甜記餃子

營業中

休息中

第一次去荃灣分店度食，好有驚喜。要咗兩款餃子和蕃茄湯底，餃子大大隻，菜多肉少，皮薄，有少少似砂鍋雲吞皮嗰啲皮， 番茄湯底不會太甜，而且頗有家的味道。 附近好的餃子店不少，我覺得它是有自己賣點的。 所以今次剛好來到太子附近就怒叫咗蕃茄湯餃，煎牛肉餃子，同個台灣麵吃啦。大失所望，個蕃茄湯底竟然有魚味，原來係蕃茄魚湯 （但係Menu明明冇寫到係魚湯，我之前食分店嗰間都唔係魚湯）。魚湯都冇所謂，但係好鬼腥！搞到成碗嘢都好難食。d 餃子都不是熱辣辣的，應該是烚定擺埋一邊，然後倒啲湯入去。牛肉餃子好一般。個麵煮得好腍，食咗一啖就冇食。 荃灣OK，太子就不了。

食過甜記餃子我諗都不下數十次都係最鍾意食嘅餃子之一最鍾意食西洋菜湯餃同洋蔥牛煎餃加上屋企附近又有分店所以都成日幫襯今晚收工嗌咗佢哋外賣自取一共叫咗3個餃子其中一盒係煎餃一打開真係o曬嘴燶到咁 好心就掉咗佢啦咁都夠膽比客人嘅覺得佢哋要加強training 首先唔應該煎燶曬啦就算真係唔小心煎燶煎燶曬就唔應該比客人啦個觀感真係好差成盒大部分都係燶到黑曬咁都唔知食唔食好未試過見到咁離譜嘅煎餃希望佢哋可以改善下

平民美食，收費合理，餃子餡足調味唔過咸，蕃茄薯仔湯飲完唔會口渴，煎餃同湯餃都可以一戰，環境幾靚，幾好坐。分別試過檸檬葉杏鮑菇餃，南瓜忌廉餃，西洋菜豬肉餃，羊肉薑蔥餃，同埋香葉豆角餃，每個口味都滿足，而且鍾意食菜嘅我係覺得佢菜嘅份量好足夠，所以有加分。個人最推薦香葉豆角餃，口感特別，喺出面少見啲嘅口味。辣菜脯好食，藤椒魚皮夠脆口，手拍青瓜雖然嗌咗小辣但係都有啲辣，如果唔食得辣嘅，可能要備注要少少辣。

今日心血來潮想食餃子，喺群組嗰度問人意見原來姨甥仔一直都有去甜記餃子食，所以去咗太子店食，順便買外賣俾佢哋我哋星期六4:00去食，所以唔使點樣等位，環境坐得好舒服空間感好大，Menu好好有個餃子選擇攻略有埋卡路里俾你做reference，我同先生之後決定嗌一份湯餃（揀咗白菜豬肉、雲耳椰菜豬肉）一份煎餃子（揀咗韭菜、同埋佢哋嘅王牌推介芝士粟米雞肉）個雞湯好好味，餃子個皮好薄，四隻味食嘅時候都分辨到，而且每次都可以叫一或者兩款味道，變咗口感上會滿足好多最後我喺門口影咗啲靚相，佢呢度做到間Cafe咁食得好舒服

呢間餃子店又係短時間跑出，而且開了不少分店，終於試到啦，同朋友平日5點左右到，避開繁忙時間。$48 湯餃 2款 韭黃雞肉餃 好重韭黃味呀，雞肉比豬肉鞋dd 菜芯豬肉餃 好少食呢種口味，幾新奇，味道菜芯較重，肉味偏輕每隻湯餃呈長身形，當日預先包好後急凍，有單就下鍋煮，size比一般大dd，皮厚度適中，唯一失望是上枱湯底温度叫做微熱，食到最後兩三隻已經涼哂啦😮‍💨湯餃就係要熱吃！番茄薯仔湯湯底淡淡，配有一兩粒薯粒，無味精！！$52 煎餃 2款 +6 京蔥羊肉餃 羊肉唔，唔夠京蔥味，食梗羊肉餃 粟米芝士雞肉餃 應該叫粟米雞肉餃，冇芝士味，好濃厚粟米因為真係一粒粒粟米煎餃望落細啲，煎得乾身，口感唔油膩，即煎關係，上枱真係熱辣辣出哂煙，同埋，香！所以食到最尾煎餃仍帶點微熱。特別一提，店舖提供自家製辣菜甫，惹味，唔重鹹，偏辣，建議配上餡料較淡的湯餃。

