甘露甜品

營業中

休息中

昨日會議完結後，難得有「土瓜灣地膽」的介紹下，與一眾友人來到此小店。🙆🏻‍♂️ 到達後才發現原來是經過杜生加持的小店，相信是信心保證。😝雖然裡面只有 3-4 張圓桌，但一入座後，老闆娘便立即親切地招呼我們。🤗看了看餐牌，毫不猶豫地選了「麻蓉湯圓」。湯圓即叫即整，一碗共 5 粒，份量適中。湯圓頗大粒，一咬下去便是滿滿的芝麻蓉，非常香滑，而且湯圓不會過軟，很有咬口。😚個人覺得，一碗湯圓不得不嘗試它的薑湯，而小編最怕過辣的薑湯。這裡的正是恰到好處，不太淡，也不會太辣，配上湯圓，非常滿足，且在秋意漸濃的天氣下添上了一份溫暖。友人則點了「腐竹薏米水」以及「燉蛋」，嚐了一口，味道不錯。燉蛋蛋味濃郁，甜度適中。😝店裏仍有不少小食，價錢相宜。希望下次再與友人來，點些「生菜魚肉」和「魚蛋」一試。🤩

睇過「大時代」嘅人可能會認得呢間鋪頭，事關啊大佬孝同方婷就係喺甘露甜品食過糖水😹呢日黎到土瓜灣食嘢，當然唔少得佢啦👇🏻開咗三十幾年，舖頭依然維持住八十年代嘅裝修～👆🏻餐牌都係以前用到而架，經典嘅紅底白字❤🤍價錢絕對係平過出面，一個糖水由20蚊到25蚊不等～鋪頭入面都有貼咗新式餐牌，不過始於都覺得舊嘅係靚啲👍🏻亦都貼咗啲大時代劇照、報章介紹、名人到訪合照😆一路睇一路食，包你唔會悶～凍糖水放係度👇🏻一人叫咗一碗🥣芝麻糊🥣(上圖左)芝麻糊夠晒杰，唔會太稀，而且都幾滑身，有濃濃芝麻香味，係甜咗少少～荔茸椰汁西米露🥣荔茸其實就係芋頭蓉，但可能唔多，芋頭味唔濃，不過都見到有細細粒嘅芋頭～椰汁味都重，西米亦都粒粒分明，而且都有咬口👍🏻總括唔錯👍🏻下次一於試下佢嘅綠豆沙先～

今日去土瓜灣食完晚飯想食個甜品，就search呢間老字號糖水鋪，諗住來試下呢度既熱門糖水芝麻糊，點知就出事啦！芝麻糊稀到呢。。都唔緊要，仲要食到d粉皮之類既野。。都未算，仲要俾我食到有紙巾碎！？大佬，咩料呀！唔好加料比我呀。。。。。我對呢間野真係冇信心😫最衰自己無影相留底，特登過嚟食點知會有失望經歷...

腐竹薏米水 名乎其實是完全沒有味道的水 並非糖水 腐竹有一半是原片的 名字沒改錯 但我有點失望失落 明明是甜品 為何淡而無味 完全感受不到那來的甜紅棗泡雪耳 雪耳非常硬 紅棗完全沒煮開 但是比腐竹薏米水好一點 它是有甜味的但是做既時間非常快 叫了不到十分鐘已經送到家 外賣很快就到除了製作時間非常快之外，希望其他的問題可以好好作出改善本來吃完宵夜有個好愉快的晚上，打算吃個甜品讓一天過得更美好，沒想到換來的，竟然是失望收場....

