生記食家

營業中

休息中

穩世沙嗲牛好好味嘅沙嗲牛 拍得住華嫂果啲$35 一個早餐 沙嗲牛麵+ 牛油方包 + 火腿/腸仔 + 煎蛋 + 野飲（凍飲+$2）呢個價錢無諗過南區會搵到 其他地方應該都好難男仔食都好夠飽凍奶茶好飲 唔會好似其他茶記咁酸 老闆娘仲會問你要唔要加蛋啲奶沙嗲牛個麵唔係公仔麵 好似係大光麵 爽口 冇咁膩 老闆好大方 比好多牛肉 我食完都仲有牛肉剩平靚正 無得挑剔熟食中心無冷氣 夏天食熱啲非常推介👍🏻👍🏻（營業時間唔係好肯定，唔知夜晚/星期六日開唔開）

在黃竹坑返工,睇下open rice ,熟食市場有咩食見到食評話呢間茄子通，椒鹽豬扒不錯我去到，發現招牌仍寫生記，大大張海報在招牌下面，寫早餐，常餐款式和價錢。但一睇價錢和殘舊的海報，是估計十年前的價錢。店員叫我睇餐牌 ，我發現餐牌寫住發記。無了茄子通，都有椒鹽豬扒。是日腸胃不適，只叫了火腿通。雖然餐牌無，但照做，加入生菜。田到公司，發現通粉太冧。湯底ok,已好過附近工廠區一間茶餐廳，我已忘記了店名。得幾張枱，12點半唔多人幫襯

生記食家嘅早餐同午餐都有一定嘅水準，此店座落喺港島區黃竹坑南朗山道嘅熟食市場入面，其實一行到熟食市場入面就會睇到呢間嘢，熟食市場入面嘅環境比較狹窄，座位嘅數目亦都唔係太多，環境衛生都只係一般，到處都可以睇到地下遺留咗好多嘅煙頭我喺早餐嘅時段去到，叫咗個雞扒腸仔麵＋凍奶茶，雞扒炸得香脆，腸1腸仔就唔知係咪廚師腸，公仔麵嘅麵質唔係彈牙嗰種，但又未至於話難食，凍奶茶都只係一般，奶嘅份量唔夠，甜度亦都差咗些少，但夠凍，幸好本店有老干媽辣椒油供應，用嚟拌公仔麵食都幾香口，微辣，唔錯！順便一提：熟食市場入面係冇冷氣，如果天氣太熱就唔太建議去，而且熟食市場內嘅環境真係一般，只適合趕快用餐嘅人士，如果以價錢嚟講，呢度嘅收費都唔算話好貴，一般打工仔都可以接受。

今日同同事去左南朗山道熟食市場既生記食家食早餐, 我就叫左沙嗲牛肉米粉加火腿煎蛋同方包,飲品就叫左杯熱檸水, 呢到既沙嗲牛肉都算好食, 個沙嗲汁有沙嗲味同甜甜地既,同牛肉份量都算多, 今時今日$30既早餐, 呢到叫好高CP值啦。係環境同坐得唔舒服。

黃竹坑，喺我眼中已經係一個美食沙漠。除咗之前介紹過嘅一間樓上外賣飯盒舖頭之外，真係冇乜邊間係可以用正常價錢食得到一個午餐。嚴格嚟講唔係冇美食，雖然我未食過，但係睇食評同人流，質素應該唔會太差，只係太貴，對於低級員工嚟講，八九十蚊食一個午餐實在太奢侈，所以我係唔會去食。所以今次就去返平民化少少嘅南朗山道熟食中心，上次試過兩間，質素都比較差。今次就試一間比較多人推薦嘅「生記」，試試佢個招牌椒鹽肉排飯。落單唔夠一分鐘，飯已經上枱，心知不妙。點解咁講？因為上菜速度咁快，即係肉排唔係即叫即炒，而係一早整定。果然不出我所料，飯係熱，肉排係暖暖地，肉質唔太韌但係冇肉汁，皮唔夠炸脆，椒鹽味唔重，好彩嘅係啲豉油可以撈到飯食。雖則味道真係好一般，但係價錢就真係抵，如果堂食唔要飲品就$35，另外佢有午市套餐都係$39，性價比嚟講真係贏盡其他區內我試過嘅餐廳。不過，眼見隔離枱嗌嘅乾炒牛河，色水又幾靚，下次都係試返一啲有得即叫即炒嘅食物。