咁啱坐嗰個位下便啲冷氣又凍又大風。服務員話校細啲會冷氣機滴水，收銀話封嘴位置不可以調校，溫度冇得調校。啲風力係強到連個湯麵上面啲湯都move 緊。收銀話幫你唔到叫我搵老細。我希望你哋老細見到呢一個留言搵人搞下啲冷氣機。重要嘅嘢，講多次！咁啱坐嗰個位下便啲冷氣又凍又大風。服務員話校細啲會冷氣機滴水，收銀話封嘴位置不可以調校，溫度冇得調校。啲風力係強到連個湯麵上面啲湯都move 緊。收銀話幫你唔到叫我搵老細。我希望你哋老細見到呢一個留言搵人搞下啲冷氣機。

太子人氣餃子店，主打十二款不同口味的餃子，價格親民，可選擇湯餃或者煎餃，湯餃可以選擇雞湯或者蕃茄薯仔湯。今次選擇了湯餃雙拼，粟米芝士雞肉餃和南瓜忌廉雞肉餃，湯底選擇了蕃茄薯仔湯。餃子皮薄餡料足，兩款餃子都是偏甜的口味，蕃茄薯仔湯清甜但不算濃郁，食出手工整的味道，與急凍餃子是不同的層次！-🔘 粟米芝士雞肉餃 | hkd$48/10隻🔘 南瓜忌廉雞肉餃 | hkd$48/10隻-🍽️ 食物 | Food: 4/5🌅 環境 | Environment: 4/5💆🏻‍♂️ 服務 | Service: 4/5💰 價錢 | Price: 4/5📝 總結 | CP Value: 4/5-A foodie documentation of dining experience in restaurants based in Hong Kong 🇭🇰.

🤩甜記餃子（太子）好耐無黎呢間食餃子啦 今晚上完瑜伽堂男朋友黎接我諗住一齊食餃子 開頭去左油麻地附近果間 原來內部裝修緊🤣🤣粟米豬肉&京蔥羊肉餃男朋友至愛粟米🌽豬肉餃🐷好味～南瓜忌廉雞肉餃&咖哩南瓜豬肉餃南瓜餃仍然係我心目中top 1不過好似南瓜味無以前咁濃口水雞 蛋麵 蕃茄湯底好好味😋 雞都幾滑 絕對要食呢到嘅菜莆 真心好正不過我地夜晚9點零左右到覺得好熱🥵好似無乜冷氣 唔知係咪臨收鋪熄左仲要食咁多熱野 食到大汗踏細汗咁😂

環境:裝橫有d日系風格，初初經過門口以為係食甜品/日式嘢🤭坐位都算係闊落，冷氣供應都充足，衛生整潔嘅。無留意到店舖有無洗手間🤔服務:偏自助，所以唔好期望有乜好好服務，正正常常普普通通🤷🏻‍♂️落單QR code型式，都係i人福音，方便自己慢慢睇慢慢揀。自助斟水咁。食物:水餃，煎餃，湯麵，小食。餃嘅口味選擇好多，有12種口味，有d口味都幾特別，鍾意佢地嘅 香芹芫荽豬肉餃 同 西洋菜豬肉餃 配番茄薯仔湯🍅🥔餃子大細適中，皮薄滑溜，餡料非常足。個湯都好清甜可以飲得晒~配埋每枱都有嘅醋同菜脯食，唔同層次口味😋

呢間餐廳裝修是是正正入到去環境好寬敞 傾計談心都好唔錯見到咁多餃都花多眼亂 選擇夠哂多叫左一半水餃 一半煎餃🥟水餃保持到佢既味道外 煎餃外皮脆脆地勁可口 餡都一樣唔乾身連埋菜圃一齊食 辣辣地正加埋杯洛神花茶 超好飲 一定要叫呀🥤🤍餃子控既人一定要黎試下 本人最愛大推芫荽餃🫶🏻🥟🫶🏻🥟•香芹芫荌豬肉餃•白菜豬肉餃•韭菜豬肉餃•菠菜豬肉餃

甜記一直都係我好鍾意既小店之前一直都係外賣返屋企食但係經過今次就真係未必想再去食一. 職員態度惡劣職員帶位入坐之後 我睇左陣餐牌 問佢有冇邊種餃子已經賣晒佢就好惡咁話: 我點知啊！你自己睇咪得 嘟QR code咪知但係佢帶我入坐直到我問佢個刻都冇比過QR code我嘟….其實只係問一句啫 使唔使咁惡?二.職員缺乏培訓到用QR code落單時 發現冇得揀煎餃所以問其他職員 發現連啲職員都唔係好識點用手機落單 最後要問收銀先知原來係已經停止供應三. 未夠鐘就熄燈氣趕人走九點坐低 九點三last order 九點四左右先上菜 十點收鋪但鋪頭職員九點八仲有幾枱客就已經開始熄冷氣 令大家都食得相當唔舒服依家夏天成三十幾度 冇冷氣又閂晒門係十分侷促其實佢地咁趕住收鋪 點解唔九點已經停止入座?四. 食物質素下降以前長沙灣店嘅蕃茄薯仔湯係有薯仔同洋蔥係湯入面 依家係咩都無 淨湯啲餃又煮到爆開咗其實經歷完佢哋咗惡劣既態度真係唔想再食但係又已經坐低咗 所以先繼續點餐今次一定係我最後一次幫襯其他食客去太子分店堂食既 睇路啦

