生記粉麵

營業中

休息中

平時行過見到都好多客，今日經過有位就試下啦，首先落單時有位都幾有份量既女店員態度好似好唔耐煩，叫佢比杯水唔瞅唔睬都唔知佢聽唔聽到😂叫咗一個春卷魚蛋河$37，春卷係唔錯既、魚蛋都好味.. 但個河粉一夾就斷 又唔滑😮‍💨唔掂仲叫咗一個酸菜大腸米線$43，個大腸甜到一個點，煮到又鞋又un，唔掂.. 食咗都浪費個胃😮‍💨😮‍💨失望，同個女店員表達下啦，佢一句.. 「滷水係咁架喎 第一次食？」態度好正🤣🤣$80就試到一間餐廳，唔駛成日心郁郁想去試，抵比🤭

生記粉麵嘅大腸米線簡直一絕，佢嘅大腸全部清曬裏面嘅肥膏好乾淨，食起上嚟罪惡感減少，大腸好食酸菜更好食，粒粒酸菜咬落去爽脆，又酸又甜非常開胃。佢最出名嘅當然係肉春捲，每次食米線我都會額外叫一條，仲有佢嘅蒜蓉辣椒醬真係冇得頂，加埋落呢個大腸酸辣米線簡直係完美組合，以前喺路德圍嘅雄記都幫襯咗好多年，後來佢結業，新聞都有報道，可想而知雄記當時係幾咁出名，好彩大約一至兩年後生記起大河道開返，味道保持返以前一模一樣，聽講係以前嘅員工重開，所以先保留到原本嘅味道，我覺得仲好食過以前。

以前係路德圍係雄記粉麵的常客每次去一定叫佢的魚肉春卷牛筋麵加通菜😋👍🏻仲有佢哋嘅蒜蓉辣醬又係食過翻尋味絕對令人掛住的味道自從雄記無在係路德圍我同老公就食唔返呢個味！！！！！啱啱呢個星期四..無意中俾我哋誤打誤撞揾到呢間生記！望入去個餐牌同雄記一模一樣，連員工都係熟口熟面..即刻入去試下照舊嗌返春卷牛筋麵加碟通菜..😍🥰係呢隻味啦！心人面實在感動！個腐乳通菜的腐乳醬係絕對正，好好味😋通菜都好新鮮好靚！鍾意食腐乳通菜的真係要試下！魚肉春卷如以前雄記一樣，口感正之餘，個面好香！加埋啲蒜蓉辣醬，真係無得彈😋牛筋夠腍夠入味，啲麵質都係有質素的！好多人食小鍋米線嗰啲，下次又等我試下先！

學生時期已經係路德圍雄記粉麵嘅常客，嗰陣款式冇咁多，次次都係食春卷河加紫菜，到出嚟做嘢，結咗婚，做埋人哋父母，都週時返去荃灣幫襯，雄記嘅結業令我非常傷心，好彩仲有生記！魚肉春卷嘅還原度接近100%，近年愛上咗食大腸酸辣米線，會加多條春捲，嗰啲酸菜好好味，配埋佢哋特製嘅蒜蓉辣椒醬，真係冇得頂。小店一間，環境服務都算ok幾好，唯一唔太方便嘅係佢冇八達通或電子支付，因為而家真係好少帶現金出街，希望以後可以有。

覺得失望，今次係第二次幫襯，平日午餐時間，同同事一同入座，坐低後，因為越嚟越多人，就被再次俾調位，都冇問題。調咗喺門口收銀處隔離張枱，食嘢嘅時候不斷俾人撞，同埋門口收銀女人態度欠佳，叫人入座嘅態度有啲似喝狗，收銀女人唔知點解不斷大大力開閂個櫃桶成廿次，成餐飯食得好唔舒服，好唔安樂，同埋震耳欲聾。粉麵正常，米線酸辣湯底正常OK，出名係炸蝦卷但覺得好粉，墨魚丸係幾好食。地方尚算衛生，枱面有梅菜配料，份量都足夠。不過，短期內都唔會再去食，因為本身荃灣幾多米線嘅選擇，免得食個lunch都要受氣。

