甘永泰魚蛋 (已結業)

早去長洲，去左買甘永泰魚蛋，唔算好多人排隊。丸類眾多，不過我都係試返正常魚蛋。一串五粒白魚蛋，即叫即炸，熱辣辣不過就相當油，最好就搵張紙巾索一索。咬落去好彈牙，亦相當有魚味，不過真係太油，下次未必會encore。

年初五同屋企人去長洲玩，黎到當然要食成日比人吹捧的甘泰白魚蛋，見呢間排晒長龍應該係好野。排到去已經見門口兩個阿姐黑晒面係咁鬧客，人地拎錢慢呀，問多句都比佢鬧，這種服務態度實在要不得，咁唔鍾意咪唔好開擋囉。買左4串白魚蛋，屋企人食完都覺得好一般，可能長洲無咩好食，呢啲叫做寶，但衣家長洲美食係出面都食倒，唔需要突登入黎食，過多遊客的確做成當地居民不便。

長洲不知不覺間已靜靜成為咗大部份港人嘅週末好去處，一到週末就會人頭湧湧好熱鬧。今次我就入咗去搵一位住長洲嘅朋友，順便去掃下街瘋狂食小食!第一站，當然係去甘永泰食炸魚肉豆卜，魚肉豆卜豆卜新鮮即炸，入口熱辣辣，正呀!!好味過大魚蛋..三文魚拼芝士丸另外，仲試埋呢個 三文魚拼芝士丸，三文魚丸水平一般，沒有太大驚喜，食落感覺就係有啲類似蝦卷嘅味道，至於芝士丸就算足料嘅~再加上都係剛炸好，一咬開芝士係咁湧出嚟，收貨! 

長洲嘅大魚蛋開到一街都係，其中有一間有好多款醬汁揀嘅就最受歡迎。 不過為食豬對於醬汁冇特別喜好，就揀呢一間比較出名嘅。為食豬要咗一串大魚蛋同一串墨魚丸。因為多人柯打，啲丸係即刻炸返熱俾客人嘅。大魚蛋一串兩粒，每粒有大約3粒一般魚蛋咁大。大魚蛋咬落好彈牙，魚肉味偏淡，的確比較適合配咖哩汁吊下味。為食豬就比較鍾意墨魚丸，一串有4粒，炸過嘅外皮令墨魚丸更香，同大魚蛋比濃味同鮮甜，而且有粒粒墨魚。就咁食唔需要任何醬汁已經好好味。

大排長龍都堅持排都食到為止嘅甘永泰始終最愛都係三文魚丸加芝士丸！芝士好香濃，而且有流心效果。三文魚亦都非常香同埋鮮，真係好好食！15蚊一串價錢尚可接受。另外仲可以買走翻屋企架。

閒日的甘永泰，沒有人排隊，友人原本想買炸魚條，切開即食，但姐姐說只可以買回家自己煮，只好買一串炸魚蛋。炸魚蛋看著姐姐放進油鑊炸熱數秒，便成。魚蛋很細心用㕑房紙包住，既可吸油亦可避免弄髒衣服，十分細心。以前吃過甘永泰，在假日人多的時候，魚蛋keep住新鮮炸，格外香脆，但今次吃起來魚蛋外皮不脆，亦有陣陣油益味，魚蛋略硬，應該是預先炸過後攤涼後有人買再返炸，像隔夜一樣，味道十分失望。

其實我覺得$15一串炸豆卜係有d貴，但我都仲係會忍唔住買，因為真係太好食。基本上我黎親都係買炸豆卜。佢將豆卜一開二，每個豆卜兩反轉，之後再係黃色個面釀左d魚肉，因為豆卜反轉左，所以炸既主要係豆卜入面“岩岩慚慚”個層豆乾。我覺得呢個做法真係好聰明！好簡單就可以令豆卜變得更脆更好食！當然佢個魚肉既調味都唔錯啦，仲好彈牙！所以$15都仲係有價有市既！

每一次來長洲，一落船，就會先來甘永泰排隊買魚蛋。這裡即叫即炸，熱度剛剛好，亦不會浸熱水使魚旦無晒彈性。每串魚旦有廚房紙巾包裹，可以吸去多餘油份。大魚旦是必買的，又彈牙又有魚香味，好吃的魚旦是什麼醬料亦不需要的！另外，推介豆腐卜魚旦！炸過的豆腐卜非常香脆，無懼「熱氣」的朋友可以試一下啊！

