生龍清湯腩 (兆和街)

營業中

休息中

好耐冇幫襯，因為越來越貴，喺荃灣想食牛腩飯，去開嘅嚮腩忽然休息一天，於是就畀次機會生龍啦！清湯牛腩飯原來已經加到$72 ，加凍飲仲要加$13，好貴姐！算啦，如果牛腩真係好食，一餐半餐貴啲都冇問題，因為以前確係ok好食的。飯到，食第一啖，嘩，乜個湯咁咸嘅？仲要係味精喊，好難食呀🤮啲蘿蔔仲要有一浸怪味🤮🤮食完覺得一定要寫番篇食評，以免其他人同我一樣咁上當！點知睇見原來之前已經充滿負評，怪只怪自己冇睇清楚先幫襯，發誓唔會再去！

前 (17-5-2020 Sun)日晏晝同老公落荃灣睇吓有咩幫爸爸買,老公話食咗晏先,咁去邊喥食?佢話生龍,我哋行到附近,記起素悅軒,行嚟睇睇,有人等室內位,老闆問我坐唔坐出面?我哋唔坐了,都係下次有機會至嚟幫趁.於是去返生龍啦,等咗一陣都有位,我決定要$40.00嘅杞子桂花醉雞米線,老公要好似$48.00嘅麻辣雲吞薯粉,$22.00嘅洋蔥咖哩牛肉角,同$12.00嘅罐庄可樂.冇耐,我嘅杞子桂花醉雞米線到嚟,米線份量唔多,啖湯幾清甜,口感接近過腍;醉雞入晒味,有酒嘅苦味,但夠凍同雞肉唔嚡.味道: 4分老公嘅麻辣雲吞薯粉變咗$58.00嘅麻辣牛腩薯粉,係亞姐落錯單,老公就話照要.呢個我完全冇試.最後洋蔥咖哩牛肉角呢?一碟三件大大件,好脆口,咖哩餡唔太辣,不過唔多覺有牛肉.味道: 4分環境:冷氣開得好夠.服務:如文中所講,我老公係要麻辣雲吞薯粉,但落錯單,而另一個女食客要將米粉轉通粉,但都係落咗米粉之後後嚟嘅另一組5人食客落完單後,都即刻check單,話呢喥會落錯單.睇嚟佢哋要改善喇.而我哋係有叫可樂,但一直都冇俾,好彩我又睇睇張單,唔係連我哋都唔記得.我同老公講,等佢食完至叫佢拎嚟,咁罐

簡單說幾句：第一次食忍唔住要寫食評，同事介紹的，我同事都算大整蠱，照計我應該冇得罪佢唔知點解話去開荃灣呢間,佢推介我我諗極都冇理由得罪佢，一入到去已經看那餐牌清湯牛腩的價錢如果係食得落口個價錢,應該差唔多呢個價，叫咗一碗先是第一啖同味道和水冇乜分別，已經知道賴嘢九成九，跟住食塊牛腩更加唔對路好似似啲雪藏牛腩,哽到好似九成九嘅牛扒一樣，味道和雪藏的牛扒冇分別，河粉質感非常差，真係嗰一刻諗住成碗河粉抌落地下，跟住返返去後面果間潮x園食，因為十分肚餓的關係只好食了七成，成碗垃圾，講完

讚一樣都無彈1. 叫點牛腩雲吞河，上檯果下真係嚇一跳，連蔥都切得咁差既河粉都真係第一次見，湯係味精湯，邊食已經邊有種好怪既甜味出黎，河粉黏埋一舊，有啲厚有對薄咁，雲吞係煮得太耐，皮係爛既，啲蝦爽到好似玻璃咁，最差係牛腩，羶夾韌，完全係食唔落2. 貴，咁填$58？！3. 圖文不符，門口寫播放香港電店31台，入去一睇，無線電視黎既4. 以如今既疫情，要求乾淨啲都得卦，最起碼，比杯熱水黎洗下野都好丫完全唔值得去食

