甘の季節

營業中

休息中

我叫了兩碗糖水，還加了湯丸，結果兩碗都漏了！真是讓人失望。坐在那裡半個鐘頭，卻被告知時間到了，必須要趕人走。這種情況我從來沒有遇過，吃糖水竟然還要這麼匆忙，實在讓人感到不舒服，讓我對這家店的印象大打折扣！希望下次能有更好的體驗。

聖誕節食完咁晚飯，梗係要食返個糖水先至滿足四個人叫咗三款糖水，由於堂食條隊太長，所以叫咗外賣返屋企慢慢嘆蓮子陳皮紅豆沙$36陳皮紅豆沙有陣陣嘅陳皮清香，紅豆煲到起沙又唔會太甜，真心推介蓮子亦都夠鬆化，煲到溶溶地都幾好食椰汁紅豆芋圓$38椰汁暖暖地冬天食完暖笠笠，芋圓好煙靭配椰汁食幾好味紅豆亦都係腍腍地起沙，成個配搭都幾好食椰汁涼粉芋圓$42另外叫咗個凍嘅涼粉芋圓，呢個相對冇咩特別凍嘅椰汁冇咁好食，下次都係叫熱嘅好食啲

第一啖係細細個食嘅退燒藥水味，上面有粒士多啤梨，綿又唔可以稱得上綿，然後就冇然後了。$92搬呢舊冰出嚟我真係呆咗，只可以話呢個價錢有更多好選擇🤷🏻‍♀️食咗一半真係食唔落去，成肚氣走出去，見到好多人排隊😦可能只係個冰伏，其他嘢可能好食)?

去尖沙咀睇恐龍🦕化石，搵食，一早bookmark咗甘の季節，帶埋屋企人去。自己叫咗桂花芋圓涼粉$45，桂花糕冇乜桂花味，芋圓彈牙，涼粉皓耐冇食，呢期食仙草多。屋企人叫涼粉楊枝甘露，芒果🥭甜，楊枝甘露西柚有口感。坐得都舒服😌，每人至少要叫一樣甜品。

琴晚好開心，同個朋友食完西餐仲未傾夠，一落樓下見到間細細地嘅甜品店，二話不說入去食個desert再傾過。用手機點單叫咗兩個楊枝甘露，我同個friend都鍾意食芒果，佢要芒果加雪糕，我要芒果加涼粉。雪糕只有雲呢拿一款，撈埋啲西米就好快溶，所以阿朋友話要食得好快，佢仲加咗芋圓，但我唔鍾意芋圓嘅口感，好硬。我嘅芒果楊枝甘露加涼粉配搭就好完美，芒果仲係時令季節，夠甜，加埋涼粉，一軟一爽就好夾。值得一題係有位女員工好好，走嚟提醒我用手機落單嘅配搭會叫貴咗，幫我改返，服務態度相當好。埋單100蚊多少少，兩個甜品份量十足，喺尖沙咀呢啲咁嘅地段價錢算好合理，而且坐得好舒服。

我們於21/9（六）晚上八點🕗去到，都幾多人食糖水，用QR code下單。店員已經講明一人一碗。另外，亦有不少內地客人幫襯。❶芋圓桂花涼粉（$45）：見到一次可以滿足3個願望，加上有桂花啫喱咁得意，於是我就試吓。芋圓有幾款顏色，但食唔太出乜嘢味😹而桂花啫喱就清清淡淡，涼粉切到正正方方細細粒。不過值得一讚嘅係涼粉唔苦（試過有些店涼粉是苦的），夏天消暑一流👏🏻❷熱花生腰果合桃糊（$38）：重nuts味，磨砂口感埋單唔可以碌卡，但就有其他電子支付平台🤣餐廳樓面較窄，如果要去洗手間🚻，要穿過走廊，比較適合身型瘦削的人士🤪

我嗌左❤️紅豆西米芒果粒雪糕涼粉加左$8嗌芋圓加左$5嗌雞蛋🥚有齊晒我最鍾意嘅雪糕、涼粉和芋圓！😍😍超滿足呀！一次過滿足晒我所有願望！😍😍😍加左酸酸甜甜的芒果🥭水果，正好可中和紅豆🫘和雪糕的甜味～👍🏻紅豆🫘西米和煙韌芋圓為甜品添上豐富口感～😋雞蛋🥚原來會另上，可以保持熱度👍🏻。食完凍甜品食番粒熱騰騰嫩滑雞蛋很不錯呢～😋朋友嗌左❤️椰汁桃膠芋圓揀左凍食桃膠好大舊😍，好足料！👍🏻睇見都覺得好滋潤～🥰加左$5嗌雞蛋🥚加左$12嗌雪糕🍦

我從來都不會想食評的，我叫Keeta 外賣，落單後，不夠5秒打電話去更改轉熱糖水，店員同我講已經煮好，不可以改的、我反問一句糖水是立即煮？員工態度非常惡劣。這間糖水店用永遠不要去。

