生龍清湯腩 (已結業)

嘆一句美味只能成追憶！自生龍第一旺角店（那時候只有荃灣總店，旺角是第一分店）開業不久便一真幫趁，起初水準很高，及至分店越開越多，水準一直下滑至普通，已有接近兩年沒吃生龍出品，今天到旺角中心看病，順道在生龍午膳，且看他們的水準會否止跌回聲。記得首次惠顧生龍，點了牛腩河粉及雲呑麵，那次的美味還印像深刻，牛骨湯頭濃香，牛腩焾滑，跟大埔群記的牛腩質素可謂丁噹馬頭 ；雲呑麵的湯頭甘甜，金魚尾雲呑蝦肉鮮爽，兩者都充滿大地魚的香氣，湯及雲呑都不遜於任何名店，惟生麵只是普通貨色。那時候，老闆還親自坐鎮店內，我曾問他雲呑湯帶回甘，是否加了羅漢果？他還稱讚在下舌頭靈敏。已多年未見老闆出現店內，今天亦然，未知是否由於老闆疏於巡店，導至質素下滑？今天惠顧真心希望食物能一洗頹風，及時回勇。緣起於牛腩雲呑，決定再點該兩項食物。雲呑麵 HK$32賣相可以，雲呑還是最初的金魚散尾。喝了一口湯，馬上滴汗，他們現在在竟然用了牛骨湯作湯底！這碗麵注定已經成為失去靈魂的行屍。雲呑，稱職的外觀，但內涵差勁，蝦肉屬死硬派，丁點的大地魚味都沒有。麵是普通外購梘水麵，反而以他最好，起碼可用不過不失去形容它。牛腩羅白 HK$40沒特別

半肥瘦淨清湯腩，依碟叫半肥瘦？咁肥腩咪全碟肥膏連肉都見唔到？清湯腩完全唔熱，只係微暖，所以特別油淋淋。湯底淡而無味，牛腩勁多肥膏，太過油要咬走。瘦肉口感實淨，味道中規中矩無驚喜，還可以唔難食。牛腩麵走蔥，我本來係食清湯腩麵架！依家兩點未夠就賣晒，如果早啲幫我落單可以有得食！叫第四次侍應先肯行過黎同我落單，火都黎！係咪要講國語先招乎呀﹗湯底跟清湯腩一樣淡而無味，今日唔夠賣加左水啦！牛腩一般乾鞋硬，幼麵一般鹼味濃厚，入到口但食完勁頸渴！坐低叫左三次都唔理我 ﹗我頭頂出晒煙、黑晒面想即起身走﹗比多次機會您，我叫最後多一次﹗發晒脾氣最後第四次個後生仔先死過黎落單，我要清湯腩麵走蔥，即刻轉身就走，我都未 order 完﹗要多個淨清湯腩細既。之後仲要話賣晒清湯腩麵，要轉普通牛腩麵，令我更火﹗搭枱已經比一群群既大陸友包圍住，嘈喧巴閉、鬼殺咁嘈！又坐得唔舒服，地方細、枱櫈頂手頂腳！幫襯過幾次都蠻滿意，但今次最差、最惡劣！味道差、服務差﹗本來去返泰拳，點知今日突然休息，諗住食碗麵就返屋企，點知食到一肚火﹗最後一次，無下次 ﹗除左第一次係旺角生龍覺得滿意好好味外，之後就越黎越差喇。

夜麻麻睇完戲肚餓，打算食埋宵夜先返屋企，點知行黎行去想食個幾間都關門，唯有再行入少少望下。見到呢間居然凌晨兩點有早餐賣，一於食個超早早餐醒神下，我諗呢餐應該係有生以來最早食的早餐。蕃茄湯豬潤米線，個湯都幾清甜，上面仲有一大堆蕃茄，真材實料！豬潤唔會煮得太硬，味道都唔錯。蕃茄湯菌通粉，除左通粉煮得太淋之外，其他無咩問題。普通腸仔同火腿，鹹左少少，不過個蛋就淡到無咩味，中和返。奶油豬好多煉奶，個人超喜歡！淡到不得了的雜菌炒蛋，完全無味可言，好彩唔會太油。食完咁豐富的早餐就可以返去訓覺。

昨天旺角一日遊, 先食個LUNCH, 12點半揀左生龍,不用等位,第一次食旺角呢間,點個咖哩牛坑腩飯, 沒有坑腩, 轉食牛腩, 咖哩味道不錯, 但牛腩份量略嫌少,埋單$70連飲品, 會間中覆焯, 但好似深水埗果間好食少少...

