甜仙姐

營業中

休息中

【南區】【甜仙姐】好耐先講一次南區嘅餐廳，首先係佢哋本身都比較少餐廳，其次係自己都好少過去，唔可以吓吓賴人。不過我作為一名前十八區 Foodie，點都會盡我所能，有咁多寫咁多。喺南區僅餘嘅鐵路沿綫其實我都寫到七七八八，所以要向田灣呢啲地區發展，去食嘢。見到呢間咁傳統嘅茶記就入去食返個下午茶先啦，不過當時我本身唔算好肚餓，所以求其叫個 $42 嘅「雞扒、腸仔、炒蛋」配杯「凍檸茶走甜」就算。點知個蛋又炒得幾滑幾靚，雞扒、腸仔同埋杯嘢飲都唔錯，攪到我食慾大振，即刻想叫多啲嘢嚟係咁食。聽其他客人推介呢度啲豬扒，仲話會有機會賣晒要等，咁我就叫份 $40 嘅「香煎豬扒配薯條」嚟叼，件豬扒又真係幾靚，仲可以加啲醬汁再好食啲，係有啲功力㗎喎。薯條係傳統茶餐廳嘅曲薯條，唔錯。嘢飲「熱奶茶」係好飲嘅，夾埋 $82 係食得幾盡興嘅。。。（地址：香港仔田灣石排灣道88A號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #g

👉田灣小店《甜仙姐》，位處香港仔田灣街口。。。👆午餐每日均有多款選擇，$53（蒸魚$60）包例湯、熱飲☕️ （凍飲🥤+$2）👇午餐份量超級勁大份，白飯🍚用湯麵碗盛載，為普通飯碗2碗份量，成為附近一眾工友的飯堂。。。正常飯量的人記得叫少飯以免浪費‼️📌椒鹽豬扒飯 $53 ～ 豬扒切成條狀方便食用，肉質腍滑。最愛大量蒜蓉增香，咸香冶味，瞬間清盤‼️📌豆腐班腩飯 $53 ～ 班腩、豆腐均大大件，份量適中，汁醬下飯一流。。呢啲無骨餸，真係老少咸宜。☺️📌豉汁蒸黃花魚飯 $60 ～ 新鮮黃花魚，肉質嫩滑，簡單用豆豉蒸，健康又好味。。😋～～例湯好夠味，又足料，絕不是例水😆😍人情味小店，連杯茶都做得香濃細緻，好味又抵食，下次會再嚟🥳🏬 甜仙姐 (香港仔)🚦 香港仔田灣石排灣道88A號地舖

啱啱喺附近做嘢做到過晒時，勁肚餓，但胃口悶悶地都唔知食乜好，見到一間唔起眼嘅茶餐廳有我鍾意食嘅福建炒飯，見過咗午飯時間店內都差唔多爆滿，於是乎入去試吓。🌟熱奶茶🌟黎到茶餐廳絕對要試試佢嘅港式熱奶茶，奶茶用咗黑白淡奶，沖出嚟嘅港式奶茶，特別順滑，濃厚，令口感更加細膩。呢個味道夠晒正宗。👍👍👍🌟福建炒飯🌟呢個炒飯認真足料，材料有叉燒粒、冬菇粒、草菇片、秀珍菇、火腿粒、蟹柳粒，粟米粒、菜心粒、鮑魚片、蜆肉、紅蘿蔔粒、蝦仁、魷魚粒，應有盡有，仲要係炒飯底非常有誠意。材料新鮮，芡汁亦調校到又恰到好處，飯底炒得又夠鑊氣，真心有酒樓級嘅味道。😋😋😋

甜仙姐1. 風味星洲炒米 $55好似係食過暫時最好食嘅星米，鑊氣十足，米粉唔會過淋，煙靭有咬口，食完碟唔會一堆油，非常乾身，份量都非常多，堆到成座山咁，睇嚟呢度啲炒嘢都唔可以睇小。2. 鮮牛肉雞蛋三文治 $28因為冇食早餐，所以lunch食返多少少，呢個鮮牛肉雞蛋治牛肉無筋易咬幾好，炒蛋仲係有少少液態，唔會過熟，不過因為可能我食完個星米，覺得淡咗少少，但其實係幾出色。BTW，記住烘底，好食好多㗎。大份兼抵食嘅茶記，水準唔失禮，下次有機會再嚟會試吓其他嘅炒粉麵飯～地址香港仔田灣石排灣道88A號地舖#yummyfood #hkfood #hkig #hkfoodie #foodie #delicious #hkgirl #hkrestaurant #hkfoodblogger #foodiehk #hkfoodshare #delicious #instafood #hkfoodlover #hkfood #instagram #lovefood #相機食先 #手機食先 #美食日記

