甜入心 (已結業)

有無發近排天氣開始熱？ 行一陣街都成身汗，天氣又熱又焗，真係好想跳入雪櫃涼下。這個時候，如果食杯冰凍的甜品就 arm哂!好多甜品話係凍，但降温情度最多只是"唔熱". 所以大家點menu的時候記得睇清楚。或者參考下我。先此聲明，我絕對係甜入心的super粉絲，品質保証之余，地方又方便。今日見到佢出左新menu, 一定要試下la. 唔好走寶。榴下心意 後面寫住(凍), arm哂而家的我。 上面係100% 全榴槤肉，旁邊有d谷物做裝飾，留意重點，冰凍的奶凍係下面，大大份的。嘩，透心涼!再來榴槤，加芒果，咖啡果凍，仲有d透明精螢通透，有如水晶般果凍，好有咬口。榴槤當造，有人幫我挑選最靚的榴槤起好肉，無得頂。再來又係榴槤，這份榴槤pan cake除左份量大之外。個pan cake皮非常軟熟，好似係新鮮剛剛做一樣，食落有初戀的感覺。

平時好小食甜品嘅我經過門口比一間甜品鋪嘅裝修吸引左入去。入面有搖搖椅、心型嘅燈飾、飾物架。連天花都吊左好多心心葉係到。白色嘅牆身，掛左好多甜品嘅相。😚餐牌圖文並茂，啲相都好吸引。😍桃寶燕窩椰皇子。原個椰子上，底層係椰子味嘅啫喱，上面鋪左燕窩。一邊有淋蜜糖，一邊就無淋。勁足料！啖啖燕窩，椰子味好濃。燕窩、啫喱同椰汁撈埋一齊食好好味。芒果乘涼。入面有芒果、芒果汁同涼粉，芒果汁雪凍左似沙冰一樣，下面就有涼粉墊底，上面有幾片芒果。芒果味唔會太酸，涼粉好有口感，有小小涼茶味。消暑一流。柑桔檸檬。普普通通一般野飲出奇地好味，柑桔味唔會太濃，飲落唔會乾喉嚨。檸檬味唔重，唔會太酸。飲落兩種味都好和諧，好好味。

壓力好大就想食個甜品舒援下，食一個唔係好夠喉，就索性食到飽為止，今晚決定自制甜品buffet，兩個人食6樣野都唔駛$250，真係好抵食，食完開心晒！唔想成日食滿記、發記、海記，都可以試下甜入心，水果新鮮，即叫即制，絕對係一間有水準的甜品舖。好浪漫的室內設計，有小屋佈置、心心和千秋坐，好sweet，甚有韓國feel。未見過甜品menu咁厚，真係甜品專家。雖然8點幾到，一直都好多人。諗好要快D點，因為都係即制的，都等左一陣。芒果心連心窩夫($43)，好精美喔！芒果雪糕好大球，waffle都好多layers層層叠，加上芒果醬和芒果肉，totally芒住。芒果夠熟而且十分甜，waffle也夠熱夠脆，不會有好重麵粉的感覺。連waffle都係心形架，同你的sweetheart食最啱！榴槤飄香椰子皇($46)的榴槤味香濃，做到好結身，而且顏色好rich，面加左精瑩剔透的西米，好吸引。內裡仲有椰子水jelly，非常清甜，椰子皇好新鮮，椰肉都冇放過，成個椰皇食清光，lam lam 脷。燕窩蛋白燉原個木瓜($50)真材實料，一般店可能只有木瓜個碟，唔會有玻璃碗裝蛋白的部份，表示欣賞！木瓜咁有營養，又可以潤