平日晚上九點多三人入座，大約食咗廿零分鐘 仲有一碗未食完侍應就過嚟收走食完嗰兩碗，然後話：「唔好意思 今晚比較多人 好多人喺出面等緊不過你食埋先」咁唯有即刻埋單走啦，再坐落去就阻人做生意明白香港地生意難做但係咁樣趕客走真係令人不太愉悅唔會再有下次

甘の季節🥣係一間傳統中式糖水店，用木系設計為主🪵店舖位置唔係好大，坐位吾多🪑亦都有少少迫😖所以去到夜晚店外就會大排長龍⏳️🍑芋圓桂花糕涼粉🏵裡面有涼粉，桂花糕，同芋圓。最底層就有好多涼粉，味道正正常常🤭而上面就有唔同口味芋圓，仲有桂花凍🏵桂花味比較淡，而芋圓食落去幾煙韌👍綠色嗰隻味最特別💚整體驚喜唔會好大，分量比較細碗🥣味道唔會好甜🤫配返一個桂花糖水會更加好食🍯🍑楊枝甘露🥭裡面有芒果汁，西米，仲有芒果粒🥭隔離仲有花奶🍼比你倒落去，味道唔會太大驚喜，芒果粒唔會好酸 ，芒果汁味道幾好味🥰🍑芒果椰汁西米露🥥裡面有椰汁🥥芒果粒🥭同西米。同楊枝甘露嗰款好似，芒果粒同樣食落去幾甜，椰汁比例都幾好🥥飲落去唔會太刺激，甜度剛剛好🍑 紅棗雪耳糖水🥣雖然非常普通，但我幾鍾意，冰糖味道唔會過甜，飲完非常舒服🤭又潤喉。而雪耳亦都好淋，唔錯

下午茶唔想食澱粉質，中式甜品就係我的comfort food. 在尖沙咀街上發現這間「甘の季節甜品」，估唔到這家甜品店是燒肉店「燒肉男」的副線。店內簡約的佈置，小清新風格，作為甜品店非常舒服的用餐環境。原本以為甜品店走新派創意路線，看看甜品餐牌不乏不少傳統中式糖水。炎炎夏日小編揀了清涼開胃的「椰汁芒果西米露 $42」 以前想食芒果甜品就會去「許留山」，自從結業後，要食芒果甜品就不太容易。這個椰汁芒果西米露 ，芒果肉粒多而且爽甜，加上椰汁及西米露越食越開胃，作為下午茶是個不錯的選擇。

而家係香港搵間開夜啲嘅甜品店其實好難 大部分鋪頭都好早截單行左好耐終於見到間睇落唔錯嘅甜品鋪鋪仔細細 坐上嚟有啲迫甜品以中台式為主 與朋友點了楊枝甘露 椰汁西米露 椰汁桃膠芋圓甜品味道中規中距驚喜在於每人都另點嘅雪糕 因為實在太熱🥵雲尼拿味道有雲尼拿籽 超好食又唔會過甜 大推

📍尖沙咀 - 【甘の季節】尖沙咀堪富利士道6A號地舖（港鐵尖沙咀A2出口，步行約2分鐘）⁡同朋友喺尖沙咀食完飯，仲想繼續傾吓偈，於是搵咗呢間甜品舖食個糖水🙈⁡店舖雖然有啲細，但係裝修企理舒服，木系裝修，小清新嘅感覺。⁡店外都幾多人排隊，都等咗幾個字先入到，朋友叫咗《楊枝甘露》，我就叫咗《椰汁芒果西米露》，我同朋友都一致覺得《椰汁芒果西米露》比較好食😋椰汁夠凍，帶住自然嘅甜香，芒果新鮮，食完有fresh嘅感覺💕⁡⁡

由坐低點餐、進食至離開，女職員每次經過都會被他撞到，最基本都要說對不起，畢竟我都是顧客，但佢從來都沒有說對不起！或撞到人之後，下次經過應該要小心留意！女職員完全沒有這個意識！簡直係貼錢買難受！當我離開時，佢企咗在門口，我叫佢讓開，佢完全是充耳不聞，真不知道這間舖頭，為何會雇用一個這樣的員工，聽他說話的口音，應該是從國內來，我不是歧視中國同胞，但是他的態度10分粗魯和惡劣，留給我一個非常差的印象！總之係一肚氣，我以後都不會再光顧！

同老公係尖沙咀食完飯行去搭車，見到一間甜品店大排長龍，好奇望下個餐牌幾吸引，主要以傳統中式糖水為主，我見到有一個芋圓桂花涼粉幾特別，考慮左一陣就排隊啦。📍甘の季節 (尖沙咀)我哋食左：🌟芋圓桂花涼粉桂花好清新，彈牙，桂花粒粒粒分明，好有咬口。 芋圓正常，但是數量唔多，如果多啲就更好。涼粉比較多，如果涼粉同芋圓比例再調正下會好啲。🌟椰汁桃膠西米露呢個甜品好有驚喜，唔怪得差唔好台台都有食。椰汁🥥超濃郁，絕對係我想要嘅嘢，桃膠都唔少，呢個糖水值得一試。總結：糖水位置方便，雖然係傳統中式糖水為主，加入左新元素，保留傳統中式糖水既味道，又有新鮮感。我見核核露都好濃郁，下次可以再試。