影片
電話號碼
92361696
營業時間
星期一至三
14:00 - 22:00
星期四
全日休息
星期五至日
14:00 - 22:00
以上資料只供參考, 請與餐廳確認詳情
好耐之前想幫襯，行幾次都無開門，早個多月都摸咗次門釘，原本無再諗住食到，點知公司姐姐去開買嘢見佢有開，即刻打電話問我哋食乜 😜😜買完要行約 10 分鐘返公司，個雞蛋仔仲脆，有啲紅莓無咁漏，藍莓梳乎里好彈，蜜糖多士仲脆口，同埋好香。個梳乎里同多士跟一大 pat cream, 好味就好味，但好邪惡，所以都係點到即止 🤣🤣
繼續閱讀
好少行過黎土瓜灣街尾依邊搵食，睇過幾次網上報導話老闆本來係酒店餅師，再出黎開鋪，佢同其他人唔通係佢唔係出黎賣貴價靚切餅，而係平民雞蛋仔order 左個肉鬆雞蛋仔，皆因隻味比較特別唔係成日有，而價錢都只係十幾蚊唔貴。無其他食評講咁耐，大概等左十多分鐘，終於到手啦仲有靚靚包裝袋，平時d 鋪頭都係啡色纸袋就算嘛，用心老闆，加油！
繼續閱讀
雞蛋仔好味到冇朋友！雖然要排隊、但值得;暫時呢區無人能及(個人意見)地方雖細;老闆用料絕無馬乎！價錢公道、希望快D暫揾住腳有一班街坊搬去附近較大地方可以一邊食、一面打卡分享比為食鬼嘅大家！
繼續閱讀
舖頭位置唔算就腳，地鐵站要行15分鐘先到🦉不過絕對值得一行叫左黃糖雞蛋仔($10)同埋水蜜桃窩夫($25)黃糖雞蛋仔10蚊一底大大份唔會好甜仲每一粒都脆卜卜👀水蜜桃窩夫用新鮮水果唔會有好假嘅甜味而且窩夫焢焙味十足💃🏾前酒店師傅做過Marriott幾年，有技術有禮貌又有心😍一間90平方尺嘅小店唔算有咩裝修，門口得兩張膠櫈俾你坐低等，但食嘅就係嗰份心機嗰份心意，香港嘅小店最值得欣賞嘅就係呢份情懷等候當日唔算多人，5分鐘就有貨，實在快靚正!一定會再黎
繼續閱讀
雖然冇人在意，但都係趁得閒同有記憶喺度，拿拿臨找數講返第二及第三次幫襯甜甜味嘅食評先~第一次幫襯OREO雞蛋仔，感覺甜度調味OK，但質感遠遠不如已結業的小食部，不過都決定畀機會佢，第二次幫襯嘅係蜜桃窩夫。或者即叫即整係老闆的堅持，但我想講真係幾慢吓，我幫襯前根本冇人排隊，但都等咗約10-15分鐘先有成品。味道方面，個窩夫確係做得唔錯的，熱騰騰又軟身，黃糖調味剛剛好，賣相不俗，個盒、餐具亦幾精美，同舖頭出面較烏煙瘴氣嘅環境可謂完全格格不入。第三次幫襯嘅係兩款梳乎里──紫薯醬士多啤梨梳乎里、花生醬梳乎里。今次係星期六嘅傍晚時份，由於前面有人排隊，而老闆亦係即叫即整，所以都等咗七、八個字，少啲耐性都唔得……先評價梳乎里整體質感，老闆呢款梳乎里嘅質感比較實，同而家比較興嗰種空氣質感完全兩碼子事，我個人就麻麻地，覺得鬆軟一啲會較吸引。加入紫薯醬同士多啤梨嘅梳乎里味道當然較佳，不過士多啤梨唔太甜、少酸，同紫薯醬嘅味道亦未算搭配得到。至於較寡嘅純花生醬梳乎里，花生醬算香，不過由於質感始終實，食完唔會有幾好味、值得再購買嘅感覺。個人認為，要為甜甜味嘅甜品排名的話，我會覺得窩夫>>雞蛋仔>>梳乎里，而梳乎里嘅價錢係三者中最貴，大家可以衡量一下。有批評先有進步，希望老闆繼續努力，睇報章雜誌訪問覺得佢算有心，而且又有即叫即整的堅持，態度非常良好，外賣餐具同盒頗精美，睇得出係有心做，不過暫時質素未去到話好值得等30分鐘以上。另外，由於出面較烏煙瘴氣，都希望老闆可以更加倍注意食物衛生。為咗鼓勵一下老細，食物總評就畀4星啦，雖然4星只係畀窩夫，而唔係梳乎里 最後最後，希望老細開舖時間可以穩定啲，唔好令客人摸門釘。
繼續閱讀