週日去到九龍灣搵食，午餐唔係食得太飽，所以三點三就想搵野食喇，估唔到喺淘大商場都有幾間甜品店，黎緊仲有一間即將開始營業。見到之前喺深水埗幫襯過嘅甜入心，因為質素唔錯，所以決定坐低食個甜品，hea下時間。門面亮眼，呢間分店面積較小，位置唔多，裝潢簡單，帶點小文青感覺，有兩個「心心」置於店內，可能以草綠色作點綴，未至於俗套。雖然位置唔多，但座位間唔會好逼狹，坐得舒適。近門口更加係一張「鞦韆位」，幾靚架，小朋友一見到就想坐。近門口位有自助區：提供英式果茶、朱古力噴泉。甜品款式豐富，有招牌椰皇子系列、窩夫、心太軟、布丁、港式甜品、中式糖水、吐司、飲品等，定價合理咁啱呢間分店嘅韓式飄雪冰系列「外遊中」-即係暫停供應。上次食已經係宵夜時間，原來有午後套餐，有幾款窩夫/吐司會送特飲，都幾抵食，由12:00-20:00供應。一路有唔少人客人外賣，如果住附近我都成日食呀，滿$20外賣自取有95折~咁見有套餐我地梗係點餐啦，最終點左兩個餐，兩個甜品，捧住個肚走呀。牛肉吐司 配荔枝白露 $32 以牛肉、芝士、彩椒等材料烤成多士，味道唔錯喎，有少少似食緊薄餅。配料大方，牛肉份量都幾多，唔會好油膩吐司烘得剛好，

週末在淘大晚膳，飯後想食甜品，見到原來影藝旁有家甜品店，以前好像是cafe之類的，時間尚早才8點多，店外已經有人等候，心想應該不錯吧，於是加入等位行列，數分鐘便可入座。分子咖啡布甸椰皇子餐牌上許多椰皇子的甜品，應該是這裡其中招牌。這個分子咖啡布甸，原來是把咖啡做成啫喱細粒，入口韌韌的有咬口; 布甸軟滑奶香味濃; 再加上椰子水做成的啫喱，味道清甜較淋身; 還可以吃椰皇裡的肉，口感有多種層次。燕窩蛋白燉原個木瓜只看甜品名字已經覺得滋潤養顏，見到甜品真身時更覺落足料。半個木瓜只是挖掉了核，上面全都是蛋白及燕窩，另外還有一碗蛋白燕窩伴木瓜。木瓜本身已有天然果甜，所以蛋白只是加了少許糖已經很足夠。甜品份量大又健康，滋潤養顏這回事，其實沒分男女的。這裡的甜品設計有心思，懂得善用椰子及木瓜等水果本身的甜味，造出低糖又美味的甜品。

一直都很喜歡跟兩老分享我的覓食經驗, 還記得大約兩年前向他們提及過一間我很欣賞的糖水舖, 只給他們看過相片一次, 估不到老爸一直記在心裏, 成日問我和老媽有關店子的名字和地址, 而每次我都是回答：「我遲啲帶你們去。」遲啲又遲啲, 就遲了兩年……最近, 兩老又提及, 他們想說自己老, 沒有記性, 那究竟真的沒有記性? 還是選擇性記憶? 但無論如何, 我下定決心, 今日要專誠帶他們去, 不能再拖!店子建成一間小屋, 桃紅色的燈光招牌高高掛在店子的正中央, 而一旁掛上一塊大心形草披, 挺搶眼奪目, 遠遠也能看得見。另一旁則鑲了一塊大餐牌, 見有不少途人也駐腳細看, 成功吸引了他們進入。外表是一間小屋, 但走進內裏則是後花園, 牆上鑲了花園的木欄、吊着綠色的假植物, 還有一張韆鞦座, 裝潢富心思。店子地方不大, 只設有數張二至六人枱, 而枱與枱之間的空間亦不多, 大家要親密一點呀! 幸兒枱櫈全是易動式, 方便搭配。地方雖小, 但店子的一角也設有貼心的自助英式果茶, 還有逗人開心的自助朱古力噴泉配棉花糖, 全是免費供給客人享用, 真令人窩心, 見有小朋友玩得高興, 而我那兩位大細路也走埋去玩玩,