日前係旺角中心買完嘢之後，見有啲肚餓，就揀咗位於旺角中心對開嘅生龍清湯腩。看看餐牌，原來生龍清湯腩分店越開越多，是日揀咗招牌清湯腩河粉。河粉粗幼不一，湯底尚算不錯，並沒筆者想象般濃，河粉帶點鬆彈，口感極佳，而牛腩肉部分，半肥瘦腩肉不嬲都係筆者嘅至愛，軟淋易嚼，油脂分佈剛剛好，口感層次均衡，水準不錯。是日原先order咗招牌清湯腩粗麵走青，結果上枱之時竟然係河粉加頗多的生蔥，同侍應反映，對方竟然說是我order的沒錯，筆者也不想作無謂爭辯，急急食完即走~

好耐冇行旺角，行到差唔多又係時候搵下野食。。都知道旺角D野食又貴又未必好食，不過餓起上黎都唔理得咁多。。經過生龍，朋友話呢間d牛腩唔錯，佢想食。。咁就呢間。。朋友叫左清湯腩麵，我就叫左個云呑蝦子撈面。。朋友俾左舊牛腩我食，係幾淋唔係好多肥膏，不過佢個碗真係少得可憐，碗又細腩&麵又少。。我食果個云呑蝦子撈面，云吞入面蝦雖然細不過都幾爽，但係果麵就比想像中乾又咸, 我要加返好多湯先吞到。。最大問題係杯紅豆冰，d紅豆好似未熟，好鬼硬。。仲要跟餐加$13。。絕對不值。。仲有服務唔好，尤其坐收銀果個亞姑，冇禮貌，問多佢一句都好呼喝好唔耐煩咁回答。。雖然食粉麵啫不過我地都要俾錢㗎，都係客。。

呢度嘅牛腩認真無得頂!! 由於去食，仲有崩沙腩賣， 爽口丶彈牙丶入味，非常美味，可惜， 話晒叫牛腩河， 河粉無冬菜，始終差咁d，尤其係湯底嘅味道。另外，叫左個醉雞， 個醉雞好入味， 桂花丶杞子丶 紹興酒味道適中，唔會太咸，可惜雞肉好 "鞋", 最多值六分。 反而第一次食呢度既家鄉煎魚餅， 落左好多鯪魚肉，唔似坊間咁溝好多唔知乜野肉入去。 但建議泰式辣醬可以另上， 而個人認為，呢個餸應該 match 魚露 or 潮州辣椒油， 加支大藍妹就一流。p.s. 該鋪無酒牌，諗下好啦～

下午茶時段來個粉麵填填肚子~加料牛腩(半肥瘦)米粉，價錢的確加料，但牛腩仍然只有數小件，米粉份量略為多一點罷了，湯底清得很，沒有了以前的鮮肉味 鮮蝦雲吞麵，不用加料，份量已屬正常，雲吞算大粒，有5粒，蝦多肉少，但不夠鮮，幼麵梘水味偏重 黑白胡椒燴牛尾，胡椒夠香，牛尾切小件，夠入味，亦容易食，尚算保持水準~整體退步了，逐步追平外邊一般粉麵舖質素

身處旺角，食埋嘢，才搭小巴回家去。無咩心水，見到有間生龍，就進去。問阿姐有冇伊麵，佢話有，咁就要個爽腩伊麵，加杯凍檸茶。原來，伊麵要加成七個大洋，但出來的效果完全唔爽口，失敗。還好，幾件爽腩，味道和質感也不錯。凍檸茶，濃一點可以嗎?

又一次證明所謂著名食家之言不可盡信。慕名而來一試清湯腩，發覺何只遠遠不能跟城中幾家清湯腩名店相比，簡直就連街邊大牌檔的普通牛腩麵也遠遠不及。湯底只得一個「鹹」字，牛腩起「渣」，吃完兩塊後已覺牙齒痠軟。勉強吃完半碗已然放棄，隨後而來的強烈口乾感，證明味精應該落得不少。至於服務態度，本來好吃的名店有點「脾氣」我也可以忍受，但像這樣的食物水準，店員們依然可以眼看人低，實在令人佩服！

見佢懶專業，以牛腩做招牌，落單又問你要肥定瘦、稔定爽，以為好認真製作。結果，所謂牛腩，根本唔係脂肪與肉相間，或者帶筋膜嘅牛腩，而係肥還肥、肉還肉、死死實實嘅一舊牛肉。可以話有生以來，未食過咁韌咁鞋嘅「牛腩」，仲要三十幾蚊一碗，簡直有被呃嘅感覺！唔計牛腩，啲湯同啲麵都叫合乎水準。但係碗麵要等成20分鐘至到。計晒價錢、食品質素同服務，呢間嘢都唔合格。食佢，不如求其喺街市搵一間大排檔好過。