甜記餃子 (太子) @tinkeedumplings 📍：太子砵蘭街450-454號HQ大廈地下C-D號舖🚗：太子地鐵D出口 步行1分鐘📞：+852 4614-9740💲：~HKD60/head for lunchFood quality✔️：10隻湯餃配茄湯 （京葱羊肉餃、南瓜忌廉雞肉餃)👌🏼：10隻煎餃子(粟米芝士雞肉餃、菜芯豬肉餃)、熱豆漿總結：😋一間喺長沙灣打出名堂係區內餃子🥟名店 喺太子呢個餃子爭霸地都想佔一值位 新店裝修就走新穎日系路線 同舊舖畀人嘅感覺有段距離 不過食物質素都保持到 推薦嘅😋個人偏愛食煎餃多過湯餃 但呢度係難得令我覺得湯餃出色啲 同埋湯餃會發脹睇落大粒足料啲🤣有12款選擇 雙拼單拼同價 除咗傳統豬肉餃嘅選項外 呢度都有提供啲新式選擇如京葱羊肉餃同南瓜忌廉雞肉餃等😋湯底有得揀雞湯或番茄🍅薯仔湯 茄湯都幾足料 家庭嘅味道 唔係茄膏而真係食到一塊一塊嘅鮮番茄 京葱羊肉餃出色過南瓜忌廉雞肉餃 京葱好清新 不過羊肉我覺得未必太夾 好似都係豬肉正啲 不過都好食🥰😋南瓜忌廉雞肉餃就相對冇咁驚艷 不過都好食😋其實佢最好食唔係餃子 而係任拎唔嬲嘅辣菜脯 非常辣但醃得好入味嘅辣

今日同老公去開太子，有啲掛住甜記餃子，見喺附近所以就行咗過嚟，平時星期六日都仲要排隊嘅，今日平日好多空位～呢間舖頭裝修係以木系裝修為主，有少少文青風嘅感覺～今次我叫咗雙拼煎餃，一半係椰菜雲耳冬菇豬肉煎餃，一般係忌廉南瓜煎餃～雖然同樣都係熱辣辣煎出嚟，但今次感覺佢退步咗，成隻餃子好似細咗，而且煎得冇以前咁好食，有少少煎過龍既感覺，有少少失望。忌廉南瓜餃子好似冇乜忌廉咁，同上次食爭好遠。而我老公叫左韭菜餃，都係普普通通。

太子甜記的質素真是每況越下，如非必要下次都不會再吃。晚飯叫了甜記外賣，本來是韮菜豬肉及椰菜冬菇雙拼。拿外賣時，發現韮菜豬肉餃的外皮全部破損，餃子溶溶爛爛。向店員查詢，則表示當天的韮菜餃因不明原因，以致外皮易爛。真心想問店長，為何明知成品如此，不可以店員更換及篩選完好的給顧客，要顧客自己做篩查？最後店員提出願意重做，就換上了南瓜忌廉餃。但打開外賣，外賣筷子發霉。椰菜冬菇餃的餃子皮是沒有以往的彈性，反而是吃到極重粉及黏嘴，似是未全隻煮好就放入盒。甜記真是越做越差😞

一向很喜歡💕吃餃子，近期因為帶孩子去太子學習，所以就多咗去太子，之前去搵間咖啡店，一路行嘅時候見到有一間好靚嘅舖頭，見到原來係間餃子店，原來現在嘅餃子店已經一改茶餐廳系的感覺，所以就快快記下。睇其他食評，說要等好耐，所以我就搵一啲下午時段去，我大概2:30左右到餐廳，餐廳冇什麼人，員工們都正在努力包餃子，所以可以任選位置坐下，餐廳的環境很舒服，好企理。餃子的種類也非常豐富，有傳統的，也有新派的。我叫咗一個雙拼湯餃子，粟米芝士雞肉餃和香芹芫荽豬肉餃拼🥟拼蕃茄湯底。粟米芝士雞肉餃～睇食評，大部份人都會推薦，所以叫了這款，餃子皮薄，雞肉飽滿配上香甜粟米，但就缺芝士味。香芹芫荽豬肉餃～有時候覺得還是傳統餃子好味😋，豬肉🐷沒有腥味，配上香芹和芫荽，非常美味❤️！整體用餐感受也很好，埋單$48，但有一個舒適的地方享受美味的餃子🥟，性單比高，期待下次再去。