上星期去左沙田間甜入心食，甜品當然係好食啦，仲有個令人驚喜嘅係個All day breakfast。今日同朋友去開淘大，由於時侯唔早，所以諗住輕食，見到甜入心，諗都唔駛諗就入左去。呢間甜入心冇沙田嗰間咁大，裝潢比較簡樸但依然有童話感覺。而且都有佢嘅特色 - 就係其中一張枱一邊嘅座椅係張韆鞦嚟架! 不過當時已經有人坐咗……Never mind，最緊要食~除此之外，都依然有每間分店都有嘅自助朱古力噴泉同英式果茶。入到黎先知呢度冇All day breakfast，好失望 唯有每人先嚟個輕食lunch set。黑松露吐司 - 成個吐司鋪滿黑松露，再用芝士焗，吐司好厚好鬆軟，加上軟綿綿嘅芝士、大量菇菌、青紅椒同埋好「生猛」嘅木魚。口感味道都不錯。芝士窩夫 - 原先以為鹹但原來係以甜味為主，類似芝士蛋糕嘅芝士味道，啲芝士汁係凍嘅，唔係我預期嘅熱芝士汁添。芒果紅茶/荔枝白露 - 配餐嘅飲品，甜味適中，底下有蒟蒻，有得飲又有得o趙。西瓜中豆花配焦糖布甸味雪糕 - 雪糕底下係豆腐花加紅色果凍，豆腐花味道似荳奶甜甜地，仲可以刮埋啲西瓜肉嚟食。一個甜品包咗幾樣聽落風馬牛不相及嘅食物，食落又透心涼，全身都涼

夜晚同朋友喺淘大食完晚飯又唔願走，決定轉場糖水舖！行行下就發現左呢間「甜入心」！門面裝修幾小清新feel，入夜後都幾多人排隊！坐底之後，翻翻menu，見到有個咁creative嘅糖水名「暴風雪臨伯爵城$48」，又拎哂獎咁款，就嗌個嚟試下啦！中意食綠茶甜品既我，再嗌多個宇治品豆$32等左15分鐘，暴風雪到！一上枱個雪糕已經溶左一半伯爵茶味不足，成杯奶昔咁有少少圖文不符！再嚟宇治豆品！就咁睇係足料嘅！雪糕茶味欠奉係好假既綠茶味，小丸子煙靭，紅豆、西米未熟，好硬！綠茶方果似豆腐花味！總括嚟講一個字，伏！

假期最後一日做乜好，緊係搵個地方食下嘢hea下啦。淘大的甜入心店面細細，walkin都差d要等位。焦糖布甸椰皇子（$36）凍，加$7桃寶口感好豐富的甜品，焦糖布甸加左喺椰皇啫喱上面，再淋上椰汁，有椰子味有香濃蛋味，貪心d再加埋桃寶，一道美顏甜品就擺在眼前了。咖啡布甸椰皇子（$39）凍，加$7桃寶其實呢個係上面果個的加強版，再加埋味道濃郁、煙煙靭靭咖啡啫喱粒粒，啱晒樣樣都想食的我！北極光（$28）-呢期最hit的藍蝶花飲品，加左疏打水真係透心涼！蜜桃排毒水（$35）-將包括蜜桃在內的幾款水果放入水中，一杯厲害的detox water真係好清涼消暑，水果味淡淡的，冇加糖，好解渴呢！隔離檯好多都叫左朱古力窩夫，可惜我地已經飽了，下次再食先！

We have a very bad experience with this caterer. While we are waiting for the dessert, we were forced to move to another table because they wish to serve a group of 4 customers quicker. The waitress was very impolite. The 芝麻糊 ordered, when arrived, was cold.Then when we took the ticket to the cashier, we need to wait as if we are transparent.Such service standard is unacceptable.