來到這個工業區黃竹坑 相約在這邊工作的朋友在這裡食lunch 我們這次選擇了在平民大眾化的熟食中心食飯 上網看到這個熟食中心有很多泰國菜 但這次不是要食泰國菜 而是一間毫不起眼但食物方面另有驚喜的生記食家 這家店是我朋友的飯堂 這裡的老闆娘也跟我朋友很熟絡 所以坐下後二話不說已經為自己點了這邊馳名的椒鹽豬扒飯加上他深知我很喜歡食牛腩 所以亦為我點了一道清湯牛腩等了一會 眼看老闆娘已在廚房中捧著一碟又一碟的椒鹽豬扒飯出來 看來真的這裡的椒鹽豬扒飯真的很有名呢！很多人都是點這個 等了良久 終於終於我們兩個所點的飯來了 椒鹽豬扒飯果然不俗 豬扒很香口亦有適中的椒鹽味互相輝映 雖然飯只是加上普通的豉油 但完全沒有覺得單調 而是覺得恰到好處 因為這樣就不會令到這個飯整體感覺太濃味！而我自己期待的清湯牛腩飯 來到的時候碗中的清湯腩已香氣撲鼻 而這裡不是用普通的牛腩 是用高一等檔次的牛坑腩 所以肉味很濃很香 而湯頭清甜非 可能因有白蘿蔔的關係吧 而白蘿蔔雖則是配菜 但亦是這道清湯腩的亮點之一 清甜而軟腍令人略感驚喜 而難得的是這裡的飯完全是平民價格 但有這樣的質素 真的是性價很高 甚感滿意

又到左星期五出去食飯嘅日子今次去左呢間住於黃竹坑熟食中心地下嘅生記食家其實黃竹坑真係生乜餐廳，大部分嘅餐廳都係工廠大廈同呢個熟食中心咁大部分食客都係為填飽個肚，所以食評真係唔多係揾lunch食咩嘅時候就揾到呢間評價好似唔錯，仲要話係30蚊一個飯呢d價，就決定星期五去會一會他呢間舖個餐牌唔似其他舖頭咁每張枱都有，係要問他們拿嘅咁我就叫左個鮮魷魚炒河都真係幾大碟下，我一道覺得我會食唔曬，不過最後又食得曬喎，所以都真係幾好食，幾有鑊氣下，魷魚唔算好多，但食得出好新鮮，而且比起係其他地方道食，份量一定無他咁多

嘩!嘩!嘩! 月巴把口除咗多野講同衰衰地之外,我發現自己原來都幾鐘意食野...嗯..咁不如就由今日起...把心一橫,學人寫下食評兼同大家分享下自己的食程話說山長水又遠要去黃竹坑一轉,於是試坐南港島線,轉眼間到黃竹坑,B出口一出就發現到希！望！ ...南朗山熟食市場唔知大家有無發現香港有好多「熟食市場」都係臥虎藏龍,好多高手大廚？？？雖然朝早食到飽飽地,但難得見到個熟食市場都走入去八下,午飯時間都幾熱鬧,未上樓上已經望到有間「生記食家」,好似幾土炮咁,行過見到哥仔個飯唔係果種「包唔會餓死你」份量..立即一閃就入咗去,１個人最易搵位,主持人姐姐都幾好人,見我望下望下唔知食咩好,佢話呢度好多人鐘意食豬扒飯!..諗都唔洗再諗就聽姐姐推介,一個「就咁豬扒飯」丫!!咩叫就咁豬扒飯?即係就咁椒鹽豬扒,餐牌稱呼佢做肉排..跟飯+少許豉油汁..等咗一陣..即叫即炸的「就咁豬扒飯」登場,脆卜卜的豬扒鬆軟無比,再配飯+少許豉油汁簡直一流!!!外脆內軟的豬扒,入口時仲熱辣辣,加埋豬扒面的辣椒+爆香咗的蒜頭粒,簡直月巴指數爆晒燈對我黎講時時個口唔停,一日食到黑..碟飯的份量就剛剛好!!!可能大隻哥仔就要叫多飯,

我係返地盤工既，一直都係南區深水灣附近返工，而公司每日都會提供伙食，但因為都就快起貨，遲下就會調走，所以近排都趁機會約埋d同事出去外邊食個晏同傾吓偈咁。而食晏的首選我一定係揀南朗熟食中心，點解？因為呢到d大牌檔一來抵食又夠份量，最重要係好有地道特色，每一檔都等如一種味道、一股執着、一個態度。今次就食左呢檔生記食家，之前都食過兩次椒鹽骨飯，真係唔錯，呢次就揀左個中式牛柳飯，碟頭飯夠但牛柳略少，其實用既係平時茶記叫既薄牛扒，而個汁我人認為偏酸，加埋洋葱配菜只可算係中規中距，冇大驚喜。下次都係招牌鹽骨飯多汁多飯算！

