甜CC 甜品店 (已結業)

這間甜品舖的食物真的令人失望，我們點了幾道甜點，但味道都非常差。首先，他們的蛋糕太乾了，而且味道非常平淡，完全沒有新鮮水果或奶油的香氣。其次，他們的冰淇淋選項很少，而且口感也很粗糙，吃起來一點都不滑嫩。最讓人失望的是他們的服務態度，完全沒有禮貌，讓人感覺很不受歡迎。總的來說，這間甜品舖的食物讓人感到非常失望。不僅口味不佳，選擇也很有限，而且服務質素也很差。希望他們能夠改善食物的味道和品質，並提升員工的服務態度，這樣才能吸引更多顧客光顧。

🎈食物：🌕🌕🌕🌕🌑同朋友聚會，食完飯想食碗糖水再繼續吹下水，就試左呢間甜cc，叫左個熱既紫米小丸子黎食，椰汁味都重既，紫米都好食，但我r哂頭既係點解要加粟米🤣🤣🤣🎈環境：🌕🌕🌕🌕🌑現場環境都衛生，都有位放袋，多人既話可能會有d迫🎈服務：🌕🌕🌕🌕🌑掃qr code 落單都方便，出菜都快👍🏻🎈回購：🌕🌕🌕🌕🌑粉嶺其實冇乜糖水舖，聯和墟嘅話都係食佢😂

去到見餐牌話有飯食，點知店員話賣曬啦。 咁唯有嗌個撈麵食。 店員嘅態度仲好不屑，猛咁話：電話落單啊電話落單呀， 人手不足呀我地。 最離譜係佢話啲飯賣曬， 結果遲過我地黎個兩檯客人都有飯食， 我地問佢又話無飯嘅？ 啊姐話係佢地嗌先同埋得返最後呢兩個飯。我想知我地到先坐低先， 佢地點樣嗌先呢？ 間舖咁細， 得3檯客， 3個樓面， 都話人手不足😂 我明白都有好多外買單要做，但個位阿嬸企係個收銀機到都唔肯幫我地落 話要我地用電話落單， 而電話個QR code又無我地想食嘅野， 最後都要另一位同事幫手寫單。 至於食物方面， 質素差， 服務態度差。總之就差差差喇！

紅豆沙熱辣辣好好味呀！間中都會過嚟幫襯，價錢實惠街坊價錢，自家製合核糊好滑好濃，都幾好但唔夠熱，都係紅豆沙好味，有蓮子又見到粒粒紅豆好足料，又唔會好甜死甜，推介！

嗌一個熱鮮奶燉桃膠 $39外賣完用左15分鐘返到屋企結果發現係凍既桃膠一粒粒細過啲紅豆 仲要好少量🥲另一個什麼3.6牛奶布甸 $20完全破壞左我對3.6牛奶既味道勁怪 又 難食 食左一啖就掉左連小朋友都話難食真係未試過食一個咁難食既甜品攞命 真係比錢買難受😣 又唔係平嗌一個熱鮮奶燉桃膠 $39外賣完用左15分鐘返到屋企結果發現係凍既桃膠一粒粒細過啲紅豆 仲要好少量🥲另一個什麼3.6牛奶布甸 $20完全破壞左我對3.6牛奶既味道勁怪 又 難食 食左一啖就掉左連小朋友都話難食真係未試過食一個咁難食既甜品攞命 真係比錢買難受😣 又唔係平

鍾意呢間甜品鋪有忌廉奶底已經食過幾次但今次比漏左生果（嗌左$33椰汁西米露配木瓜 忌廉奶底），無比到木瓜，外賣自取返去一打開，成碗嘢白雪雪，雖然都好食，但有啲失望，希望下次跟單姐姐睇清楚配料⋯⋯仍然會再幫襯。

我第一日知原來木槺布丁係面頭有餅碎既牛奶布丁Cream 在哪裡？想當年中學家政堂都整過啦，一層cream一層餅碎我個女都整得岀啦，名乎其實過呢個「木槺牛奶布丁」，好食過呢個好多啦唔想為左佢打200隻字先可以比劣評公仔 唔值得

踩單車經過, 見到甜品店, 試一試這間.雖然是平民小店, 但甜品都幾有水準.我們點了芒果小丸子和椰汁芒果紫米露。芒果打成茸，唔會太甜，小丸子亦都唔會太硬，好好食。椰汁芒果紫米露，味道偏淡，但整體係好好食，有粒粒芒果喺入面。我哋仲點了咖喱三寶，有魚蛋、蘿蔔和魷魚，不過冇影相，呢款幾辣，鍾意食辣嘅朋友一定要叫。我哋身上冇帶紙巾，店員俾咗2塊我地，好好人。下次行過一定會再幫襯。座位：大約40（店內都有座位的）價錢合理！

