甜滿屋

營業中

休息中

食完晚飯想食下甜品，就上網睇下附近有無咩甜品鋪頭，見到呢間鋪頭好多款窩夫就決定黎試下！除左窩夫仲有芋圓同沙冰類既甜品，最後叫左個芋圓八寶焦糖布甸＆花生醬煉奶香蕉朱古力窩夫配雪糕。芋圓八寶焦糖布甸🍨焦糖布甸幾香軟滑溜唔會好甜，芋圓煮得岩岩好有咬口得黎唔會好軟淋淋，加埋其他配料，口感豐富！朱古力花生醬煉奶香蕉朱古力窩夫配雪糕🍌原本以為係脆身既窩夫，但呢到既窩夫係相對無咁脆身，但個窩夫好香蛋香味，趁熱既時候加上雪糕一凍一熱更加好食！

同朋友聚餐咁岩黎到大埔，食飽周圍行下。好遠就見到甜滿屋出面好多人排隊，好奇之下就決定試下。平時好鍾意抹茶，見到宇治金時就想試下。茶味好濃，入面嘅配料都好足，味道超好，下次會再嗌！另外嗌左芋圓八寶焦糖布甸，焦糖布甸出乎預期好食芋圓超出色，煮得啱啱好，有咬口，又唔會好腍，配料都好足，好抵食! Menu 上面其他都好吸引，中式西式都有，每次出餐窩夫都超級香，下次會再黎試其他！ 環境好舒服，裝修設計都好靚，員工質素都唔錯

食完晚飯經過呢間甜品舖，咁啱又想食甜品，見到唔算好多人就行咗入去食。menu入面有好多選擇，窩夫、心太軟、芋圓同中式糖水等等，仲有唔同嘅沙冰特飲嗌咗招牌apple crumble嚟食，雖然要等20分鐘，但好值得等，外脆內軟，鬆脆嘅批面配上肉桂蘋果餡，再夾埋雲呢拿雪糕而且環境優美坐得好舒服，店員都好好態度我冇紙巾問佢哋借，佢哋仲成包借俾我！！

今日晏晝踩單車踩咗去大美督，出返去太和附近食晚飯之後就見到間甜品舖，見到應該唔使等好耐我哋就諗住試吓，佢都好快執好咗張枱就俾我哋入去。佢Menu都有唔少選擇，我哋兩個人就叫咗個芒果西米露同埋蜂蜜肉桂香蕉朱古力味窩夫，勁surprise！個芒果西米露好多芒果肉，唔會太甜啱啱好個窩夫勁香，外脆內軟，真係要趁熱食。環境裝修得好靚又舒服，服務態度又好好～下次一定再嚟！想試吓心太軟同埋法式焦糖燉蛋!!!!!!

港島人去大西北搵野食處處充滿驚喜😬今次比我搵到哩間高質甜品店💚晚上8點幾門口已經排晒隊 入面坐滿一家大細 十個八個一枱香氣撲鼻可能二人枱快d 等左10分鐘到就有位🙇餐牌上面好多選擇，中式西式或者果汁都有作為Waffle 同Apple crumble控一定要叫齊兩個😬蘋果炒至軟身 加上肉桂粉焗香到爆炸 停唔到口🤤Waffle 雪糕可以自由配搭 我揀咗曲奇💚 Waffle唔係煙韌果種 而係偏向軟熟既質感 加上熱辣辣 好味道🥲份量唔小 加上接近成條香蕉 好抵食👍🏻總結:甜品舖嚟講 佢餐牌上七成都係我鐘意食既野 🤣(Waffle,Apple Crumble,木糠蛋糕,心太軟等等)性價比極高，睇黎唔止滿足我兩個願望🙈我已經睇定下次要食棉花糖製品嘅甜品 🥶 haha推薦！

太和驚喜窩夫🤩嚟到太和，住係太和嘅朋友叫我一定要試吓呢間嘅甜品，話係必試！花生醬煉奶香蕉朱古力窩夫配雪糕$63窩夫賣相好吸引，窩夫蛋香味重，配合花生醬同煉奶，味道一流🤤不過要留意嘅係佢地既窩夫質地唔算係特別香脆，我個人就唔太喜歡太脆口嘅窩夫，所以我好鍾意😍另外佢嘅甜品種類繁多，下次一定要再嚟試唔同種類嘅甜品先得～