今次同朋友嚟呢度食，我哋一人叫咗一碗麵🍜。店舖比較細，所以座位都比較迫，大部份都要搭枱。-其實我哋都係想食個春卷，所以專登過嚟嘅，結果冇令我哋失望。春卷比連鎖麵店嘅春卷好食好多，感覺到佢係真材實料。佢嘅外皮炸到脆脆地內裏爽口彈牙。我哋食完一條仲想加餸食多一條添。👍🏻👍🏻👍🏻-而墨魚丸都係一樣，唔同出面好Hea，成堆麵粉糰咁樣，佢真係好有墨魚味同埋好彈牙，唔會係死實實嘅感覺。😋-🌟炸醬米線加春卷🍜-🌟春卷墨丸米粉🍜

同事推介荃灣有一間好食既米線鋪對於米線迷黎講真係好消息，可以多個選擇暫時食左2次 鹹菜麻辣肚絲米線 小辣 加春捲 $54第一次去食果陣，試左呢個好惹味，鹹菜唔會太咸岩岩好，肚絲爽滑最正係個春捲做到口感好彈牙👍但估唔到佢小辣已經好辣食到流哂鼻水 春捲河 清湯$36上次食完春捲覺得好好食所以第二次重點叫春捲河入面有2條春捲，食到好滿足(*๓´╰╯`๓)♡💜💜今次叫左清湯加埋鋪頭自制既蒜蓉辣椒醬可以調返個bb level仲好香蒜香，正! (/^▽^)/

以前食過舊舖好有印象！知道佢重開返好耐終於有機會特登入黎食⋯平日中午食飯時間入黎無乜人⋯叫左個春卷牛筋+通菜⋯春卷好乾又無乜魚味⋯對比我食開連鎖春卷既又真係差d⋯牛筋就太咸太林⋯油菜正價份量偏少⋯都希望有多間春卷比春卷控選擇⋯都想繼續支持小店⋯始終明白咩環境租金昇貴，小店經營都好困難連鎖店真係唔知點解朋友同事都會食到有條引咁⋯隔一排就好想去食⋯就算各送外賣平台無折扣都會定時幫趁⋯希望有所改善個招牌春卷！

荃灣呢間粉麵店老字號30年，由舊鋪雄記粉麵既老闆同老闆娘退休後，就變左由舊伙記班底接手再轉左附近鋪位改左名叫生記粉麵,就連menu 都一式一樣，好有親切感春卷四寶米$45有招牌自家製魚肉春卷，魚蛋墨丸魚皮餃各兩粒，我叫左走青同加左腩汁。呢間春卷似牛脷酥，炸過既表皮香酥，肉質爽彈好咬口香魚肉味。魚蛋魚皮餃同樣彈牙。另外自製既墨魚丸入口軟滑，似慢慢溶化，好鍾意呢種口感。至於腩汁唔止有牛腩味，仲有好香既其他配料既味道，超推薦。以前舊鋪果陣親眼見過老闆自製腩汁既配料，配料足料，所以呢間既牛腩牛根都係特別香而軟滑牛𦟌米線$41牛𦟌有幾大片，燜到又香又腍滑，好正。湯底酸辣惹味腐乳通菜$16通菜夠哂淋又新鮮，配埋自家製既腐乳醬汁認真好食豆漿（+$8)只有凍豆漿，味道正常BTW 佢既辣椒醬都係自家製，辣得過癮，鍾意食辣嘅朋友千祈唔好錯過呢間新舊粉麵檔食左超過十年，好開心舊員工班底接左手，繼續維持到高水準嘅食物俾街坊食，希望陪我食左到老

呢間30幾年老字號麵店係我由細食到大😛😛之前叫「雄記粉麵」 因為老細要移民就結業左🥲 唔知大家食過未呢？🤗但而家又開返啦😍😍 改左名叫「生記粉麵」 新老細係以前既舊員工🫣等我試下新店係咪仲KEEP住以前既味道先🤣- 春卷貢丸麵🍲 $39黎呢間麵店一定要試下招牌自家製魚肉春卷🐟大大條的O形魚肉春卷外表好特別，好似牛脷酥咁😺炸過的香口魚肉春卷質地煙韌、魚肉彈牙😎再將春卷浸落湯到，吸收左湯底精華，真係好好食🤟🤟三粒乒乓球大小的貢丸幾Juicy，內有小量冬菇粒提鮮🍄，不錯不錯～個人覺得新店保持到我細細個果時食既風味，回憶都返曬黎呀🥴大家經過荃灣都可以黎試下呢間老字號啦🤩🤩📍 生記粉麵– 荃灣荃灣大河道53號地下B號舖#justlingggxd_港式#justlingggxd_荃灣