去聯和墟探朋友，兩個人唔點肚餓但都想搵啲野食下，籍住紅雨既天氣溜進左哩間甜CC。朋友似係常客，同我介紹邊啲好食。我嗌左一個朱古力雪花冰，而佢嗌左一個益力多雪花冰類物體（好似叫白馬王子？）。雪花冰相當綿密，配料種類同份量都唔少。朱古力味香濃，益力多味清新，整體幾好食。之後朋友唔夠飽又嗌左一個雜果窩夫同一杯檸檬益力多。檸檬益力多冇我想像中咁酸咁奇怪，一杯偏酸有好少檸檬味既益力多咁。雜果窩夫不錯，水果種類唔少，有兩塊窩夫咁。

2個普普通通嘅糖水，收費貴咗d，冇下次值得一提嘅係樓面，因為態度、神情、語氣等，都係極品。極品：(晦氣)外賣幾號呀？客人：(有禮)我用app嘅外賣自取嘅極品：(惡)幾號呀？客人：(不爽)電話號碼得唔得極品：(有人欠咗佢咁)咁你嗌咗咩呀？好彩最後都攞到，不過攞2碗糖水啫，唔明點解要受氣，早知俾貴d都食聯和墟另一邊嗰間。咁嘅服務態度，真係一次都唔想幫襯，蝕呀！講返嗰2碗嘢先，蛋白杏仁就唔值呢個價，紫米露都係可以接受嘅，不過我覺得茶樓送嗰d都差唔多啦！

今晚做順豐外賣，尾單送靈山村，同個客傾邊度等時大家有誤會而俾佢小。嬲嬲地去甜cc食甜品。見到menu幅相好吸引就叫左佢，真係好好食，夠清爽清涼，下火一流，而且唔貴，38蚊，抵食。

今晚做熊貓外賣，尾單係甜cc。見到啲食客食啲冰山嘅物體，覺得好新奇，自己又好耐無幫襯，又想食啲生果，於是送完就去叫呢兜朱古力香蕉冰。佢啲冰嘅質感有啲似雪糕，上面有啲七彩朱古力條，好好食。下面仲有啲青色珠仔，一咬爆超甜，好似食緊提子咁。甜cc一向無令我失望。我仲推介俾家人朋友。真係唔錯。我一向中意食雪糕，但腸胃差，一直忍住唔食，今晚忍唔到了，正呀

夜晚食完晚飯，想食返個甜品，見近近地就嚟咗呢個甜CC甜品店食。我買咗個叫做七公主嘅甜品，諗住有啲生果，酸酸甜甜實無死啦。點知！啲生果無味嘅，個甜品又完全唔夠凍，真係唔掂檔，仲要唔係平喎，最後無食哂就走咗，認真無下次啊...

食完正餐，當然想食啲甜品啦！！ 仍然係新年嘅時節，所以都有新年嘅餐牌， 夠曬應節！！見到佢有好多唔同嘅甜品款式喺regular menu度， 最吸引到我嘅就係心太軟同埋班戟！！ 因為要即時現造， 一般家庭好難同時地自己做到呢兩樣嘢。而且可以選擇嘅雪糕口味超級多，正呀！班戟配榴槤雪糕， 班戟好香脆， 厚度適中 ，用上朱古力醬而唔係忌廉 ，彷彿件事冇咁邪惡， 而且有生果配埋，成件事就balance返喇！！雪糕球都幾大球， 榴槤味超級香濃，榴槤迷真係唔可以錯過！心太軟size都算幾大，配上薄荷朱古力雪糕球、 生果同埋脆脆 ，索價都非常合理。最治癒嘅畫面嚟啦！！切開心太軟，流心朱古力漿緩緩落下， 甜度啱啱好，絕對唔會膩。

旅行回來後，少吃了宵夜有點不習慣😂 口養養的我就到粉嶺聯和墟，即公共圖書館附近的「甜CC」 啦 ！ 地方寬敞、整潔、枱、工具不會痴立立～ 職員服務態度有善～ 家庭式經營 💪🏻這裡除甜品外，還有串燒、炸物小食、特色小食，挺多元化！想想要剛剛出爐的養顏之品 椰皇燉蛋白HKD 65 連燕窩 😍 但最後還是被相中的Presentation 吸引的心太軟 HKD 52 啦～ 心太軟、奇異果、西瓜、自選雪糕一球 等了一陣子便有了，熱騰騰心太軟切開後，內裡做到流質狀態，濃濃朱古力🍫 就溶化於口中了！ 煎餃子也點了一份共有5件煎餃子，輕輕煎沒過火，香脆外層，內有豬肉栗米。碟底沒留下很多油份。