👍💛⭐️ 甘露甜品 (土瓜灣)⭐️💛👍甘露甜品係其中一間有參加”香港月餅聯成機寄賣計劃”既小店，今日終於有得拎🥮月餅，甘梗係順便幫襯下啦🤗💛💛💛成日覺得係小店食既吾單止係味道，仲係一份一情味🌾🍃⭐️芝麻糊（$20)⭐️芝麻糊幾滑，吾太甜～⭐️麻蓉湯丸（$20)⭐️清清地既薑湯，配上傳統既芝麻湯丸，吾錯！☺️🕋環境指數：6.5/10傳統家庭式小店，好似有啲電視劇都喺度拍😋美味指數：7/10可以食下👩🏻‍🌾服務指數：7/10🤑抵食指數：8/10 吾貴呀🙋🏻‍♀️推介指數：7.5/10 良心小店，人情味濃💛💛💛📍地址：土瓜灣美景街 50 號 ——港人當自煮——

馬拉西亞喳喳 $20勁足料，有好多唔同豆，又有芋頭，再加上椰汁，超香滑香濃，飽肚。完全係正宗既味道。陳皮紅豆沙 $20紅豆煲到溶晒，溶到得少少豆肉，非常之入味夠火候，每啖都有香甜紅豆味，再加一陣陣陳皮味，非常滋潤！絕對係傳統既味道。魚蛋牛柏葉魷魚 $8/1串 $20/3串自製沙嗲醬，沙嗲味濃，典型街頭風味，絕配。睇得出自家醬濃郁有誠意。。📍係土瓜灣，位置有d唔方便，但有成37年歷史，非常傳統既味道。值得一試。

當年大時代電視劇曾經係到取景，位於土瓜灣一條小街入邊，唔算難揾。甘露除咗岀名糖水，小食都有頗多人推薦，有陳皮魚蛋、牛柏葉、豬皮...今次我就食咗東風螺、牛什同埋魷魚，配上老闆娘自家制嘅沙茶醬真係無得輸，值得再食👍🏻👍🏻

甘露甜品係一間至今有37年歷史嘅舊式糖水舖，除咗有傳統中式糖水之外仲有熟食賣，杜汶澤之前都喺Yellopenrice節目介都紹過，大家可以去試試呢啲老香港味道😆 😋 香草陳皮綠豆沙 $20 .叫咗碗凍嘅綠豆沙，甜甜哋唔係好甜，吞咗之後口入面就留低咗臭草嘅香味，澀澀哋嘅，話明綠豆沙就真係起沙嘅，完全係傳統綠豆沙嘅味道😝 其他糖水例如紅豆沙、芝麻糊同合桃糊都好值得試㗎～ 😋 沙嗲串燒 $20 三串 .小編叫咗阿根廷魷魚🇦🇷、牛柏葉同埋東風螺，沙嗲醬唔係好濃但夠味，東風螺好似淋咗啲，下次會打埋國際戰線試吓巴西牛肺🇧🇷同澳洲金錢肚🇦🇺⭐️評分⭐️（5⭐️為滿分）味道 ⭐️⭐️⭐️⭐️⭐️ 環境 ⭐️⭐️⭐️ 抵食 ⭐️⭐️⭐️⭐️⭐️

睇完杜汶澤後就去幫襯，老闆娘好熱情。食物唔錯，價錢合理，但有幾點建議，希望老闆娘or未來老闆仔可以睇下：1. 衛生環境有改善空間張台有小小油，調味瓶都係一層油。食左半個鐘，已經打死左兩隻蚊。希望可以改善下衛生環境，讓食客坐得舒服，食得放心。2. 食物種類可改善食物種類應該同開店前一模一樣，建議增加更多創新糖水，以形成特色糖水鋪。可印餐飯供選擇。由於係黃店，先會寫咁多野，小小建議。希望越做越好，生意興隆。

土瓜灣🥣傳統糖水舖合桃糊 $25香草綠豆沙 $20小食 $20/3串 *配自製沙嗲醬-平時只會係荃灣既我地 去開大良鴻輝記 今次係土瓜灣附近返工 記得哩騷介紹過就行去試吓！-原本係叫芝麻糊 不過佢落錯單 錯有錯著合桃糊係最好食😋下次有機會再嚟呢頭 一定食返碗芝麻糊！綠豆沙比較稀 味道淡差咗少少 而小食就一般 自製沙嗲醬都係味道較淡！總結價錢唔算貴 同埋好食既傳統糖水舖唔多 呢度都係個選擇！提一提店鋪好細 唔介意坐得迫啲就OK！