第一次去長洲，當然要食地道小食啦首先食長洲出名大魚蛋咬左第一啖，嘩! 好彈牙 又有啲肉汁，好味但原來第二樣仲好食炸魚肉釀豆卜外脆內軟，口感好好，忍唔住要encore 同場再加上三文魚併芝心丸芝心丸熱到可以拉絲 但三文魚丸麻麻

入到長洲.不能不甞甞甘永泰魚蛋吧!啊呀~~很有特色哦,排長龍......排囉買左啦,特色大魚蛋$10/2大粒,普通魚蛋XXXXL碼,味道無特別,周街都食到嘅魚蛋味.另外買左串炸釀魚肉豆卜,因本人頗喜愛食豆卜,豆卜劏開反底釀入魚肉再炸,魚肉欠味炸得唔夠脆口,兩串食物都唔夠熱,實在無乜特別,純粹嬴在人氣和活在長洲囉!食街頭小吃乜醬汁都無,需則明白食原味才是食出最鮮味,卻因某些原理如果有一些醬汁點綴一吓總能將美味昇華!排長龍......排囉

假日去長洲度度排長龍都在所難免啦知道依檔出名大粒魚粒所以我地都排一陣啦拎上手都真係好大粒熱辣辣比乒乓波還大食落都好似炸出黎可能經過炸過，所以去除左個腥味未至於燶，幾彈牙，爽口建議同朋友一人一粒就岩岩好啦始終新鮮炸出黎熱辣辣又真係無得輸

好好味的魚蛋！我最鍾意食白色魚蛋首先魚蛋炸到熱辣辣已經好味魚肉有鮮甜的味道而且完全唔會食到魚碎骨最尾仲買左半斤回來享用但... 一叮就縮縮地水所以都係堂食最正！！

差唔多成2年冇黎長洲，唔知由幾時開始每逢假日長洲就迫到瀨屎醒目既我當然係揀平日入長洲啦，先至夠休閒架嘛黎到長洲要做乜相信大家都有明顯既目標大魚蛋呀芒果糯米滋呀手卷呀個價錢年年升，但每次入到長洲都情不自禁地買黎食首先我係對大魚蛋冇乜興趣既，因為佢只不過係將一串魚蛋變左做2粒大舊D既魚蛋姐冇咩特別！！所以我黎到就嗌左個「魚肉釀豆卜」點解？因為我鐘意食炸野囉講真佢又真係炸得幾好食，姐係平時係市區一定冇呢味小食叫但係今次就令我好失望！！！！！因為個魚肉釀豆卜　係　凍　既　！！今日係星期二，連甘永泰都靜到PK既日子我去買既時間個呀姐唔休做咁既樣收左錢之後就將佢唔知放左幾耐既魚肉釀豆卜俾我仲記得上次黎既時候係魚肉釀豆卜係岩岩炸好熱到辣口，今次個個係凍冰冰味道係好食既，炸到趣卜卜，但係因為凍左既關係所以扣哂分！！唉所以我奉勸咁多位長洲賓客如果你地去到甘永泰店前發現冇人龍可以唔洗幫襯住，因為佢會俾D唔知炸左既耐既貨俾你食由於食評含嚴重指控 / 投訴，所以我們必須提醒閣下需要承擔因食評內容失實而導致的任何法律責任。請回覆此電郵或登入帳戶再次提交食評以確認食評內容完全屬實。俾openrice彈稿，所以我重

黎到長州當然要食出晒名嘅大粒魚旦. 生平第一串長州魚旦, 當然要試出名嘅甘永泰. 長州大魚旦, 原來魚旦係平時食麵嘅白魚旦加大版. 呢度嘅魚旦係會炸左先, 魚旦爽口, 加上炸皮煙韌, 兩種口感加埋一齊, 好味. 唔食多串真係對唔住自己!!!同場再叫多串墨魚丸, 墨魚丸質地結實, 彈牙, 足料之作. 雙丸比較, 個人都係比較喜歡大魚旦.

This shop is located in Cheung Chau, with their fishball famous for its bouncy texture. Taking a day off to enjoy my early summer Friday afternoon, I went to try their fishball and some other snacks.First is the Big Fishball, which is really big with a good taste of the fish meat, not like many other producers which only having the artificial flavor. Also, just as other people commented, the texture is really bouncy. The fishball was just freshly prepared so it was still warm and I finished the