11-1-2020 (Sat)同老公食完晏經過,見到呢喥有年糕賣,睇睇先,老公話買,咁我哋遊完荃灣先啦.返嚟後,我哋決定買$58.00嘅濃香芋絲糕同$48.00嘅雪耳桂花糕各一,預約咗喺24-1-2020 (Fri)年三十攞.攞咗返嚟睇,兩個size同樣係16cm(直徑),4cm(高),但當然濃香芋絲糕重過雪耳桂花糕.今日(25-1-2020 Sat)大年初一,家人返嚟,咁我哋可以食喇.雪耳桂花糕雖然切開有啲散,但好彩都叫做仍拮得起嚟食,而佢唔係好甜,食到清清嘅桂花味,爽口嘅雪耳份量多,家人都讚好食.味道:5分濃香芋絲糕,老公鍾意煎到脆口,食落,口感唔錯,夠粉,味道又唔太鹹.味道:4.8分環境:11-1-2020嗰日去定時,一入去,成間舖就係牛腩味.上次食評係訂完年糕後.第二個禮拜日(19-1-2020)朝食早餐.

19-1-2020 (Sun)日朝,同老公去聖安娜攞年糕前食早餐,原本想幫趁光榮冰室,但因為排緊隊同我哋都肚餓,所以唔等,轉嚟呢喥食.我要$48.00嘅百變常餐B6,即係叉燒米粉+什菌鹹牛炒蛋,奶豬飽,飲熱奶茶.老公要$55.00嘅特餐I,咖哩薯仔根肚飯,中辣,同加$3.00要凍奶茶.兩杯嘢飲到嚟,熱奶茶茶味唔同港式奶茶,可能因為佢哋係斯里蘭卡奶茶,唔係太啱我口味,飲到最後有啲苦.老公嘅凍奶茶就甜我滯.老公嘅中辣咖哩薯仔根肚飯到嚟,睇見唔算少,不過一定係有好多薯仔,我都食啖牛根肚,兩樣都夠腍,對我嚟講,中辣已經辣,老公話好食,拍得住亞龍咖哩.而我嘅餐呢, 睇見炒得太熟嘅什菌鹹牛炒蛋就失望,乾爭爭,只食到淡淡嘅菌味,鹹牛肉唔多;奶豬飽有烘過,又脆又甜,呢個就唔錯.叉燒米粉,叉燒係全瘦,但好彩唔算好乾,米粉爽,但湯底冇乜味,加啲醋食就啱啱好.其實以前只幫趁過喺荃灣城市廣場嗰間(https://www.openrice.com/zh/hongkong/review/1238-%E6%96%B0%E4%B8%80%E5%B9%B4%E5%A5%BD%E9%96%8B%E5%A7%8B-e221

雖說在開飯啦，食評幾乎是一面倒，但論食牛，呢到都是值得來，但只限是食牛肉咁loo.除了牛，這裡問好吃的是糕，價錢平，12元3舊，堂食會比外攜更大size。桂花糕一定要點，分2種，雪耳桂花有口感爽脆，杞子桂花味濃香甜。價錢有點點傷感，要49蚊，但蝦子非常多 料也足夠，湯底也可以喝沒味精，雖然比外面雲吞麵貴一倍，但都值得。蕃茄只是比清湯貴少少，但多少少價錢，就有相當多蕃茄，但可惜蕃茄湯淡而無味，牛腩依舊是主角，牛味足，也好霖。

一個人的午餐❤️上班族的午飯時間，偶然我都喜歡自己出去覓食，今日想食清清地，食米粉應該係清淡之選吧！雖然呢間店主打食清湯腩，喜歡可以落單要爽腩定冧。但今次我選擇咗食番茄牛肉米粉，喜歡牛肉軟冧、番茄🍅煮得好冧入味，個湯底配上米粉，成碗可以清晒！配上一杯凍檸茶走甜，埋單57，咁食得就不會太healthy 啦！

貴都算，見好耐冇食，上次入去想食見貴左咁多就走左今次心思思諗住貴一餐半餐冇所謂啦差唔多70蚊買左個外賣清湯腩飯以前個湯好正，次次都會飲晒，今次一飲，嘩，咸到痴線係直係落左幾斤鹽果種咸唔係水準下滑咁簡單真係好後悔揀左呢間離譜到爆！！明明肉同筋都算煮得淋，份量正常但真係極咸，唔係個湯煮得耐濃縮左果種咸而係好似一杯滾水落鹽果隻味！！！咩牛味都食唔到成晚都冇人投訴？定係外賣會另外落鹽咁搞笑？永久blacklist

我係而間生龍清湯腩茶餐廳叫左個(半肥瘦)清湯腩蘿蔔外賣..........外賣碗野入〇已經剩係得個所謂半肥瘦既四，五舊仔牛腩，但係〇感似食緊件瘦肉多過似食緊一件牛腩，牛腩仲鞋〇過d瘦肉，仲要唔知點解會有大舊骨既牛腩，可能我見識小，我真係未試過有骨既牛腩囉，煲老火湯煲到鞋〇既瘦肉咁樣。咁就收左我總共港幣52蚊..........份量好小得黎又難食拎52蚊食街邊牛雜仲好，份量多都唔會有骨又鞋〇!我以後唔會再去而間食店幫襯!!!!!