平時好少黎到土瓜灣 一年都未必有一次今日咁岩黎到 就去幫襯下杜生推薦既糖水鋪今次叫左串魚蛋 +陳皮紅豆沙（$8一串,3串有優惠）食魚蛋一定要加甜醬 一絕陳皮紅豆沙$22 尼個真係要試 同坊間糖水鋪口味唔同 （聽講係老闆娘對陳皮要求好高）紅豆沙食到起沙 真係好難搵翻食指數

呢間小店已經開咗好多年啦，雖然佔地不大，但有唔同款式既傳統糖水及小食比你揀，而且性價比高，贏盡街坊口碑👏🏼👏🏼雖然同一條街有唔少新派糖水舖，但呢間小店依然無有怕，憑傳統糖水同人情味取勝！特別一提老闆娘超級有禮貌，招呼周到-👆🏽麥米粥十分足料，煮得又腍又香，幾中意麥米既口感，煙煙韌韌。。👆🏽陳皮紅豆沙、芝麻糊紅豆煲到軟腍以及起沙，亦散發住清香陳皮味黑芝麻味濃郁，口感黏稠順滑，甜度適中。👆🏽豬紅+豬皮+蘿蔔豬紅粒粒都漲卜卜，厚實入口唔易散開豬皮口感脆爽，蘿蔔鮮嫩多汁

咁啱去開呢頭酒店住，食完Lunch唔夠飽所以就想食糖水，呢間bookmark咗好耐又好少會入嚟，咁難得緊係去食啦。叫咗啲小食又叫幾款糖水，叫咗燉蛋 綠豆沙 腐竹糖水 芝麻糊，燉蛋好食到無影相。呢個紅豆沙真係好堅好好食! 陳皮味同紅豆融為一體，煲到食緊流沙包入面嘅流沙咁，真係好好好幸福吖!!! 所以我夜晚食完嘢忍唔住又去叫碗外賣! 呢間用心去煲糖水嘅小店要多多支持，真係買少見少。老闆娘仲要好有禮貌，問我哋邊到可以捐啲券。支持support!

沙嗲醬牛柏葉粗麵🍜$20之前睇到網友同傳媒介紹😏已經想去試下佢地沙嗲醬🙈$20嘅一餸車仔麵☺牛柏葉唔算好多😂不過個醬的確夠惹味🤤真係幾好食可以一試👍甘露甜品 (土瓜灣)土瓜灣美景街 50 號

土瓜灣美景街…相信不少人從來未黎過…地方唔多就腳，又冇地下鐵，要黎又真係幾唔方便…不過如果你真係對食糖水有要求，尤其是對紅豆沙，綠豆沙特别鐘情嘅話，就一定要黎…先講環境，佢冇豪華嘅裝修，醉人嘅風景，只有幾張平民摺枱摺櫈…就係因為咁…鋪入面係充滿住八九十年代嘅味道，難怪大時代嘅導演會响呢度取景。服務方面，當然唔會有五星酒店嘅服務員，只有親切嘅老闆娘，用對子女嘅口吻黎招呼，好有家嘅温暖。食物方面，不得不提紅豆沙同綠豆沙，呢度嘅紅豆綠豆係煲到冇晒一粒粒嘅豆…名乎其實嘅沙…紅豆沙食落有陣陣陳皮香味…清香得黎又唔會搶左紅豆味道…相反，綠豆沙就以香草為主，綠豆為輔，絶不失禮。除糖水之外，老闆娘亦有提供小食，雖然呢啲小食唔係乜嘢山珍海味，但係配合特制醬汁，立刻變成珍貴美食…友人們食過不停…本篇不提供相片…希望在這裡留白，好讓讀者自行想象，探索，究竟咁特别嘅紅豆沙綠豆沙會係点樣…返看戲照，鋪面似乎仍然保留住當時嘅環境，無什改變，希望老闆娘可以繼續經營，保留住呢個大時代嘅味道。