甜匠

營業中

休息中

經過舖頭門口可以睇曬成間舖既格局，透明感十足，不過座位就比較少。呢晚九點幾黎到，早少少，就無咁多人。睇menu 好多款都好吸引，花多眼亂，賣既多數係比較新派既甜品，賣相精緻。兩個人叫左兩款食。芋圓椰汁紫米露，不過不失，芋圓都幾有咬口，其實呢類甜品，間間味道都係咁上下，穩陣首選。之後呢款係有一球古力雪糕，有brownie,棉花糖，脆米等等，略嫌可可粉實在太多，一路食，一路好濁親既感覺，太多可可粉，吸入左氣管咁。不過整體都係好味既 。sell 賣相咁，呃下like ，呢款都見有幾枱都有嗌。服務都唔錯，下次再試下其他甜品

又係美食沙漠覓食記...馬鞍山其實都有好多間糖水鋪...但點解無一間係好食家...?!朋友話好想食佢地個窩夫...唯有去陪坐啦...叫左兩款"窩夫"....應該叫脆餅先岩...烈日窩夫係實而唔係硬脆囉......鐵板BROWNIE.....甜蛋糕+甜棉花糖+甜雪糕...好難失敗的甜品呢個~!!!拿破崙~!!!!竟然叫拿破崙.....呢個只係千層蘇.....比較失望.....朋友叫的西瓜沙冰...我無試唔評價我叫的蜜桃乳酪???飲一啖已經覺得糖水十足....OK的認輸......

好嘴刁既女朋友好少會肯去同一間餐廳兩次，呢間算例外，肯自願提出去，佢大小姐滿意既都唔差既，裝修ok, 食物都有特色今次我都係食寒冰露相同實物相符，我鐘意大菜糕既口感，清得黎帶出黑糖獨特既甜味。 敗筆係太細碗。。。女朋友每次都試新嘢，仲要有選擇困難，要好清楚佢鐘意咩，叫錯左我死梗，佢好like蘋果批，所以叫左玉桂蘋果金寶真係同相一樣，等左一陣唔知係咪即整。我果碗咁細唔係唔食埋佢果d ,熱辣辣既apple crumble, 連pan 都熱架, 但上面既雪糕上台都唔溶，勁！！！成個組合好清新，apple crumble甜得黎有蘋果既酸再配雪糕中和佢既濃味，好正 留意到餐廳既裝修好有心思，bench仲有d鈎俾人掛嘢，好細心賣單70 蚊到，香港地係咁上下呢個質素好過好多酒店

海鹽牛奶拖肥伴香蕉. 比利排時列日窩夫其實我超愛海鹽甜品😙😙 明明甜同咸係兩極既味道, 但一齊食卻極有反轉衝突既魅力♥♥ 呢個dessert 有哂我喜好既component😍 永遠既super match 焦糖香蕉, 香脆杏仁片, 幼滑鮮奶油 & my fav 灑左海鹽既牛奶雪糕呢度既waffle 最特別係較重麥香(想像下提子包), 但好可惜唔脆, 而且偏乾左d 🙈🙈不過整體都唔錯, MOS 好食甜品餐廳少, 出現甜匠真係幾驚喜 雖然今次既waffle 唔係太岩我口味, 但好期待下次試其他甜品😙😙

朋友告知馬鞍山開左新甜品店，賣相精美，味道好，所以趁返馬鞍山陪屋企食飯之後同妹妹黎試食！舖頭細細，大概得18個位，因為時候早，所以唔洗等位，裝修好靚，係我鍾意既感覺，好溫暖！餐牌上好多甜品，好多都想試呀！可惜得2個人，只叫到2款！每一個甜品名字都好用心去改！令人更有想食既力量！ 海鹽玉米脆片：有牛奶雪糕，玉米脆片，香蕉，棉花糖！平時街外食既棉花糖甜品都比較大盤，要幾個人分先得，否則會很甜膩。但呢個只係一個小鐵盤，細細個，而且加了玉米脆片及香蕉中和甜度，所以一個人都可以食晒呀！玉米脆片做得好好食，脆得黎又帶有煙韌度，我鍾意！ 喧囂仲夏：賣相好靚，最高係乳酸雪糕灑上紅桑子乾，下一層係玉米片，藍梅，士多啤梨，橡皮糖，最底係紫紅色既野莓奶凍，顏色好靚！又有唔同口感！乳酸雪糕做得好好，酸甜度適中，有點像雪芭，食好耐都無溶！值得食！ 呢度d窩夫都好多人叫，所以我會再黎食埋其他甜品架！