同一大班朋友睇完戲又夜麻麻唔想食正餐食甜品就係最好嘅選擇喺戲院隔離都有一間甜品舖見到我店裏有位置，和主打使用健康嘅糖，我有見到咁多選擇就即刻衝入去！其實放工前都冇乜食過野所以就叫咗煙肉吐司吐司和朱古力心連心窩夫大家share食煙肉吐司系喺厚多士上邊鋪上一層芝士、大量嘅煙肉碎、同埋木魚、仲有少少青爪焗之後非常香口，可能因為太肚餓嘅關係一下子就食晒啦！另外朱古力窩夫方便窩夫係即叫即整非常之香脆配上，濃古力漿和朱古力雪糕球混合一齊食正之後另外四個朋友每日分別去做一個甜品首先叫了候爵72心太軟，呢個係有分舊版同埋新版嘅，主要係放喺個杯度定係放喺個碟度上碟！朱古力有特濃喎和雲呢拿雪糕分開一個小碟上凸顯左店嘅心思免雪糕會很快就溶掉另一位就選擇綠茶心太軟心太軟，綠茶濃烈不會帶苦澀味，配上綠茶雪糕一齊食好似有雙重嘅感覺，再加用包出嚟嘅綠茶將都係食到成口都綠茶味。 另外一樣有名嘅係椰皇子，我自己就揀咗自家製雪糕椰皇子王子分別呢系有幾款雪糕可以揀嘅有黑松露、焦糖布甸、香蕉、椰子味道。一大球黑松露味嘅雪糕真係好似食緊黑松露咁，㡳下就係一啲椰子水整成既果凍非常之清甜，晒啲過冬之後仲可以刮埋椰子殼椰蓉最後朋友就

最近工作忙到極點，真係做到唔停，有點喘不過氣，所以老公帶我去屋企附近的甜品店食吓甜品，俾個腦稍事休息。他知道我是很喜歡食暖暖地的甜品，便打開椰皇子家族的那幾頁讓我選一下。我們各選了一個椰皇系的甜品，其實他都估中了我選什麼，就係 花膠椰皇子 (暖) 啦~上枱就見到材料塞得滿滿的，有花膠、百合同埋薏米浸响 D 椰汁入面。其實入面都有 4 隻花膠仔，煮得腍腍的，索咗不少椰汁的香味，真係好容易入口，配合埋百合同薏米，增加不少咬口。而他嗰個就係 咖啡布甸椰皇子，亦都係暖暖地的。布甸索咗不少椰汁的香味，食的時候很滑嘟嘟，相比平時食布甸加花奶更加香。而咖啡切成一粒粒，是帶點o趙口，而它本身的咖啡味不但不會跟椰汁味互搶，反而係好夾。另外，他還點了一個 蟹柳多士，覺得用料算是充足。一叉起就見到熱到標煙，仲要 D 芝士絲拉得長長的。一咬入口，覺得塊多士弄得好香脆，芝士味好濃，就好似响口入面包住其他配料如蟹柳、青椒等等... 有硬有軟，口感層次好突出。食完行出門口，先至知原來外賣自取係有 95 折架~ 下次我想食甜品的話叫佢幫我買，「幫」佢個荷包慳番 D 至得~

作為女生，我都是一名甜點控，一見到賣相精緻可愛的甜品，就毫無抵抗力，上星期我就來到甜入心，細味一頓甜到入心的甜點盛宴 *v*單看門外餐牌已見到款式超多，就已經感到一股無形引力吸了我入店 田園風的裝修洋溢著少女氣息，浪漫溫馨，顯得格外平易近人。還設有歐陸式的鞦韆椅，帶來悠閒卻不失優雅的氛圍。這裡亦備有自助式朱古力噴泉及英式果茶，不另收費。隨套餐附送特飲一杯。散叫menu就超多款，每份也只不過是三十至五十元不等，平民價位好抵食，結果不知不覺下，今次一點就點了六款！焦糖布甸椰皇子 $36一個完整椰皇裡面盛載著焦糖布丁、椰汁及椰青水製成的果凍，布甸口感軟嫩，配上焦糖香氣和清新椰香，不會過於甜膩，吃完所有材料後，還可刮內殼椰肉來吃。榛子朱古力窩夫 $43賣相誘人，窩夫口感外脆內軟，這個份量不少，採用榛子醬較甜，如果一個人吃應該吃不完。柑桔檸檬跟餐附送的飲品，內裡加了椰果。黑松露吐司粒粒山 $52我也是第一次吃黑松露雪糕，於牛奶的甜味中，隱約滲出黑松露的獨特鹹香，鹹甜夾雜甚有新鮮感，不過稍嫌吉士醬下手好像重手了點，浸濕了吐司，所以未夠脆口。玄綠是你 $42一碟有齊綠茶心太軟、綠茶雪糕、紅豆、小丸子