今日跟舅父車岀黎大埔🥰原本2個小朋友想去返岀面停車場個間，但冇開門..佢哋就係等位泊車嘅時候搵下附近有咩甜品店，最緊要係佢哋想坐😂食物朱古力窩夫配雪糕啲香蕉🍌熱咗真係幾香🤫😀🥳🥳不過大家都覺得窩夫唔夠上次個間好食，但都係不過不失可能配方要整脆啲？米奇雪糕船雪糕加餅😂2兄弟堅稱食得晒1份😆舅父就話由得佢喇🥸奇趣船弟弟話呢個好似車😂😂芋泥布甸下面有一層沙冰，有芋泥、芋圓、涼粉、豆等…不過不失其他原本唔諗住我都食嘅..不過佢話有最低消費$35/人，咁我都食啦坐得舒服嘅！我哋係第一枱，坐咗1陣，就full場😊

自一間有招牌窩夫的甜品店結業後，有一段時間沒在大埔吃窩夫了。從朋友口中得知大埔有間甜品店有窩夫食，而我們是未試過的。這晚在舊墟吃完晚飯，就來了甜滿屋。雖是星期六晚上，但都不用等位，便能入座。窩夫看似有很多選擇，但由於自己討厭吃香蕉的緣故，所以選擇縮減了一半有多，最後選了紅豆綠茶雪糕窩夫。窩夫賣相與以前那家甜品店的擺盤很相似，窩夫富蛋香味，稍嫌口感不夠外脆內軟。紅豆綿密香甜，綠茶雪糕的綠茶味算濃。金寶蘋果配雲呢拿雪糕，熱焫焫的送上，賣相金黃，金寶蘋果的表層焗得好香脆，牛油味重。內餡的蘋果份量充足，但酸甜度稍稍被牛油味所掩蓋，獨自吃一份會有點膩。欣賞之處是兩份甜品都是熱熱奉上，而不會是暖或已放涼地送上，但味道方面尚有改善空間。

呢間小店睇落簡單，但食物實在係驚喜連連！今次食咗款超值豬扒飯，肉質嫩滑肥瘦適中，香煎到啱啱好，啖啖肉咬落去真係juicy到不得了。飯上面撒咗啲脆蔥花，口感同味道層次提升咗唔少。同埋啲青菜？哇，炒得脆翠入味，唔會得個色無個味！佢地啲菜肉同飯嘅比例控制得好好，一路食都唔會覺得膩，口口生津。至於跟餐嘅金黃薯條，外脆內軟，唔會過於油膩，跟啲自家製嘅番茄醬一撈？咪就perfect match啦！手工檸檬茶真係清新提神，飲落去酸甜適中，係呢個夏天裡面嘅一抹清涼。總之如果想覓得一個舒心食堂，呢度絕對值得一試。重點係食物質素同服務態度都正，真係一啲都唔馬虎😊！下次一定要約埋班friend再嚟開開心心食飯🥢🍚🌿。

食完晚餐見想食埋甜品就一定會諗起呢間以我每次都會order 嘅一定係 Apple crumble而男朋友就一定會order佢最鐘意嘅朱古力心太軟佢地做甜品都做咗好耐ga la不過係近呢幾年黎咗大埔開舖Apple crumble要等大約20分鐘不過呢個係好值得等外脆內軟其實本人唔係肉桂嘅超級fans不過都要order就知佢有幾好食而且好足料仲配有雲呢拿雪糕一凍一熱好好味而朱古力心太軟都可以配雪糕或者奶凍做到洗心效果就唔使講味道都好好食好濃朱古力唔係d假朱古力味

吃完晚餐最好就是吃飯後甜品，這間甜滿屋晚上是很多人排隊等候，但用膳時間沒有限制。紅豆粟子朱古力味窩夫配雪糕，可能因為多人，等甜品出會比較耐，但賣相同味道都不錯，窩夫溫熱，烘到好香脆…栗子蓉味道不錯，搭上配料一同吃會增加不少層次口感，吃完好滿足。種類大多是雪糕甜品，西式種類多，反而中式甜品比較少，需要留意一下。