今天吃了很多高脂食物，其中一樣是這個美味的坑腩河~我選了偏肥的 (侍應生問我想要偏肥、半肥瘦，還是偏瘦)，雖然是肥一點，但真的很淋而且美味，其實，個人認為牛腩真的要吃肥一點才好吃~ 所以每當有選擇時 (不是每間食肆也有坑腩)，我都會點坑腩~至於男朋友，他選了 "一般" 的牛腩麵，即沒有指定要坑腩。個人認為一般啦~ 因不喜歡吃瘦牛腩~說實在，之前曾在幾間出名吃牛腩的食店吃過牛腩，但個人認為一般，到目前為止，還是喜歡這間食店的坑腩~

原本和朋友一心想食牛腩麵, 心諗生龍應該出名, 估計會好食...入到既時候都有數批客, 坐下的時候原本打算食牛肮腩及崩沙腩點知沒有, 那好!! 叫清湯腩怎料一碗牛腩河共有約三舊牛腩 盛惠$39, 牛腩不"林", 痴牙, 而且沒有牛味記得早半年前食, 味道和質素也可以, 但相比下差太遠!!!應該唔會再食...!!

繼上次獨自一人到生龍自隊腩河後，這次跟老公一起到這裡開餐，實行試多幾樣美食。到達生龍未夠八時，但餐廳已差不多滿座，還好有兩個吉位可搭枱。甫坐下即點最想試的金牌咖哩牛腩薯仔飯，老公則點了坑腩河及南乳豬手，繼而我再點幾抵食既炸雲吞。落完單等食。一路等一路有食客前來光顧，都是要搭枱的，生意不絕。最快來的金牌咖哩牛腩飯($53)，看上去色澤頗深，咖哩味香，但我不吃的配料如洋葱等煮到溶了，所以我深知自己會吃兩口就放下呢，牛腩煮得算腍，容易吃，我點了少辣，所以咖哩易入口，薯仔亦煮得入味，多吃兩口之後，就決定讓老公處理。這個時候炸雲吞及坑腩河($42)也來了，炸雲吞細細粒，差不多有十粒，賣$28真的好抵。這個尺寸的雲吞﹑盛器似曾相識，不禁讓我想起住宿舍時去可可店吃宵夜的情景。小雲吞沒有多餘肥肉，蝦肉夠爽，炸得香脆，熱辣辣的好味。坑腩河跟上次吃的普通牛腩河味道差不多，不過坑腩相對較腍。最後來的是南乳豬手($55)，件頭大，看上去不錯，可惜食落發現南乳味不夠，這碟豬手只有外觀而沒有食味的，不試也罷。這裡的店員雖未至於無禮，但有些食客(或遊客)可能會覺得不習慣，或感到不舒服。收銀的老闆娘除了收錯錢時才跟食

星期六的早上(其實已是11時多12時 )，我到旺中的診所替長居北京的大姐取藥，以便其新年回港時能帶走。唉！去到旺中附近，老遠已看到那條恐怖及討厭的人龍，又不知要虛耗多少時間才能上到電梯。正當發呆發忟之際，看到對面馬路的生龍清湯腩，由於之前在"開飯了"看過其中一位食友的食評還是相片，印象好似不錯，最近又想吃牛腩河，是以決定取藥後到此開餐。在門口看到巴基斯坦咖哩的字眼，以為自己去錯地方，抬頭再望，確實是生龍沒錯，於是推門而進。餐廳呈修長的，地方狹窄，人很多，差不多把所有座位填滿。由於只有我一人，所以店員很快幫我找了個吉位。翻看餐牌，以為獨孤一味清湯腩，最多有牛雜啦！誰知這裡既有雲吞﹑魚蛋﹑墨丸﹑牛丸，還有巴基斯坦咖哩﹑南乳豬手，最特別的有什麼牛面珠，雞湯麵等等...不禁讓我聯想澳門某麵食茶餐廳呢？八卦完一輪，我就點了最想吃的牛腩河。一碗37元，原來可選肥﹑瘦﹑半瘦﹑腍呢？我什麼都沒選，來的是很瘦的牛腩河。牛腩有5件，整整齊齊的排在河粉上。試一口湯，清但沒有太濃的牛腩味，可能牛腩太瘦，嚡口不軟腍。不過不消一會兒我已把整碗河粉幹掉。雖然味道未算特出，由於旺角租貴，所以這裡麵食價錢亦偏貴，(坑