個晚係馬鞍山偶然發現呢間甜品小店。地方不大，佈置骨子，坐得都尚算舒服。一行三人，叫左一個好特別既瓶裝甜品叫可可，入面個底係巧克力慕絲，然後上層係棉花糖，布朗尼，雲石脆片同巧克力雪糕組成既不敗組合。友人揀左個綠茶心太軟，綠茶味算合格，一切開香脆外層，膨湃既綠茶溶岩不斷湧出，配合香糯既白玉同軟滑既雪糕，簡直係有畫龍點睛之效。男友對佢個個海鹽焦糖窩夫讚口不絕，雖然賣相同瓶中甜品比既話係比較樸素，但係味道真心無得彈，窩夫香脆不在話下，加上淋面既海鹽焦糖同雪糕球，鹹鹹甜甜既滋味令人欲罷不能😂呢度既甜品相呃like無難道，最值得讚既係唔會一味死甜，感覺夠曬健康，冇咁大罪惡感😏，下次有機會希望可以試埋佢地個鐵板餐~因為聽到格離枱係咁話鐵板brownies 同綠茶好好食!!諗起都期待呀😋

馬鞍山★甜匠今日雖然玻璃胃唔係太乖，但一早諗好左去食waffle，心癮難耐都係豁出去甜品店位於略為遠離新港城中心地既鞍誠街，不過好在開係譚仔三哥隔離，應該引誘到唔少人食番個飯後甜品～平日下晝4點幾黎到，有位女店員係到抹緊塊大玻璃，唔怪之得成日都keep到咁乾淨，可以清晰睇到小店既室內環境。門面同店名相呼應咁型仔，落地大玻璃配黑框，Soul sweet是也。一室木系傢俱，放有各式各樣材料既天花吊櫃同樣採用黑框，簡約而不失型格。靈活使用空間，除左5張雙人枱，仲有8個bar枱位，小小店舖大約可以容納18人。店員話整bar枱既另一個原因係希望促進客人同甜品師既交流，可惜暫時發現大部分人都比較喜歡坐雙人枱。值得一讚既細心位係bar枱位置設有鐵勾可以掛袋，唔洗攬住個袋坐咁狼狽。不過，小店最搶眼莫過於開放式廚房既牆身。牆架由一條條好似軌道既金銅色鐵片同竹條造成，掛上一系列甜匠既煮食工具。搵食時間上次經過就係比門口既午後「窩夫。花茶」推廣吸引左，15:30-18:00午後時光只需要$48就可以享用窩夫+花茶，變相姐係買窩夫（$48）送花茶（$28），仲要星期一至日都有提供喎其實小店除左窩夫仲有好多選擇

馬鞍山得幾間甜品舖, 見到呢間裝修唔錯既新舖又話要試下叫左一個芒果千層拿破崙同一個桂花雪糕, 真係同相一樣咁靚, 唔知點解可以整都個雪糕球咁靚芒果千層拿破崙好香好脆, 同平時果D唔同, 芒果雪糕都好好味, 個醬又唔會太甜, 配撘得好好 ; 桂花雪糕都好清新, 呢個味又真係好少食到, 仲有好多既配料, 雪耳海底椰, 好特別既配撘, 適合好飽但又想食甜品時食 比起旺角果D甜品舖, 呢間真係抵食同靚好多

今晚同女朋友食完飯，又去左馬鞍山最有質素既甜品舖食宵夜。今次我揀左寒天「薄冰寒」，女朋友就要喧囂仲夏‧「莓」呢個寒天「薄冰寒」真係好搞笑，其實係黑糖加大菜糕，但又幾好食，好清甜，唔會好濟，估唔到黑糖同大菜糕可以成為一個配撘，都係一個大膽既嘗試，將簡單既食材連埋一齊。女朋友果個有野莓奶凍、野草莓、軟糖、紅桑子碎同乳酪雪糕, 岩曬佢D咁鍾意乳酪、多款又要賣相靚，n個要求既人。係佢既施捨下都食到幾啖，個雪糕唔錯，不過奶凍可以再滑少少，成個甜品都好好食，加埋軟糖令口感更好。職員最後俾我地兩杯水，好細心，好少甜品店會咁做

在馬鞍山，甜品的選擇寥寥可數，所以一有新的甜品店開幕，我都會躍躍欲試一看這家店門外的Menu，就不其然想到HxShxext，當下倒是少了一分期待不過進去店面以後，我們被安排坐在吧檯 這種佈置大多在喝酒場所或是壽司店出現，可是現在連吃個甜的也可以跟主理甜點的師傅多交流，感覺很特別耶～馬上切入甜點評價～熔漿巧克力蛋糕（改換焦糖海鹽牛奶雪糕）俗稱「心太軟」的熔漿巧克力蛋糕都是眾多甜品屋的不敗款式（只要夠燙夠流質甜度適中），所以並沒有令人驚艷之處。改換焦糖海鹽牛奶雪糕純粹是個人喜好，很可惜雪糕毫無奶味，就算那丁點海鹽有多refreshing也於事無補。雖然如此，有個巧思我還滿欣賞的是，在雪糕球下舖滿朱古力曲奇粉末，所以雪糕溶掉的部分會融入其中，以匙舀之十分方便。海鹽牛奶拖肥伴香蕉根據友人（一位不愛吃甜和牛奶的人）的描述，鬆餅蛋香十足，口感鬆脆，拖肥和香蕉不會過甜，整體搭配不錯，雪糕滿順口（就是因為奶味不重嘛）如題所示，甜點口味算是中上，性價比平平. 在甜品選擇甚少的區域裡頭，這家店顯得特別耀眼，值得一試