1. 侍應完全無問我要咩辣，直接上左純「巴基斯坦」的咖哩牛腩 ，淡而無味，食完背脊骨落。2. 牛腩剛上抬係微溫，似係放左好耐⋯3.牛的肉質好「孩」，似食香口膠後悔無睇openrice食評就入左去，好失望，食左成70幾蚊比d咁既劣質食物我，無下次。荃灣真係無野好食。劣。。。。。。。。。。。。。。。。。。。。。。。。。。。。。。

生龍大名，如雷貫耳，近來落户荃灣，多次路過而不入，今晚總算有機會了。店面高掛招牌，如無多少斤底，多半被拆招牌了。一場來到，點的自然是咖喱牛腩。坊間不少店為求餐牌多樣化，牛腩可配多味，可紅燒，可蔥爆，可咖哩，可柱侯，同樣事情都出現在雞球，斑塊之類，其實行家都知道，主料都一樣。牛腩就普通的調味蒸淋，客人點蔥爆就蔥爆，點的是柱侯就柱侯，其實味道根本只有基本，當中的牛腩與外邊的醬料，是不認識的。所以打從根本，我從不在多點這些菜，自知都是世紀騙案。偶然口痕，只可以自己動手。今次卻有點意思，口氣大，也相當有實力吧？何不一試，然而，五分鐘後我錯了。點的是咖喱薯仔牛腩，伙計慣性地問，大中小辣，肥腩瘦腩半肥瘦？我打從心底地震撼了，看來名不虛傳吧？連一般侍應都如此認真！滿心期待五分鐘，菜就上枱了。可笑是現實如此殘酷，咖哩是半溫不熱，如同我心也冷了一半。試一口咖喱，的確算是有別於一般荼餐廳用的大眾咖哩膽，有以洋蔥炒底的底味，小茴大茴各料香料也程現出來，但單單不熱也扣了一半分啦，何況味道本來就只比合格分鐘多一點，結果如何我就不說了。再說牛腩，半肥瘦，果真是半肥瘦，但是一半肥一半瘦，肥得油膩，瘦的瘦到有如煲湯肉

中秋節搵左好多餐廳都早收，唔洗做節既我地入左呢間餐廳食下，我地叫左牛腩河食，足料大碗，不過以價錢接近$50，我會選擇其他餐廳，可能我本身對牛腩未去到情有獨鍾，即使牛腩夠軟易入口，份量夠，都會覺得可以同等價錢，有其他選擇。

放工落住好大雨，為有揾飯食避一避，自已一個想食簡單d，見到呢度食清湯腩就入左來試下，一坐底店員就放低左杯清水封面張相好吸引，即刻叫反碗來食原來呢度除左清湯腩，仲岀名咖喱，下次可以再試下牆上貼住之前雜誌介紹過既報導叫左個清湯腩米粉(走青)，唔洗幾分鐘就來到，試左一淡個湯，味道有d淡，米粉量都算正常，蘿蔔好食，夠淋無渣，但只得一大舊呢碗嘢要成$49，但只係得5舊清湯腩，咬落去牛味唔算重，但就有d靱，唔係想像中甘好因為味道淡，所以加左辣椒油，但呢度既辣椒油係唔辣既

呢篇係我第一篇食評，係因為食完失望到要開account寫，等大家唔好中伏。好耐以前食過呢間啲咖喱薯仔牛腩飯係好好食，今日諗住咁耐無去就去食下。叫左半肥瘦咖喱牛腩飯加根，$72 + $7牛根。份量係多嘅，但一食落口啲咖喱汁一陣酸加燶味，可以話係無乜咖喱味。牛腩就大部份都幾韌，唔算入味。薯仔係烚完就咁撈落去，係無味嘅。牛根算係最好，舊舊都炆到軟哂同入味。總括而言，用$79食個咁嘅咖喱牛腩飯，真係唔會再幫襯。