黄竹坑？！大家都只知道係一個工業區，自從南區有左地鐵後，黄竹坑已經唔再係一個永遠唔識去亦唔打算去既地方。我就係近排睇左openrice介紹而去左黄竹坑南朗熟食中心揾食既一員。我當然信晒文章介紹啦 ，食左一間叫生記食家既大牌檔，據説呢間店有兩味招牌菜，分别係椒鹽豬扒飯同埋中式牛柳飯，我今次揀左前者。嘩！食落去真係好正，鑊氣夠、豬扒鬆軟、美極醬汁加埋軟硬適中的飯，真係冇得輸丫，最重要既事竟然只係三十蚊。我唔肯定太陽聽日係東方升起，但我可以肯定我會再泥。

店名：生記食家地址：香港仔南朗山道熟食市場 地下9號舖好味指數:7.5/10價錢：$30沙嗲肉片河小時候經常和家人來這個熟食市場吃早餐，飲早茶。隨着黃竹坑邨遷拆，這裡變得非常清靜，加上地鐵工程進行當中，周邊的嘈音和工程間產生的廢氣無疑減低市民進食的意慾。肉片嫩滑，河粉質感較粗且不滑，還有點粉。雖然如此，沙嗲汁味道卻很好，非常惹味。這裡的辣椒油味道不錯，而且夠辣。 查看更多 

南區，我可以說，是一個充滿了平民美食的地方，而且，因為地方相對來說偏遠，除附近居民或在該區上班人士之外，一般人不會無啦啦入黎，純為搵野食，尤其是搵個晏晝食。這一個《南朗山道熟食中心》，是多年前，我還在那中港車公司工作時，間中要到黃竹坑把老闆的私人座駕拿去維修時，就在車行的對面有一座街市，車行的知客常說街市好多野食，於是當年的我就慢慢去發掘這一個隱世大排檔，而當中，最令我懷念的，就是一家名叫《生記食家》的熟食檔。先說說老闆何師傅，多年前曾經創下一個紀錄，就是他用了1997隻咸蛋黃，製作了一個重達480公斤的大糭，而這一個故事基本上貼滿在檔口中能顯眼的位置上，可以說是這《生記食家》的生招牌。除大糭之外，馳名的有椒鹽豬扒飯，這也是我第一次來，店子的員工極力推介的唯一，也是我上好多次來，例點的美味食品。男主角是香味四溢的椒鹽豬扒，女主角是美味萬分之甜豉油，配角，就是淋上了豉油的白飯。整碟飯香味絕對是超過了十足，豬扒充滿了椒鹽的辛香口感，而入口的第一下是帶脆的，帶香口的，而這香味道直頭是滲透至豬扒肉的內心，味道完全飽滿，令這一個沒有丁點汁的飯都味道滿溢。另外好食的有中式牛柳飯，單是看那個汁已經知

八月上旬‧晴自從人不在這一區工作以後，也沒有來這邊吃早餐了。是日碰巧要在黃竹坑開會，因利乘便來這裡吃。要了叉燒米，加腿蛋。叉燒本身不算鬆化，但勝在不過甜也有肉香。火腿沒煎過，但配上半熟的煎蛋，加上淥得恰到好處的米粉，也好吃的。當然少不了的，就是一杯熱咖啡。

經常乘車經過黃竹坑，但很少去南朗山道熟食市場，記得上一次是十七歲那年，在工廠當暑期工期間。今天順道而來，看見地下至一樓，合共超過二十間食肆，全部都有營業，擠滿了枱椅，很熱鬧，但室內沒有空調，夏天在這裡用膳一定熱至大汗淋漓。在生記吃午餐，其實很似食早餐，茄子湯米粉配火腿、煎蛋及油包，連凍檸茶只需二十元。湯米的湯底很清，全靠茄子的香濃味道，奧妙之處是用肥豬肉來炒茄子。煎蛋是蛋黃完全被蛋白包裹，外熟內生，我愛用軟麵包來吃生蛋黃，麵包的牛油塗得剛剛好，最怕是牛油塗得太厚。凍檸茶少甜，有四片檸檬，味道很好。

十一月下旬．陰天天氣實在冷得令人抵不住，要喝點熱湯及吃多一點東西。還記得這裡的叉燒湯米是不錯的，就要了一碗之餘，再加腸蛋。叉燒仍然好吃，加上熱湯米，吃完以後人是好了好多。蛋幾油，而平時我是不吃腸仔，是日在早餐裡出現...純粹是叫錯了！我應該吃火腿的。熱咖啡幾得，香滑濃。總共18元，在這個熟食中心而言，便宜的了。