田灣係一個小社區，比較寧靜，環境不錯。今日由香港仔行至田灣，搵一間餐廳午膳，剛好見到呢間茶餐廳，名字幾特別。食物種類多，炒粉麵，蒸飯，常餐….. 選擇多。紅豆冰紅豆煮得軟腍，綿綿口感，又不會太甜膩。煉奶花生醬多士麵包烤得焦香，煉奶和花生醬再多啲就好。豉椒排骨煎米粉嘩！好夠鑊氣，上枱時香噴噴。排骨份量勁多，店員姐姐話先蒸後炒，功夫多。肉質軟熟，十分入味。米粉煎得夠爽身，不油膩。 豉椒芡汁融入米粉，滋味十足。

好耐冇去過田灣了 今日放假專程為呢間餐廳而點來果然冇令我失望 真係抵食夾大件😎每一日都有唔同嘅午餐供應唔啱食都唔緊要，其實其他炒粉麵飯一樣送飲品再唔啱食 常餐一樣有供應㗎！❣️章魚蓮藕湯絕對唔係例水嚟㗎 夠熱得來飲落夠濃郁蓮藕煲到好腍 仲搭咗件豬骨😉❣️豉椒蒸排骨好開心終於食到有質感嘅排骨而唔係醃到過腍嘅食落係實實在在響屋企食嘅排骨口感豉椒味濃郁 豆卜仲吸收晒啲精華 送飯一流❣️涼瓜魚腩魚腩超級大件 開心嘅係炸粉一啲都唔厚魚腩肉質緊緻 涼瓜食落帶有爽脆嘅口感芡汁唔算太濃稠 正合我心意 呢個狀態撈飯最好餐廳比超級多飯 唔想做大嘥鬼 我搵店員姐姐幫我拎返走一半😂❣️星洲炒米份量好多 炒得好有鑊氣又夠乾身食到落底都冇見到好多油 有叉燒蝦仁雞蛋等等嘅配料再配埋啲洋蔥食超惹味估唔到呢個位置唔算太方便竟然星期六都咁多人幫襯 一定係信心嘅保證

最近去咗田灣一間茶餐廳，餐廳個午餐真係好抵，仲有例湯送埋，環境舒適，服務親切。餐廳嘅午餐非常之多選擇，大概約$50就已經有今日唔想食飯，就想食啲有鑊氣嘅嘢食，就叫咗個乾炒三絲炒麵**例湯**：湯底清甜，有豐富嘅材料，入口暖胃，非常滋潤。**乾炒三絲炒麵**：炒麵份量十足，好大碟，叉燒、火腿同豬肉絲配搭完美，麵條乾身爽口，每一口都充滿香氣。**凍檸茶**：檸檬嘅酸味同紅茶嘅香氣相得益彰，十分清新。但係

幫人攞啲嘢嚟田灣，搞掂就順便喺附近食個午餐。喺石排灣道見到有間叫「甜仙姐」嘅街坊小店，門面乾淨企理，一於試下。揀咗個靠牆嘅座位，餐牌選項好豐富，有8款是日午餐，另外仲有特餐、炒粉麵飯、咖喱類同三文治等供應。點咗星洲炒米 ($54) 同 滑蛋叉燒飯 ($53)，跟餐奉送熱飲及是日明火例湯，轉凍飲+$2。星洲炒米即叫即做，上檯時熱辣辣，配料下得很慷慨，有叉燒、蝦仁、芽菜、雞蛋、洋蔥和辣椒絲等，分量十足。米粉炒得好有鑊氣，乾身不油，入口帶淡淡咖喱香，做到大酒樓水準。滑蛋叉燒飯味道亦唔錯，蛋花炒得滑溜又夠清，叉燒大大塊，半肥瘦，肉嫩鬆軟，有肉香又唔會過鹹，食落相當有口感！餐飲點咗熱奶茶同凍檸茶，奶茶順滑回甘；檸茶嘅甜度亦啱啱好，茶底芳香不濁。

