甘永泰魚蛋 (已結業)

長洲除了芒果糯米糍出名之外，當然仲有馳名魚蛋啦😍。一落船行入去大街，就見到"甘永泰魚蛋" 大大既招牌同長長既人龍😂，其實呢間之前都食過幾次，覺得都幾有水準👍🏼，所以今次都決定排一排隊買黎過下口癮😋。排到埋去嘅時候，見到有牌寫住"今日有蝦丸" ，但一串蝦丸要成三十蚊😱，所以其他以前有試過嘅都冇再買，淨係買蝦丸，原來$30得四粒！？？？！俾完錢之後，店員淨係將串蝦丸掉落去鐵盤入面，感覺冇咩禮貌和冇服務😰， 但蝦丸係ok既，咬落去感覺全部都係蝦，都幾足料，但有啲實，冇咗魚蛋類應有嘅彈牙口感，貴得嚟又唔係話好好食。

今日食左炸荳pok, d油味蓋過所有味，我以為食緊油態度真係好差，買3串大魚旦加蝦丸一家人分，問佢要多2支竹簽，竟然冇！話竹簽未返貨，態度又差，當我儍仔你信唔信！以為出名就去試下，超失望冇下次！

態度差，我話：唔該要1串豆卜魚肉。店員唔出聲，沒反應，搞自己野，搞完先拿俾我，都係黑臉唔出聲，😤問佢吃完掉起邊？傴指住前面樹底垃圾桶話：梗係垃圾桶。鬼唔知你老母係女人，問得噶肯定係睇你間鋪有冇准備垃圾桶俾人掉返你間鋪噶垃圾，你話冇就得，使鬼你講街邊垃圾筒，痴線⋯⋯D野淨係吃到油炸味，完全冇魚肉味，又貴招牌寫到天花龍鳳，冇禮貌食物又冇質素too bad . Bad taste.bad guy.all bad.

秋天開始了！陪好友M小姐去長洲郊遊半天吃過早餐後，再坐船入長洲，到達時已是中午；尋找張保仔洞吧！回程開始有點餓了 - 甘永泰魚蛋每次也見到人潮在排隊！一串兩顆的大魚蛋；與六年前相比，味道依舊，肉質彈牙甘永泰 總結：一定要試！

來到長洲，這一家的丸串好像也是挺出名的，算是朋友介紹來的，於是就買了兩串試一下。先買了一串蝦丸，$30，4粒，是挺好吃的，很有咬感，也算是啖啖肉，但略嫌小貴。也吃了一串三文魚丸拼芝士丸，$20，6粒，也挺好吃的，價格比較吸引。

呢間甘永泰魚蛋出名自家製魚蛋，但係成日去長洲都係食魚蛋，所以今次就試吓佢嘅自家製墨魚丸！串墨魚丸係炸熟嘅，食落都唔係咁多油，不過反而係冇乜味，因為佢唔會落任何調味料！個墨魚丸本身係好味嘅，食到一粒粒嘅墨魚！如果佢炸完可以落返啲椒鹽，咁應該會更好味！

每次到長洲必定想起大大粒的魚蛋，聽說有間鋪頭所售買的魚丸名氣響噹噹！於是便走去看看⋯果然真的名不虛傳，有排隊人潮聚集在門外等候購買。難得入到長洲當然要試試啦～便買了一串大大粒魚丸（$10/串有2粒）來試試看和一斤白色的魚丸（$70/斤）作手信！味道方面覺得大魚丸的形狀好似一個乒乓球🏓️入口質感十分彈牙、魚的味道非常濃郁，真是令人一試難忘😋、再三回味！值得一讚👍⋯而魚丸就覺得十分新鮮，所以很快便售罄。真的手快有手慢無👍想試的朋友就要快喔⋯價錢方面覺得有點兒貴但都可以接受的，因為每日新鮮製作！值得再度光顧的～

每次去長洲都會嚟呢間食去嘅魚蛋上次發現佢仲有賣粽 幾好食幾抵今次去到佢已經冇買啦佢叫我端午節先再去買推介大家到時試下冇粽食，好彩仲有大魚蛋依然係幾好味不過如果熱d同乾淨d就perfect啦