為食好多時都要垮區搵食,今次就去到較遠馬鞍山、地點靠近民居,找得不苦,只要你抱著一顆搵食之心、困難也從不沾在額頭上。。。貼近五時,不算是放工時間、店子不算旺很快手已安坐位子高高吧枱,窄窄長枱子、木紋格諷翻開餐簿一頁頁都是漂亮甜品名字和相片,入手又開始難度蒒選之下終於挑來一個「喧囂仲夏」,主角當然是「苺」草苺奶凍作基底,放上點點草苺跟小紅桑子、伴以脆脆粟米片和軟糖,配搭顏色上其實十分漂亮、可惜軟糖「不軟」,拖垮了整份甜品要集中精神嘴嚼,和其它食材不能配合、外觀與內涵不能融和而且奶凍比例亦較少,瓶子闊建議「加高半吋」也未為多雪糕方面亦雪得夠硬實,還是有改進之空間。

馬鞍山開左間新ge甜品店, 見d評語幾好,所以專登去試下,店舖位置好小,星期6夜晚8點去到已經要等位等左15分鐘就有位, menu設計得幾簡約好令叫左2款甜品,分別係焦糖燉蛋同綠茶心太軟,焦糖燉蛋($32)Lam脷: 1/5抵食: 2/5相機: 3/5呢個焦糖燉蛋都幾大份, 睇落幾正,但食落好失望 燉蛋一d都唔滑, 質感好似中式燉蛋咁,蛋味亦好啖, Vi食左2啖就放棄了綠茶心太軟($54)Lam脷: 2/5抵食: 2/5相機: 4/5綠茶心太軟比焦糖燉蛋好d,切開好流心, 綠茶味亦濃,不過蛋糕有d怪, 好濕好厚實, 麻麻地而個雪糕係無味ge睇個樣係平時幾蚊粒買番黎個隻 最好食係旁邊粒白玉總括黎講真係強差人意, 希望小店可以改善下質素la

新開張,所以去試下質素, Manu 相中甜品望落幾吸引, 西式甜品賣相吸引啲,中式就好普通。老公叫左 "甜蜜烙印 可可" 應該算係招牌甜品, 個樣幾Ok, 食落就雪糕好差,感覺似溶左再雪番,因為表面好多白點,食落好硬, 唔滑, 應該唔係即刻筆出來serve, 而係成個甜品雪左成日, 其他配料如朱古力餅已經唔脆, 個底係朱古力奶凍,味道還可以。而我自己叫左酒釀丸子加芋圓,首先份量比食開嘅少左啲, 整體就無咩酒味及桂花香, 同一般糖水無分別。下次可能都會食番隔離街嘅甜館。

店鋪第一種感覺：好台灣feel!+ 小許文青feel!見到好多人order一個玻璃瓶既甜品，應該係招牌貨點左個朱古力味「甜蜜烙印—可可」($48)咩都有d：朱古力雪糕、慕絲、脆脆、brownie、綿花糖好岩d唔知食咩好既朋友，而且外貌都討好岩哂相機食先! 其實質素唔差，味道濃郁，問伙記先知雪糕是自家香港廠製，唔係一般牛奶公司味道比哈根大師更濃更滑可惜brownie比較乾身，食到去慕絲到先無咁口乾焦糖燉蛋 ($32)係我眼中呢個焦糖燉蛋先應該係招牌甜味岩岩好，而且焦糖脆脆用大型既砵仔上碟，方便食用睇洛同實際上都比一般平日食既大性價比非常高可能新開張，伙記服務特別好食得7788個時，會主動每人一杯水 (好多甜品鋪都唔比/要錢)走個時仲會問下你有咩意見，好好好~

門面彼為開放內設BAR TABLE設計類同日式拉麵店舖, 略略睇到甜品師傅嘅工作環境, 有時一個人去食都唔會覺得孤單極力推薦！足料腐竹旦銀杏薏仁&法式香草焦糖燉蛋 配上燒白玉、紅豆、3.6牛乳雪糕, 燒白玉口感''煙韌'' , 加上香濃嘅3.6牛乳雪糕中和抹茶心太軟外脆內軟一砌開真係熔漿!選用馬達加斯加香草籽慢火燉製清晰見到啲vanilla seed, 內在柔軟焦糖即上脆卜卜佢係我目前全港食到最好食最正宗嘅Crème Brûlée!雞蛋生熟程恰到好處，平時出面食開糖水店都無見過咁足料有埋銀杏同薏仁都係我最愛嘅糖水最重要甜而不漏！估唔到以為精通甜品嘅師傅都可以將糖水handle 如此淋漓盡致仲有不同特式甜品原本都想試下waffles 但係10點去到已經售罄! 只見最後一客order即烤waffles好香囉!