話說我係喺美食沙漠既南區番工，真係無啖好食🤦🏻‍♀️近排驚喜地喺田灣發現左間住家菜味道茶記，變左做飯堂🤣🤣例湯｜湯料唔算好多，但唔係味精味！好清甜👍🏻臘味蒸雞｜用上砵仔蒸好有風味🥰雞件都有好多舊，肉質嫩滑，加埋臘味一齊蒸再增添一份油香😋鹹蛋蒸肉餅｜入口完全係屋企既味道🥰肉餅好滑好淋，同埋係好濕潤完全唔乾，連埋鹹蛋一齊食鹹道岩岩好👍🏻撈飯一流！叉燒鹹牛肉通粉｜通粉無煮得太淋，入口仲好Q彈！叉燒肥瘦均勻唔鞋口👍🏻好小淨食鹹牛肉，原來係唔鹹架😂同埋有炒過，所以好香口🥰

甚少食茶餐廳的我 今日陪屋企人去食午餐11點幾已經開始好多人 好多外賣單原本怕要等好耐 但都叫了一人一份午餐沙薑雞飯完全抗拒唔到 一見到menu有就叫左呢個餐啖啖雞肉好嫩滑 完全唔鞋👍🏻仲好入味仲有娃娃菜底 索哂沙薑汁 好好送飯❤️五香肉丁炒飯少少辣但十級好味 好香好夠鑊氣 我試左一啖都仲要食三四啖🤭🤭海鮮炒烏冬睇到好多洋蔥就知幾香 又係好夠鑊氣個汁 同埋 海鮮好配👍🏻炒起來味道好夾個人認為有小小咸 份量唔算好大碟 但絕對小食多滋味鮮牛肉雞蛋三文治叫比小朋友食既三文治 好香牛肉味牛肉夠嫩 易入口👍🏻小朋友整份食完叫套餐仲有飲品同湯👍🏻性價比絕對高既茶餐廳

甜仙姐😋😋😋貼心開餐香港仔田灣石排灣道新開張「甜仙姐」、廣東式茶餐廳、以供應早、午餐、朝九晚五為主、街坊🈶️福、同區白領、藍領🈶️新選擇、齊享新口味！下午茶（附送熱飲）供應時間：14:00-17:00煉花生醬多士$25花生醬粗粒款、多士塗🈵️花生醬、加煉奶、啱囗味、有口感、烘烤的多士、外脆內軟、加埋🈶️厚度的方包、吃起來有質感！😋夠creamy 又yummy 😋 👍🏻配番杯有果香的熱咖啡☕️、除了濃香咖啡、香氣撲鼻、果酸味及甜味豐富平衡、口感順滑、帶出一點點甜味、豐富層次感、🈶️特色👏🏻👏🏻法式西多士$$22有厚度的吐司兩面吸🈵️蛋汁、用法式方式慢火煎至金黃色、外脆內軟綿綿、🈶️特色、吐司內層塗上花生醬、用香港式食法、塗上牛油、黃糖漿、西多士充🈵️蛋香、食到舔舔脷👅飽肚滿足👍🏻鑊氣小炒（附送例湯及熱飲）供應時間： 10:30-17:00星洲炒米$50真材實料、材料豐富、大大粒蝦仁、叉燒絲、韭黃、芽菜、雞蛋絲、洋蔥絲、蔥絲、唔少🉐️咖哩粉、令米粉變成金黃色、色彩艷麗吸睛、米粉炒🉐️夠爽口、加埋大廚手藝、夠鑊氣！才能炒出色香味俱全星洲炒米😜夠香口！廚C推介《GOOD》沙薑雞飯$52咖喱牛腩/雞飯$60芙蓉蛋飯$

今日同同事前後四人去香港仔田灣食飯，呢間甜仙姐算係幫襯得比較多次數。小炒夠鑊氣，蒸飯都有D水準，唯一美中不足既，係星洲炒米有時會兜唔勻，所以呢樣我好少叫。比較推薦乾炒牛河，陽洲炒飯，XO醬乾炒豬扒烏冬。可用以QR code落單亦可叫職員手寫，比較照顧到老人細路。落單時可選擇多飯少飯/多粉少粉，算比較親民。環鏡唔算擠迫，枱與枱之間有足夠空間，牆身以白色為主，配上幾幅畫做點綴，簡潔明亮，加個大電視對正門口比細路仔電視撈飯，隔離枱小朋友淨係掛住食同睇電視，唔會有噪音。