來長洲總要一試這裡的名物，相信大家對甘永泰魚蛋的大魚蛋一點也不陌生，其彈牙的質感和綱球般的SIZE令人一再光顧，但這次筆者發現炸豆卜才是此店的遺珠。炸豆卜 (10/10): 平常豆卜就是用來吸湯的好物，這次釀滿魚肉再炸，令豆卜充滿油香之餘亦有魚肉彈牙的口感，魚肉的香味和豆卜融合在一起，第一天吃過以後第二日乘船離開前還要再來一串呢。

8-6-2019一落船諗著篤串魚蛋食 去左幫襯呢間個個紮辮既婦人女店員態度極差問佢個串係咩佢態度極差：咩咩個串呀大佬 個串咩都有 你又冇牌冇名 我咪指比你睇跟著佢自己拎左兩串 我都冇話要兩串跟著又黑面話人好冇禮貌話咩自家制魚蛋 咪又係冰鮮貨 食完勁口渴下次都唔會再幫襯係好耐冇幫襯過 再試下 估唔到比之前仲差價錢同品質不成正比有咩咁巴閉做生意做到好似塊面黑到咩咁 態度又差到好似殺佢全家咁下次都係幫襯其他有汁配個d鋪頭

今日假日又適逢飄色，與家人同遊長洲～讀書時代已經食開這間的魚蛋，因爲覺得唔錯推介比家人。上次食都覺得差左，但今次一試更覺得非常之失望！完全無魚香味又凍曬完全唔熱⋯感覺仲衰過七仔既魚蛋⋯同食舊無味麵粉差唔多！之後家人係另一間再買串魚蛋⋯真心好食過佢。最無奈既係賣野既阿姐當日好燥底，佢聽錯左我講要買既野，我好有禮貌咁更正番⋯佢竟超惡又大聲咁鬧我⋯$20一串仲要受氣⋯雖十幾年感情，但貼錢買難受，緣盡了！

入得嚟長洲，又係食魚蛋幾會。記得以前個個都話長洲公園仔嗰檔好食，嗰時食過真係好食，熱辡辣，皮脆肉彈，夠新鮮。而家唔夠熱，只係微温，好油膩，皮唔夠脆，肉實得得，有陣腥味，唔新鮮。仲有係咪做咗咗多年， 合埋眼啲人都會自動埋嚟。所以檔員可以極之冇禮貌，粗聲粗氣,黑口黑面之餘仲要惡言相向，俾錢慢少少都好似欠咗佢咁，感覺極差，冇下次。

呢間自家製魚蛋係長洲好出名😚有多款唔同既炸魚蛋、魚肉豆卜、墨魚丸等✨幾年前會較鍾意食東源既沙嗲/燒汁大魚蛋🤤較惹味😈但之後發覺原味大魚蛋係更好味的🥴食落有魚味 爽口彈牙 熱辣辣炸起黎食十分正😋而假日限定既蝦丸 用新鮮蝦肉整 食到啖啖蝦肉 但我當日食個串口感麻麻😢無爽口彈牙🙁我會寧願食返墨魚丸！

我相信無人唔識，我由差不多10年前一位居住長洲同事介紹已結下不解之緣XD之後我開始係長洲擺下手作仔，每次都會食! 個時佢地仲係只開上午，下午去係唔會買到，亦唔需要排隊... 家下排到... 以前有廚房紙包一包索油，今日去... 無囉！之後就間唔中會專登搭船入去，為左食魚蛋! 就好似有人會山長水遠咁去元朗，為既可能只係一碗涼粉一樣!本人並不特別喜歡炸野，但佢地既魚蛋真係好好食!好有魚味，同出面一般既係唔同既，陳記，陳皮魚蛋全部無得比! 佢係唔需要靠個汁就已經可以好好食!識食，一定係甘永泰!

趁放假入黎長洲閒遊下，由於大部人要番工既關係，今日無乜人，行得舒服。入到黎長洲當然要食下長洲美食之一既大大粒手打魚旦啦！其實去到會見到好多間，而且有好多口味。但始終鍾意幫襯呢間老字號。$10有兩粒，大大粒夠彈牙。不用醬汁已夠好味，而且更加食到原味味道。好多遊客都慕名而來呢！每次都有人龍，未到黃昏再經過時已見收舖了，所以最好入到去幫襯左先呀！除左魚旦外，還有墨魚丸，蝦丸等選擇。還可成包打包買回家煮呢！