一個願意停係度幫我落單嘅人」 之後同佢地要碗仔，加白飯，要外賣盒都係要不停咁叫多幾次先有。食物質素咁多年我覺得都ok好味嘅，羊腩煲我都鐘意。但整體服務真係比以前差咗好多，唔知係咪員工年紀大，精力有限，所以呈現出的質素偏低。

街坊小店，一向叫開外賣，睇到佢哋推煲仔飯，就行過嚟試吓堂食。收銀姐姐同車手姐姐都好好人士，呢樣要讚。 老闆開post推光頭仔處理煲仔飯，所以叫開外賣嘅我就特登行過嚟試吓，天氣凍凍地食熱辣辣嘅煲仔飯，真係冇得輸。飯焦控制得恰到好處。加幾蚊又可以有飲品，一邊食熱辣辣煲仔飯，一定要配一杯凍飲先得。😜我相公鍾意食羊肉，所以叫咗呢個$268嘅羊腩煲，份量好多，送一碟生菜，羊腩煮得好腍，不過唔係好似雞煲咁可以加幾蚊叫飲品。下次會試雞煲。凍凍地都係想烚吓烚吓，就加咗三款配料，但係都係食唔晒。每款好似係，有啲$48？唔記得咗。因為係茶餐廳嘅緣故，款式梗係唔會好似專門打邊爐店咁多。

今日殺出大角咀，去咗深水埗下午茶，佢嘅下午茶分量十足！大過好多餐廳嘅午餐！！今次我叫咗星洲炒米，同熱齋啡，$50都唔使，星洲炒米大大分，惹味又唔油膩，不過齋啡就苦咗少少，不過好香濃， CP值好高吓！😳😋

喺深水埗一個人食飯，心思思醒起好耐之前試過琦興嘅咖喱好惹味咁啱喺附近就入去諗住再試下！ 睇緊Menu 嗰陣發現$60 有找就有個無骨海南雞 油飯 仲有油菜同老火湯 先講無影到嘅老火湯 上枱熱辣辣 而且飲過好順口 沒有味精係西洋菜煲豬骨 菜無渣 湯夠清甜再講最緊要的雞 雞味算濃 特別在個汁唔係傳統帶酸的味道而係酸中帶辣夠開胃 食完一嚿再一嚿油飯送上嚟時碗邊有啲油呢個係有少少要彈嘅 不過街坊生意要求不能太高至少食落粒粒飯都帶油香 有咬口 菜就中規中矩當係解膩總結係夠抵食 整體滿意可以符合一餐有湯有飯有肉有菜嘅要求！

今次係連續篇因為午餐就去完筲箕灣食咗個極失敗嘅安利魚旦河😡所以到到下午茶時間已經肚餓😫咁就fd 問有冇好食嘅炸雞脾🤔甘呢個時候上網摷吓啦⋯⋯因為我哋已經出返九龍見綱上推介就決定呢間一去到感覺舊舊地帶點懷舊睇吓餐牌就見‘巨型炸🐔脾’🤤🤤🤤🤤配紅豆冰、菠蘿冰另加$5可配薯條、沙律甘2個人梗係各一🤓杯冰冇咩特別囉🤷🏻‍♀️炸脾一到⋯⋯⋯⋯⋯😲好大只😂😂薯條系鋸齒個款、而我就配沙律不過就因為我又配菠蘿冰原來個沙律全部都系菠蘿😂😂不過沙律味道唔錯個巨🍗肉厚多汁皮脆肉滑👍🏻👍🏻👍🏻真係好好食一定會再去食炸巨🍗

係時候要寫喺屋企樓下間琦興茶餐廳啦，作為深水埗平民價茶餐廳，選擇非常之多，有小菜有蒸魚🐟，冬天有煲仔飯🥘，有羊腩煲🐐，每日有精選午餐，有7樣野比人選擇，仲有車仔麵，服務態度非常好，始終做街坊生意，態度好同價錢平民化係必須😁，至於裝修方面就正常啦，環境衛生亦唔會太差，我會比3-4粒星，茶餐廳真係要求唔到咁多，但lunch時間因為附近多地盤又多住宅，所以lunch好多人，而我平常唔係食車仔麵就係食佢精選午餐嘅蒸水蛋（唔係日日有），佢個蒸水蛋蒸得好滑，好易入口，而冇蒸水蛋嘅日子，我通常都會食常餐，常餐嘅配搭，你可以同服務員講想要啲乜，佢哋通常到可以安排到俾你👍🏻，每日買單都係45蚊，所以lunch諗唔到食乜，可以嚟呢間試下，比較多選擇😉

好久沒有吃荷葉飯有種懷念的味道～整體都走中規中矩的路線炒飯倒是粒粒分明的好吃不過腸粉系列還是要有🦐在裡面比較對味😅奶醬多麵包好薄，食唔到多士口感，奶醬足夠甜。

尋晚因為係V Walk睇戲，商場既野都唔岩食，所以搵左附近既餐廳幫襯，呢間估唔到有驚喜，可以再黎，因為員工/唔知係咪老細啲態度都好好，而且可能唔多人，我同男朋友2個人都可以坐卡位，而且呢度可以叫小菜 比係出面食小菜既係平啲，大約$60-70就可以包一碗飯同湯同野飲，選擇都好多菜式，味道都中規中矩，佢既服務態度都已經值得再幫襯，環境方面裝修都唔錯，有種懷舊既味道。雖然味道方面真係唔算好好，但以呢個價錢係可以接受，份量都ok

離晒譜勁好食囉。有炒蜆嘅雞煲真係第一次食。本身覺得啲重口味嘢應該唔啱自己。點知一食一口接着一口。隻雞好滑。本身唔食得辣，所以唔係叫咗好辣。同老細講聲就得啦。本身老闆同埋事頭婆都好後生。一路食一路傾偈份外有親切感。本來只係覺得搭單多一碗湯。火候十足黃瓜夠淋，好有屋企媽媽嘅味道。最衰面皮唔夠厚，如果唔係問佢可唔可以飲多碗。加多杯鹹檸七，打邊爐點會唔飲凍嘢，飲番杯鹹檸七勁爽。食完個雞煲，我哋叫多個煲仔飯，飯夠林，有料到有飯焦。凍凍地去食。成個人暖笠笠。

成日經過呢間茶餐廳都冇試過，就趁今日假期就叫外賣自取試下，叫咗海南雞飯套餐同肉絲炒麵，海南雞賣相唔錯，味道都幾好，但佢個油飯就很差了，飯一嚿嚿又凍又硬，反而個肉絲炒麵就熱辣辣，可惜好多鑊燶，一路食一路㨂出嚟，餐湯就紅蘿蔔冬瓜湯，味道ok!整體呢間啲嘢食真係一般，應該唔會再叫！

經常都經常琦興，但好少入去光顧。今日食飯時間鬆動啲，終於可以一試。今時今日$47一個午餐包湯一杯飲品，已經唔多茶餐廳做到。肉絲份量足夠，味道都十分好，略厭少左啲鑊氣。#要搵間酒店比較下#招做打手翻食指數