好少介紹甜品店，但係呢間係我近黎食過數一數二嘅甜品店！佢嘅位置好方便，就係正淘大戲院隔黎！係出面睇嘅時候覺得呢間甜品店嘅裝飾幾靚，好適合鍾意影相嘅女仔！甜入心嘅主打甜品就係椰皇子系列，咁當然要試下啦！我同朋友今日就試左焦糖布丁椰皇子。本身我地都鍾意食焦糖布丁，而呢個嘅焦糖味好香，難怪係椰皇子系列嘅熱賣，從來都冇諗過焦糖布丁同椰皇子可以咁夾！除咗每間甜品點嘅必食之外，我地都鍾意食心太軟。我地叫左最傳統嘅朱古力心太軟配雲呢拿雪糕，佢嘅朱古力溶醬好夠熱，又滑身體，配埋雲呢拿雪糕，呢個就係傳統嘅朱古力心太軟嘅最佳試範啦！下次有機會我想試埋綠茶心太軟！黑松露菌吐司粒粒山係我地第一次試嘅吐司組合，出乎我地嘅估計，呢個配搭好新鮮同夾。首先，黑松露菌就已經令到食物好香，好吸引。上面係出面其他甜品店難啲食到嘅黑松露菌雪糕，而佢嘅吐司雖然切成一粒粒，但係加埋一齊分量真係好多。我同朋友食完呢到甜點就係覺得好飽，係甜品之中嘅超值之選！最後我地叫左兩杯飲品，分別係益力多沙冰同峰之戀（類似巨峰梳打加雪糕）兩杯都唔錯呀！呢間甜品店值得再試

呢排工作太忙，朋友見我壓力好大，就帶我去食好野減下壓。話明減壓，食甜品最放鬆心情，就黎左呢間之前食過覺得質素幾好既甜入心。六點鐘去到已經有幾枱客好靚呀有呢d櫈坐，好夢幻好少女😍仲有免費自助朱古力噴泉同水果茶任飲，正呀😆由於食物款式好多，所以我地都叫左唔少野食share榴槤班戟:外皮好薄同軟身，裡面好濃郁既榴槤味，溝咗啲cream，成個口感好滑身，榴槤控必食~暴風雪臨伯爵城:見係新出，而且我又好中意伯爵茶味就試吓啦。淡淡既伯爵茶味配上甜酒，成個味道幾夾，唔錯。綠茶心大軟：熱辣辣嘅心太軟一切落去d綠茶漿湧哂出黎，好濃綠茶味，配上雪糕，冷熱交溶感覺好正，仲有小丸子同紅豆可以去除膩嘅感覺北極光：好靚嘅一杯野飲，酸酸地嘅梳打，飲落好清涼黑松露吐司：好香黑松露味，好足料，又有蘑菇、芝士、番茄、青椒同紅椒，吐司外脆內軟，八點前仲可以送嘢飲，就叫咗個荔枝白露，感覺幾清新。煙肉吐司：食完黑松露吐司覺得幾好味，就想試多個吐司啦，呢個都一樣好足料，有煙肉、芝士、青椒同紅椒，呢個就比黑松露更加惹味，不過個人始終中意黑松露多d芒果窩夫：窩夫焗得好香，外脆內軟，而且好香蛋味，配埋芒果汁、芒果同芒果雪糕食落唔會好漏