同老公撐完枱腳，梗係去搵甜品食餵飽埋另外一個胃先😂呢間甜品店之前聽朋友介紹過話好好食所以黎試下黎到見到都好多人，所以要係門口等一陣見到好多人叫窩夫，原本諗住同老公share窩夫一齊食，因為岩岩食完飯其實都有啲飽。但見佢原來有每人最低消費$35所以都叫左2個。老公就叫左個花生🥜醬練奶香蕉🍌配朱古力🍫窩夫配雪糕雪糕有4隻口味可以揀：朱古力，雲呢拿，曲奇，香芋。我叫佢揀香芋😂因為我想食🤭我平時最鍾意食芋圓所以當然叫番個芋圓八寶樂園配原味奶凍。2個甜品入面我最鐘意就係佢個窩夫佢真係做到外脆內軟既效果配埋雪糕🍦，一凍一熱好夾芋頭雪糕🍦都好香芋頭味芋圓八寶樂園個款佢入面有西米，紅豆，涼粉，芋圓同芋蓉但我就覺得有啲甜好似浸完糖水再撈番上黎禁雖然配左個淡奶可以中和下但都係甜…反而原味奶凍就好好味😋下次黎可以再試下其他味道既窩夫🤤

一黎到就有位仲以為都唔係好多人幫襯，點知等緊野食嘅時候就有一堆人喺出面等位。。。。。。。好彩早丁丁咁多入黎啫😛😗花生醬煉奶香蕉窩夫配香芋雪糕～窩夫味道正常，不過窩夫略嫌過脆，由外而內都係脆。個人偏好外脆內軟，如果烘嘅時間短返少少，做到外脆內軟會更加好紅豆栗子朱古力窩夫配朱古力雪糕～呢個配搭有啲漏明明每樣野分開都好食，但一齊食就有啲漏，尤其係栗子蓉不過同原味窩夫一樣，朱古力窩夫都係太過脆芋圓～正常發揮，都可以一試

成人經過都見到好多人排隊，決定走入去試吓😍好有驚喜，叫咗佢嘅窩夫雞蛋布甸，面頭嘅棉花糖就好脆，配埋個布甸啱啱好，唔太甜，口感又正😋跟住叫我喜歡嘅窩夫🧇！佢有勁多隻味揀，一黎到仲係外脆內軟，食落又唔會好heavy 嘅感覺😗佢嘅香蕉超有心機切，加埋少少脆脆，令到成個野更加有口感！最後當然粟食心太軟，係流心架😍冇overcook 仲用dark chocolate 唔會太甜😎最後要讚吓佢唔同口味嘅雪糕，唔會剩係得個甜字，特別係芋頭味🥰三隻入邊最好食🤤

📌大埔區內人氣窩夫甜品屋呢間位於大埔太和一直喺區內好受歡迎嘅甜品舖～基本上過咗八點就一定要排隊等 好多次我去到都根本排唔到隊 因為實在實在係太多人呀!!!今次八點入席😆唔使排隊就入到去試吓佢哋最出名嘅窩夫🧇我哋叫咗蜂蜜肉桂香蕉窩夫🤍一嚟到就聞到好香玉桂味😙再切個窩夫嘅時候 我同朋友都發現佢超級鬆軟 實實地有窩夫嘅質感得來又fluffy😋唔怪之得佢一直都係區內超級有人氣嘅甜品舖🤩大家可以試吓佢哋嘅朱古力系列窩夫 好似好吸引咁 等我下次都試吓😝💰：蜂蜜肉桂香蕉窩夫 ($54)🍽️ 食物：🌕🌕🌕🌕🌑🥂 飲品：NA👩🏻‍🍳 環境：🌕🌕🌗🌑🌑💯CP值：🌕🌕🌕🌖🌑✅回頭率：🌕🌕🌕🌕🌕Overall: 🌕🌕🌕🌗🌑📍甜滿屋@sweet.home_tp 地址：大埔翠樂街8號富萊花園一期金棠閣地下G06-A2號舖