今日叫左兩碗粉，一碗系牛展米線，好味，味道保持住，有芽菜，另一碗系腩肉米線加左春卷，亦有芽菜，味道可以，春卷硬左小小，另外加左一支豆漿，冇乜味，位置唔多，感覺水準比以前雄記差一點

有以前路德圍幫襯左咁多年，老闆唔做員工自己開返間改名做生記，初初開嘅時候成日大排長龍都特登走去排，因為成日都會掛住。因為忙咗好多所以成半年冇去，入到去剩係得一個人，好開心一坐低就叫我最鍾意嘅大腸米線加春卷+凍檸茶凍檸茶到先一飲落去好奇怪嗰陣味，好明顯係檸檬唔靚應該用啲品質比較差嘅檸檬鹹菜大腸春卷米線一見到即刻好開心，二話不說即刻㗎佢哋秘製嘅辣椒醬，一打開覺得顏色比起以前有少少唔同咗，深色好多，好啦諗住嘆吓個米線～咦…成個味唔同咗就算連春卷都唔同咗味道，一直食落去都覺得同以前完全唔同味，完全冇嗰種想繼續追住放落口嘅感覺，大腸好林都唔使咬放落口已經爛，冇咗咬口，所有味道都變晒…。好失望！好失望！好失望！如果有食開嘅朋友就一定會食得出唔同咗，希望係我咁啱佢手勢唔同呀，味道只屬於正常，或者過多幾個月再試吓睇吓會唔會好返啲啦！

下午去生記食午飯，叫做過鹹菜大腸米線，沒有加辣。阿姐話唔加辣即係bb辣。我覺得bb辣真係同清湯唔咩分別，要加辣椒醬，佢地辣椒醬幾香幾好味。麵煮得剛剛好，無生麵亦唔太淋。大腸滷得都幾入味，洗得幾乾淨。

🇭🇰生記粉麵·呢間係我地之前見到ig有人推介話係荃灣老字號重開 所以疫情個陣已經買過一次外賣架啦 因為好好食所以我地前排係荃灣就決定食多次🤤🤤·春卷四寶河$45 l腩肉春卷酸辣米線$53佢其實普通雙拼$36一碗姐 但因為我地想食多啲餸所以就嗌左四寶😈雖然佢呢個價錢比較貴 但係佢啲料真係好多 係真係每樣嘢都有兩件 開心🥳佢個春卷真係超大條 而且質感好好 好彈牙 魚味好出 我自己覺得放係酸辣米線入面浸左湯再正啲🤤🤤之後佢個墨丸超級墨 係好似係個口爆開咁 魚蛋都好彈牙 魚皮餃其實質感都唔錯 不過無另外3樣咁好食🐟🤣🤣之後佢個酸辣米線個湯底都好厚身 所以超掛湯 不過我自己覺得佢唔算好辣 係酸味出啲既 大家可能可以嗌辣啲 之後腩肉我自己就覺得今次個個偏瘦少少 口感無咁好 上次既貢丸好食啲😌·#rbyeat#rby港式#rby荃灣·📍荃灣大河道53號地下B號舖

喺大河道嘅生記粉麵前身係路德圍嘅粉麵店。以前真係好多人會排隊食，今日見店面人流正常，不用排隊。而咁岩經過呢間店就想食番以前好出名嘅魚肉春卷。味道其實大致維持到，魚肉春卷、牛丸都好味，而且牛丸咬開都好juicy，但而家湯底較咸左一啲。友人叫嘅春卷同牛筋麵都ok，但牛筋只有2小口，稍微不夠。不過魚肉春卷的確大縮水左，比以前細了大約1/3，感覺同食落就唔夠滿足了。另外，紫菜就算5蚊變7蚊都好合理，始終疫情後成本應該都上漲了，但係由紫菜鋪滿碗面到夾起得番一啖..下次唔加就ok了。價錢我地兩碗加埋就80蚊，係底食嘅都!只係欠左滿足感，食完再過路德圍食下小食。